祥勝茶餐廳

营业中

休息中

今日同同事來開呢頭做野 , 心思思想去嘆番個傳統既茶餐廳餐蛋麵或百炸豬扒麵 , 點知去到炳記剛好洗爐 , 原來佢地收五點 , 於是係附近睇下有咩茶餐廳食先 , 見到 [ 祥勝 ] , 記起之前都來過食飯 , 好似都 ok , 於是係門口睇下有冇下午茶餐 , 阿姐即埋來介紹 , 於是入去試下 , 坐下後阿姐推介我試下 [ 四寶方包 ] , 我問她 " 四寶" 即係咩呀 ? 原來是 : 餐肉 , 腸仔 , 煎蛋 , 豬扒 , 我決定試下 同事就叫左個 " 火腿奄列牛油方包 " , 阿姐仲建議我地一個方包烘底 , 一個唔烘 , 交換試下 兩個餐分別都係 $ 23 / 個 , 有埋野飲都算抵 而兩杯餐飲我地就叫左凍奶茶少甜 , 送來時真的冇咩甜 , 不過奶卻照舊多 , 搞到猜咩茶味 , 所以好似飲水咁 烘底方包夠脆 , okj 火腿奄列一般做法 , 無驚喜 - . - 最後要講既 " 四寶方包 " , 個名夠創意 , 其實無非係伴隨我地多年既早餐主角 , 無食佢地好似冇食到早餐咁 ~不過豬扒比較肥 , 雞肉腸又超咸 順帶一提 : 呢區的食肆中西合壁 , 新舊交替 , 新式 cafe

因工作關係去大坑去左一轉，一向都知大坑多好野食，走之前梗係醫下個肚先啦~一心諗住去炳記試一試佢個豬扒面，點知去到無開，唯有去第二間啦，機緣巧合下就黎左祥勝。祥勝係一間傳統既港式茶餐廳，傳統港式茶餐廳俾人感覺係：污濁、殘舊、伙記態度差。原來已經做好心理準備先入去架喇，點知入到去又無想像咁差，唔算乾淨，但可以接受；舊，不過唔殘，最驚喜係伙記既態度好友善！加分！坐低已經兩點鐘，叫個下午茶食啦。呢度既下午茶一律二十蚊，不過一個餐叫得一款野，即係叫炸脾就得件炸脾，無薯條食，算啦，叫個炸脾試下啦。等左一陣，炸脾就到喇一睇，嘩！好大件炸脾，仲睇得出佢炸得好脆！好，試下先，一啖落口，第一個感覺係淡，佢無用好多鹽，不過可以接受，對 於口味淡既朋友仲好適合！咬多兩淡，發覺仲有好多肉汁，唔似有啲餐廳既炸脾炸到乾晒，咬都咬到牙軟。雞肉夠嫰，肉汁夠多，仲要夠大件，不錯不錯。雖然少左沙律薯條，不過$20呢個價錢，ok啦~食完慢慢坐左一陣，收錢既時候阿姐仲會同你傾下計，真係一個唔錯既體驗。

八月中旬．晴其實早上只想吃一件多士，加杯咖啡。約了朋友吃早餐，是他說來這裡的。我早到，看了早餐餐牌，見有個「四寶包」幾有趣。只是19元，心想，「四寶」者，也不外乎是幾款醬吧。就要這個，加烘底。但原來，所謂的「四寶」，真的毫不欺場，就是煎豬扒、腸仔、餐肉及煎蛋，再加兩片牛油多士，要是說笑，不要說午餐，晚餐我也只是吃差不多這個份量的東西！就只要了件多士，邀請遲來的朋友吃其他的東西。多士是好吃的，切了一小豬扒，也厚厚的，不差。蛋是溏心的，煎肉也略煎過。19元，烘底還不需要加錢，經濟得無話可說。

大坑總令人諗起民聲冰室, 但很想介紹一下這一間茶餐廳門口位置很多車位, 更加可以坐在門口的位置環境當然不夠大坑那些有特色的貴價餐廳好但如果茶餐廳的情況下係唔錯的出名既食物豬扒!! 超好味的唔會"干憎憎", 煎得好香最愛食佢既豬扒撈麵, 佢既有湯個種反而無呢種撈既咁好味另外想介紹一下佢有個餐叫四寶其實係多士, 腸仔, 餐肉, 豬扒加杯飲品咁既如果唔想食個麵咁飽, 可以試下呢個餐架服務其實都係一般茶餐廳咁啦, 但去得多佢會認得你會多下野傾個種咁~ 食物送上都幾快手

閏五月十七‧炎熱 本來想去順興，但不知何解休息一天，唯有去別處。見這邊人氣也旺，想其水準應不差，不然的話怎會這麼多人幫襯？就進來搭檯坐下。 左顧右盼，看有不少人吃撈麵，但只是黑醬油撈即食麵，沒有什麼興趣。而豬扒也是熱賣的，就來碟豬扒飯吧！但見午市餐牌上有個「祥勝百搭飯」的，人家放得個招牌上去，理應有番咁上下信心，就要了這個百搭飯。 這個百搭飯，有煎豬扒、餐肉、腸仔及煎蛋，淋上醬油就是了，除了煎豬扒還有期待，就真的沒有什麼特別。豬扒炸得香口，肉質鬆化得過了頭，令人不太相信是「純天然」的效果，而味道是不錯的；餐肉、腸仔沒有什麼好寫，而煎蛋是全熟的，沒有好吃之道。配上的黑醬油甜甜的，不難理解人們會覺得這裡的撈麵好吃。 連凍咖啡一杯，埋單32蚊，下次真的要確定順興有開門才來。

This local cafe was busy and fully occupied during the breakfast time; it must be the pricing or the foods quality - we gave a try today. We were recommended with the combo noodle without any soup - it came with pork chop, sausage, ham and egg - how it was called combo. We also ordered the beef noodle. The beef was preserved with too much corn flour - it did not give you the fresh or original taste of its texture. The noodles were so so and the milk tea ordered was far too thin - not showing the

一支公在大坑那邊，到了吃飯時間也終需要吃飯的，就快快手來附近食店的浣紗街進發，吃個方便的午餐。本來想去炳記撞一撞阿Eason的，但走到附近從遠處望好像是未開檔咁，就求其找一家未吃過的吃吃吧。最後到了一間叫祥勝的茶記，在正午時份，也是全院滿座的，很不容易找了一個角落的位置坐下。先看看餐牌，見到有什麼祥勝招牌飯，通常唔知吃什麼的話會叫這些的，所以也好奇的問問店員其實是什麼，啊！原來是餐肉腸仔火腿蛋飯，是港式的大雜會的貨色來的，今天沒有興趣，店員立即推它們的蒸餸，我也立即反問有什麼好介紹先，她說試試豆豉綾魚蒸排骨，我呆了一呆，什麼？豆豉綾魚蒸排骨！隔了良久，才如夢初醒的說就要這個吧，另外由於也有一點點感冒象徵，所以也點了熱檸檬茶，吸收維他命C。飯來了，蒸餸與飯底是分開上的，飯底加了點老抽及兩條焯菜心，而豆豉綾魚蒸排骨則用上大概三分之一至四分之一罐的豆豉綾魚加上數片腩排蒸成，既然大家吃豆豉蒸排骨吃得多，現在也不用另外自己入貨買豆豉，以現成的罐頭豆豉綾魚當豆豉的部份，還送你一片魚，還要求什麼，而肉排也是軟軟的，肉質不韌，但肉味欠奉，但與豆豉此等濃味的東西同蒸，也不會難吃，所以也輕易的下了這碟白飯

是日午餐, order 如下:四寶方包 (餐 $18) - 其實係方包兩件 + 午餐肉一塊 + 荷包蛋一隻 + 腸仔一條 + 豬扒一塊. 腸仔, 午餐肉同豬扒都煎得好香, 荷包蛋一流! 食呢個 set 會好飽 ga!孖寶雞翼 (餐 $18) - 上到台仲炸緊, 吱吱聲! 好香口. 完全唔知點解係"孖寶"? 其實只係炸雞翼 3 隻. 味道一般. 同其他茶餐廳冇分別.overall平.水準一般. 只係一間茶餐廳而已. 又唔係太好食, 又冇 d 咩特別出名.衛生極差. 台上有昆蟲數隻. 茶杯有好厚 gei 漬!成日落錯單, 隔離台要一碗四寶面, 出錯左兩次.

24-1-2009食完糖水再搵地方食 tea, 見炳記無開檔, 0黎了呢間人多擠迫的街坊茶記迫埋一份. 熱奶茶先0黎, 茶味奶味 60:40, 飲落夠滑, 正! 不過朋友就話覺得太「茶」, 嗜奶味重的, 睇0黎應該叫「多奶」.再0黎朋友的西多士, 煎得金黃色, 賣相幾靚, 不過唔脆, 十分 soggy, 唔夠蛋香, 唔多好食.我就叫了腿蛋治烘底, 賣相一樣靚, 炒蛋厚厚的, 又香又熱辣, 如果有蛋汁就好了 火腿就係普通「金妹」貨色, 味道正正常常.環境十分迫夾地 mou, 衛生一般, 阿姐阿叔們就粗聲粗氣得來幾友善, 果然係舊式街坊茶記.埋單每人 $18, 百份百平靚正, 會再0黎的 -- 為0左試試佢個煎蛋肉餅飯!

打算去興發，原來逢星期日休息，唯有行遠少少去大坑。大坑有不少出名的食肆，今次又試下祥勝，店內及店外旺場得很，幾經辛苦在室內找了個位置。豬扒公仔麵-豬扒出奇的多，煎得鬆化不乾身，雖然沒有鄰街的炳記醃得那麼惹味，但起碼沒有一陣雪味外，又沒有強烈的鬆肉粉味。公仔麵質感很似出前一丁，但湯底又不是麻油湯底，味道特別，明顯有加工過的。太陽蛋叉燒飯-那兩隻太陽蛋搖搖欲墜，很吸引。而叉燒又是大大件、肉質很好。而甜豉油來撈飯又是滋味，我也吃了很多。奶茶很有傳統茶記特色，茶味香濃、奶細滑，呷後立即醒神。試了三款食物也很有水準，難怪咁多街坊鄰里也幫襯。

I live nearby so come here for breakfast every morning. I must say that at least 80% of the people eating breakfast there order 招牌撈麵. It's 撈麵 with prok-chop, sausage, chicken wings, ham, luncheon meat, an egg and some veg. The sauce used in soy-sauce. Having this 撈麵 for breakfast is REALLY good, it gives me a good mood to start my stressful days of work!! Apart from this 撈麵 I would also recommend "tender beef with macoroni", the beef is soooo tender and it's just excellent for breakfast..!!Break

同老婆行下大坑，本來想去順興，點知下奏落場，於是黎左呢間，舖面真係好細，得幾張檯，叫左兩個下午茶餐，一個豬扒三文治炕底跟凍檸樂，一個火腿奄列跟多士凍檸茶，個豬扒治唔錯，個奄列超大，不過蛋煎得耐左，比較乾，整體食物質素一般。不過食野其間好多街坊黎幫襯，同伙記有講有笑，心諗這些街坊小店，賣點並不是質素，人情味濃才是主題。

今朝行左去大坑食早餐, 又去左祥勝. 佢既招牌撈麵最特別, 好多料, 有腸仔, 午餐肉, 火腿, 煎蛋, 豬扒, 再加甜醬油撈, 食完好飽.另外, 仲有個叫祥勝百搭麵, 同招牌撈麵一樣, 不過係放湯的.

這裡的早餐有十多款的選擇，每款18元，包熱飲﹗1. 腸仔煎雙蛋，煎豬扒–豬扒有兩塊，不過味道較鹹，其他都沒什麼特別﹗2. 火腿通粉，餐肉煎雙蛋–普通啦﹗由於這間門口可泊車，所以不失為一個好選擇﹗

午市時間, 有天天轉款快餐.時菜炒牛肉飯& 燒鵝飯、燒飯. 新鮮, 即叫即炒, 熱騰騰的. 味道不俗. 只是油多了一點.附近車房多, 環境自然麻麻, 舖頭小小, 做街坊生意, 價錢合理, 食得快走得快, 在這兒來一個快餐, 適合不了.