神戶日本料理 (已結業)

同女友拍完拖仔咁岩肚仔有啲餓，就去左呢間居酒屋試試。由於唔知有咩好食，就問老闆有啲咩好食嘅推介，老闆都好用心同我介紹👍🏻👍🏻鰻魚手卷鰻魚大塊 味道唔錯😋😋日式炸餃子炸得岩岩好 外脆內嫩 仲有肉汁👍🏻👍🏻好味燒雞翼燒得啱啱好😋味道唔錯 老闆仲好好人送多咗一串嘢食俾我👍🏻👍🏻👍🏻雞泡魚乾 秋刀魚 雞腎 送酒必備😋😋😋老闆推介啲嘢食整體唔差，好味。價錢又唔太貴👍🏻👍🏻老闆同店員都好nice，下次經過都會再去

上星期日同朋友係到食生日飯第一次係到食，餐廳環境雖然比較細但係食物的味道非常之好👍！所有食物都保持到最大既鮮味，我覺得最好食既係餃子同鯖魚👍餃子好味多汁餡既份糧岩岩好吾會太多肉或太少菜，鯖魚吾會太燶外脆内滑保持到魚既鮮味係到😋仲有食左個泡菜豚肉烏冬烏冬既湯底食吾到有味精味，豚肉同烏冬嘅份量亦唔會太少！平時食日本菜總會覺得吾夠飽，但係係到就算食好少都會覺得好飽好滿足🥰！！！絕對會再一次幫襯😋

見到OpenRice 食評，同相都好靚。就諗住返工前食個外賣啦。點知大失所望。叫左野菜牛肉烏冬，落錯單，又唔出聲。當冇事前菜嚇親人，幾條粉絲+麻醬。就叫做前菜，完全唔掂啦⋯⋯主食，好似好大碟，食食下發覺勁油，唔係汁。最勁，就係個餐外賣冇茶碗蒸，但價錢係一樣。真心冇下次，好想幫襯小店，但完全唔掂。

星期五想同幾個親友敍一敍 食好西 大家都想飲下酒放鬆下 就決定係沙田大圍區睇下有冇好野食 意外發現大圍新開左一間日本料理店 一於係openrice 訂定枱 因為已有訂枱 去到即時有位坐 唔使點等店面環境座位正常 不會太逼夾 我呢個肥人坐都ok 比想像中理想整體食物全部同行人幾滿意 中上質素海鮮/刺身 全部都好鮮甜有口感熟食類亦都唔輸蝕 串燒嘅火候調味剛剛好 好惹味去食日本料理一定要叫枝清酒先夠夾夠爽呢間日料嘅Sake 種類都算多我地5人同行 叫左枝1800ml 的作 zaku，配埋啲食物，飲得非常盡興同行人都表示一定會再幫襯，住沙田/大圍區的朋友，可以黎一試。

我最鍾意啲日本餐廳係用呢種Wasabi😆個8爪魚刺身好特別..其他刺身都好新鮮🫰🏻但我唔記得咗叫咩名😂我哋預早打電話留左隻限定蟹🦀配埋佢個醋啫喱一啖食🤤好似叫香箱蟹和牛小食～夾埋佢啲洋蔥+個醬料..幾個fd都勁讚🫰🏻卡邦尼烏冬～估佢唔到原來烏冬得黎又好夾呢個汁..👍🏻炒野菜～食完一碟再encore多一碟😌串燒叫左..牛脷勁淋🤤燒羊架..燒秋葵（唔記得左影😆）同埋串燒冬菇..仲有蒸蛋🫰🏻炸紫薯粟子餅👍🏻炸芝士波波👍🏻再叫埋柚子雪糕高質🫰🏻會再黎食🥳🥳生日果位相當滿意..

今日去食咗個lunch set，8件壽司套餐有驚喜（跟迷你烏冬湯等），但係美中不足就係冇得選擇⋯⋯師傅都用咗好多種魚（我只係知道咩叫拖羅同海膽其他佢同我講完都唔記得），大圍區內算有水準嘅日本餐廳，套餐跟左茶碗蒸沙律前菜同湯算抵食為起廿蚊件追加左秋刀魚刺身，刀功及擺盤一流⋯⋯朋友就試咗三色丼飯，追加左三文魚三件$38（尚算吸引）及芝麻雞翼！晏晝佢都覺得性價比好高好高，百零蚊食日本嘢正正常常不過失，嚟緊有機會同朋友試佢夜晚嘅居酒，見到隔籬枱叫咗個刺身都好吸引，（我食完兩件先記得影相🤣）

同朋友慶祝生日 揀咗呢間居酒屋試 無論食物同店員都好好👍店員推介嘅海膽蟹肉沙律同和牛胸腹好味 個人認為配洋蔥好夾 左口魚邊壽司好香 入口即溶酒方面我哋揀咗東洋美人同三粒米 東洋美人甜甜哋 易入口 如果大家都試呢兩支嘅話 建議飲咗三粒米先 口感層次唔同最最最驚喜嘅係個甜品 椰子雪糕 超滑超creamy🤤🤤🤤一定要試

屋企附近越嚟越多都唔同類型嘅高質餐廳，除咗💛💛咖啡店米線店之外，終於有間坐得舒服又高質嘅日本餐廳可以選擇～今次點左既午市精選係海膽飯立貝三文魚丼，成個精選包埋咗前茶，沙律，茶碗蒸同埋湯，份量滿足並且味道高質。剌身飯酸度同刺身好夾，唔會食到一半覺得好膩淨返d 飯。 唔倒豉油都食得晒d 飯 兼食到真味...午餐價錢合理$118高質， 睇個晚餐餐牌仲有omakase~ 正正子，今次試左午餐都咁正，過幾日再黎試晚餐先～