神戶屋日韓放題

营业中

休息中

食放題，很多人最重視刺身的質素，畢竟首輪必是以刺身為主、再到壽臨司、前菜、燒烤、天婦羅、和食及甜品。今日跟食量無底洞一樣的朋友聚餐，朋友訂了「神戶屋」晚飯，顧及大家的荷包。自定刺身頭盤點單紙共16款刺身，我們只挑想吃的，整體刺身不錯，質感有彈性，味道甜而不腥，愛吃刺身的朋有可重覆點。燒菠蘿、燒鯖魚菠蘿香甜多汁帶微酸，若果厚身點更為口感豐富。薄薄的魚皮燒而脆身，肉質結實滲透魚油香。玉米、毛豆蔬果類別不過不失，正常但沒驚喜。燒蝦蝦肉肉質蠻彈牙，味道也不錯，但一定要拆殼吃。放題來說，性價比不俗，種類多元而味道不錯。

兆曼有好多間放題但揀咗呢一間試吓入到去都係同其他放題一樣，有好多唔同種類嘅嘢揀，仲有得打邊爐係未點嘢食之前，會先有沙律拼盤有中華沙律，墨魚仔，都好開胃好入味之後叫咗個麵豉湯，都好足料，湯入面有好多海帶再來試下個清酒煮蜆，啱啱好一口一隻，而且d蜆無咩沙，有清酒味，鮮味之後就上左刺身拼盤，好大好多料。三文魚都好厚。刺身都好新鮮，冇咩雪味。我就最鍾意個帆立貝同埋蝦刺身，仲有泰式生蝦。而且仲有得揀海膽刺身再嚟就係天婦羅炸蝦，上到嚟仲係好熱辣辣，仲有煙噴出嚟應該係即叫即炸。粉漿唔多，唔會好厚粉，啱啱好包住一層就食到入邊嘅新鮮蝦。好好食叫咗幾轉炸雞翼，個味調校得幾好，算入味而且都好香口好脆燒牛舌同埋雞串燒，香口濃味埋單二百幾一個人 我地仲有用埋個fb 優惠 好似平多少少

仲好記得中學回憶就係食放題, 差唔多一個月都黎幾次兆萬食放題~ 宜家打多得邊爐, 真係少食左好多~今次再黎到兆萬, 呢間神戶屋好抵食, 係OPENRICE有COUPON 可以$179食足6個鐘! 不過其實點會食到咁耐丫~ 都係食左2個鐘就走~一坐低就寫一盤刺身先~ 咁多人梗係乜都叫D! 除左三文魚北寄貝呢D大路野, 我就好鐘意食甜蝦同帶子, 呢到既帶子都幾大粒, 仲好鮮甜! 而且仲送左2片海膽比我地哈哈! 無苦味幾甜唔錯喎!除左一般放題都有既炸野, 呢到仲有好多韓國野, 人參雞果有, 不過我地就真係食唔落啦~叫左個日式拉麵, 都相當唔錯~ 炸野唔錯, 熱辣辣~其實熟食都幾好食, 一口牛/炒蜆都幾有鑊氣, 感覺每樣野都係新鮮整起~甜品方面就少D選擇, 不過我好鐘意呢條芝士雪條, 咸咸甜甜咁好好味~~

今晚同好耐無見既朋友出黎食飯，朋友剛由外國返黎,話想食日本野，咁我就揀左呢間日韓放題，貪佢好似有好多野食！我地BOOK左六點半，去到已經好多人等位，好在我BOOK左位，侍應就帶左我地去卡位，然後我地即刻叫左個日本和牛壽喜燒，都幾好食，Ｄ牛又厚又多塊，呢個唔錯！不過可惜除左呢個之外，其他都麻麻……例如呢個生蠔同海膽，好腥唔新鮮，送既都唔好食！除此之外，果Ｄ牛油粟米就真係「粟」既，我食左一啖就放埋一邊！我朋友叫左份牛舌，其中一部分未燒熟，血淋淋，唔敢食！而個烏冬就浸得太淋，無晒口感！以上食物都嘥晒，不過無計，唔新鮮既野食唔通照食咩？！不過又唔係全部都差既，例如壽司都幾好食，款式普通Ｄ但至少新鮮入到口，刺身都OK，所以唯有食多Ｄ壽司同刺身啦！

好一段時間無食放題了，今日難得同媽咪撐檯腳，決定請佢食餐放題放縱一下！講到旺角放題，少不免都會諗到兆萬，係樓下派傳單嘅員工努力推介之下，今次就黎到位於8樓嘅神戶屋。對於樓上放題，我嘅印象都係環境逼夾，但呢度反而座位都幾闊落，由於都比較早嚟到，所以仲可以坐到卡位添。呢度店員服務態度值得一讚，一坐低先係同我地介紹食物分類，落單安排等，主動問我地需唔需要點精選鍋物先，態度好親切首先打頭陣嘅係一盤好精美嘅刺身海膽同生蠔係按人頭比，不過都大大啖！欣賞佢地生蠔好乾淨，望落新鮮，至少外觀都比到食客信心先啦唔洗幾耐即刻上埋個部隊鍋，入面啲料堆到成個鍋都係，有金菇、厚切午餐肉、腸仔、年糕等，仲有好多塊芝士。隨鍋仲附送一包辛辣麵，加埋包辣粉入鍋煮更加惹味雖然哩個咁足料嘅部隊鍋對於食放題黎講，係會霸左肚入面唔少位置，不過係幾好味嘅，媽咪特別喜歡燒物方面推薦嘅有羊架，唔會有騷味，同埋肉質嫩滑。另外炸物同天婦羅都相當出色。熱辣辣唔係一早炸起，天婦羅個皮略嫌厚左少少，不過唔會皮肉分離，炸到卜卜脆，特別喜歡佢嘅天婦羅多春魚，多春魚嘅春無苦味，炸完都食得出幾肥美，唔錯哩度嘅芝麻雞翼都好抵讚，皮薄香脆，唔似出面有啲皮好

行開旺角又好耐無食過放題就同左朋友黎呢到食返餐午市放題。 以前中學都成日黎食，今次返返黎回憶返返哂黎。依舊坐底就會即上一盆魚生，每款都好足份量，基本上食哂都唔洗再加。之後叫左幾款壽司試下，食得出食材同魚生一樣新鮮，而有新式既黑松露壽司，食落口係勁重黑松露味，有驚喜。之後叫左個炒蜆，食落都好惹味，而且份量岩岩好，唔會太多唔想食式者太小又唔夠喉。之後又有叫左個通菜，又係幾惹惹味。而且菜都唔係黃哂個款，絕對食得過。之後叫左個焗元貝，一大pat沙律醬一齊燒食落勁香口，size細但狂食都絕對一流。最後叫左個心太軟，食落去都好流心，又唔會太甜，唔錯。

好耐冇食放題，去完台灣旅行，又想食返啲日本野😂所以就嚟咗兆萬食放題😆不過依家都好少食刺身，所以今次主要都係食熟食。坐低另外會有一張紙仔比你揀壽喜燒或者部隊鍋，我哋就揀咗部隊鍋，上枱嘅時候見到湯底好淺色，同埋好多芝士好多配料，因為原來加埋個辛辣麵同埋味精粉就會變一個紅卜卜嘅部隊鍋😂而且加咗芝士又辣又甜好好食！另外壽司同埋炸嘢都幾好食，我最鍾意就係香芋丸同埋榴槤炸彈!!火炙三文魚壽司笑得啱啱好有少少焦香幾好食！

有時出街諗唔到食乜 放題真係一個好選擇所以我今日就去咗旺角呢間神户屋日韓放題呢間放題好似都幾Full 大家記得要book枱呀原來依家有期間限定嘅日本和牛壽喜燒同埋韓式芝士部隊鍋Book枱仲可以三選一有刺身生蠔同埋韓國雪條揀有六款唔同嘅醬汁配料大家食放題第一Round一定會必點嘅刺身呢度嘅刺身都好新鮮仲有勁多款食完刺身就試埋呢度嘅壽司壽司同手卷依然都係有好多選擇清酒煮蜆好大份幾香酒味牛舌比較厚切幾有咬口羊架都幾大塊煮得啱啱好黃金芝士燒廣蠔除咗面頭有芝士下面仲有沙律醬同埋火腿等配埋生蠔一齊食好好味鹽燒海蝦好食好新鮮炸鮮奶食落有少少似煉奶好香甜呢個就係三選一嘅生蠔同埋海膽迷你炸雪糕記得一上枱就要即刻食入面係雲呢拿味雪糕炸香芋波波同埋榴槤波波呢個都係每次放題必點嘅呢度嘅飲品櫃都有好多唔同嘅飲品選擇雪糕櫃

今日約咗中同一齊出嚟食飯大家都唔知食乜好又咩都想食下所以就去咗兆萬搵放題食啦貪佢方便又多嘢食其實我係第一次嚟神戶屋食放題食物選擇都幾多有刺身 沙律 前菜 天婦羅 鍋物 一品料理 韓式料理 串燒 端爐燒 鐵板燒 壽司 軍艦 手卷 拉麵同埋自選火鍋首先叫咗一大盤刺身刺身完全冇漏單仲好厚切鋪得好靚Po得又靚壽司方面都叫咗幾款試下整體都唔錯呢個韓國麻辣帆立貝比我想像中辣好多都幾惹味產地直送海膽壽司同埋空運直送生蠔每位只限選一份天婦羅蝦都幾大隻炸粉唔會好厚羊架煮得幾好好嫩 好易咬北海道燒扇貝面頭有啲燒咗嘅芝士勁香呢度嘅炸物同埋燒物都煮得好好鹽燒雞翼唔知點解有少少辣辣得嚟都幾好食 日本香芋丸 榴槤炸彈 迷你炸雪糕 燒有機菠蘿上枱真係熱辣辣勁香口菠蘿仲要好甜嘢飲除咗樽裝嘢飲仲有紙包嘢飲仲有我最鍾意食嘅呢隻芝士雪糕

好耐未食過放題啦，於是前日就約咗個朋友仔去旺角嘅神戶屋食個晏晝啦🙈🙈一開始我哋就叫咗個刺身拼盤，全部刺身都大大片，而且都好新鮮，而且上枱嘅數目同我哋嘅數目係完全一樣㗎👍🏻👍🏻之後我哋就叫咗啲壽司試一試，黑松露玻璃蝦壽司同埋黑松露帶子壽司都好重黑松露味👍🏻👍🏻👍🏻炒蜆同樣做得不錯，好難得係日式嘅放題食到中式野，都幾特別而且羊架同牛舌嘅份量都唔細一口芝士係完全啱晒芝士控，除咗入面充滿着芝士之外，外面仲加左啲芝士醬👍🏻👍🏻而且佢仲提供啲比較少見嘅飲品，呢款咖啡我係市面上就冇見過啦，但都幾香奶味㗎

入座後,一如其他放題有部份尊尚食品可先行免費選擇我就擇左海膽同生蠔,海膽色澤光鮮生蠔夠肥,如果唔喜歡呢兩款,可以選擇韓國雪條,入口處咁岩見到好多款式可以擇而且仲有日式和牛壽喜咼或韓式部隊咼,2擇一之後就可以劃紙仔由A到I 唔同類別無限 refill 既放題喇放題重點當然少不了日式魚生刺身,有三文魚,希靈魚,甜蝦,泰式生蝦,玻璃蝦,北寄貝,鮑片,榮螺,珍寶帶子,玉子同象拔蚌,款式繁多而熱食方面, 魷魚鬚,燒菠蘿, 鐵板炒銀芽都值得推介！

之前聽到兆萬吾太敢興趣，但去旺角又想坐得耐傾計冇咩選擇了。放題有吾少，但比較下入咗8樓飲品甜品自取、落單剔字仔。刺身幾新鮮架，叫咩都會俾足，吾會自動減少。佢送咗個邊爐仔，可另點其他配料。呢個和牛火煱不錯，足料，我地仲加個辛辣麵，件滋味。炒牙菜好香囗、老公食咗好多。魷魚酥好惹味香口。燒波蘿幾正，加咗2次單我點了很多野食，如果不另外加錢，都有好多款㨂呢款好飲，贊。整體食物質素不錯、環境又舒服，值得再三幫襯

今晚早左收工，同個fd突然想食放題，就簡左兆萬8樓呢間神戶屋，入到去，環境個feel幾好，服務態度都吾錯，有笑容，good!佢好似韓國咁，會有啲前菜，嘢食選擇都幾多，仲有二客海膽送，正呀緊係叫刺身先，睇落都幾新鮮，特別推薦牡丹蝦好大隻好肥美，十分滿意我地見到有得叫飛天通菜，好奇下叫左，又估佢吾到幾野味咼🤣🤣如果唔食得辣嘅朋友仔就吾好試啦！因為佢小辣都幾勁，但好食既！另外，叫左熟食炸物，都吾錯，芝士焗蠔，新鮮熱辣辣，好香芝士味，所以叫左幾次，真心正，我朋友食親放題都會叫菠蘿，又估佢吾到勁甜好多水，因為有d勁酸，所以Encore左2次😝叫左炸物做飯後甜品，香芋波波，炸鮮奶，心太軟等等，雖然心太軟唔係流心，味道ok,我自己都幾鍾意，走個時，店員同我地講有個雪條櫃，大部分都係韓國雪條，超吸引，我同朋友每人都拎左支今晚放題我同我朋友都好喜出望外，遲下我地有朋友生日，都有機會再黎食，不得不提係d服務員，好主動問我地有冇漏單，又會幫我地追單，超少有，主動我地換碟，呢樣真係好抵讚！

星期六同朋友喺旺角行完街想搵野食,朋友就推介左呢間放題, 因為佢之前食過果然冇介紹錯！去到覺得環境都ok, 仲係卡位泥嫁！坐得好舒服一坐低就有waiter泥問我地要唔要韓式部隊鍋＆日式壽喜燒，我地驚太飽所以淨係叫左壽喜燒壽喜燒又ok 喎！好足料，和牛都有幾塊去食放題必叫刺身, 全部都好新鮮, 仲送左幾隻生蠔比我地添雖然送既但隻隻都好肥美好鮮甜d炸物都好多選擇，我地叫左炸榴連, 炸芝士年糕, 炸芝士同炸鮮奶推薦必食炸鮮奶, 連埋少少煉奶食好正燒菠蘿好特別！上面有層焦糖, 菠蘿既甜再加微微焦糖香, 我地即刻落單再要多幾舊xd 最後好驚喜既係呢到竟然有呢款韓國雪條食，想試好耐啦終於喺到食到！佢仲有好多雪條選擇嫁

神戶屋日韓放題 (旺角)炎熱嘅天氣食日本野就一定冇錯🙆🏻‍♀️，但出去散叫嘅價錢都差不多可以食到放題。😆食放題，唔使就住就住食。見OpenRice咁多人介紹呢間👀有成幾百個好評，就book位試下。記得一定要book位啊！🏅因為有預先book位先會送韓國雪條。環境比想像中細🤣但麻雀雖小五藏俱全。嘢食都唔少。一入去，店員幫我地落左個刺身拼盤，🤩咩都執咗啲俾我哋。😋最驚喜係有泰式生蝦刺身，上邊個泰式辣醬，好辣好正宗。👍其次係螺肉好鮮甜。其他刺身都係正常水準。熟食嘅款式比較多尤其係韓式食物。😁唔少嘢食都有辣，啱晒鍾意食辣同韓食嘅朋友。都幾鍾意泰式炒通菜，火喉都ok🔥炒得清脆，微辣。炸物方面，👍炸芝士同炸日式年糕都好好食，一定要試吓。佢個招牌炒蜆，無沙而且幾惹味。不過越食越鹹，😃如果送飯就啱啱好啦。 魷魚🦑唔韌都可以一食。食到太飽就無食火鍋🍲，但見到隔離枱都有食啲料都好似唔錯咁。最後認領番條韓國雪條，😳就閃人了。