神戶屋日韓放題

营业中

休息中

今日比朋友夾黎呢度食好西！本身對放題麻麻地，結果果日真係超級驚喜！首先入到去，店員好好咁比左個卡位我地。點餐紙係張枱嘅側邊，每一樣食品分好左類，方便我哋拎起點，完全唔適合我哋呢啲一點就點好多嘢食嘅人。食物都有超多款選擇，我呢啲選擇困難症嘅人，拎起張餐紙諗勁耐！因為真係樣樣都想食，刺身火鍋炸物卷物熟食都有！因為朋友仔佢哋都鍾意食刺身，所以一黎就叫個大刺身食，有諗過可能叫完個刺身，份量係得少少，點知足料，又真係可以每個人都可以食好多，十分滿意。之後都仲有個火鍋超級足料，有好多肉起入面肉食獸嘅人一定超級滿足。飲品方面，飲料都幾齊全，果汁，茶，氣水甚至湯水都有！點左個人參雞湯，美味一分，對唔中意飲氣水果汁既朋友強推！飲品附近仲有好多好多甜點選擇，多款唔同味既慕絲，雪糕，仲有豆腐花！識食既朋友，仲可以食門口更高級既雪糕雪條選擇！總結，如果一大班朋友去食野，呢度真係一個好選擇。

好耐冇食放題喇，見到呢間放題呢啲時段都只係百幾蚊好吸引😋一黎就叫左啲刺身，佢都有幾多選擇下！唔知係唔係為咗擺盤靚，有啲冇叫到嘅都俾埋我哋😂 壽司都有3張紙咁多既選擇！提一提佢既飯量較多，岩曬啲大食既人啦！呢間放題特別在於除左一般既日本野，仲可以叫炒菜😂😂炒通菜好香好好食，拍得上出面！仲有一口牛、炒硯！但係啲份量有少少多！一心想食日式野既人可能最後先叫呢種啦！食曬啲野之後仲有雪糕食呢😋大食既朋友抵曬啦！！超級飽肚！

今日同朋友難得一聚，行完街大約8點鐘餓餓地就去左左依間到食放題。可能因為我地食既時間比較晏，外面唔算好多人排隊，等左一陣就到我地入去。 店入面環境唔算好闊落，不過坐我地4個女仔都唔算太逼既。飲品選擇同一般放題差唔多，甜品門口有限量既韓式雪條，食完野臨走可以拎一枝慢慢食。(店入面得維他雪糕，所以記得要食甜品要出門口個櫃睇埋) 食物方面見到刺身入蝦既種類比較多，店鋪應該係主打蝦刺身，所以第一輪我同朋友都叫左唔少蝦。等左冇幾耐刺身就上桌，賣相都唔錯。食落蝦(應該係叫天使蝦？）有驚喜，冇腥味好彈牙，連我依個唔多食蝦既人都食多左兩隻，三文魚基本野不過不失就唔多講，依間鋪主要貝類同蝦都唔伏，依個價位算係咁。 熟食我地點左辣炒蜆，夠惹味! 炸物入而炸芝士（唔記得影相）同炸牛奶都唔錯，不過炸芝士好頂胃，建議大家一人一粒就好。但講到全晚最佳既，唔係刺身，都唔係炸芝士，係烤牛舌！個牛舌係厚切，烤到岩岩熟，唔會好難咬，正爆，搞到我同朋友飽飽地都要再點多轉牛舌。 今次神戶屋晚餐一人179,係旺角算係低價放題，但質素都唔錯，刺身平均水準幾好，其中蝦仲超出意料，而且仲有火鍋可以點，如果同行有朋友唔食得生野都

今日同朋友在旺角逛完街後食午餐，想起很久無食放題，便來到兆萬中心呢間好受歡迎的神戶屋食。中午時間都坐得满座，價錢又抵，每位都係百零蚊。刺身系列，擺碟美觀，下面用冰墊住，有北寄貝，三文魚，牡丹蝦，仿鮑魚片等，新鮮嫩滑。枝豆，飽满鮮甜，多汁軟稔。韓國醬燒豬頸肉，醬汁微辣，煮得入味，豬肉爽脆鮮甜。燒鯖魚，肉質嫩滑，魚香味鮮甜。芝麻雞翼，即叫即炸，香脆可口。鐵板一口和牛粒，肉質嫩滑多汁，煙韌有口感，牛肉味濃郁。燒蝦，爽滑香甜，蝦味濃郁。炸芝士年糕同榴槤炸彈，香脆可口，炸粉夠薄，芝士年糕煙韌。每人有一枝出自韓國的美味雪條，有多款味道選擇，芝士，藍莓，西瓜等味道清甜。

種類好多！又有壽喜燒又有打邊爐同埋放題唔少得既日韓野食😋仲要有埋小炒🤣今次都食到好飽！！之後仲有好多種雪糕敏甜品添！刺身不過不失啦！因為有訂座原因，所以會每人送左一隻生蠔！個人認為甜蝦同泰式生蝦最好食，而蟹鉗就少咁D味啦！見到有出面好少見既麻辣牛柏葉就試下叫！醬汁濃郁，好似真係出面食麻辣雞煲既味道咁！至於日式茶碗蒸都夠滑溜，但麻油落得重手左少少，少番小小就一流啦～個人幾鍾意馬拉盞炒通菜，夠穫氣夠惹味！炸物都有應有水準！尤其鍾意店家好貼心，有得幫客人手機充電😭😭總括而言，熟食比刺身壽司更來得好味，價錢又抵選擇又多，正～

好耐冇食放題，今次去試下食旺角嘅神戶屋。首先有前菜供應～有海蜇、海螺等等。第一round當然係我嘅至愛刺身盤～刺身種類都好多，帶子、三文魚、油甘魚、蟹柳、都幾新鮮好味，抵抵！👍👍壽司花之戀，蟹籽、炙燒三文魚～好正～我同朋友都食到唔停～食返一碟中式牛柳粒，牛粒甜嫩滑口一d都唔鞋口，炒到啱啱好👌如果再淡味少少就更加好啦👍再order一個中式煲，用料豐富足料，菇類肥牛食到暖笠笠～😍我食放題好少試中式料理，味道竟然出奇地幾好食～榴槤炸彈好香好綿，入口好有幸福感～超愛～必食必點麵䜴湯，味道相當地道，絕對討到我地歡心，美味～燒烤串燒牛舌同雞軟骨非常惹味，味道適中，濃味得黎唔會過火～三文魚黎炒飯～香味四溢，雖然食到好飽都仍然食晒～飲品亦都有唔少選擇～價錢相宜嘅放題，值得一試～

一入到餐廳，見到密密麻麻的座位，坐無虛席，人山人海啊！仳話第一輪係最齊全最新鮮嘅！不過結果就出乎意料！好多嘢都唔齊串！我點10件就嚟咗一半！而且啲數量比少咗。。。刺身我推介帆立貝和象拔蚌其他就麻麻炒野就麻床地，炒銀芽完全係大伏！啲手卷冇軟殼蟹都好失望😞啲蝦都好痴殻，而且冇味。。。好食係燒菠蘿，焗生蠔(有沙律醬個啲)壽喜燒4個人得4塊牛，會否太少，仲要只可叫一次。好多放題餐廳都係任叫，呢間冇，所以失望。以為啲牛係高質所以有quota 又吾係啵。所以整體只可以話合格，吾係特別impressive .

行出旺角基本上周街都係日式放題，但係要搵一間又平質素又高嘅放題就唔係咁容易喇。而神戶屋算得上係我食過咁多間放題其中一間CP值最高嘅，價錢公道而且食物質素非常高。一嚟到店員就上咗個刺身拼盤先，依度所有刺身都好新鮮，特別係兩隻生蠔，超肥美。飲品種類都非常多，有酒精同非酒精。食放題就當然唔少得壽司同埋天婦羅啦，呢度嘅火炙三文魚腩笑得好好食，魚油嘅香味非常出。除咗刺身壽司等呢度仲包一款火鍋，可以揀壽喜燒或者韓式部隊鍋，我就揀咗壽喜燒，唔夠火鍋配料仲可以追加！炸物都好多選擇，點左炸鮮奶同埋炸廣島號，件炸鮮奶俾想像中好食，外脆內軟，忍唔住追加左幾件🤤🤤🤤仲有個泰式炒通菜，辣辣地好野味！最後再送韓式甜品不過就每人只限一份。依度實在太多野食喇，有日式有韓食，未試哂就飽哂，下次要再黎先得！

久唔久總會想食下日式放題過下口癮，今次就中午時間黎到神戶屋一飽口福🤤一黎到二話不說就點左刺身醫肚先～三文魚厚身鮮甜❤️而且叫三塊仲黎左6塊🤣食到肚仔飽哂👍🏻每樣刺身都點左少少黎試～好彩每款刺身都冇令我失望👍🏻樣樣都新鮮爽口😆特別係呢款蟹鉗刺身，食落真係同食緊真蟹口感一樣！推介大家一試～少不免都會點各款壽司食～特別推介花之戀壽司👍🏻細細件唔怕食完會霸左好多肚容量，而且三文魚都十分厚身❤️ 加上美乃滋蟹柳壽司都十分爽口👍🏻大家不妨一試！而呢款燒牛柳粒，都燒得10分惹味，加上醬汁令整個料理更加味道突出！當然唔會錯過我最愛嘅榴槤炸彈，一咬出嚟啲榴槤汁就流晒出嚟！食完真係齒頰留香呀！👅❤️而串燒雞軟骨都十分爽口，唔會燒得太窿，脆嘅程度啱啱好👏🏻燒天婦羅就不過不失，炸粉唔算太厚，但中間嘅餡料即略嫌太少🙈最後點返個韓式部隊鍋，芝士融入鍋中令窩入面嘅配料都有濃濃嘅芝士香味！❤️暖粒粒嘅鍋令成個日式放題有個好圓滿嘅結束😆🎉總括來講，餐廳嘅服務都令人滿意，上菜嘅速度好快。有機會都會再同朋友嚟食多次呢間日式放題👍🏻

今晚去左旺角食日韓放題, 地點都方便, 好彩有book位, 坐低一陣就full左.餐牌有A-J, 好多款式, 揀都有排揀.一坐低, 有人介紹餐牌同有咩食, 幾好招呼. 未講完已經有少量前菜同醬汁送到, 仲會每枱送上一隻刺身船, 有三文魚, 甜蝦, 有頭甜蝦, 鮑片, 北海道角螺, 北寄貝, 八爪魚, 赤蝦, 天使蝦, 松葉蟹棒, 厚燒玉子, 珍寶帶子, 象拔蚌, 生蠔, 海膽, 都幾新鮮.火炙岩鹽燒三文魚腩壽司燒得好香, 三文魚腩肥美! 叫左2轉.日本和牛壽喜燒壽喜燒湯底好香, 已經包括了和牛, 菜, 金菇, 冬菇. 如果唔夠, 仲有張火鍋紙, 有好多唔同既火鍋食物揀!日式即燒牛舌肉質好腍, 又夠厚身, 如果個肚有位, 真係想叫多碟.海老天婦羅, 松葉蟹棒天婦羅真係即叫即炸, 黎到都仲熱辣辣, 粉唔厚, 啱啱好.鹽燒活海蝦唔知點解會辣辣地, 不過燒得好味.

減壓既最好方法當然就係食啦，今次一於去大解放一下，盡情咁食我至愛既放題。晚上7時來到，幾乎滿座呀。刺身類選擇都好多我地幾乎差不多試哂，點了三文魚、甜蝦、松葉觸棒、厚燒玉子、珍寶帶子、象拔蚌、有頭甜蝦、北海道角螺、希靈魚、鮑片、激巨赤蝦、迷你北寄貝和八爪魚。最欣賞佢竟然有象拔蚌，呢樣係其他放題比較少有既。珍寶帶子壽司和藍鰭拖羅蓉軍艦壽司份量較細，咁樣就可以試多幾款，藍鰭拖羅蓉好鮮甜，紫菜夠脆，果然係新鮮即整。日式茶碗蒸蛋好滑，香濃蛋味。芝士燒黃金沙律開邊蝦開邊蝦雖然細隻，但超有咬口，用芝士燒好香。另外仲有沙律/日式前菜、唐揚炸物/韓式炸物/天婦羅、日本和食/一品料理/韓式料理、迷你手卷、火炙壽司/黑松露壽司、麵類、火鍋名物等等。自助甜品，款式不算太多。雪糕也是自助的，是雀巢雪糕。飲品也是自助的，除酒類外，其他任飲。

瓊華樓上呢間放題 🍣上菜快，而且足單， 唔使三催四催🙌係寫幾多黎幾多先係放題嘅重點!!! 七點鐘已經坐滿客好受歡迎😎😎一坐低當然先咗刺身😂😂 訂咗枱就有海膽新鮮，正呀 ❤❤其中赤蝦係最推介新鮮大隻🦐 好鮮甜!!! 三文魚都非常厚切🐟🐟火鍋可以選擇韓式或者日式🍜🍜🍜我哋嗌咗日式壽喜燒鍋配咗生雞蛋 🥚用嚟烚菜一流🥗🥗炸物方面試咗天婦羅🍤 同埋炸牛奶🥛 炸粉算薄 ，上枱熱辣辣要趁熱食 🔥🔥味道唔錯。炸牛奶比較特別 ，唔會好滯或者好油膩👍飲品方面超多選擇🍻🍻 超級推介呢隻日式嘅桃味啤酒🍑 就算喺日本買都十蚊罐，呢度竟然係任飲😆真係超值甜品雪糕雪條有分任食區同埋限食區，雪糕杯同埋雪米糍喺最入角落頭係任食嘅， 放得有啲入唔好走漏眼呀😂😂😂 而門口嘅韓式日式雪條就一人限一支，臨走喺搭𨋢嘅時候拎住走🤣 200蚊又捧住個肚走

其實而家週街都係放題 ，而且好多都做到好平 ，淨係兆萬都已經有幾間 ，但係神戶屋係其中一間我比較常去嘅， 因為我覺得佢嘅性價比係最高嘅!!!首先佢坐得好舒服，兩個人都畀張大卡位你坐， 其實呢點好重要，因為你去親放題都會叫到成枱都一碟碟，無返咁大張枱其實係好唔方便 ， 呢度張枱放咗一個小火鍋都仲有大把位，放其他小食 ，另外飲品有支裝嘅解茶，消滯最啱~~ 食物方面，我相信好多其他食家都介紹過所以我今次唔多講喇， 反而係想提出就係佢哋上菜都好快，同埋無乜漏單情況， 店員清理檯面都好快手!!最後點都要提下，佢臨走收銀檯隔離嗰個雪條櫃可以每人攞一支係韓國嘅雪條!! 好好味

今日放工又同朋友去旺角逛街，去旺角就會好想食放題，因為實在太多選擇，眼花撩亂。所以我們都決定在兆萬中心找一間未食過的試試看。基本上，旺角的日式放題都大同小異，差不多的間隔，飲品亦大同小異，就不多說了。由於刺身嘅種類很多次，我們乾脆跟職員說來一個綜合評判便好了，再加上他有得選擇生蠔海膽令人喜出望外。一定要提一提這個刺身的帆立貝，甜蝦，北寄貝，平常我們常常吃這幾類食物的時候都會感覺到有雪藏味，但這間一點雪藏味都沒有，還好鮮味。海膽和生蠔都好濃味。。贊贊贊。又到熟食，多款韓國特色小吃，同重點的火鍋，可以選擇和牛壽喜燒，亦時可選擇韓國部隊鍋，仲有好多款，好像火鍋放題咁。芝士焗海鮮的系列亦有幾款，芝士味亦濃又啖啖肉。同埋最後雪條櫃的雪條雖然一人得一條，但每款都係高質的。。

朋友約我食生日飯所以即興搵咗間放題其實神戶屋係大半年前已經食過今次再食質素都冇變依然都係咁好食選擇好似仲比以前多左而且依家仲有優惠只要like Facebook專頁或者follow佢哋嘅Instagram就可以每人減多$10真係好抵食啊首先刺身件件都係厚切而我最鍾意食嘅就係三文魚同帶子刺身另外蟹鉗都好值得推介至於天婦羅方面如果你唔鍾意食天婦羅嘅外層其實仲可以揀吉列炸蝦🍤一樣都係咁好食所有嘢都係即叫即炸食落口嘅時候又熱又脆而我最鍾意食嘅就係吉列蠔同埋一口炸榴槤一口芝士都好好味㗎另外想推介俾大家嘅就係牛舌同埋紐西蘭羊架呢兩樣我都覺得整得好好味而我其中一樣最鍾意食嘅就係燒菠蘿因為款式太多所以推介唔晒俾大家不過真係食到好飽連夜晚個餐飯都唔使食店內嘅飲品同埋甜品多任食不過大家記得留肚食因為買咗單之後出到門口會有另一個雪糕櫃每人可以揀一款黎食而我就揀咗榴槤雪條食落同真嘅榴槤冇乜分別所以我食得好開心整體來講呢度嘅放題性價比高職員也會主動嚟收單而且你點嘅食物絕不遺漏不過可能有時多人上菜嘅速度會唔平均所以大家記得耐心等候唔好重複點單浪費食物