神戶屋日韓放題

营业中

休息中

刺身拼盆賣相吸引食慾，三文魚，甜蝦清乾淨蝦腸，食得放心，泰式生蝦新鮮醬汁開胃，螺肉惹味少少辣串燒乾身香氣撲鼻，推薦脆網炸蝦香脆蝦甜炸榴槤波波唔油膩，榴槤肉足飲料任飲款式多，心太軟朱古力味濃，韓式炒粉絲爽身好食，海鮮料配搭得剛剛好，壽司材料新鮮也做得合格，四川香辣雞煲確有麻辣味，用個爐㷫任食熱辣辣，雞滑味濃夠惹味，韓式牛肋肉配薯仔夠特別設有兩間大VIP房，四五知已自成一角，可舒適地享受食物之餘還有個大大窗口可以睇吓景，談天說地飲吓酒確係唔錯。開放式吧台可觀察廚師們工作，觀察衛生情況，食得比較安心總括而言，今時今日咁嘅價錢有咁嘅食物，服務質素，環境舒服都值得。😁

星期日，周圍都好多人排到，我地6個人要分2枱坐，見呢間唔洗排隊，勁肚餓既我地當然即殺入去食🤣食物的確好多選擇，但食食下就會唔知食咩好，而且雪糕陋1人1個，太少了一開始係火鍋同刺身到左先，速度都幾快，至於刺身品質就尚可，放題黎講唔係最好食果間芝士焗帶子同蠔，超搶手，我地1打1打12隻咁叫🤭串燒叫左燒蝦燒雞燒牛舌壽司都帶十幾款，不過舊飯細啲會開心啲，可以食多幾款炸物大雜燴，炸雞翼、炸豆腐、炸芝士、炸芝士年糕、炸芋心丸、炸榴槤丸韓式炒粉絲炒魷魚

我自己經常吃日式放題，是大家耳熟能詳的那幾家所以我不多提了，耳熟能詳的不同分店的也吃過，不同地區的放題也吃過。我習慣了如果吃過覺得好吃，會寧願繼續光顧同一間，也不會有新的嘗試。這一次，我們朋友之間想聊天比較久，所以吃這一家，因為午市可以吃六小時，晚市可以吃三小時。我吃過最難吃的放題，放題中最難吃的刺身。我提前搜索吃哪一家的時候，我看到openrice有很多負面評價，當時我還抱著半信半疑的心態，因為我吃過放題中，全部都對得起個埋單的價錢，所以我沒想過、也沒經歷過失去水準的放題刺身。另外，所謂晚市三小時放題，是在1.5小時的時候就截單，然後你的東西可以吃到第三個小時。其實檯面的食物放多半小時已不是好吃的狀態。主打的火鍋、日韓放題，回想起來都是很cheap的食物。最後的最後如上圖顯示，極上帝王水產和神戶屋，是同一集團，（除非不是）

神戶屋日韓放題係一間係兆萬中心屹立多年既老字號，能夠係競爭對手眾多既美食天堂存活落嚟，除左係因為佢有一顆善良嘅心之外，更加係因為佢食物既質素，多種類既選擇，認真既調味同高級既選材都係佢成功既秘訣！首先上場既係壽司刺身，一盤刺身既水準，好大程度取決於刺身既新鮮程序同埋刺身既選材，依方面，神戶屋可以講得上係模範生，三文魚既油脂分布平均，用料新鮮，入口有強烈既油脂香化開。玉子同蟹柳既甜度亦都剛剛好，唔會死甜，鮮蝦既味道更加係水準之上，一個完美既頭盤就係如此誕生。壽司方面，芝士火灸既配合從來都係歷久不衰既配搭，加上完美選材既三文魚，入口化開既油脂香同火灸芝士完美融為一體，好味既化身！再黎既係瑞士汁雞翼，瑞士汁既味道同平時茶記既唔太一樣，味道無咁濃烈，取而代之嘅係餐廳花左好多時間去處理雞翼，骨肉分離，入口即散，不論口感定係方便性都非比尋常。🤩炸物方面都可以話係放題必點之選，鮮蝦天婦羅一貫美味，蟹柳不過不失，不得不提既係炸春卷，可口既春卷配上鬆脆既外層，內部既雜菜又提供另一種鬆脆既口感，依種從外到內再到返外既口感實在令人一試上癮。蟹粥方面梗加係不可錯過之選，手掌大細既碗中放入半隻蟹，蟹中精華儘在碗

今日中午想食放題，就同朋友open rice 搵吓，可能因為晏晝，樓下冇好多人介紹同派傳單。同朋友睇完兆萬水牌，最後決定試吓呢間~後來先知道原來OpenRice可以買兌換券，仲抵啲添！！上到去先醒起之前原來都食過晚市~ 可能對上一次食都有段時間，今次餐牌都唔同左，有少少驚喜，呢度除咗有一般嘅壽司刺身，炸物之外，有韓式料理食！有我鍾意食嘅豬手、人蔘湯同炒粉絲。呢度我最欣賞嘅除咗係食物嘅味道之外，最重要嘅係，每一樣食品都係熱的，好新鮮，分量大細都剛剛好，雖然我哋兩個人食，但係可以每樣試到少少，都好滿足(^O^) 於是食到好多種食物！主食仲有個迷你火鍋可以俾我選，自己揀湯底再揀食物，真係食到哂日韓食物~另外服務態度都好好，埋完單之後，店員都冇趕我哋走，仲話叫我哋可以坐下先，真係第一次食放題，可以坐耐啲，唔係一夠時間就趕我哋走！Ps: 雪糕竟然有韓國既芝士雪條也太好了吧~~

最近因肺炎的肆虐，整個香港可謂人心惶惶，港人對放題火鍋及自助餐等幾乎隻字不提。幸而11月初時逐漸受控，身為大胃王的我當然要與朋友去大吃一頓。位於兆萬中心的神戶屋，應該不少香港人都有去過，記得不久前曾經有過不錯的用膳經驗，故此舊地重遊。當天兆萬中心的電梯門一打開，我與好友均被眼前的景象震撼到。五顏六色的便利貼，形形色色的抗爭布偶以及種類繁多的卡通佈置，令人大開眼界。從來沒想到誤打誤撞竟然碰上了一間黃店， 令人頓時心情愉悅。當天朋友有些水土不服，故此很可惜地沒有點太多生冷食物，反而着重點了許多熟食小炒，沒想到結果令人喜出望外。壽司方面，壽司刺身一向是放題的重點。雖說朋友當天腸胃不適，我亦不禁點了少許軍盤壽司試。當中以花之戀壽司最為突出，富有日式醋香的珍珠米被厚切三文魚片包圍，壽司飯上灑滿了蟹籽沾上濃郁的沙律醬，整體配搭非常出色。老實說，以材料份量而言非常飽足。另外，鰻魚壽司亦是令人出奇地驚訝。一般放題店的鰻魚通常不會有任何鮮味，而且將鰻魚切成薄片， 基本上完全沒有味道可言。但神戶屋的鰻魚壽司剛放進口裏，便能嚐到濃郁的鰻魚味，而且厚度適中，略帶口感。另外亦有一款神戶屋特選壽司推薦，炸軟殼蟹牛

今日同朋友喺旺角行街，唔係好諗到食咩就比兆萬樓下嗰啲哥哥仔氹左上去食放題，因為佢話靚女上去有discount同埋送多啲甜品俾我哋食，反正我哋都諗唔到食乜，就放肆一晚食放題啦。上到去唔駛等好耐就可以坐低食嘢，而且點餐紙都好多款，有刺身、炸物、熱食、冷盤、火鍋、好多款。多款到幾個女仔每款食一樣都完全食唔晒。不過坐低要揀咗一樣嘢先，就係一開始有個小火鍋送俾你食，我哋就求其揀咗個和牛壽喜燒。之後叫咗round刺身同埋炸物，雖然有啲炸物有少少燶，不過味道都okay，刺身就每塊都好口好足料，唔會好似其他放題咁樣好薄，要叫幾round先食返夠皮，而且刺身質素都唔差，放題呢個價錢來講已經叫好唔錯。再加上樓下哥仔送多咗每人一隻生蠔俾我哋，隻生蠔都好新鮮，唔會好霉。熱食方面我哋叫咗好多唔同款，你諗得出嘅基本上都會有，我哋叫咗款炒蜆，基本上都冇沙，同埋炒到好似大排檔咁好惹味。基本上我哋都係叫到成枱都係嘢食，林林總總真係好多唔同唔同嘅款式，最特別嘅係連溫泉蛋都有，我真係好鍾意食。最後叫多咗round刺身同埋壽司，花之戀同埋吞拿魚軍艦仲有蟹子壽司都係我嘅最愛，而佢嘅吞拿魚軍艦都相當足料唔會好馬虎咁俾少少你就算。

今日黎同幾個朋友聚下舊，行下旺角，因為疫情旺角街頭都少人左好多，唔係好諗到食咩，幾個男人去食下放題都係個唔錯嘅選擇。係兆萬樓下比D哥哥仔sale下，佢地好多時都比個9折又或者減十蚊比你地，不過上到去都唔洗好似以前咁等位好快就入得去。其實放題黎黎去去都係食果啲，不過呢間又係良心小店，職員又會好好禮貌咁，同你講下邊啲落單落多少少，因為新鮮整可能要等耐啲，而家放題嘅服務都好左好多。雖然過耐少少，不過都好快有野食，首先職員會問定你個小火鍋想要咩湯底，我地就普通揀左和牛壽喜燒，牛味好重，都幾好食，而且會有隻生雞蛋，你可以煮熟食又得，生食配上和牛又得，不過我地就煮熟左黎食，始終自己腸胃唔係太好。過左陣就上埋個刺身拼盤，仲送左一人一隻生蠔tim，餐惑嘅刺身都好足料，每塊都好厚身，而且唔係平時食果D邊邊位，塊塊都係一整塊好靚仔咁。我地之後都叫多左兩round魚生，質素都係咁好。之後仲叫左D炸物、熱食、冷食、小食果啲，款式真係好多，每款試少少都好夠飽，不過我真係好中意食壽司，所以都唔怕好飽叫左花之戀同埋吞拿魚軍艦，相當足料。最後食埋個烏冬同埋叫多round火鍋，好滿足。走個陣仲有一人一支韓式雪條送比你食

服務員的態度超好，食物質素和賣相差到一個點，可以用難食來形容，環境好逼，地下污糟，勝在唔太嘈雜，成餐飯最好食都係三文魚刺身，不值得一試再試，可以有更好的選擇嘅話就別來了

今日同友人嚟到旺角食一間日韓放題，午飯時間人流唔算特別旺，好快就有位啦。餐廳嘅侍應都非常之有禮貌同友善。 我哋首先嗌左刺身啦咁非常之新鮮啦我哋我哋大概有叫咗刺身蝦，生蠔🦪，三文魚...... 餐廳仲有提供一啲火炙嘅壽司啦—火炙芝士三文魚，火炙黑松露油甘魚......餐廳另外仲有加錢提供海膽！我哋另外仲嗌左呢間餐廳嘅炸物，特別係佢嘅炸日式芝士年糕非常之好味😋餐廳更加提供一啲日式嘅料理啦我哋有嗌鐵板燒嘅一口牛，份量非常多 另外仲有串燒牛脷同串燒雞。總括都不錯👍🏻

旺角行街緊係去兆萬搵食啦，之前聽朋友講話神戶幾好食咁就趁晏晝少人就去，放題黎講佢地款式都算多而且性價比高，味道真係好味過大路放題👍刺身大力推薦海膽同生蠔，好新鮮大粒夠冰凍，好中意佢陣鹹甜海水味，生蠔又即開即食，加檸檬汁爽呀，同時都有辣汁搭配，第一次食刺身沾辣汁原來又幾好味😋熟食清酒蜆同韓式蜆份量多，韓式醬惹味，昆布烏冬湯底清甜，烏冬彈牙滑溜，昆布爽👍壽司真心高質，好多時放題啲火炙都唔好食，火炙沙律三文魚腩入口即溶，油油的感覺好幸福啊，吞拿魚蓉軍艦加點芝麻香，一啖入口真係好好味！食左7，8件都仲想繼續食😂飲品我幾中意佢個熱茶消濟，仲有麥精同維他奶揀☕

疫情之後, 好耐無去過旅行啦!! 開始有D想念家鄉日本同韓國既味道, 好想好想一次過食到呢2個國家既食物, 今日去到旺角呢間「神戶屋日韓放題」, 一次過滿足哂我既願望~今日我同朋友book 左12:30, 可能比較早既關係, 客人唔太多, 變相坐得好鬆動、好舒服, 完全唔會有平時其他放題身貼身既感覺, 非常有私人空間(唔驚講秘密比人偷聽到XD)! 食物方面, 一坐低可以自選一款鍋物暖暖胃先, 可以揀雞煲/壽喜燒/部隊鍋, 唔想食辣/太濃味的話可以好似我地咁揀壽喜燒, 可愛既係佢有種麻油味, 感覺就如港式壽喜燒一樣。而其他食物種類都有好多不同選擇, 有A-H, 一共8張menu比我地慢慢揀, 除左有普通放題會有既刺身、壽司，仲有黑松露壽司系列、港式大排檔口味既招牌炒蜆、炸鮮奶, 韓式料理如人參雞湯、韓國牛肋肉粒、海鮮炒粉絲等等熟食，總有一款啱心水, 啱哂一班唔同口味既大胃王朋友聚會!!

首先, 上菜速度算係快, 一開始店員會提醒我地某D食物會製作需時可以叫定先, 而其他大部分食物落單後大概5分鐘就到, 叫左好多野食都得2樣野漏單, 同店員講番亦都有即時幫手follow-up, last order後更會比張單我地對, check下有無咩食物未上齊, 「有交帶」呢一點已經比時下其他經常漏單放題好, 印象分10粒星。以下介紹1 D 出面放題小見, 比較特別既放題食物刺身方面, 味道正常, 鮮甜, 擺盤亦都精美, 值得推薦一下佢既天使蝦。點解? 因為已經剝左尾, 非常貼心, 唔怕食到蝦殼~炸物除左普普通通既芝士年糕、香芋丸、芝麻雞翼同天婦羅之外, 更加有大大粒既好味道炸鮮奶、一口食得到既炸雪糕、外型模仿日式菓子既紫菜雞肉卷、韓風嫩滑蜜糖炸雞, 非常多選擇!燒物方面, 牛舌味道不錯無腥味, 切出黎形狀仲要咁岩係心型tim~ 燒扉貝就大大粒咁, 幾抵食。野飲亦都有好多選擇， 仲有D平時小見既維他飲品同罐裝飲品，如果有熱飲選擇就更加好！是日其他抵讚精選: 有特色日韓特色雪糕雪條、有口罩套提供、座位闊落坐得舒服

超級耐無食過放題，響旺角行街最方便就係週圍都有好多野食，所以同frds揀左兆萬上面呢間 神戶屋日韓放題，試下個lunch放題。坐低左簡直頭暈眼花，因為menu真係好多野食揀！！！有少少選擇困難症既我好彩都揀到好多野食。# 刺身拼盆 # ***** *** 8.5/10最推介係 : 象拔蚌，帶子，甜蝦，螺肉，北寄貝等刺身，好鮮甜。我friends話啲蠔都好鮮甜好好食，我自己唔食蠔所以唔知。太多野食 所以一次過講我推介既野食啦：炸雪糕，唔太甜，外暖內凍，好正。我第1次食炸雪糕，to be honest....麻辣炸雞軟骨： 極度推介！！！！！食落唔油唔咸，但係就有超甜麻辣粉味，超級喜歡！！！！燒羊架，牛舌，燒得好tender好juicy，味道啱啱好，啖啖都係孜然同牛羊既香味。燒菠蘿，燒到啲菠蘿軟軟地，好香好好食！炸物拼盆有超多種炸物，炸豆腐，炸芝士，炸蠔等都係我既推介。燒帆立貝都唔錯，燒到啱啱好，而且個汁都幾濃幾掛汁，真係唔錯。食完野最開心係見到啲雪糕雪條，有幾款韓國既可以選擇，超開心！野飲都有好多選擇，不過我少飲甜野 所以都係最緊要有道地茶可以揀就得haha。總括黎講，二百幾蚊一個人，真

限聚令下冇得好多人一齊食放題，但同fd兩個人慢慢食談下心都唔錯呢到既食物選擇都幾多，剩係睇食咩都有排睇，好彩一黎店員就上左個刺身拼盆，已經好夠食，剩係蝦都有幾款，好有心思和牛鍋都係一黎就上左比我地，和牛幾大片，個壽喜燒湯都好唔錯我就推介下幾樣我覺得唔錯既食物燒牛舌做到同出面串燒店一樣既水準，有好香港味，肉質又夠彈牙竟然有黑松露壽司，我見幾特別就要左件黑松露珍寶帶子壽司，帶子上面有一少撮黑松露，食落又真係幾有黑松露味，未試過黑松露壽司可以一試日本芝士年糕一次過滿足煙un控加芝士控，芝士味真係好足，軟心芝士配以煙un既年糕，口感十足炸雪糕呢個真係第一次係放題見到，凍冰冰既抹茶雪糕，外層就炸到熱辣辣，都幾得意呢到竟然有得打邊爐，岩哂d又想食放題又想打邊爐既人，我地最後要左個豬骨湯，碌下肥牛響玲果d，算係滿足左想打邊爐既心！不得不提，服務態度真係好好，店員係我去過咁多間放題最出色，店員不時都會黎睇下你有冇漏單 有冇食物要追 語氣同態度都好好