神座日本料理 (已結業)

幾個禮拜前經常黎呢度食, 因為覺得呢個價錢食到呢個質量的食物好抵.稻庭烏冬加壽司套餐係招牌, 壽司很有水準, 除了瑕比較差其他都中上級.稻庭烏冬以前係彈牙爽口, 呢排換了次一級的麵, 味道咬勁都差了很多.燒羊架, 燒牛舌鹽, 牛肉薄燒, 燒秋刀魚都係很好可以推介. 如果換返以前的料真係超值!

自十年前搬離西區，小弟很久沒回過堅尼地城一帶，今趟回來探探舊朋友，順道試一試這間頗具人氣的神座日本料理。小店為新式日本料理店，門外掛著幾個燈籠，店內座位大約五十，排得齊齊整整，坐得頗舒適。食物方面，款式頗多，除了刺身壽司，炸物、鍋物、爐端燒亦一應俱全。 鱆紅魚鱠：質素中規中矩，不算十分鮮甜但也不是很差。師傅刀功不錯，每片魚生切得厚薄平均，如果能多花些心思把賣相弄得好些會更令食客賞心悅目。 三色刺身：為三文魚、鮮帶子及甜蝦刺身。份量不少，但質素卻未達標準。除了三文魚外，普通的帶子及甜蝦居然帶有腥味，不新鮮哩。 壽司：點了三文魚、北寄貝及鰻魚壽司，整體比之前的刺身好，燒鰻魚略嫌過火，但也不算太差。 牛肉鍋定食：牛肉鍋中半生熟牛肉配以金菇、粉絲及滑蛋，味道不錯。另配白飯、麵豉湯、中華沙律等，也能達到一般定食要求吧。 燒羊架：燒得外香內軟，肉汁沒有流失，出色。 燒牛舌：也燒得不錯，不會太乾身。 燒雞軟骨：燒得香脆，外面輕輕灑上海鹽，不錯。 鹽燒秋刀魚：質素中上，燒得剛剛好，配以淡淡檸汁，一流。 雜錦天婦羅：粉漿不過多，燒得鬆脆，想不到是全晚表現最佳的一道。 作為日本料理店，爐端燒及炸物

住左係堅尼地城咁耐~從來都唔覺有乜餐廳值得一吃~不過"煙尖"阿爹食過神座之後讚不絕口，我都想搵日試下！終於今日有機會啦，星期日晚例牌出街食飯，一家又唔想再食中菜，就決定去lee度試下啦！細佬先落去攞位，6:30去到都仲有位，大家唔想食set，就散叫左以下幾款：1/ 鹽燒雞翼 - 阿爹話送啤酒一流2/ 鐵板帶子 - 好野味3/ 什錦刺身 - 超級新鮮肥美 (推介)4/ 雜錦天婦羅x2 -面嗰層粉漿剛剛好,唔會食到麵粉厚過餸,而且真係卜卜脆(正呀)5/ 蝦天婦羅 - 屋企人太愛佢既天婦羅，唔加碼都唔得~6/ 黑豚肉金菇 - 一般無特別7/ 日式海鮮炒飯 - 油左d, 都係一般8/ 軟殼蟹卷 - 一般9/ Asahi x 2

與三友人來吃晚餐，大約九時多要了豬軟骨的 set dinner ($68)，+$5 轉烏冬- 蒸蛋：幾香- 蟹子沙律：沒有什麼特別- 豬軟骨烏冬：豬軟骨不算多，但味道還可以；烏冬不太入味，但口感幾彈牙overall 比上一次的滑蛋雞飯好不過總覺得有『甜豆』的拉麵/烏冬很港色多謝師兄這餐

昨日和男朋友到這兒吃晚飯叫了和風沙律 -- d 汁酸酸的好開胃，有我最鍾意的牛油果，好味！刺身定食 --d 刺身有三文魚、吞拿魚、蝦、仲有d不知名的魚，全都好好味好新鮮！d飯都好黏！河tuen乾 -- 有d似牛肉乾之類，幾得 意！帶子鳥冬--呢個普通，鳥冬唔夠滑埋單兩人只係二百二，好抵！我食過好多間係西環的日本野，論價錢同質素呢間算唔錯囉！

晚餐又係呢頭食, 看來未來幾個月都係呢頭食野多了.雖唔知呢間舖係咩質素, 但見冇時間, 行過豬豬女友又嚷著要食, 見都幾乾淨, 入內幫襯了.見sushi 吧幾好, 叫了魚生飯定食 及北海道帶子烏冬.魚生飯定食都幾得意, 成個pizza 咁, 上的魚生都新鮮, 珍珠飯也好味.如果有海膽就fit 晒啦...北海道帶子烏冬不知道是否真的北海道帶子, 有3粒, 都幾正. 另有一片冬菇, 三條青豆, 及栗米.湯底喝一口, 少許甜, 菜味濃... 烏冬都不錯.兩人食了160. 臨走才覺, 越來越多人, 我們走時已全滿!服務ok.激死, 1號已食牛肉乾

不錯的小餐館小弟很少寫食評,寫得不好不要見怪吃了很多三文魚魚生,很厚大蝦小蝦刺身帶子刺生,好食魚生B (唔記得係乜魚),好食天婦羅,粉多左小小鹽燒牛脷 好食,有趙頭炸蝦頭,好鬆化成個食晒炒雜菜,鹹左小小燒帶子ok金菇牛肉卷ok還有,厠所都幾乾淨

在openrice，發現了這間「神座日本料理」果然不錯，款式是少了一點，坐了很久也選擇不了特別是個牛肉薄燒，雖入面有點生，但卷了不同的配料 (好像有生洋蔥，好像每卷也不同)，惹味很多，屬心機之作

今日同媽媽兩人去試菜，八點半去到，得返兩張2人枱，可能係假期，店裡真的好full。地方雖窄小，但都裝潢及環境都算ok，唯獨當晚有一枱坐正店中央的客很吵，打擾我們的雅慶。我們共點了4道菜：1. 北海道帶子拉麵 ─ 有3隻大大粒帶子，湯底好味。2. 雜錦天富籮 ─ 蝦3隻，其他雜菜各1件，本人覺得味道還可以，不過覺得粉漿炸得過硬，厚了一點，不夠鬆化。3. 油甘魚刺身 ─ 是日推介，接近半價，新鮮鮮甜，正！4. 燒雞泡魚干 ─ 略甜了少許，口感都ok，不太硬。服務方面，是晚見待應很忙碌，但也算招呼到我們的需要，以及樂意推介菜色，都ok啦。整體感覺都不錯，下次來打算試烏冬，因聽說其他客人都大讚呢！在西環有這種質素的日式餐廳，實在令人高興！

住西區既朋友你地有福喇! li 間真係好好味, 三上同其他店同佢真係冇得比!食物: 絕大部份既食物都好好味! 但炸既食物一般1. 牛肉烏冬, 烏冬好彈口好有咬口, 牛肉都好多, 湯底都好好味2. 燒銀雪魚, 銀雪魚夠大片! 燒得岩岩好! 多汁!3. 炸蠔, 蠔細隻左d, 食落去都叫有汁但粉左少少4. 炸芝士年糕, 鐘意芝士既朋友一試無妨, 個人認為芝士少左d 但年糕太多, 食一舊已經足夠, 係飽肚之選服務:waitress 有禮貌, 很好環境:迫左少少, 但可以接受, 仲有toilet 添價錢:唔太記得幾多錢, 以食物quality 同service 黎講價錢算ok食左4 樣野, 2人埋單, including 10% service charge, around $2xx

除左照片外的食物,還叫了杜庭手打湯烏冬, 鹽燒鮫魚,雜錦天婦羅(但因file過了200kb, 所以post 不到)手卷份量比百佳少, 鹽燒鮫魚..ok如果不是食了雜錦天婦羅內的蝦,未必會飽總評不過不失

我地兩個人係星期三個晚大概八點正去到, 坐低左一陣就叫左兩個定食加一款小食, 因當日非常肚餓, 所以都已經同女侍應提一提盡快上菜架啦! 點知唔單止無快到, 重足足等左半個鐘, 一問之下佢地反應不大話好快就到, 再等五分鐘之後再問就話仲有十分鐘....火都黎埋, 我梗係唔再等啦, 都一肚火, 我以後一定唔會再去.

雖然不是甚麼大的店子,但食物一點都不求其,到過這兒兩次,食物既質數都不斷有進步,來這兒不可不吃的"一口芝士","木魚炸豆腐","鹽燒三文魚頭"真係好好味架!!而且價錢又不貴,值得一試!!

那天跟朋友一起到吃日本菜。這裡服務員招呼殷切，不定為我們推介。這裡有多種魚生選擇，除了有大眾皆知的三文魚、吞拿魚，油金魚外，亦有比較罕有的深海魚刺身供應。價錢不算太貴，燒銀雪魚最好味大蝦天婦羅熟食都有水準.....值得一食

星期日晚又去咗西環搵食，而家西環好似越來越多日本食肆嘞，今次試呢間先...。店舖不大，可容納人數不多。因我倆都唔想食生冷嘢，所以點了蒲燒鰻魚飯（有前菜、麵豉湯），鰻魚燒得香脆可口，但鰻魚汁太少嘞，食白飯時覺得好淡口。麵豉湯味道太淡，唔好飲。北海道帶子讚歧烏冬，烏冬幾滑，帶子大大隻，但湯底麻麻哋。軟殼蟹青瓜卷，軟殼蟹炸得香脆，壽司飯就一般。總括嚟講，食物質素好一般，唔難食又唔好食咁啦。