祖凡尼意大利餐廳 (已結業)

某日因為要睇Ｅ生，所以入左元朗，其實元朗比我冇咩驚喜，我一直都係咁覺得。由於去到仲未睇得又要等，ＢＦ就搵左間餐廳食左野先，佢知我係Ｄ有要求，有原則既人，好食係最基本，我最著重既就係Ｄ人既服務態度，而祖凡尼，雖然一入門沒有華麗裝設，而且食客似乎唔多，再睇下有咩食，原本寅係純西式既野食，我同ＢＦ最後點左２個牛排餐試一試，佢要黑招汁，而我就要洋蔥汁，而且要分上，咁樣先可以食到呢度Ｄ牛係咪好好食。牛排黎啦，首先食下Ｄ薯塊先，好脆，都唔差，再試下個牛排，我要左４～５成，出黎係我既要求，而且牛肉味同質地又唔似出面食個Ｄ咁差，幾好，最後點Ｄ洋蔥汁試下，ＯＫ～好味～！！呢度Ｄ洋蔥汁好多洋蔥，但又唔會太難食，調較得宜，ＧＯＯＤ！！最後點餐飲，我叫左好耐都冇飲過而且又有難度既野飲，就係＂ｉｃｅ　ｌｅｍｏｎ　ｔｅａ＂一般黎講，其實好難較得好飲，呢度，又唔會太難飲，埋單都係２００左右，唔錯～！！！ＧＯＯＤ～～！！！

我住元朗已經35年啦,元朗要講得上好食嘅餐廳首推祖凡尼,蒜茸扖大蝦(每次必叫),大蝦肉唔會"煤",好爽,有蝦味.大蝦沙律,唔使講,大蝦肉唔會"煤",好爽,有蝦味,沙律夠凍,沙律味道適中,重有佢個餐前嘅餐包,我老豆極喜歡,包面脆,內裏軟棉棉,我老豆會切開個包來夾沙律食.蒜茸帶子意粉,蒜茸味夠香,帶子食落夠彈牙,意粉柔軟情度適中.真係直得同各位識食嘅人分亨我嘅推介.

Christmas book 唔到位食飯但在呢度見到呢間特別日子係冇得Book 位所以今年聖誕節同男友決定0黎呢度食之前同朋友0黎過食Lunch都覺得呢度情調超正更何況係晚上呢我0地揀0左肉醬千層麵同蒜蓉帶子意粉都係加$20 轉餐牛尾湯很濃~仲要唔係四圍都飲到咁正的牛尾湯餐包外脆內熱點湯食真係Perfect肉醬千層麵我覺得漏了少少不過d 芝士好特別同平時食開0個d 唔同蒜蓉帶子意粉係全晚最正的主菜意粉煮得0岩0岩好很彈牙蒜蓉的味道又唔會搶0左帶子原有的味道呢餐真係好抵食因為佢唔會焗你食佢的節日Special所以我覺得聖誕節2個人一共食0左$180真係超抵

星期日2個人吃午餐叫了 : 芝士龍脷柳焗意粉 , 香煎羊排好 : 食物味道不錯 , 餐包很好吃, 外脆內軟 , 食物份量都OK 餐廳裝修幾有心思 價錢算平壞 : 餐廳細 , 桌有D逼 , 由於坐近門口 , 成日有人O係身邊行黎行去 某D餐具都幾骯髒 , 牛油刀上有牛油漬 薯菜的菜只是急凍的雜菜 , 似乎有點馬虎 薯條只是微暖 , 不夠熱整體來說不過不失啦....但又唔覺得特別想去多一次

前菜是番茄沙津。看似簡單，但吞拿魚、番茄和芝士很夾。今次試下很多人叫好的黑虫露意粉，意粉的乳化做得很好，黑虫露、橄欖油和粉緊緊地結合一起，其中的帶子的味道很特出新鮮。PIZZA 的餅底很脆，上面的配料很新鮮。這和日常食的PIZZA大有不同。原來它會送餐包的，真是正。

去咗食咗都好多次, 好鍾意佢地d pizza, 湯又好飲, 服務都唔錯0既~估唔到元朗都有哩種氣氛的餐廳, 希望可以開多幾間

第一次同老公行到元朗, 佢話要帶我去一間好耐歷史嘅餐廳食意大利菜! 由於坐位只得53個, 間餐廳好快就坐滿人, 問一問待應有咩好介紹之後, 頭盤, 我地就點咗芒果大蝦鮮菓沙律, D蝦好彈牙, 好FLASH嘅感覺, 而且比預期大碟! 再嚟一個意大利雜肉拼盤, 乜肉都有, 生吃羊片都唔係好蘇. 跟住就嚟個拿波里式PIZZA, 以吞拿魚為主的薄批真係好薄 , 當然無必勝客果D有肉有腸咁香口啦, 但不失為試! 飽飽地喇.....仲有一碟黑松露菌帶子意粉, 仲諗住食唔哂添, 第一次食黑松露, 唔知點解咁好味, 又啱我地為口, 三聲就食哂喇! 如果想變套餐(餐湯+餐茶)的話只需 +$20-老公摸摸個肚皮就叫埋單, 連埋TIPS都係$300-, 抵過必勝客啦!我地有機會會再去試架....^O^

開店幾十年歷史, 懷舊樸實, 唔似現時的餐廳咁刻意營造氣氛，感覺好舒服！午餐有羊扒, 雞扒, 肉醬意粉, 但真材實料, 好新鮮, 同埋真係用心煮, 有別於一般茶餐廳同埋西餐廳首先有好好味熱呼呼o既豬仔包~~非常好味!!平時so called 西餐廳比你飲o既周打蜆湯係冇味o既面粉水, 呢度飲落去會有蜆o既鮮味, 但明顯唔係味精!!羊扒唔係比d味精整到冇晒味o既一塊肉 (d肉唔靚先要咁做), 而真係有肉香, 證明唔係比d cheap野黎hea你~奶茶亦都唔係一杯冇咩味o既糖水!!埋單連加一都係$40, 真係好抵!!!!!!!!!!!!!!!!!!!!!!!

係開飯la睇到幾好評就去試下叫左個黑松露墨魚汁意粉確實好食!!但係個燒春雞就好普通la............無咩特別......不過餐前ge麵包好好食ar!!!!脆的麵包都係第一次食,好得意ar!!!anyway,可以一試!

難得來到元朗，就試試這間小店。公眾假期仍有午餐供應，於是點了一個吉列豬扒餐($36)。餐湯的選擇有三個，我倆選了羅宋湯。湯的材料很足，酸酸的味道很開胃。最驚喜的是附送的餐包是熱烘烘的脆脆豬，很美味的開始。主菜是有兩塊的炸豬扒，炸至金黃色，賣相很好。豬扒的味道調得不差，只是肉質韌了一些。薯角粉粉的很好味。最後一杯餐茶，正好消除了吃炸物的油膩感。環境很有懷舊氣氛，而且樓底很高，令人覺得不會局促。侍應雖然沒甚表情，但都是有求必應的。

是日(5月3日)為朋友預祝生日, 生日快樂!7時左右就到了餐廳托侍應幫我們把生日蛋糕放進雪柜,幸好不用付切餅費。先來了餐包, 外脆內軟, 熱哄哄的, 再加上牛油, 十分好吃。10人只叫了兩個pizza, 三個粉, 一個salad。意大利式什菜salad我覺得不錯的, 有青椒紅椒蕃茄吞拿魚橄欖生菜等等又有酸酸的salad油伴吃, 幾醒胃。公司pizza沒有試因為有豬肉海鮮pizza不錯, 夠芝士, 但個餅底都幾硬肉醬意粉都幾咸幾好味不過好似大家樂好味d白汁芝士海鮮意粉白汁都幾creamy不過唔係最好吃的芝士海鮮意粉鮮茄汁蜆肉天使粉食唔出有咩茄味不過又幾好味最後拿了蛋糕出來唱住生日歌送上給友人侍應都有拿打火機及幫我們點火又有拿碟及餐具不過他們是黑口黑面的而且整體來說全人類都係冇笑容服務態度只是不過不失但聽友人說他們打來訂台服務員的態度、語氣是極差的而且整間餐廳的感覺都幾污糟,廁所都幾恐怖, 地下濕濕的食物味道是ok的,但portion太少了服務態度偏差清潔不太好整體來說:如非必要都唔會再來了~~~~

之前都睇過2,3次,食過都覺得幾好今次唔知食咩好,一行3人7點就黎左呢度周打魚湯($28):唔係我飲,所以唔知咩知道白汁雞皇飯:大大碟飯,佢d汁幾好味!整體黎講ok!牛扒餐($90):次次叫都係咁既樣架啦,一堆雜豆,一塊手掌般的牛扒,但係我又覺得牛扒幾好食,好有牛味,唔似其他餐廳用梳打粉整到好難食! 拿破崙xx薄餅($65): 呢個比較失望, 好似無咩料咁,一d吞拿魚同番茄醬咁又無咩芝士好乾咁..最後無咩人食唯有拎走啦..但係返到屋企翻焗黎食又覺得幾好食wor!比係餐廳度好食唔知點解呢黑松露帶子意粉($65): 以前好鐘意食呢個意粉,但係今次覺我佢唔好食囉..好淡,好似無味咁,食唔出黑松露既香味! 失望坐到9點幾..有個好似老闆既人竟然係客人面前同個收錢個個女人係度吵竟然當全客人面前做埋d咁既野無下次啦,野食又唔係特別好食! 仲有d燈真係好暗..我個fd要用手提睇餐牌!(我係坐入面的)

元朗之旅第二站終於第一次將元朗大馬路的周邊範圍由頭至尾完整地掃完了一次到這間老店時剛好是1845肚子也剛好餓了起初推開磨砂玻璃門而入時真有多少擔心因為只有一檯客不過十五分鐘後便滿瀉要等位好彩好彩海鮮餐先來的麵包其貌不揚但一拿起就有驚喜暖暖的而且香脆不是一般翻叮餐包可比擬可惜的是等不到它來送湯因為等了20分鐘才有湯來原因是「忘記了上」不過湯又是個驚喜上之前一直在猜是紅還是白結果兩樣都不對答案是啡啡的有點像龍蝦湯再加上大量青口和蝦之類的海鮮很特別主菜是seafood skewer有蝦魚塊帶子魷魚三款白色海鮮的制法相似都是蘸粉半煎炸趁熱吃是很好吃的放涼了便像吃粉團公司薄餅份量很夠黑水欖辣肉腸再加很多磨菇菠蘿與大量芝士餅底也算不錯最後是最愛的茄醬意大利雲吞用上lasagna的製法在一堆雲吞上加芝士焗再淋茄醬上層的雲吞都佈滿茄和香濃芝士每隻雲吞內的涵料略嫌多了少許現在吃到半碟已覺太膩要不然便會更佳結果每款都是清理不掉即使已是相當好吃每款都只是六十大元非常非常非常抵食若然不怕街坊式的服務的話搭車去食都抵當然不要期望是極品畢竟咁多年點都有些少地道化了既是多年矗立不倒個人認為抵佢囂既

妯個o個時亞爸亞媽帶過去食, 印象唔錯, 見佢仲可以開左咁多年, 於是尋日亞媽生日就連周男朋人一行4人去食, 去得西餐廳都預左要舊几水一個人啦, 我要左牛柳餐, 一件半個女仔拳頭大gei牛柳, 數件薯角, 一堆雜豆!$90.00海陸雙拼餐- 大蝦拼牛柳$110牛柳同上述一樣大+ 兩隻尾指左右大gei蝦春雞餐- $78叫做有一隻雞, 但又"鞋"又冇味!侍應態度勁差尋晚簡直係比錢買難受!以後一定唔會再去!

講真!完全覺得比lee個所謂既意大利餐廳呃左d 牛柳好似茶餐廳質素,好難食!一樣好味既野都冇!又貴lee d 咁既價錢在中環區食都好過佢d 服務員d 態度又超差!!!!