研香

营业中

休息中

难得来两次尖沙咀都是为了研香，在网红店逐渐令人费解逐渐迷人眼的商业区，研香的“老实本分”则显得弥足珍贵。·品种不算太多，但每项的基本功都很扎实，款款真材实料，两碗温暖浓稠的糖水一下肚，顿时饱得连饭都不用吃了hh·价格快是一般街坊糖水店的两倍了（怀念当年在红磡糖水无忧的日子），但综合地段和环境其实也还合理，值得一提的是，原磨坚果糊的原料都挺不错。·【开心果豆腐花】用的是意大利开心果，因此跟兰苑囍馆的伊朗开心果糊颜色不同。味道依然香浓，但质地来说我更喜欢扎实一点的兰苑囍馆。豆腐花润泽弹嫩，跟开心果糊融合感很好，不过更希望有纯开心果糊的选择。·【芝麻糊拼合桃露】双拼的造型跟菜单图差得有点远，但真的很好吃，质地很细腻，还可以选择半甜，就是心目中经典的二沙三糊该有的样子，阵阵凉意的夜晚来上这么一碗太舒服了！·朋友们点的榴莲冰，反馈也浓郁料足，杏仁茶不是杏仁糊，因此质地比较薄。但整体来说这家还是很喜欢，也不用排队。

星期六夜晚係尖沙咀食完飯，見時間尚早，所以同朋友仔諗住食埋甜品先返屋企。係研香同八時仙神草抉擇左好耐，揀好左食研香既開心果豆腐花，點知排左三十分鐘後入座發現售罄😿🥄8小時慢磨芝麻糊好難食！餐廳聲稱用日本金芝麻慢磨成糊狀，口感係較滑濃，但無一般港式芝麻糊既濃稠感，一啲都唔黏稠，反而好似飲緊芝麻水好水汪汪😤而且入口帶苦澀，有一股炒濃味揮之不去，欠缺左金芝麻獨特既香氣。最重要既一點係索價係一般中式糖水舖既兩倍，仲要排隊，無下次了🙅‍♀️。🥄薑汁湯圓諗住呢款咁簡單既湯水實無死啦～點知薑汁落得太多片糖，唔夠辣之餘又無糖香。湯圓就整得幾好味，內饀係芝麻流沙，每一粒都好軟綿綿，比芝麻糊出色好多！📍研香尖沙咀厚福街7號地舖

門口裝修簡約舒服，一入到門口已經聞到好香嘅味道，坐到去最入，打開本有設計感嘅Menu，發現原來款式好少，相信產品一定好專業先可以做到咁專門😂Menu講明係日本頂級金芝麻，研磨8小時，令本來好鍾意食芝麻糊嘅我十分期待😚因為食飽咗晚餐，所以叫咗腰果芝麻豆腐花同芝麻糊湯圓。腰果芝麻豆腐花：芝麻味好香，腰果味好濃好甜，豆腐花都好甜好滑。芝麻糊湯圓：芝麻味更香濃，質地好幼滑，睇嚟係磨咗八個鐘嘅成果，湯圓有三粒，黑芝麻餡有口感，好香甜好味。

芝麻糊豆腐花：豆腐花得1隻匙羹的豆腐花碎。職員話係咁架wo。聲稱慢磨芝麻糊，食落仲有芝麻粒，唔知佢點磨。等位等20分鐘左右，入到去先知無開心果豆腐花（所謂signature)，都算，等糖水等左10分鐘，點知比碗咁既豆腐花碎黎。無服務無態度野又唔係好食，$48仲要豆腐花碎，叫碗普通芝麻糊（$30幾）都無咁嬲。 食肆成本大，但唔係咁做生意，當正你係水魚咁劏，仲要聲大夾惡理所當然。趕客趕到咁，睇下你做得幾耐。

身為開心果愛好者，之前留意咗呢間好耐，想試佢嘅開心果豆腐花好耐，特登上OpenRice 睇咗menu先去食，點知一坐低見到個價錢$58，心諗係咪我記錯，明明openrice之前睇係$48，只係一個月前嘅事。加價幅度會唔會太誇張不過既然坐低咗就都照試吓啦，總結都好食開心果味係幾香嘅，經開可以試吓，但勝價比不高，唔駛特登嚟試。題外話，食完想要張紙巾抹下咀啦，佢夠膽死收$5包紙巾，會唔會太離譜？我明白食店要控制開支，唔想免費提供俾人亂咁浪費，你要我買唔緊要，但係咪連紙巾都要賺咁高利潤呢？一般食店賣$2-3都合理嘅，唔駛賺到咁盡嘛？

有日同朋友食完飯仲想食個糖水，醒起呢度有間新開，再上openrice見佢寫住收00:00就去試試啦！一去到唔洗排隊但都坐到9成滿，當時差不多11:00。我哋表明2位後，職員就用眼神示意同帶我哋入座🙂（開頭唔知入得，因為職員冇講過嘢）我們都好快落左單，我叫左個熱芝麻糊，朋友叫杏仁茶。落完單好快啲糖水就到果時岩岩111:09。講返個糖水，食落個芝麻糊比較稀身、唔夠芝麻味同埋唔夠熱⋯好一般🥲到咗11:15左右啦，有位職員就逐檯同客人講佢哋11:30要閂門再放低再單，示意我哋要盡快離開，然後便周圍抹檯同收起啲椅。咁我哋繼續快快食埋佢啦⋯到咗11:20，同一位職員再重覆上述說話，咁大家當然乖乖離開啦🙂總括員工問題最大，再加上食物好一般。我同朋友就肯定不會再幫襯啦～😇仲有，如果係收11:30咁info應該要改返？

一心想去食個開心果豆腐花 見佢落咁多廣告6點幾去到就同我講晚上7點先有 好啦我叫芝麻糊湯圓先 到7點先再叫個開心果豆腐花 芝麻糊湯圓黎到我覺得好淡好似飲水咁 好啦以為個開心果豆腐花會好味D 跟住個服務員用好差態度同我講無豆腐花 真係唔知好嬲定好笑 好似唔想做生意咁之後我試個開心果豆腐花叫外賣 點知係酸既 呢間舖真係比錢買難食

話說上星期帶個海外朋友去試。因為地方細，三個人被分到一張係通道旁嘅兩人枱。員工會成日攞住啲熱嘅糖水不停出出入入，有好幾次撞到我朋友手，搞到佢差啲食唔到。後來見到後面有張比較大嘅枱，就問下有無機會可以轉過去。得到嘅係唔友善嘅眼神同一句: 依家撞到你？ 我哋其實都係問下，都知多客可能佢哋會想留位俾4人以上。但態度真係差到我唔會介紹任何人去。會再去各Social media劣評。仲有，啲糖水完全無乜特別。我果個杏仁茶豆腐花，無杏仁味又無豆腐味。腰果果個又係乜味都無

喺尖沙咀好早就食完飯，諗住食啲糖水🥄覺得呢個天氣食啲中式糖水，滋潤一下！見難得無人排隊，試咗喺厚福街嗰間研香➰· - - · - - · - - ·🔸 合桃芝麻糊 $38🔹 杏仁茶湯圓$43· - - · - - · - - ·食後感：糖水都正常發揮嘅，唔會好甜朋友食左合桃芝麻糊 $38～我就食左杏仁茶湯圓$43，杏仁味都幾香，而且有三粒芝麻湯圓，啲湯圓煙煙韌韌👌🏻一坐低就用QR code 落單但係等呢個糖水嘅時候等咗好耐(ㅍ- ㅍ )。。

首先一入去俾人用普通話問候已經覺得佢服務好好(ﾟ～ﾟ)ヾ然後出面部機原來只係for外賣就覺得整個UX可以進步一下✧ 開心果豆腐花（$58）開心果迷為咗呢個而嚟💚食落係真開心果nuts+米+水磨出嚟嘅天然味冇加太多糖但豆腐花佔在成個碗嘅好大部分所以有少少唔抵仲要睇返之前食評加咗價成兩成(;´Д`)！✧ 合桃腰果（$38）雖然上碟唔靚兩種糖水冇楚河漢界合桃味係幾出嘅但腰果味就普通傳統糖水嘅話建議大家如果喺尖沙嘴不妨行去佳佳試下～

研香出名果仁類嘅糖水呢個朵就時有聽聞，但一直都未有機會親身一試，今日見有閑情就去咗尖沙咀厚福街嘅舖頭試試佢！下午茶時間唔洗等位但都keep住有啲人流，坐低係用QRcode落單，中部分糖水可以揀少甜又幾貼心嚟得研香一定係試糊類，基本上咩果仁都有：杏仁露、核桃露、花生露、腰果露、連開心果露都有！芝麻糊等又係皇牌。見有女士必點，就叫咗個蛋白杏仁茶，順滑度頂級！蛋香同杏仁香味都好突出！真心未食過咁正嘅糖水舖，絕對係翻頭之選！兩溝揀咗芝麻糊+合桃露，香氣同咬口都念念不忘🥹🥹🥹

食飽飯搵間糖水鋪坐下，搵到研香---特別的地方係自己研磨，所以去試下，幸好，唔使排隊，因為每檯限食45分鐘，所以點餐後，上糖水都好快架，呢方面做得幾好。會再去食，下次去會再點招牌開心果豆腐花蛤🤤招牌開心果豆腐花：果然係招牌食物，送到埋嚟已經聞到開心果味，好香，豆腐花好滑，好食👍芝麻糊：好香+好食👍榴槤冰：加多份果肉，好好味，鍾意食榴槤就覺得好味👍環境方面，坐得有少少迫，店鋪唔大，多檯、凳，與隔離位好近好近😊

今日同朋友去尖沙咀，叫朋友陪我早d去食研香嘅開心果豆腐花，因為第一次去食個陣大概9點幾，已經售罄🫠所以見今日早，仲未有人龍，拿拿聲去左食甜品先😆..如願比我食到開心果豆腐花，但係結果係失望嘅🥲味道偏酸，本身以為豆腐花變壞，所以酸，問過職員原來係正常，係酸嘅，咁我就有d失望，因為味道好差😖..朋友點嘅係合桃糊，好厚身，味道唔錯，比開心果豆腐花好，好重嘅合桃味，而且可以選擇小糖或正常，好貼心..

天氣開始凍後就想食翻上次落空的，今次同朋友平日下午時段去終於食到！$48 開心果豆腐花 半糖 好濃厚天然的開心果味，口感綿滑，應該真係直接由堅果磨研的，配上偏滑身的豆腐花剛好，開心果和豆腐花的比例3:2，選擇半糖甜度剛好，如果追求豆味嘅就冇啦$36 合桃露 +$2代糖口感幼滑，偏結身，揀左代糖，但感覺偏甜，比起開心果豆腐花更黏口，可能因為冇左豆腐花平衡下，相信外面其他中式糖水也能食到的味道上次初訪時，上枱時完全唔熱，天氣轉涼左後，情況改善咗，係熱嘅😅

夜晚時段，同朋友諗住入嚟食吓芝麻糊，休息一下，但休息過程中忽然之間感覺到隻手有少少痕癢，發現原來有隻曱甴爬咗上身，嗰下嚇到食唔到落去，好快走咗。雖然食肆難免會有曱甴，但當下尖叫嘅時候，冇店員過嚟幫手，要靠我哋自己去處理返，同埋踩死隻曱甴，個吓嚇到已經冇乜胃口，唯有嗱嗱臨走人。