研香

营业中

休息中

之前試過星期五晚上9點幾嚟，無位。今次星期三8點多，見到好多位，於是入去試吓。睇post見到人介紹開心果露，第二度無，咁當然要試。坐低用QR code落單，可以免費加豆腐花，咁又加埋。好快有得食。要求少甜，真係少甜，但可以本身開心果都係淡味，食開芝麻糊嘅我就覺得好似怪怪地，味道一般。豆腐花就好滑。埋單$48，糖水嚟講稍貴。如果下次再嚟，應該都係食返芝麻糊或腰果糊。

厚福街一向都係尖沙咀嘅食街，最近喺附近食完飯就發現開咗一間新嘅甜品鋪。舖面裝潢行無印風格，以木色做主調加上燈火光猛，所以喺眾多店鋪中都幾突出當晚七八點嘅時候經過冇咩人，見到有開心果露就已經覺得幾吸引😍 但係九點十點時候想買嘅時候發現出面已經堆滿長長人龍⚆_⚆ 我哋人太多都決定外賣自取返附近食，而且當時開心果糊就淨返兩碗.... 所以建議早啲去💡🥢開心果露 ($48)口感好濃郁幼滑，食到濃濃嘅開心果味之餘仲唔會太甜/太稠；而且仲充滿香味，如果加埋湯圓應該更加正。就咁睇價錢可能覺得偏貴，但食落份量都多，因為買剩2碗所以被逼4個人share，但最後發現咁樣食份量啱啱好👍🏻 因為係外賣仲自己私伙加多幾粒開心果一齊食😂--------------Pistachios lovers here? GRINDIE might be a great spot for you! It was surprisingly popular by seeing their long long queue outside the shop after dinner time.🥢Pistachios Sweet So

最近厚福街新開左甜品店，主打中式糖水，標榜天然人手製造，之前經過都排到人山人海，今次竟然唔洗等位。裝修簡約，座位比較狹窄，Menu選擇唔多，經由QR Code自行落單，糖水均可以選擇半糖/正常，落單後甜品5分鐘左右就黎到。————————————♥————————————- - - - - - - - - - - - - - - - - - - - - - - - - - - - - - - - - - - - ♥️ 8小時慢磨芝麻糊湯丸 $48Sesame Dessert Soup見到餐牌寫芝麻糊用左8小時研磨，總要加埋黃金芝麻，芝麻味聞落冇想像中咁香，湯圓有3粒，叫左全糖但食落唔會好甜。♥️ 研香雙拼・芝麻合桃 $38Sesame with Walnut Dessert Soup兩款糖水味道好夾，口感好滑溜，但食完有種好濃烈既渴喉感。- - - - - - - - - - - - - - - - - - - - - - - - - - - - - - - - - - - -————————————♥————————————

食完晚餐去食個甜品，上次自己食，只係食咗一碗，今次有兩個人，可以食3碗🤭。🖤『芝麻糊•加湯丸（3粒）』$38+$10🤎『腰果露•加豆腐花』$36+$10💚『開心果露』$48⋯⋯三個味都好出色，味道好濃郁之餘，仲要好thick，重點係個温度都夠熱！重口味可以揀芝麻糊；特別啲可以揀開心果露；補身啲就揀腰果露⋯⋯太好食，想買外賣俾屋企人，但竟然八點多少少，未到甜品高峰期，就已經賣晒開心果露，想食嘅你記得早啲嚟！。📍 研香 (尖沙咀)尖沙咀厚福街7號地舖 @grindie.hk 。好味指數：🌕🌕🌕🌕🌕回味指數：🌕🌕🌕🌕🌕

我呢個「開心果迷」又去試新嘢！#研香 係尖沙咀開咗，可以堂食啦！不過食開嘅開心果糊賣曬🥺，但試咗：#開心果奶蓋紅茶 🥳一上枱見到咁多開心果碎😍，淡淡嘅綠色好蓋💚，creamy 得嚟又可以咬啲碎，口感十足！最正配上紅茶☕️，零甜味，balance 返奶蓋，即刻冇咁邪惡，好健康🤭！仲叫咗：#腰果芝麻糊佢未放上枱，拎緊過嚟時，已經聞到陣陣果仁香氣，佢唔算細個食開好「杰撻撻」嗰種，但好滑，味道都道香濃，而且唔係間間糖水舖都有腰果糊，加埋芝麻糊，兩者都好養生！腰果補腎，芝麻護髮養顏！

在尖沙咀食完晚飯， 突然想食甜品， 經過尖沙咀厚福街發現有間研香， 就即興入去試下。 我們坐在門口位置， 點了兩款糖水，腰果芝麻糊$38、 腰果露湯圓$46。 ▫️腰果芝麻糊 ～ 賣相當然沒有餐牌上的漂亮， 整體口感細滑， 芝麻味很香。 ▫️腰果露湯圓 ～ 腰果露配上芝麻湯圓， 味道不錯。 價錢偏高，幸好味道算好， 但我坐的位置近門口位，好大風🌬️，越食越凍啊🥶！ 🏷️溫馨提示～ 整個用餐體驗均屬個人分享意見， 只作參考😊。    

同朋友約左尖沙咀食飯，然後大家傾到唔捨得散就直落去食埋個糖水😆 搵到近近地有間睇落唔錯嘅糖水店，來到真係見環境都幾新淨幾舒適🤪 而且糖水質素都真係幾好食幾唔錯😍 椰汁紫米西米露 - 推薦5粒星⭐️ 椰汁紫米西米露真係做得好出色，又香又好食，椰汁味好香好正，配埋紫米同西米岩岩好🤣 合桃露 - 推薦5粒星⭐️合桃露一樣好好味，合桃香味撲鼻而來，食落厚厚實實而唔係話好水個種，我覺得岩岩好，好正😙朋友聚會食糖水來呢到真係幾岩😆 好食又抵食👍🏻 下次都會再幫襯⭐️

呢間糖水小店係新開嘅，我覺得大家可以book mark定去食。佢哋有好多唔同款式嘅糖水，除咗有傳統一半嘅中式糖水之外，仲有一啲新式糖水！是日推薦：合桃露🙆🏻‍♀️平時都好鍾意食合桃露，因為可以補腦覺得會有用啲佢哋呢一度嘅合桃係用新鮮嘅合桃磨出嚟製成的。食落去嘅口感仲有少少合桃碎有層次得來非常豐富。合桃露嘅味道亦都非常之甘香。椰汁紫米西米露📸️我哋仲另外叫咗一個椰汁紫米西米露，呢碗西米露睇落非常豐富，食落非常清甜。西米露嘅口感亦都非常煙靭。

首先要介紹吓呢間餐廳佢係一間新嘅餐廳嚟嘅！店內所有產品為純素&不含奶製品。我最鍾意呢度嘅原因係因為佢所有嘅甜品都可以選擇唔同嘅甜度😚有全糖、半糖及代糖，好貼心啊！減肥嘅人都唔使怕啦😋🥥椰汁紫米露👉🏻我媽咪勁鍾意食紫米㗎 ！所以就叫咗一碗俾佢試吓，呢度嘅紫米煮得剛剛好，唔會話好硬身，我媽咪覺得勁好味。我自己就比較鍾意佢講椰汁！好鮮甜㗎💚開心果露👉🏻呢款開心果露就犀利囉，除咗係佢哋店舖嘅招牌之外！食落真係同平時一般新年食開嘅開心果唔同味架。佢全部都係用咗意大利嘅開心果識落個味道會濃郁啲。👏🏻佢哋嘅職員服務態度唔錯，我覺得平平哋食到一間咁好味嘅糖水店真係好幸福。

今日做完運動，熱辣辣好想食返啲甜品，會又凍又甜。我哋行過尖沙咀呢間甜品小店，見到佢哋有榴槤冰同埋芒果冰。睇到張相都覺得非常之吸引，就決定入去試吓。🍨榴槤冰 $48 ❤️❤️❤️❤️❤️我哋原本都好鍾意食榴槤，見到之後就決定要一個榴槤味嘅冰。佢嘅榴槤冰非常多榴槤蓉，而且好香榴槤味，口感非常之正。加埋啲冰一齊食就非常有榴槤味！🍧芒果冰 $42❤️❤️❤️❤️❤️芒果冰亦都非常之出色佢除咗有芒果茸之外，仲有一啲爆珠，令到個口感更加豐富，佢哋嘅芒果亦都非常之甜。食落去成個冰都好香芒果味！

最近做野壓力大，朋友介紹話呢間唔錯😆好想食下甜野調節一下，睇到門口已經見到好多選擇，員工第一時間已經招呼我，再望一望，又發覺d燈都幾靚（我係特別鐘情望燈），裝修既設計好舒服，佢地員工態度好好又有笑容，佢推介我食芝麻糊，話加入咗日本金芝麻，咁我就話無所謂，來一碗啦估唔到一叫完唔洗等好耐，哇！估唔到個日本金芝痳係可以分開上，即係可以任加，不過我真係第一次食芝麻糊係加芝麻，原來兩個加埋一齊係好夾，個口味好有置身係日本既感覺，因為芝麻糊味道好濃烈好香，唔會過甜，味道剛剛好，實在太好食😋😋😋😋😋平時係屋企自己整都整唔到咁好味 服務第一/味道第一/價錢公道第一

今日喺尖沙咀同朋友行街🛍🛍🛍，行咗好耐，剛好行過厚福街嘅其中一間糖水店🍨，原來係新開張嘅，外觀幾日式，外牆有一個好似太陽🌕大圓形喎嘅燈飾，感覺好溫暖🌡，所以入咗去 歇一歇🦶🦶🦶 楊枝甘露 $46簡直冇得頂！楊子甜甜的，一D苦澀味都無，一絲絲楊枝質感好飽滿。甜到呢適中啱啱好。 又有大大粒嘅彈牙西米，大大粒肉眼可見嘅芒果肉！！份量充足！！！又多重滿足。 開心果露 $48店舖職員話呢一個係限量供應，所以我就專登嗌咗呢一個～～～～另一個原因，今年師傅話我個月五行欠木，開心果係綠色，所以我就嗌咗呢一個啦，補番木旺🌲🌲🌲 唔算太甜好有，開心果味。

呢間野賣好多廣告 收工後同同事黎食 面頭有啲開心果粒粒 但食落總係有陣酸味🤨唔太鍾意 👎🏻呢度啲職員黑口黑面 叫佢都唔應想要杯水好似攞佢命咁 我唯有自己出去拎點知聽到個阿姐細細聲罵：飲咩水咁鐘意飲水我唔知佢係咪罵緊我 見佢又會倒水比人 但冇倒比我果檯 其實⋯⋯你做緊服務業喎阿姐 唔鐘意就唔好做啦👎🏻👎🏻👎🏻👎🏻仲要客人受返你氣 黎食糖水比人罵當下冇同佢理論 成個過程都唔開心 仲要未夠鐘就慛人走 冇下次😮‍💨😮‍💨咁既鋪頭等執啦 唔尊重客人

小妹又就試伏😁✌🏻到底伏定唔伏？繼續睇埋落去啦！是日餐點♨️合桃露&楊枝甘露味道評分:💯，冇伏！今日其實本身係同朋友行吓街，點不知行行吓有啲攰咁岩就見到呢一間新開嘅餐廳，我個friend就話不如試吓到底好唔好食畢竟門口都勁多人排隊🙈入到去佢嘅裝修比較簡單，唔算坐到好多人。我見好多人都買走，如果想坐喺度食嘅話可能都要等一陣💁🏻‍♀️食物方面：合桃露真係好重合桃味☺️我個friend唔係咁鍾意食合桃㗎，所以就啱晒我啦我可以一個人獨吞🤣真係好食到停唔到口。一嚟佢比較大碗，二嚟佢嘅口感好滑令人一試難忘。楊枝甘露就好有傳統嘅味道，我個friend食完之後話好爽🤩如果你想繼續睇我介紹記得follow我😎

今日見到屋企樓下新開左間糖水店，就諗住試吓佢哋嘅中式糖水，因為佢哋係標榜自己人手製造非常之天然，而且好好味，用嘅材料亦都非常之有質素。首先我哋就叫咗一個杏仁茶，嚟到嘅時候都覺得佢好輕，食落口覺得除咗有杏仁茶嘅味道之外，佢哋仲加蛋白落去整令到成個杏仁茶非常滑脫脫白雪雪！以前接受唔到呢隻杏仁嘅甘香味，但係佢哋呢度嘅杏仁唔會苦！另外，仲叫咗一個研香芝麻合桃，見呢一款熱嘅糖水亦都非常吸引。首先佢嘅顏色都係兩溝非常之特別，佢哋嘅味道都好夾。佢嘅芝麻香味再加合桃嘅香味，豐富左整個甜品嘅味道。佢哋嘅芝麻同埋合桃都係新鮮磨出嚟，食落口仲有少少合桃碎有口感。