石磨樂豆

营业中

休息中

💡【新加坡過江龍甜品】呢間新加坡過江龍係我近期甜品店最愛至一，選擇夠多，豆乳味夠曬香濃。🍞爆餡芋泥肉鬆吐司 吐司外脆內軟，裡面滿滿嘅芋泥同香脆的肉鬆，口感層次豐富，甜中帶鹹，有驚喜❤️🍵白玉紅豆燒仙草 仙草的清爽口感搭配Q彈的白玉和甜蜜的紅豆，食完好清涼，特別適合炎熱的日子。🍐樽裝木瓜雪耳雪梨豆乳 呢杯係清新之選！口感滑順，木瓜和雪耳的搭配又幾夾，清甜的雪梨味道解渴又有營養。🍡奶盖芋泥小丸子 Q彈的小丸子搭配香濃的奶蓋，淋上香甜的芋泥，口感好豐富。

星加坡過江龍豆品店，主打豆乳同甜品之外，仲有吐司食🎈田園慢煮雞扒吐司新鮮製作熱辣辣，熱壓吐司夾住雞扒、蕃茄及生菜🥬雞扒厚肉滑嫩，以黑椒調味幾香口吐司以紙盒裝住再放入保溫袋，乾淨企理🎈芋泥西米露西米露豆香味濃郁，芋泥份量都幾多，豆乳無加糖，撈埋芋泥一齊食甜度啱啱好，口感一流🎈桂圓桃膠豆乳好滋潤嘅飲品，將桂圓桃膠加入豆乳，味道清甜好似食緊糖水咁，飲完好有飽肚感🎈咖啡豆乳咖啡控會鍾意嘅一款，咖啡味加上豆香，配搭頗有新鮮感

作為豆漿、豆花、豆腐控、見到新開既有關餐廳、小食店絕對會去試下，今次就去左裕民坊既新加坡過江龍【Jollibean石磨樂豆】 試下。墨西哥肉醬吐司：吐司係用熱壓方式整。墨西哥肉醬本身標注係辣既、但連唔係好食得辣既人都覺得只係BB辣、墨西哥香料既味道比較突出。香味十足。三色芋圓豆腐花：呢個價錢CP值極高、本身個size好大、芋圓非常多，而且非常煙靭、芋頭、地瓜味道都好出。另外豆腐花豆味濃、又好滑。樽裝木瓜雪耳雪梨豆乳：豆乳味道好濃厚、加左木瓜雪耳雪梨有D似食緊珍珠，但係健康版既珍珠。非常清爽滋潤、好岩宜家既天氣。樽裝燒仙草豆乳茉莉花茶：豆乳加左茉莉花茶、飲得出好香茉莉花味、而加左豆乳好creamy，燒仙草增加口感。

最近觀塘裕民坊開咗新加坡🇸🇬豆乳品牌Jollibean，有多款豆乳飲品同吐司選擇，午餐作為輕食都唔錯。🍞田園慢煮雞扒吐司：吐司烘得香脆，裡面有嫩滑雞扒，生菜同蕃茄，沒有醬料感覺清新健康。🫘椰汁紅豆桃膠：盒裝份量很多，桃膠養顏，混合椰汁紅豆很好味，對我來說小甜更好。🍐木瓜雪耳雪梨豆乳：雪耳雪梨滋潤又健康，豆乳味濃郁。🍠奶蓋芋泥小丸子：有綿密芋泥同Q彈小丸子，奶味香濃，小甜都較甜。飲品甜品整體較甜，不喜歡可選少甜/無甜會更好。

今日買咗裕民坊的石磨樂豆 Jollibean 外賣做lunch,佢哋嘅嘢食好食又健康，選擇豐富非常吸引。牛油果碎蛋吐司吐司微微烤香，外脆內軟，牛油果和蛋的比例剛好，餡料豐滿，讓人一口咬下去就感受到濃郁的滋味。黑白芝麻豆腐花口感滑嫩，黑白芝麻的香氣融合得恰到好處，甜而不膩，是一款非常適合搭配豆乳飲品的甜品。樽裝火龍果豆乳500ml粉紅色賣相好靚，火龍果味豆乳清新爽口，估唔到火龍果與豆乳都好夾。樽裝芋泥豆乳500ml健康又美味的選擇，芋泥豆乳濃稠香滑，帶有淡淡的芋香。

每次經過呢間來自新加坡🇸🇬豆乳專門店都會見到好多人排隊，等我都試吓係咪咁好食先😋爆餡芋泥肉鬆吐司（$38）🥪吐司熱辣辣、外脆內軟，裡面有好多芋泥同肉鬆，微甜嘅芋泥同充滿鹹香嘅肉鬆非常夾，食落有層次🤤～三色芋圓豆腐花（$30）好大碗嘅豆腐花，同朋友share岩岩好☺️，芋圓入口Q彈，配搭濃郁滑嫩嘅豆腐花一齊食，都幾夾，仲有一包糖水俾你自由添加，我唔落糖水都已經覺得好好味😍奶蓋芋泥小丸子（凍）（$38）賣相層次分明，估唔到豆漿同香滑濃厚嘅奶蓋同芋泥好夾，口感非常順滑，甜度適中，飲完幾飽肚😋樽装火龍果豆乳（$42）🩷好sharp嘅粉紅色，入口同平日覺豆乳差唔多，係多咗好多火龍果籽，每啖都飲到火龍果籽同濃郁嘅豆乳，健康又美味🤤

又多間豆製品甜品同野飲，好重要一定要叫微糖味道岩岩好，下次會試下無糖。推介奶蓋芋泥小丸子豆乳，有微咸厚身既奶蓋，軟軟糯糯，細膩濃稠既芋泥，煙韌既小丸子， 口感超豐富， 飲曬成樽都幾飽，可以當light 午餐。招牌黑白芝麻豆乳係芝麻豆腐花嘅飲品版。三色芋圓豆腐花，$30超大盒太抵了吧， 4個女仔分黎食都得，芋圓煙韌係我要嘅口感。彩虹芝士吐司🌈 色彩繽紛🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🍽️：石磨樂豆 Jollibean (觀塘)📍：觀塘協和街33號裕民坊YM² UG樓UG1號舖🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲#hkfood #hkfoodblogger #hkfoodreview #hkig #hkfoodie #foodstagram #eatstagram #世一豆乳 #豆乳之鬼 #打卡able #相機食先 #職人精神 #JollibeanHK #石磨樂豆 #裕民坊 #德福廣場 #都會駅 #手搖 #豆乳 #吐司 #豆腐花 #甜品 #療癒美食 #蛋白質 #dessert #foodie #ComfortFood #觀塘美食 #觀塘探店 #觀塘甜品

友人見觀塘裕民坊新開左間甜品店，佢試飲過豆乳飲品話都ok所以今日就外賣埋甜品一齊試下😗🍠芋泥西米露加大芋圓 $38+$15 （大芋圓）芋泥份量幾多，撈埋西米一齊甜度剛剛好，食得多唔會太漏太甜，都幾好味😋連平時唔好芋泥既老公都話幾好喎。但可惜佢比漏左芋圓。。。最鐘意食煙韌野既蕃薯老母感到失望🥺 🍠黑白芝麻豆腐花 $28價錢黎講係抵既，但個豆腐食落去粗「鞋」，一啲都唔滑，個芝麻糊仲要有啲澀，越食個口越粗糙，真心唔推薦。📍石磨樂豆 （觀塘）觀塘裕民坊YM² UG樓UG 1號鋪

滿懷期待地過來試新開張嘅Jollibean，豆乳飲品味道不錯☺️豆乳茶係常溫，本身冇冰，我地買嘅兩款都可以自選甜度，選左半甜，ok唔會話好甜～ღ培茶豆乳+珍珠：豆乳味較培茶味重，仲會食到少少豆漿渣，珍珠就係正常sizeღ仙草豆乳茉莉花茶：仙草係正長方size，細細粒但份量好多；飲到淡淡嘅茉莉花味，茉莉花茶佔8成，豆乳味得2成，不過整體係幾好飲但toast方面就令人失望🥹ღ黑椒免治牛肉吐司：男朋友話完全冇牛肉味，而且肉嘅份量極少，都係得啲醬汁嘅味道，唔推薦😓ღ爆餡芋泥肉鬆吐司：肉鬆份量ok，但奇怪地我完全食唔出芋泥味，感覺似紫薯味多啲(但好彩我本身都鍾意紫薯)😅👍🏻其他：- 落單嗰陣店員提醒 download apps做會員嘅話，首次買滿$50有9折！- 因為登記左會員，收據會顯示你個名，幾得意😂- 裝Toast嘅包裝紙內裡係錫紙質地，比較保溫

路經裕民坊想喝茶飲, 見位於地面 (UG層) 的這間店未曾光顧過, 且自身背著很重的東西, 為了省點力氣, 便沒有光顧商場內曾經光顧過的茶飲店了。買了一杯 $36 的芋泥豆乳沙冰 (700ml) 品嚐, 由於 500ml 跟 700ml 只差 $4, 故買了 700ml 的。購買時已請店員幫忙沙冰的攪拌時間長一點, 希望冰的質感再幼細些, 怎知一喝之下, 是一粒粒的冰粒, 與我的期望有明顯的落差。至於味道方面, 芋泥和豆乳的味道是有的, 但因冰粒實在多, 喝了約1/3也不想喝了, 忍不住向店員反映, 店員溫婉地告知沙冰是用冰打出來的, 願意製作另一杯給我。基於落單時我已提出要求, 且大家對沙冰的理解不同, 心想再重新給我製作, 出來的效果應該不會有太大的分別, 為免浪費, 故最後也拒絕了。對於沙冰, 如我沒有理解錯誤, 應是以冰, 水和其他配料打碎拌勻至沙般, 不經咀嚼便可吞下的一款飲品。這杯沙冰明顯與我的期望有差, 下次如再光顧, 還是選其他款式的飲品, 始終一杯茶飲並不便宜。