石磨坊 (已結業)

石磨坊的甜品幾好。但係每枱一個煙灰缸實在倒胃口有天去到仲好大煙味，(新寶店)其實禁煙不是還好嗎?吃吃甜點最多不過半個鐘可以忍耐吧?還有menu薄開始污損肥膩了, 要清潔一下。喜歡石磨坊才有這些意見。

年初四唱完Ｋ～同男友口痕痕..決定去食糖水..就黎左哩間食!!!但之前食過覺得唔太好~(芒果刨冰)因為ｄ冰既甜味好假..淋果汁較好!!!講返正題先..今次首先嗌個穩陣ｄ～嗌左個新楊枝金露..味道都幾好..幾滑..分別應該就係除左芒果同柚肉..仲加左水蜜桃同埋蜜瓜..跟住貪得意嗌左個桂花同心糕..又幾得喎!!!幾好味..芒果好甜..中間ｄ紅荳蓉唔太甜..好滑～情侶食真係幾ｓｗｅｅｔ架!!!個賣相又靚..味道又好..又抵食..我推介大家試哩個..真係唔錯!!!

第一次寫食評, 有D緊張...昨日跟朋友去MK 血拼(shopping),到下午4點我提議到石磨坊食甜品.之前跟男朋友去過一次,食左個栗子合桃糊,好好味,好香.我男朋友叫左個芝麻糊重好食,d芝麻好滑,唔會有黑色一點點,我男朋友話果然係磨0既.但今次去食,就覺得一般啦.因為我叫左個朱古力蛋白燉奶,我本人好愛chocolate味0既野,我巳為個燉奶會有好香濃朱古力味,但食落覺得幾淡..得小小朱古力味,同埋不算滑.所以我下次去都只會叫番d 糊食.下次一於叫腰果糊.^^.

最鍾意佢地既合桃加杏仁糊. . .其次係芝麻糊,我隔離果個不嬲都唔多鍾意lee d 乜乜糊,但佢都竟然愛上左,掉返轉頭捉我黎食. . 我地出親旺角,就算食到幾飽,都一定會黎幫襯,最多一碗兩份分!

初一忍唔住口, 又嚟食甜品啦.Highly recommended my bf 食椰子糊, 佢都覺得好"正". 好香椰子味, 好滑而且唔太甜.而我就三心兩意, 最後沒有單叫栗子糊, 叫左栗子糊溝合桃糊, 個栗子糊甜左少少, 好香栗子味. 而合桃糊就唔係太甜, 好香同滑, 溝埋一齊食甜味恰到好處. yummy 下次會試杏仁糊+ 花生糊hee hee.如果無記錯, 呢道將會由初八至十三休息.

試左腰果糊和合桃糊, 質感很滑. 味道很香, 應該很足料. 食完都唔覺太甜.冰類勁大碗, 賣相已經很壯觀, 一個人凍冰冰食得哂重壯觀. 生果都幾多.最推介糊類, 夠哂香滑

一直都好想試下石磨坊的椰子糊, 尋日終於忍唔住去食. 叫了熱食(因個waitress 問我熱食有無問題, 我當然話無啦, 我唔食凍野麻, 所以我唔sure 有無凍食) . 個椰子糊好香椰子味, 好滑, 唔太甜, 個糊適中-- 唔太稀, 亦唔太"傑" , 好"正" 啊!如果想試下的朋友, 記住呀, 只係逢四, 五, 六, 日供應咋. 下次再試埋栗子糊先^.^

我覺得以前好食啲,尤其係我主力攻打既刨冰,而家真係唔係咁好食,同出面果d差唔多,唔特別!我個frd食既芝麻糊都好"杰"!

20 January 2006 (Fri) - 甜品由於食晚飯既地方唔比食煙，食完晚飯後，友人們就立即建議去食甜品，又可以坐又可以食煙！原本係想去鼓油街嗰間石磨坊，但係行過見到只係剩返門口嗰張枱，食晚飯時已經係坐門口，所以堅持唔想再坐門口，就決定行遠少少黎呢間！估唔到佢入面又有位坐喎，不過就真係越夜越多人．．．我同其中一個友人叫咗杯本瓜奶，因為非常口渴又唔想飯有冰既嘢(天氣太凍)，然後另一友人叫咗熱木瓜雪耳，我哋再叫share叫一個芒果紫米芝蔴卷，原來個卷麻麻地，我好似以前食過幾好，今次再食又覺得麻麻地！下次都係唔叫呢個啦！其實坐就唔係坐得好舒服架啦，不過最好既係想坐幾耐都得，因為要等位既人都唔會企喺隔離等，冇咁大壓力嘛！

芝麻糊溝腰果糊, 腰果味濃郁, 芝麻糊好香, 而且糊唔太“傑”, 好味. 杏仁木瓜雪耳(唔太記得個名) , 好清, 唔太甜, 雪耳幾爽, 木瓜都幾甜. 整體上ok .

有陣時都會食下, 我既細佬好buy呢度既芝麻糊, 話佢即磨好香喎. 不過我就唔太喜歡, 覺得芝麻糊太甜, 有次食左一半就膩到唔想再食.試過食芋泥西米露, 芋泥幾香, 配上椰汁西米露幾有新意, 可惜我最怕椰汁, 所以都未食完就放棄.熱既甜品選擇太少, 對於我呢d唔食凍甜品既人真係無咩選擇. 睇雜誌知道老闆娘好有心機創作新甜品, 希望以後呢間店可以多d熱甜品啦~~~

晚上行過見到好多人, 就試下. 點知一試之下, 發現超失望. 芝麻卷個皮超甜, 無芝麻味. 另一個有紫米及芒果的甜品亦麻麻, 不特別. 下次食甜品都唔會選佢.

尋晚食完d刨冰抵,二十蚊一大舊冰個桂花榚好好味芝麻芒果卷一般芝麻糊同腰果糊都係自己磨既,好味環境略差,坐得唔舒服

冬天的糊類真的不錯, 椰子糊同栗子糊都很香!值得推介。不過那個楊枝甘露真的不敢恭維, 入面竟然有些似乎是刨完西瓜/密瓜球的一些碎(近果皮白色位置的"果肉),駛唔駛甘慳呀!效果真係好嚇人!唔該唔好再落啦!!

我對甜品店一向冇乜大興趣，去食糖水，我通常只會叫凍綠豆沙，這一間的凍綠豆是我有生以來最難食的一間，這間竟然為左慳錢，綠豆沙不是煲的，而是磨的，所以完全唔好食，你估綠豆沙係其他糊仔啊！所以我唔會去第二次。