石磨坊 (已結業)

講真價錢貴, 野食唔掂唔知點解仲0甘多人去食, 真係把鬼！

見識過「上海坊」的垃圾食物，心中感覺怪怪的。所以轉到這兒「善待」自己一番。點了招牌貨「黑糯米芒果芝麻卷」（$20）和「杏仁糊溝腰果糊」（$19）。芝麻卷仍然能夠成功地力保其招牌，糊類一向都係這兒的強項。兩款都力保不失其招牌地位。好！

上星期日見諗唔到食咩,就上黎睇下有咩好地方介紹...搵到呢間食糖水既就決定一試...我同男友出完飯,專登黎黑布街試下呢度石磨坊,坐低個時個場都差唔多full,好彩都有位,我同男友就係度揀野食,係揀野食期間個陣廁所味不斷傳出黎,已經咩胃口都無,揀左好耐都揀唔到想食咩,結果男友就揀左個西瓜刨冰,我就揀左好耐都無樣野想食,但一心黎度就是但啦...卒之揀左凍朱古力"登"蛋,先黎登蛋,因為係凍一早就整定,係雪櫃黎出黎,嘩..食第一啖似慕絲多d...男友試一啖都覺得好似...不過越食越難食..我食左2啖就放棄喇,等左一陣刨冰都黎喇..個刨冰賣相都似足個張貼到周圍都係既雜誌,但實在太甜喇,好似飲緊糖水,完全接受唔到,最後用左40埋單...個feeling 好似無啦啦比40入去,但咩都無做過咁=.= 呢間垃圾場唔會再有機會,亦都唔會推薦朋友黎試=.=

食o左一碗紅豆沙+杏仁糊，o的糊真係幾滑。紅豆沙都ok，我都好滿意！我男友叫o左芒果冰，麻麻地啦！好難食得完成個，又會食到成檯都係冰，味道就覺得一般，其實只不過係芒果汁加冰，有o的芒果o向底o甘！麻麻地啦！我都係鐘意食呢度o的糖水多o的！

(27/4)還記得數年前去過一次，大篇幅報導，是否需要激讚？又是那一句，咸魚青菜，各有所愛。闊別重臨，還是一樣，就像遇見你那當年傾心的男孩子，數載後相逢，懷疑自己想當天為何選擇他？芒果撈河，看來實屬那男孩子的優點，大片芒果，河粉似是椰汁與麵粉的合成，芒果汁料濃郁，相信喜歡芒果的還是會喜歡，清新脫俗。年紀大了看真一點，看看內涵，有些卷狀形的黑芝麻卷，軟的表皮，內裡黑芝麻般的內涵，名字還是記不起，記不起即是印象模糊，表示未能留有位置。其餘的還是糊狀甜品，有些還沒有吃，看來真的起不了甚麼吸引作用，因甚麼已忘記。隔了兩三條街，回想起來，這個男孩還是大有捧場客，只是不再屬本人。

我試o左：芒果黑糯米芝麻卷─好足料,不過熱食既,如果係凍既話就perfect.芒果刨冰─相對黎講呢個比較差o的。雖然個樣特別，成座山咁，但o的冰都冇味o既，好似水咁冇味。

近年新派甜品舖像雨後春荀,梗有一間在左近.在黑布街發跡的石磨坊,已經在同區開多兩間分店.但一次都未去過,是夜眾人食飽飯後要甜品,拉大隊去黑布街老店去.店子細細,內裏別有洞天,原來尚有間大房可容納多幾檯客.甜品市場似乎真係好大.之前未睇過此店之食評,唯有信牆上的雜誌剪輯.簡單地點個杏仁芝麻糊算,芝麻糊當然帶杏仁味加芝麻味,質感適中,算不錯.兩溝芝麻糊,都係第一次試,唔好笑我.其他甜品,留給其他食友去品評.唔知有無人會聽我話呢?(大概普普通通,又無話其他人講到正到dum一聲,總之,無高潮.)

每次黎都會叫栗子糊, 貪佢夠香又滑. 可惜佢唔係成日供應其次佢個個恾果河粉好正, 不過太貴了, 作為反後甜品時, 都唔係成日都想叫河粉. 除非當反食就差唔多.

上星期六我同班朋友去石磨坊食刨冰, 之前有同學介紹話d刨冰好正. 我地叫左個椰香西瓜刨冰& 椰香芒果刨冰。D西瓜刨冰好清甜! 花奶&椰汁好香ar!!! 至於芒果刨冰, D芒果好香甜&好滑! 與涼粉的配搭好正ar!!! 食刨冰的確幾消暑!!! 下次要試下其他刨冰, 特別是士多啤梨刨冰!!!椰香西瓜刨冰$ 20椰香芒果刨冰$ 24椰香士多啤梨刨冰$ 28

芒果河粉- 芒果真係熟過頭,咬落去口感好差! 甜品既生果應該係好新鮮先, 所以我都幾失望囉!另外芝麻卷都幾唔掂, 調味方面無咩水準!

平時都有食開佢啲'糊'既都算唔錯既~ 今次諗住試下新野...(唔記得個名, 請睇相)睇外表估佢會係烟烟靭靭既裹面包住啲紅豆涵點知估計錯誤外面係大菜膏之類既物體一咬落去有啲失望喺底既係花奶有啲唔知點噤有啲格格不入價錢都唔平$24 大约7-8舊

今日搭唔切尾班火車返屋企, 即係點都要o係大埔搭50蚊的士, 所以suggest同學們行去旺角, 先食糖水後返歸。老細同學強推石磨坊, 對新式甜品屋一向expect不高, especially 入到去, 個個食住煙, 張檯又痴立立, 環境同衛生要扣分。可是, 甜品一入口, 印象立即改觀。放得個石磨上檯, 石磨甜品應係主打。我同朋友叫左芝麻合桃糊同芝麻杏仁糊, 兩者都香滑得不得之了! 因為是日太熱, 加上由老尖行到旺角, 所以明知食糊係要熱都叫左凍, 而我從來冇expect過凍糊係可以如此滋味的!老細同學食果個芒果刨冰稱為鎮店招牌! 個刨冰初時都乸手唔成世, 之後經我一叉叉咁叉散個底, 咁就搞掂曬啦! 刨冰加埋芒果汁, 清甜又爽快! 芒果個樣好似好甜美, 不過我冇食。食完2個甜品過左幾個鐘都唔覺口渴, 對於我而言, 係極少可! 甜品甜得來真係剛好!p.s. 佢有個甜品係2個心, 叫情侶精選定乜啦, waitress俾把刀隔離檯對情侶切, 我見到個心都諗"喂咪玩啦", 搵把刀切開2個心呢d野, 相信係女仔都唔會做, 果然, 個女仔係唔夠膽切的, 叫個男仔切, 你覺得個男仔會唔會切呢又? 未

見呢間0野0係Openrice 有超過100 個笑面, 今日放學就一條友"冒名而來" 食熱芝麻糊西米露.個人不嬲唔算好鍾意芝麻糊, 但呢間0個d 真係好得--texture 滑得像hand cream 一樣, 芝麻味濃, 又唔會太甜, 好食! 加0左d 西米口感就特別0左, 幾得意的.環境up dup, 但乾淨; 亦出奇地無人食煙. (不過其實有都唔出奇, 而家d 人係咁0架喇, 食飯又食煙, 食糖水又食煙, 食宵夜又食煙, 食少陣都唔得! 仲要係旺角區!)留意到佢menu 入面有好多其他款式的甜品/糖水, 似乎都幾吸引, 相信幫襯係有下次的. =)

吃完晚飯搵地方糖水一下~朋友都推荐石磨坊~五人只點了三個甜品, 芝麻糊+杏仁, 芝麻黑糯米芒果卷, 西瓜刨冰~可能下午才吃過芝麻糊, 比較之下覺得佳佳好味更多!!芝麻黑糯米芒果卷就很特別, 可以一試, 西瓜刨冰就很難食, 不是指味道, 而是指不懂如何將它制服...在朋友一句笑話之下, 一幕經典出醜場面就上演了, 但總括來說今晚是快樂的~

第一次同太太來食..叫左個西瓜冰俾佢...佢見到既反應係大叫...因為真係make得幾好...個味好清..食落好舒服~~~一定要試下...如果唔係d紅豆要落奶就一定會試埋...仲有試過其他...水準都唔錯...值得一去~~~