石磨坊 (已結業)

同細妹,妹夫晌朗豪坊睇完阿凡達,9:00幾,我個妹提議話: 不如去石磨坊食個甜品.心諗都好WOO.橫掂我都未試過.於是行到去門口!都幾多人排隊WOO我叫左個栗子糊拼杏仁糊$19.阿妹就叫左個桂花糕同燉雪梨$16.$22!雖然坐得幾逼,但個甜品都OK.夠滑又夠熱.唔會係多X.由其係個栗子糊.可能出面比較少.所以印象難忘!

食完飯, 少不了都係食卟甜品, 去咗石磨坊, 要等位。叫咗：杏仁糊+芝麻糊芒果冰朱古力冰：味道有D苦....唔好食...普遍甜品OK....不過綿花冰真係唔得....

今日唔係好凍, 其實係有d暖~所以想去食d凍凍地既甜品~決定行去太子食石磨坊.2個人都決定叫椰香芒果西米露.我認為唔夠凍.雖然中間已經加左好多冰, 但一mix完,d冰好似起唔到作用~ 可以再凍d~同埋我覺得可以再芒果d~再加d芒果汁會更好味~

和朋友看完相機袋,食完飯經過時發現lee間鋪頭,之後就係腦到浮出之後找來想試o既店名同食物於是就走在入去試下2個人點左一個朱古力燉鮮奶蛋白同一個日式焦糖鮮奶燉蛋個朱古力燉鮮奶蛋白有朱古力同好滑,不過無蛋味同鮮奶味呢而個日式焦糖鮮奶燉蛋,我朋友一吉,成快焦糖叉起左,咁佢就變左鮮奶燉蛋啦~~~~哈哈

　香芒黑糯米芝麻卷 –味道過得去, 不過內裡的芒果粒好細粒 ($24) 　椰汁紅豆泥西米露 - 呢個ok呀, 紅豆泥同西米份量足夠, 味道剛好, 又不太甜 ($20) 　日式焦糖鮮奶燉蛋 - 外型好吸引, 是友人叫的, 本人試了少少, 蛋味濃, 但不夠滑 ($15)

完了晚飯,特意黎左d度食甜品!開左咁耐刀系第1次黎食!!2個人只系叫左1個芒果刨冰,因為我相信1個人會食吾哂成左冰山咁,幾驚佢"林",先食左側面大大粒既芒果,好甜跟住就慢慢鑿開舊刨冰,有d硬要慢慢黎!!!外面淋左椰汁同花奶,所以舊刨冰好入味!!甜甜地原來底層有埋涼粉,吾洗only食冰咁悶天氣熱既時候食真系好涼快加上賣相己經好吸引了!!!

行係旺角街頭真係熱辣辣, 除左台灣幫的珍珠奶茶同綿綿冰之外, 都可以食下本地薑的冰甜品!芒果西米露紅豆蓉涼粉前者雖然唔係好「椰」, 但好mango ; 芒果夠甜,加埋碎冰,好清涼!後者有好多微甜的紅豆蓉, 應該係加生粉煮過 ; 所以挺身能夠造形, 而且好有口感, 仲咬得!最好有少少肚餓既時候食, 可以飽肚又好味!兩碗都好大碗下, 所以我認為二十幾蚊碗都ok, 咁好味一定可以KO佢喔!兩個都有好多碎冰係底, 但唔係呃$果隻, 唔鍾意食冰的我都覺得好好味呢!

在出名的甜品鋪中，它可算最差！甜品沒甚特別不特止，出品又差！冷氣又好像不用錢哪樣，冷得可以！地球環境全靠它......破壞！是日點了一凍一熱芝麻糊，木瓜雪耳糖水（便宜，但差）。

跟食友蝗蟲同學談起芝蔴糊，想起這甜品熱店有很好的糊物供應。今個星期太太的芝蔴糊quota，就在這裡攪定吧....大熱天時吃一口熱的芝蔴糊進肚，本應是件苦差事，但這兒的芝蔴糊磨得極香極細滑，texture是不過杰亦不過稀，剛剛好，而且甜度又不會很過份。正如太太所說，是近來吃過最好的出品....海帶綠豆沙水準亦真不賴。海帶及臭草兼備，比起普通甚麼也沒添加的劣等貨可謂差天共地，綠豆煲至剛起沙但又不會過溶及爛，見功夫.....吃得極滿足以十來塊錢換來極大的口腹之慾，大樂也.....

叫了兩份甜品，椰汁涼粉、楊枝甘露椰汁涼粉︰椰汁味欠奉，冰反而就一大塊，似是吃雪花冰多於吃椰汁涼粉 楊枝甘露︰味道唔差，但傳統上楊枝甘露的配料水果選用芒果，但今次卻多了些罐頭雜果的果粒；效果算幾新鮮，而且有點怪 兩份甜品都未算令我感到滿意....

椰香芋泥涼粉 ~ 未試過台灣既正宗既芋泥係點...不過都覺得呢度麻麻地好食 , 唔夠芋頭香味之餘淡奶又比得少 , 涼粉又得十幾粒 , 所以食到最後淨返成大舊刨冰冇要。 合桃+腰果糊 ~ 其實食左之後都分唔出原來係有兩種味道 , 哈哈...不過已經比椰香芋泥涼粉好食 , 如果份量可以多返d就仲更抵食。食左呢一次 , 相信有一段時間都唔會再吸引到我地光顧 , 因為又唔係特別好食 , 但係就等好耐先有位 , 寧願去風月堂個d坐得舒舒服服慢慢享受甜品。

last friday，同個fd去完面棧食面，再到石磨坊食個甜品。由於時間尚早 (around 8:00)，所以全店都無人。間野都幾暗，完全唔光猛。我要了芒果撈河。很快便送上。size 真係幾細，但已盛惠$20。芒果當做，很甜很juicy。河粉應該係用椰汁整，椰味幾重。質地爽口彈牙。口感不錯。還加了芒果汁，超甜。整體只屬一般，唔太特別、唔太好食、又唔太抵食。我都係prefer 松記多d！

又再次來了, 今次食:洛神爽以前未食過, 唔知係咩, 所以試下,洛神爽+什果:有芒果(多),木瓜(多),蜜瓜,西瓜(2粒)+花奶+冰, 第一啖好似食什果沙津呀, 之後食到d洛神爽了, 淡淡咁, jelly feel 得黎有d花味, 係桂花糕既朋友?!?!幾香~芒果撈冰好高同尖既冰柱呀, 仲好硬tim, 要用個spoon 去琢~有d mango sauce+ 花奶,食到後尾冇咩味個時發現個冰底有涼粉架.即刻感覺新鮮. kaka.

星期六食完餐唔多好味既晚餐..更係要搵間甜品店滿足下自己...2個人今次來太子既石磨坊食先..我就叫左個芝麻糊+湯丸, 友人叫左個朱古力燉蛋白..其實個蛋白真係唔錯仲有好香既朱古力味唔錯夠特別, 個芝麻糊都好好食不過真係估唔到佢既芝麻湯丸個味道就非常怪..真係唔知點形容...真係一d都唔好食.下次真係可以唔需要試佢地既湯丸

10/3(二) 9pmBK速食後,從油麻地踱步到太子,消耗了的熱量正好用甜點來補充.欲嚐同街的海記,無奈遭阿梁駁回.穩當地以此店的合桃紅豆沙$18及朱古力蛋白燉奶$18作飯後甜品.合桃紅豆沙甜度剛好,合桃糊質地幼細香滑,將紅豆沙內耍家的陳皮香都埋沒了.至於朱古力蛋白燉奶也不遜色,奶跟朱古力的味道尚可平衡得了,質地全然是沒難度的滑溜!歷久彌新的石磨坊...