影片
呢篇系小弟(Mappy)嘅第一篇食评，如果有不足之处，请大家多多指教！第一篇食评就写咗［知味厨房］，点解呢？其实系因为佢哋价格相宜得嚟，食物质素亦都唔差，再加上食过几次都keep到水准，所以想推介俾大家。餐厅唔算难揾，3楼一出升降机直行转右就见到。门外嘅餐牌写咗今日有咩好食。记得第一次嚟嘅时候赶时间，ABC求其拣(惊D要焗好耐)，但个次见好几枱拣D，都唔算等得耐。而之后自己再嚟食过一次，就决定以后净系睇D就得啦！唔系话ABC唔好食，之不过同样价钱食焗野，好似化算啲。另外，有汤面餐拣，朋友食过话OK，不过不失。今日嘅D餐系焗洋葱汁鸡扒，平时有白汁，咖哩汁(我觉得最好食)，黑椒汁，茄汁，睇吓你撞啱个日系咩汁啦！顺带一提，饭可以转意粉。而我就钟意意粉多啲，因为呢度啲饭比较干身。意粉食落唔会干，洋葱汁都够。唯独系呢度嘅鸡扒较干，食落较韧，所以要扣啲分。饮品要咗冻奶茶，都系普普通通，无咩特别。(宜家好少见到呢只杯)总括而言，食物唔差，环境同卫生都可以接受，加上午餐$30+$2嘅价钱，胜在比葵兴工厂区其他食堂嘅性价比高，值得一试。
继续阅读