真‧章魚無雙

营业中

休息中

並唔係第一次幫襯，已經幫襯過幾間分店 （太安樓，旺角，葵廣2樓舊分店等等）唔少次，但今次幫襯葵廣3/F 新分店嘅經歷，可以話係極度失望落單叫咗明太子併櫻花蝦章魚燒8粒雙併，但攞餐嘅時候發現只有其中一半係明太子，但係另一半一隻櫻花蝦都冇，於是告知戴眼鏡扎馬尾嘅收銀女職員，收銀女職員通知廚房粉紅色頭髮女職員，佢哋兩個並冇為自己嘅甩漏道歉，並只係求其灑了幾粒櫻花蝦，但求打發我哋走由於份量極端地少，同我哋以前食過嘅大相逕庭，於是我哋再次反映，粉紅色頭髮廚房女職員聽後就攞入廚房，但係原封不動攞返出嚟(或者可能加多咗一兩粒)，然後就話係得咁多！我哋表示你咁樣即係無加過，但粉紅色頭髮廚房女職員回應話就係得咁多！公道地講，食品質素保持到，但是服務態度極其惡劣，決定以後都唔會再幫襯，亦奉勸各位唔好幫襯，俾錢買難受！葵廣中心有好多唔同嘅選擇，章魚燒亦都唔止得呢一間，喺云云競爭對手中如果維持住咁垃圾嘅服務質素，真係祝你好運！

🧄 葵芳篇·蔥蛋雙拼系列💚 小食簡評：蔥香沙律蛋章魚燒，濃厚又滿足！放工後同老婆行過葵芳，見到間小店有雙拼章魚燒，貪得意試吓「沙律蛋＋蔥」組合。出面香噴噴，咬落去外脆內煙韌，蛋香加蔥香又唔會膩，食完一盒即刻有返童年行街邊食小食嘅感覺🥹🍴餐廳資料：店名📍：真．章魚無雙（葵涌廣場）地址📍：葵芳葵富路7–11號葵涌廣場3樓301D號鋪（葵芳站D出口）日期📅：2025年7月6日消費💰：$41🍽️ 餐點：•沙律蛋章魚燒（8粒）•配搭：蔥＋沙律蛋雙拼款式💑 情侶位推薦指數：🌕🌕🌕🌗🌑想拍拖行商場邊食邊玩夾公仔？呢度正！

葵芳廣場的「真．章魚無雙」是街頭美食的亮點！這家小店以原隻章魚入饌，招牌章魚燒外脆內軟，每粒都藏著大塊彈牙章魚，鮮味十足。試了黑松露及明太子口味，濃郁嘅醬汁搭配木魚絲和海苔，香濃而不膩，令人一試難忘！現點現做，約10-15分鐘出爐，熱騰騰的口感超滿足，但繁忙時段排隊在所難免。店員效率不錯。小店環境乾淨，價錢合理，適合年輕人或家庭光顧。章魚無雙的創意醬料和真材實料，讓它在葵廣美食圈中脫穎而出，絕對是掃街必食之選！