相馬日式火鍋 (已結業)

夜晚六點鐘左右就到左開始食嘢，所以個場係仲係比較靜嘅，坐囉都好舒服。每張枱都好大張，有落地玻璃感覺好開揚。套餐228一個人，有六種湯底，一點完個湯底就每人黎左一碟肥牛，一碟雞，同埋一碟豬。而其他打邊爐嘅配料就可以喺出邊啲自助枱嗰度拎。都幾多選擇。有我最鍾意食嘅羽衣甘藍，亦都有其他好多款唔同嘅菜。嘢飲都係任飲，喺雪櫃自己攞就可以啦。個牛都幾有驚喜，唔會好肥膩，而且好林好正。另一個驚喜係，我哋叫咗一碟炸雞翼，碟炸雞翼係超級好食。個表面炸到黃色，好脆，入邊就好林好多汁。仲有其他炸物我哋無叫，全部都係任食嘅。另外都仲有一個位係放甜品嘅，仲有一個朱古力噴泉可以玩下。總結來講呢個價錢算係唔錯。

因為不想再有人中伏所以一定要寫下人生的第一個食評！在飲食app中所顯示的折扣優惠價錢跟現實是不一樣的，雖然app中有寫下餐牌價錢有更新恕不另行通知，但價錢差異很大，另外星期六日及假期是有另外加費的，醬料也是另外收費的。自取食物質素很一般，特選肥牛不過不失，還好是蔬菜是有很多種類及選擇的。任食炸物的炸粉很厚，味粉太多，所以可以選擇不吃，如果是這個價錢可以有其他更好的選擇，奉勸大家訂位前請三思！！！！

首先，係大鴻輝樓下見到單張價錢尚算優惠，諗住試下上到去無人等位，店員話等等，執埋張枱就可以入座，但都要到等5分鐘左右先可以入座，入到去見到好多空位，又不是留座湯底好快送到👍🏾1. 火鍋食物款式太小，只有50款左右 味道有些奇怪2. 唔好意思都要講，炸物真係好難食 又粉又咸3. 店員不斷埋枱推銷海鮮和酒，很煩厭4. 內類尚可以接受總結，環境，衛生，店員態度都是可以的但食物質素真係好一般，炸類物品真的很差很差

去荃灣打邊爐，第一個地方一定諗到係新鴻輝，最知名既其中兩間一定係大X口同一X堂依兩間都食到悶，今次就試試依間相馬日式火鍋佢係分左唔同價錢就提供唔同級數既肉，我地就揀左$298既美國頂級牛小扒，包埋豚肉同雞肉，仲會送份海鮮湯底選擇唔算好多，都係D基本款，而我地就揀左豚骨湯除左肉類，其他野都係自取形式既，對於蔬菜區我係感到非常驚艷既，有多款其他火鍋店都唔會提供既菜，例如秋葵，蟲草花，仲有我至愛既羽衣甘藍丸類粉麵類同其他雜項野食就會放雪櫃，其實要食既基本上都齊肉類當然係主角，就咁睇色水都新鮮，唔係雪到變死屍肉咁，肉質都唔錯，三款肉都合格，好食不過自取區都太多野食啦，每樣食一次其實都飽到encore唔到D肉了附送既拼盤少左蝦，應該係缺貨，所以俾左好多帶子我地XD仲有甜品區，不過實在飽到食唔落⋯⋯

因為朋友住荃灣，就返佢，黎呢邊搵食。大家都想邊爐，一於黎多邊爐既大鴻輝揀一間邊邊佢我地搵左幾間比較，見到呢間未食過，上去望一望，就即刻比啲菜吸引左，竟然有羽衣甘藍，好癲，即刻入左去坐。🤘🏽佢地個menu有四款餐可以揀，其實主要係牛肉同海鮮既分別，我地最後揀左美國頂級牛小排，未係最貴，又有埋海鮮，同埋寫住頂級，應該無得輸掛佢地啲肉係可以refill既，我地揀完就出去揀醬料同埋攞丸，菜，飲品。佢地既菜都幾新鮮，同埋連羽衣甘藍同蘆荀都有，正🤭丸類都好齊。仲有甜品bar。行完攞曬野，啲肉都到左啦，啲頂級牛睇落好靚，同埋無雪味，入口充滿住雪花個種脂肪特有既濃郁香味，我好滿意😈豬肉同雞肉都唔錯，但打邊爐點都係牛既天下🤘🏽仲可以refill添🤤我地夾左唔同丸返黎記，丸類入面，芝士丸最好味🤤要不停食。最後上埋個送既海鮮拼盤，全部都係無腥味，好好味🤤以後打邊爐又多個選擇。🤘🏽

樓下見人派傳單，有唔同嘅牛仲有MilkTop雪糕，上OpenRice𥄫𥄫多正評仲有75折，即訂仲有位就唔諗排隊上去試吓。上到去嘅時候應該唔夠10台人，菜呀丸呀飲品果啲自助，傳單上嘅炸物就唔覺眼。同侍應講左有OpenRice75折之後坐低揀完湯底同牛，就等啦，約5分鐘之後左邊張台有人坐左，佢地有佢地叫湯底呀果啲啦，咁又過左十分鐘，人地個湯出都未到我地，跟住問個送湯位侍應，話入去跟下最後話唔見單，都算啦，再落過，湯同牛都重新講多次。到出完湯放低左，包括帶台送湯位侍應都無講無任何表示，無講點落單，間嘢又無點菜紙，咁問侍應啦，哦⋯⋯叫嘢就要同侍應講嘅⋯OK湯上完好啦，又唔識自動上牛，又要叫侍應，叫完十分鐘都無又要追，追完一陣終於上兩碟牛，等於坐左半個鐘先有牛。我地只係揀238嘅牛諗住試水溫，呢個價錢對比個質素我個人覺得一般般無驚喜，唔差嘅。期間右邊張台都坐左人，發現佢地寫緊張炸物紙，先醒起係喎，揾侍應問，話唔記得左⋯頭兩碟牛食完再同侍應講要加啦，一陣就有Ok ge，到第三次，經典，叫完仲要追兩次先有「一碟」，個侍應就咁放低就轉身閃，都無機會問另一碟去左邊⋯等食完再叫，又等十鐘再追先有，十分麻煩

荃灣大鴻輝中心不嬲都好野食選擇！今次阿魚同朋友就揀咗喺21樓的相馬日式火鍋😍😍.一入到商場就見到好多人排隊搭lift，好彩相馬日式火鍋係21樓，所以係另一條隊，好快就上咗去了～～～.🐟💬：.（1）湯底方面，阿魚同朋友叫咗鴛鴦鍋！牛乳加蕃茄！（雙鍋加18蚊）.估唔到牛乳湯底咁好味😍🤤😍🤤有啲咸咸地，又好滑，正！！！！！.但反而蕃茄湯比較清淡🙊.（2）餐廳一共有4款價錢的牛肉選擇～～阿魚就選擇了「美國特選牛肉」（$258）+ 日本鹿兒島頂級黑豚 + 雞肉.牛肉油脂分佈都算平均～～～～食落口幾滑，有牛味！可以食多幾盤！.豬同雞都ok！正常水評！豬沒渣，雞嫩滑！.（3）另一個重點就係多！菜！.真係有好多不同款色的蔬菜！例如露荀、蘿蔔仔、秋葵、椰菜仔、小粟米、各種不同的菇等等。.好難得見到日式火鍋咁多菜仼食！愛食菜的人士真係唔好錯過！.（4）重有個驚喜，就係炸物仼叫！必叫的炸物有「蔥爆豬肉丸」，一咬落去，非常juicy，好有蔥味🤤🤤❤️❤️.所有炸物都係即叫即炸，非常新鮮！.🐟FISH'S REMINDER🐟💡阿魚提醒💡.（1）仼食2個小時，大家睇住時間喔！.（2）炸物還會附上沙律醬！係黑松露沙律醬

今日約咗一個10年無見嘅朋友, 於是選擇一個近佢嘅地方搵食 - 荃灣😊其實荃灣真係好多野食, 但為咗同朋友有個美好回憶, 哈哈~ 搵咗間好多好評嘅日式火鍋店😋 而且放題可以食乜都得, 又可以坐得舒服啲! 慢慢傾! 👍淨係湯底已經有七款, 我地叫咗個豚骨湯底! 湯底個鍋好大, 有個好處就係可以放好多唔同嘅食物同埋快熟D😉今次叫咗個頂級美國進口牛肉餐😊 有牛有豬又有雞😋 可惜朋友唔食海鮮, 如果唔係就升一級加少少錢叫個包海鮮嘅餐😇點餐後2牛1豬1雞自動送上, 每份份量唔算多, 咁樣仲好, 唔夠先再叫😊無浪費😆其他配菜可以係出面自己攞😋 特別欣賞餐廳有好多唔同嘅菜類, 同普通嘅放題唔同👍丸類仲有幾款都有我鐘意食嘅芝士😍 Yummy ❤️甜品方面, 鐘意綠茶嘅朋友一定要食雪糕😁好濃抹茶味👍

我們今晚到這間食火鍋放題，好吸引的地方。在大鴻輝中高層21樓全層，好寬敞明亮的感覺，空間感大，整齊簡約日式感覺的設計；服務員好勤快又耐心介紹湯底及取食材飲品位置！首先選擇湯底，每位客人一人一鍋更乾淨清潔，湯底選擇多款味道，有：清湯、豚肉、番茄、甜豉油、中華辣湯、泡菜、更有新湯底：海老湯底及黑松露牛乳湯底；🍵為120分鐘火鍋放題，有不同等級的自選牛肉，因應等級有不同價錢，我們選了中級的特選美國牛肉，已經包含了豚肉及雞肉；🐷🐔🐃特選美國牛肉賣相好靚，紋路清晰口感超好，香軟有咬口、牛味濃郁又唔會好肥，男友大讚好味！豚肉顏色淡粉紅，好薄好易熟，好軟好味；雞肉好滑溜，大小剛好易熟唔肥！另外有自助火鍋材料區，包括不同丸類、豆腐響玲、蔬菜、瓜類、菇類等等，客人自取想要的數量及款式，款式多又有驚喜的爆丸類及特別蔬菜菇菇！服務員更提供一張炸物紙，有好多即點即炸的炸物，如：洋蔥圈、炸餃子、牛丸、爆肉丸、炸冬菇、炸雞翼等等，熱辣辣又脆口！更可再返點！也有飲品、甜點及雪糕，飲品好更要，汽水、果汁、涼茶、烏龍茶等都有，甜品就可以食完火鍋再清涼一下

呢個星期四約咗朋友食晚飯，傾下傾下就搵到呢間火鍋放題，係呢度睇佢啲相，食物環境都唔錯，加上見最平嗰隻牛都係168食兩個鐘，就算加埋一都唔算貴，就揀咗呢間 😁其實自己已經什少食放題，因為真係唔算食得多嘅人，不過，間唔中一次都可以😅 跟住仲喺某個Apps嗰度發現有折！正！就book咗⋯⋯上到來，不錯喎，星期四晚食飯，真係小啲人，都好舒服，仲要有𥦬口位😄😄 地方，碗具都算整潔👍🏼菜方面又唔算好多，但有個隻雨衣甘藍，但我哋兩個都麻麻😝 反而菇類幾多，仲有個隻朋友話好有益嘅蟲草花⋯⋯🐛😨 話時話，我第一次見，忘落去好蟲蟲 feel，我都唔係好敢食🤪 但都食咗一兩條，無咩味咁，其實⋯⋯我哋揀咗甜豉油湯底，食食下全部食物都係甜豉油味🤣至於肉類，味道都算唔錯，唔會無肉味，有牛之餘，都有豬同雞俾你，今晚我哋兩個都唔係勁食，肉都無加過⋯⋯好彩有折，埋單都只係一人$145大元😁😁 呀！仲有少量炸物叫，都幾好，但記得叫完即食，凍咗唔好味㗎！ 甜品，生果得兩款，西瓜，火龍果，不過我覺得佢應該會間唔中轉下款。雪糕有四款加一隻士多啤梨糯米糍，有個朱古力fountain，啱哂小朋友😊 雪糕幾都算好味，朋友話朱古力好味

最近對中午、下午茶任食特別有興趣，基本上附近行過、聽過嘅都有望過，依間火鍋花錢做梗大個廣告牌我當然有留意，基於佢資料上係開五點，價目表、宣傳單都係，而地點係出名上落麻煩，晚市排隊要一個鐘嘅大鴻輝！除非跟大隊食，否則夜晚我絶唔去浪費時間。但今次竟然團購出午市，仲要3.5個鐘？超長時間！雖然望落唔多野食，肥牛係最平款，計落每位都近一百蚊，但難得火鍋任食可以慢慢嚟，仲要假日適用，見有時間就買了。明明依個團購網轉玩無紙兌換好幾年，都俾我選中一間要印出嚟，家吓突然要印野真係唔易。準時十二點到，全場兩個人，一個似經理係收銀位，一個推梗車仔仲開梗場，基本都放好晒，係未有用具，客自然未有，落咗個泡菜湯底，以得我一枱都叫等咗震，仲要唔係熱湯，雖然個鍋大大個好好烚，但大佬等得佢嚟，你地都開好場食一人一煲，我個煲仲要唔夠味，水(我當你係湯)加泡菜姐，得個少少，平時D鍋就夠，你梗大個鍋至少落多倍呀？加湯仲要加清湯，最終都係醬料區處理。首先強制兩份肥牛、一份豬，一份雞，質素麻麻亦無期望，配料基本佢寫都有，唔見蟹爪肉棒、蓮藕，白菜苗，無黑椒牛筋丸得牛丸，腸得一款以為係普通腸仔，咬落有芝士味，但唔似美式芝士腸，用料

話說，友人是在外國長大的華人，十分鍾情不同種類嘅打邊爐，曾揚言每日食火鍋都無問題，見佢咁牙刷刷，呢一日我帶左佢去荃灣大鴻輝嘅「邊爐大廈」，最後佢揀左食日式火鍋放題！我地去嘅時候7點，可能係閒日嘅關係，人流仲係不多，之後小二帶左我地去坐靚景卡位坐低之後，我地揀左208$嘅美國特級牛肉任食，同埋叫左一個鴛鴦鍋（牛乳鍋x芫茜鍋）然後第一round嘅肉類就上左肥牛嘅紋理好靚，食落肥瘦分明，唔會好膩豚肉亦一樣，紋理分明，肥瘦適中，食落爽爽的至於雞肉，我無特別影相，但佢就唔係雪藏+肉鬆粉雞，難得呀湯方面，牛乳湯味道好濃，但唔會膩，蔬菜同肉類都好夾芫茜鍋清清地，好岩食蔬菜然後我地繼續點，啲肥牛同豚肉都係一樣，無因為第二round俾啲求其野你。另外，佢地仲有張紙for天婦羅，出面亦有好多蔬菜、丸、甚至有水果日本雪糕同埋朱古力火鍋同埋其他飲品，真係未必試得晒咁多樣野結果「偽鬼佬」都非常滿意

同朋友仔嚟到荃灣打邊爐去食邊間好？ 我哋就揀咗相馬日式火鍋一坐低就要揀一個set 我哋揀咗美國特選牛肉$228 可以食足兩個鐘餐廳提供丸類、蔬菜類、麵食、飲品、雪糕等分門別類排列好 至於肉類就要向店員落order除左特選牛肉 仲包埋豚肉、雞肉任食湯底方面 而我地就揀左豚骨+中華辣湯湯底味道偏濃味 唔使豉油都可以就咁食去骨雞肉 比我想像中更加嫩滑美國特選牛肉都尚算細嫩 具彈性肥紋均勻 肉汁都頗豐富雖然火鍋食物款式唔多 但可以慢慢食環境舒適 同朋友邊食邊聊 都係個唔錯嘅選擇🤪________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

最近天氣轉涼很適合打邊爐，各有各喜愛口味，食放題就最符合大家需要我們點了美國特選牛肉放題，經OpenRice 訂台有75折，每人200蚊有找，都幾划算湯底我們選了蕃茄和中華辣湯的鴛鴦鍋，中華辣湯不會像大陸的麻辣湯底咁油，但真的有點辣度，只能吃BB辣的還是點其他湯底吧本身套餐包了炸物，強調是即點即炸所以等的時間較長。炸物選擇都幾多，我點了雞翼、秋葵、豆腐和雞軟骨，其中雞翼做得最出色，粉唔會太厚，做到外脆內軟，肉還罕有地很嫰滑。肉分別有兩盆牛肉、一盤雞肉和一盤豚肉。牛肉雪花很靚入口也有牛肉味，雖然不算上頂級但也對得起這價錢。火鍋料款料蠻多和特別，會有少見的蟲草花、高質的芝士丸和蟹籽丸、即炸的響玲等等。飲品選擇相對就較少，但一盤的汽水、茶類和韓國果汁還是有的。可能當日不是假日前夕，所以環境都很舒服不嘈吵，可以好好聊天。以兩小時限時放題來說，這個價錢物超所值

大鴻輝中心一向是火鍋的地標，最近發現《相馬》在大鴻輝 21 樓有新分店，於是就趁星期六走上去食肥牛火鍋內裡日式裝潢，簡單且闊落，坐得舒服，食得開心。窗邊位附加落地玻璃，荃灣市中心景色盡入眼簾食個View 都抵！基本有四種套餐，價錢由$168-$368 不等，豐儉由人小弟最後點了$178 美國進口牛肉配豚骨湯底火鍋二人而言，這個鍋足夠四人份量湯底方面，豚骨味不算濃，反而胡椒味更出... 主角是左邊的美國牛肉，脂肪不多，每塊肉色不錯，碌一碌牛味十足至於右邊的雞肉，肉質鮮滑；但緊記烹調時間較長，否則肚痛就大鑊了丸類的選擇都很多，較多的選擇都是中間有芝士作餡料。可惜櫥櫃並沒有標示肉丸名字，如牛丸、貢丸則較難分辨蔬菜、菌類的選擇，不算多但總算新鮮食這麼多肉，總要點三五七碟菜中和一下吧！右邊的豚肉也挺不錯，切得相當薄身，方便食用。麵類方面，公仔麵、烏冬、拉麵皆一碗碗的，任均選擇煮個麵，配上肥牛，加點日式麻醬，爽！甜品區佈置得相當和式一餐火鍋肯定以Milktop 雪糕作結四種口味：芝麻、芒果、綠茶、雲尼拿，總有一款合你口味兩粒鐘，一人$178，絕對值點票價吧！