相撲手日式放題 (已結業)

突然好想食串燒,又想食刺身,難得地即興食放題。我地時間好早,都唔洗等太耐,就入得喇！開始揀野食喇^^選擇當然很多啦!泰式香葉既鳳爪作為開胃不錯!清酒煮硯,份量不少,但有少少沙刺身新鮮, 三文魚好肥美,帶子及蝦鮮甜,但若果厚身少少就更好=p ,北寄貝爽口,長腳蟹少了點海水味道。有得食蠔既放題還是第一次天婦羅-最愛甜甜的蕃薯, 紙上寫係蛀牙餅,黎到原來係Oreo,很特別泡菜葱蒜和牛,芒果帆立貝鵝肝..很多新搭配!壽司小小一件,又想試都唔怕太多食唔到其他野這間放題燒物及串燒做得不錯安格斯一口牛粒,韓燒豚肉,燒焗羊鞍-燒得剛剛,肉質嫩滑,不會過乾燒菠蘿-多汁鮮甜日式蟹肉蒸蛋,賣相很精緻若果想吃點暖笠笠既食物,鮮蟹粥是不錯選擇

好想食魚生，同牛佬去呢間試下，因為佢話呢間魚生新鮮好味，任食價三百蚊有找，當然要盡試！魚生吞拿生好食，有魚味，我無食三文魚，因為驚有蟲，牛佬食三文魚腩，幾肥，看來好新鮮！帶子同甜蝦也好，新鮮，有海鮮的鮮甜，另外希靈魚也不錯，魚味足，好食輕Encore。原來還有新鮮自取即劏魚生，係金槍魚，嘩，真係好味道，好鮮好鮮，加多D華沙Bee 真係人間美食，牛佬話食即劏魚生先係呢度賣點，我絶對讚成。飲左個雞腳湯，有好料，雞腳好腍正，重有D眉豆和花生，好住家，真係幾好飲，食放題有D中國湯飲，幾有新意。我地好鐘意食日式燉蛋，滑滑溜溜，蛋味足，好食好好食。至於壽司，都合格，燒物我覺得好食，例如牛舌、羊架好好味，雞翼同好正，有肉汁，D雞皮炸到好香。飲品好多選擇，好多放題都有樂天牌，呢間都係，幾好勁取，值回票價啦。今餐兩個男人食左好多好魚生，300有找，值番晒。呢度上菜好快，要讚。

突然間想食放題，又唔想成日食大喜屋果幾間，行過見到就決定同frd試下。一入到去環境幾好，日式佈局，有梳化坐幾舒服！個人覺得串燒係比較好食，啲肉夠嫩，唔會太老。大家一定要試下呢間，質素唔差！

放假緊係食餐好，我地揀左去尖咀相撲手日式放題，呢到食物質素既好食，又方便食完慢慢散步行去海旁欣賞燈飾，感受下氣氛！唔知係咪因為冬天關係，覺得今次餐廳d食物質素特別正！ d松葉長腳蟹好肥美又好鮮甜，仲好大隻，好正！ 三文魚都唔錯，好肥美肥瘦比例非常好，師傅切既厚度又岩岩好，未食睇到都覺得吸引！ 赤蝦大大隻，鮮甜好味，馬刀貝新鮮得黎夠晒爽口，榮螺鮮味一d都唔韌有趙口！ 生蠔肥美得黎有海水味，夠晒鮮甜好味焗蠔都唔差，焗到熱辣辣香噴噴咁拎出黎，濃厚芝士加埋啖啖肉，真係冇得輸！ 壽司中柚子芥末帆立具值得一提，鮮甜中帶點柚子酸味，幾特別都幾好食！其他熟食簡簡單單既牛油粟米，粒粒充滿牛油香味，甜甜地粒粒都好飽滿，食落口特別滿足！ 清酒煮大蜆，清清地既味道帶出蜆既鮮甜味，都唔錯！ 其他串燒，菠蘿串都幾甜，燒蝦好爽口彈牙同牛肉串都好蔥味，都唔錯不過不失！

想食日本菜 但又唔知食邊間好 最好既辦法就係食放題 早排見facebook有朋友post左相撲手既相 見到有生蠔食 即刻相眼發光結果又捉左小胖男友黎同我試地方幾大 環境唔錯 走日式居酒屋風格座位寬闊 坐得幾舒服除左我地今晚心目中既主角"生蠔"之外其他野食既款式都非常多第一時間叫生蠔試下先無估到放題既生蠔都有咁大粒 味道清甜新鮮無黎錯刺身亦超級多款 有齊小妹喜愛既貝殼類刺身北寄貝, 帶子, 榮螺, 鮑片, 馬刀貝, 就連翡翠螺都有 值得一提: 燒玉子好食熟食既質素都唔錯 串燒牛既肉質同肉味都好有驚喜 唔似放題貨式另外仲有幾款鐵板金菇肥牛同韓式蘆荀辣豚肉 夠晒熱"辣辣"燒羊架更係jumbo size除左生蠔外 亦有焗蠔食 不過小妹就覺得味道被鮮甜既生蠔比下去由於熟食種類太豐富 今次只點左幾款壽司牛魔王最後都忍唔住叫多個日式雪花肥牛鍋係小妹喜歡既日式甜豉油湯底食埋一人一杯雪糕 又捧住個肚走

是咁的，當天我地18人放假，特意為一位同事舉辦歡送會，已一星期前訂左位！但到左食飯地點先知多左兩人，我地唸唔緊要啦，雖然訂左位，反正我地入場都要排隊，會再通知可否加位，但啲職員從來都冇答覆可唔可以加位，只係一尾催促進入，不過算啦，但最重要係食方面，環境擠迫都唔緊要。可惜當晚嘅食物非常差了，尤其甜蝦發黑，三文魚及其他刺身不夠新鮮顏色暗雅，不過最特別嘅係中段時段有着是新創意推介，但我唔知係好事，定係唔好事，一樣都係差，唔夠新鮮，食物配搭差，同埋有浸腥味，簡直係一個伏字，總之一句貴又唔好食，同埋俾錢買難受！喺服務方面啲女職員嘅服務態度10分差劣，講真佢哋唔想做咪唔好做囉，如果客人有要求就會黑面，甚至乎扮睇唔到，所以勸大家有錢都唔好去食。又貴，服務差，環境狹窄，都唔知有咩好食，有咩好聚。

市面上有好多唔同嘅放題，但係今次呢間相撲手放題，最吸引嘅就係佢有呢個日本生蠔任食。大家都知道日本生蠔無論質素同同價錢都係好高嘅見到佢有呢個任食，所以就黎試一試啦！今次嘅放題係重點緊係一嚟到即刻嗌返六隻生蠔試吓速度亦都好快，即叫即開，而且質素亦都好好，大大隻，食落去都非常新鮮，食左10幾隻都冇肚痛除咗生蠔之外，放題當然唔少得食刺身壽司啦。刺身嘅質素都唔錯有松葉蟹，甜蝦，油甘魚等壽司方面亦有好多唔同嘅種類好似火炙三文魚同呢個黑松露油甘魚壽司，都係水準之作。而熟食方面，佢亦都有唔同嘅選擇，有呢個來自星星的炸雞同炸蝦多士，平時出邊未必見到嘅放題食物。至於串燒有豬牛雞三款，食落好有日本居酒屋嘅風味！ 而最特別嘅就係呢個墨魚汁蛋包飯，雖然冇專門店咁好味，但係已放題來講，已經好唔錯，整一個蛋包飯都需要好多功夫架最後仲送上一人一個麵包布甸，結束今次嘅放題。總括嚟講鍾意食𧐢嘅朋友一定要黎，一人食番十幾廿隻都抵啦！

已經有一段時間無食過放題,而今次再揀返放題係因為俾呢到既任食生蠔吸引左而家就算連酒店都好少有任食生蠔,但放題竟然有,真係好心動!!由於宵夜時間,所以唔洗等位,當然即刻要叫蠔先啦估唔到幾大隻下,雖然味道較淡,但食落感覺都幾新鮮刺身部分推介蟹腳,帶子同有頭大隻甜蝦蟹腳同生蠔一樣咁矜貴!但蟹腳既味同樣係有啲淡,不過要係同一間任食店入面同時有齊呢2樣野,我諗真係無幾間店可以做到帶子同甜蝦都好鮮甜,呢到既刺身質素唔錯另外呢到既火炙壽司款式有好多,例如蟹柳都要襯上黑松露,感覺即刻唔同左最後燒肉部分必食牛舌!!同朋友叫左幾round呢個,因為juicy得黎又好爽口,一咬有好多肉汁蟹腳同生蠔既愛好者又想平平地有得任食呢2樣野既話一定要黎試試!!

不知所謂，要人地比訂金，book左8:30pm，8:34pm到，竟然話張枱比左人，你遲到你賤，要等到9點，咁我比訂做咩呢？事前完全無電話通知，無講過可唔可以遲少少，只係4分鐘，咁我黎食野洗唔洗同你對錶？簡直係垃圾！！！大時大節我理解多人想等位，但係生意唔係咁做，對呢間野印象差晒，以前都食過幾次，但係今次後唔會再食囉！！！仲會叫朋友都唔好黎，呢d咁既地方，真係再好食都無用，只會一肚子氣，食都食唔落，浪費一個好心情

男朋友突然去學校接我放學，話要帶我食好野，坐車去到尖沙咀，原來食放題。我食極都唔飽，男朋友話要我食到飽一飽。我最愛食炸物/天婦羅架啦。炸物不太油膩，食物選擇多，我最愛食蝦多士和薯絲蝦，好怕炸物好油，但喺蝦多士入口不覺油膩，炸物香口，沒有油溢味。再點天婦羅。大蝦天婦羅最岩男朋友，炸粉不厚入口微微鮮甜，餐廳竟然供養炸香蕉，非常有趣，入口又有另一種味道。另有多款壽司。焗蟹蓋。濃濃芝士釀入蟹蓋，芝士和沙律醬味濃，入口滋味香口，蟹肉不多但勝在味道夠濃。蜆肉湯。男朋友叫，我就無食。牛肉鍋又喺另一款出色之作。牛肉半熟入口嫩滑，肉味較輕但醬油湯清甜不油膩，有中量蔬菜和金菇，最後豆腐滑溜吸盡湯汁。最後叫個蔬菜清一清味蕾。

今日同媽媽食餐飯，學業忙碌好耐無同媽媽食飯，今晚抽個時間同媽媽食餐飯，選擇左大家都好鐘意既放題。放題食物種類非常多，岩哂心大心細既我。食物選擇多又豐富，發現到熟食既選擇比一般餐廳仲要多。媽媽最愛的刺身，厚切鮮甜，新鮮感頗重。美美的壽司就喺我既最愛啦。海膽吞拿魚蓉最岩我心水，魚蓉魚香味重，加上鮮甜海膽，一口一件好方便。放題仲有生蠔。燒海蝦、燒牛舌、燒雞肉，食物燒得香口鮮甜，肉質爽嫩不會太乾身，燒得帶點焦香焦脆，口感頗豐富。燒雞翼。帶點芝麻香口，肉嫩帶點肉汁，食幾多都得。

今日去左同男朋友食放題預祝情人節，知道男朋友大食食極都唔飽，特登搵左間食放題食飽佢，情人節當然要食飽先滿足。餐廳熟食選擇比一般放題餐廳多，熟食的賣相好多都好吸引。分享幾樣比大家睇睇。牛筋入口軟腍帶小小筋位，筋位爽口彈牙，非常入味，當中夾有少量牛肉，肉質軟腍不會乾身，蘿蔔吸哂清湯，入口清甜。燒羊架、沙甸魚。魚肉燒得香脆香口，連骨食好咸香滋味，羊肉少少羶香，怕羊都食得，羊肉入口燒得香口軟腍，肉味突出，我覺得再羶會更好味。焗蠔。蠔肉入口鮮嫩蠔味重，芝士醬汁濃厚，入口香濃豐富。

身邊好多fd同我介紹呢間放題，話好有日本味。今次就揀呢間試下，順便幫個fd慶生。以放題價錢黎講，呢間唔算太貴，而且入座前埋單仲有九折！建議大家早d埋單😂慳得一蚊得一蚊嘛。入到去見到個裝修，哇，真系幾似日本築地既設計。廚房個度好似一個縮細左既室內築地。搞到我好期待d野食。我地落完單，d野唔洗三個字就ba ba聲上齊，勁快就成檯都系！先黎左一個豬肉蘆筍卷，系呢間餐廳特有。夠味，蘆筍好爽，又夠辣，岩曬我呢d嗜辣既人，好開胃！之後到刺身，我同個fd先少少地每樣嗌d，甘樣先可以持久戰鬥多幾round。一食，不得了！特別要講d三文魚真系超肥美，好厚，食落好軟滑。之後我地又嗌多好多塊仲有d生蠔都好正，可惜淨系可以叫一份。我地食完先記得為佢影張肥美既相留念😭其他燒物炸物都幾高質，但真系飽到我頂唔順。尤其推介個燒牛舌，又厚又爽。唔會燒過龍變得韌，我好似食左成十串。。。另外有個隱藏食物！我地食食下，突然個侍應推住幾盅湯過黎，問我地要唔要。雖然食放題飲湯好似好白癡，但d香味都系令我忍唔住要左一盅。飲左一啖，果然冇要錯。有陣好香既海底椰味，都幾足料！建議大家去都記住飲返碗！再過左一陣，突然見到原本以為系裝飾既

過完年，個胃沉寂左一排，再度食返好東西今次同朋友去食呢間叫相撲手既放題餐廳既格局幾好，好有日本既風味食得多放題 就會發現間間放題餐廳都係大同小異，但我覺得呢間相撲手就與眾不同呢間放題既食物用料更佳，雞肉串燒啖啖肉三文魚都好厚身 好快就食飽肚，而且刺身係日本空運到港食左一個鐘左右，餐廳就開咪，話有蠔食，其實我同我朋友都唔食蠔，不過眼見d蠔都好大隻下 而且好多人排隊拎呢而我覺得最值得一提既係今日我生日 餐廳為我準備左生日禮物全場關燈 之後侍應就拎左呢份禮物黎其實係好大舊既拖羅黎！！不過我已經好飽 所以剩係食左少少總括黎講 呢間放題真係充滿驚喜仲要有老火湯飲 上菜速度都好值回票價呢！

放題食評好耐冇食過放題啦，今次知道呢間有蠔食，仲要唔係普通嘅細細仔嘅蠔，咁梗係要黎試下啦。黎到呢間舖，即刻就落左幾隻生蠔食先，黎到嘅時候，的確唔係細細隻，而且仲有好新鮮嘅味道。仲有海水味，超正！之後梗係唔少得嘅係刺身啦。對於放題店黎講，刺身都非常新鮮，而且款式都多，又有蟹腳同螺食，螺又好大隻！仲有叫左啲卷物食，仲印象深刻嘅係黑松露三文魚卷，黑松露嘅味道非常濃。我地仲叫左花之戀等嘅小卷，因為啲卷細細舊，咁樣我就可以食多幾種唔同嘅小卷！突然之間，間舖頭熄哂燈，就搬左個吞拿魚拖羅出左黎，勁大驚喜！竟然可以食到咁高級嘅拖羅，真係好好彩！今晚啲食物質素非常唔錯，而且款式又多，唔錯唔錯！