目黑壽司 (已結業)

本人經常食下午茶時間既特餐, 飯類都唔錯, 面類唔係咁有口感, 而且麵鼓湯次次都勁咸, 30蚊一定有找既餐都算幾抵食; 但可惜服務真係勁唔得, 我d 朋友同事個個食完都頭耷耷. 差唔多我次次食親佔40%會黎錯食物, 那次我重試過明明講左要沙律, 佢黎錯左餃子, 於是我同個waiter講, 個waiter不但冇認錯, 重要"空"番我, 話"係, 係我落餃子的, cook 話唔可以換架", 個男人好惡. 我都係啞忍, 驚d食物落野丫嘛. 重有, 出野食黎又好怪, 好似話先黎一個飯, 之後到你食完哂, 先至出個飲品同湯, 你同waiter講就哂氣, 又話cook快唔到, 重絕不跟單! 開門那個女仔又係成日同個cashier傾計, 咩都唔做, 叫佢落單就扮聽唔到, 真係食得好慘架~~ 埋單當然係因為貼士關係找得勁散啦.. 但係唔可以俾少於一元, 如果唔係一定唔好講多謝架! 其實d野又唔係好好食, 想平又想挑戰下自己既忍耐力既係可以一試下午茶餐的!

上次跟朋友食過下午茶餐的魚生飯覺得幾好食，所以昨晚又再光顧。依間餐廳想給顧客一種有活力的感覺，所以當你一進入的時候會聽到所有侍應一齊向你好開心的說(歡迎光臨)，好可惜的係給在坐的客人好噪吵的感覺，簡直是噪音污染！剛才說到"活"，燈的設計好似一些氣球升上了天似的，可是整間餐廳太暗了，魚生是否新鮮很難判斷，唯有靠自己的口了！至於另我最不滿的就是d侍應生，雖然有活力，但不至於跑來跑去，他們經常到收銀處傾計，連經理的都係一樣，d食客真是叫天不應，叫地不聞，仲要經常漏單，反觀d壽司師父就好些，但他們之間的說話內容都有些粗鄙，完全把師父的形像降級。論到食物方面，的叫了個燒餅，但就真是非常唔好食，至於魚生都幾新鮮，係舊飯唔得，一夾就散，而壽司的款式都幾特別，如果你唔歉d服務態度，都可以一試！

$20, 加埋一就$22有一湯, 3隻餃子, 一碗都幾大0既飯....一個人食唔晒味道算唔錯....但如果唔係下午茶的話, 就唔會去...因為d 壽司麻麻地

下晝5點半，已經係淘大晚飯時段的頭圍時間，去到目黑坐定定。見無咩野食，又未見人潮。招呼又十下十下笨到茶都無杯。點知6點過後，門口排隊、條輸送帶滿晒。但齋排隊無號碼派。老闆果然認同和民的造勢手法。內部裝修如果唔係成日播埋D 死人NY jazz 就真係適服好多，而家硬係好似趕客咁。食物水準比一般好小小，主要係設計幾靚。味道就稍淡。但有D地方就真係要留意，好似水喉開住但隔離就排滿食物咁。

少左黎淘大,原來呢度新開左間壽司店,都係聽同事講至知。今日大家話去試,咁咪跟大隊去囉!(早知係咁,琴晚就唔食壽司!)估唔到開係淘大,呢間店都裝條得幾骨子,但係論壽司我就覺得一般貨色,可能係因為我地都只係食普通壽司卦!食左三文魚、甜蛋、青瓜、吞拿魚、八爪魚幾款壽司,食落都覺得幾新鮮,都係三文魚最好味!見到有乳龍蝦刺身,$35好似唔係好貴,不過無要到,唔知係點既呢?我覺得呢間店係環境唔錯,但係食物普普通通。

路經此店,看到店外排了約10個人,便想試一試有什麼特別.裝修比一般壽司店高級,服務員態度有禮,價錢一般,不太昂貴.但種類就以壽司為主,其他小食種類略嫌少了一點,而食物質素就和"元綠"差不多