目黑壽司 (已結業)

少左黎淘大,原來呢度新開左間壽司店,都係聽同事講至知。今日大家話去試,咁咪跟大隊去囉!(早知係咁,琴晚就唔食壽司!)估唔到開係淘大,呢間店都裝條得幾骨子,但係論壽司我就覺得一般貨色,可能係因為我地都只係食普通壽司卦!食左三文魚、甜蛋、青瓜、吞拿魚、八爪魚幾款壽司,食落都覺得幾新鮮,都係三文魚最好味!見到有乳龍蝦刺身,$35好似唔係好貴,不過無要到,唔知係點既呢?我覺得呢間店係環境唔錯,但係食物普普通通。