影片
母亲节，阿妈话佢有个街坊介绍佢去试下这间平价自助餐，我又无谂到香港真系有一间咁既质素既「自助餐」，就答应佢去试一次。第一批食客入座，已经一眼睇晒有几多食物。整体难食就唔算，不过食物选择少，热食就同到会既质素一样，冷食就系攞你命三千（罐头生果当新鲜生果、猪耳朵辣死人、蟹脚系差过佳宝最平既蟹柳），铁板烧就长期被条七六系咁一盘盘咁拎去自己张枱-⋯⋯就算有得拎，都系煎㶶左既鱼柳同埋预制日式鸡肉串，真系七5九大杂烩总结经验—十个劣下次再请我都唔会去
继续阅读
今日租左酒店休息下，享受下高床暖枕但今次唔系要介绍酒店，而是则边的餐厅~有自助晚餐供应，$148一位，因为太肚饿既关系，所以唔理3721入去食~亮点一：自助火锅，热辣辣的，有两种汤底选择。亮点二：热盘，除左条鱼鞋到飞起之外，其他水准不差。港式口味，有甜点，热饮等~但各位食家记住~自助餐至9:30厨师会好“狠”地收炉，虽然客人冇一个有香港口音，但食物有香港的味道，报告完毕。
继续阅读
我屋企人路过见到平日加埋一都系$130话好抵食~所以就约埋放工全家去会一会依间餐厅，点知就出事了。以上已经系全间餐厅既食物，种类少之又少，成间餐厅都好冻，侍应态度都算NICE，开头收碟收得好快，之后我地叠到3层先黎收，总括黎讲，唔会有下次，今次就当买个教训啦。
继续阅读
今天适逢年初九, 但午市依旧是$88另加一这个价钱肯定唔会有冻海鲜及刺身, 不过烟三文鱼及冻切肉肠都会有得食 已捞沙律有三款：粟米火腿粒、薯仔沙律及肠仔沙律；生菜、蕃茄仔、紫洋葱条就可以自己想点就想点；寿司卷眼睇都知饭太腍有生滚粥counter在自助饮品位旁边, 想食就可以通知侍应生, 由侍应生帮客人叫厨师走出来煮, 粥底味道较浓, 质地也算绵, 配料有咸瘦肉、皮蛋、咸蛋、花生等等。热盘有八款, 反而味道也较精致, 肉质亦都扎实。炒饭无食过, 不过厨师添加时就闻到好香；炆牛脷牛尾的味道是带红酒香, 牛脷被切到立方状, 炆得软腍中带嚼劲, 牛脷那牛脂味道丰腴；牛尾件件都有肉, 炆到中间为带胶质, 黏黏滑滑。什菜就是椰菜、翠玉瓜条与椰菜花, 味道只是刚好清清的白烚, 可以减低吃肉后的饱滞感；柚子酱排骨是腩排, 无松肉粉过的肉够厚而肥膏又烧至有点热熔的口感, 涂在腩排上的柚子酱被烧过后, 会有种痴牙的焦糖口感。用蛋煎香的龙脷鱼柳上被淋上香草酱, 味道吸引反而鱼柳肉质带浮带散；焗薯只带有少许烟肉碎及青葱碎, 并没有酸忌廉供应, 薯肉滑身, 爽中有绵, 味道有少许甜。星洲炒米无食过, 但就见到是在场阿公阿婆及内地客人首选；鸡腿无被松肉粉过, 吃到是带辣椒甜豉油的味道。忌廉汤与菜干汤的味道...不详~甜品有雪糕、cream puff、 芒果芝士蛋糕、绿豆沙等等, 味道确实无以前的美味
继续阅读