盛記粥麵

营业中

休息中

今天同朋友佐敦行行，我們相議去那兒吃午飯，我們都想吃些清淡食物，附近週圍行看那間符合，所以選了今次這間，入到去，環境不錯，座位坐得舒服，我們選了炸雞翼拼炸鯪魚球雞翼很香雞味，雞肉嫩滑，咬入口脆皮鲮魚球大粒，好有魚香味雲吞河大粒，咬入口好有鮮蝦香味，蝦好彈牙同特別嫩滑水餃河大粒，特別好有鮮香豬肉味，肉特別霖同嫩滑熱意米水好多意米，意米細細粒易入口，飲一口有薑味，好特別，搭配好香意米同薑味凍意米水大杯，好多意米，意米細細粒易入口，特別香意米味豬潤腸腸粉好嫩滑，豬潤厚身，入口得來好霖，好易嘴爵同好有口感

間唔時都想食粥，食粥自己煲又無咁好味，更何況我係唔想煲。😂今日經過佐敦見到呢間盛記粥麵入面都幾多食客，就入去試下啦。呢度有套餐，叫粥、麵、飯、腸粉就可以優惠價配其他野。我叫左皮蛋瘦肉粥配炸両，個粥好綿滑，瘦肉同皮蛋都好足料，味道啱啱好。炸両都正，腸粉皮滑，裹面油炸鬼食到最尾都係脆架。朋友就叫左淨鮮蝦雲吞配南乳炸雞翼拼鯪魚球雲吞真係呢度招牌，真係皮薄饀靚，鮮蝦大隻又彈牙。見朋友係咁飲係咁飲個湯，我都試左幾啖，好鮮甜香濃。香口彈牙既鯪魚球點少少蜆蚧醬，唔錯，個醬入面都有5、6粒蜆蚧，食唒佢。凍薏米水都特別，有少少薑味，我唔鐘意薑都覺得唔錯。

今日食到一間好好食嘅雲吞麵唔怪之得人流不絕！呢個套餐好抵食招牌鮮蝦雲吞麵每檯一坐底都必叫雲吞麵我都唔執輸！麵條完全無鹼水味，口感非常爽彈真係一碗非常正宗嘅雲吞麵一碗雲吞麵有4大粒雲吞每粒雲吞都有一隻大蝦，餡料好足～～特級北菇雞粥粥底好綿滑，驚喜嘅係雞件好有雞味啲雞嘅精華融入落粥底，真係非常好食雞件份量一啲都唔少！鮮蝦腸粉呢度嘅腸粉係即叫即整，所以唔會皺哂皮腸粉皮做得好晶瑩通透，口感好滑而且每隻蝦都好大隻又彈牙‼️桑寄生蛋茶呢個非常有驚喜，本身只係我打算食，比媽咪試左一啖之後，佢搶住嚟食桑寄生本身有有苦味，但呢度嘅一啲都唔苦，而且味道好柔和，同時又有桑寄生嘅香而且唔會好甜，真係極力推薦

今日好忙，做到無停手，收工唔想返屋企煮飯，有人提議帶我去佐敦搵食。原來一早做定功課，上網 Search 到呢間「盛記」，聽說店舖嘅粥麵做得很有水準，有口皆碑。餐廳地方不大，屬長方形格局，椅桌擺放得好整齊企理，以四人檯為主，牆身上貼滿美食照片，圖文並茂，令人食慾大增。先嚟一粥一麵，點咗盛記招牌雲吞麵 ($36) 同 甜口豬心粥 ($38)。雲吞麵做得好有誠意，淨係睇賣相已知對辦，湯頭清鮮，飲落有蝦籽嘅香同大地魚嘅甜。雲吞大小合度，有金魚尾，蝦肉爽口，肥肉甘香。麵條亦處理得宜，走鹼功夫一流，入口爽中帶韌。豬心粥即叫即滾，上桌時仍熱辣辣，粥底煮得非常綿稠，散發住陣陣米香。豬心爽脆不腥，食落好有咬口。凡以正價點粥、麵、飯或腸粉任何一款，可以用優惠價加配油菜、小食、飲品或糖水等，咁筍，當然唔可以錯過。揀咗蔥花蝦米炸兩腸粉 (+$30)、炸鯪魚球 (+$30)、雞蛋薏米糖水 (+$10) 同 熱豆漿 (+$5)。油條脆卜卜，外面嘅腸粉皮又薄又滑，配埋蝦米同蔥花一齊食，香口惹味！鯪魚球同樣高質，即叫即炸，既彈牙又大粒，入口帶果皮甘香，配蜆介食，別有一番風味！薏米糖水質素亦不俗，非常滑潤濃郁，雞蛋大大

呢一篇盛記食評可說是番外篇，因在早幾日揾食肥華在OPenRICe第壹佰篇食評，就是寫這間食店的粉，麵及甜店，但比店嘅粥品在食評界口碑亦有很高評語，因此在4月15日肥華和靚媽專誠再到此店，試食埋佢嘅粥品及小食，和鎮店名物之一薏米水是日點了生滚滑牛粥，生滚豬潤粥各一碗，另加酥炸鲮魚球一客，及淨雲吞一碗再加泠熱薏米水各一杯合共6款食物，先講兩碗生滾粥，無論粥底和配料都做得非常有水準，粥内生料火喉恰到好處，兩碗粥都有A+評分，而個炸鯪魚球及個醬料蜆介亦有B+水平，反而個兩杯薏米水若用跟餐嘅價錢尚可一試但如獨立價錢，就唔飲得過。淨雲吞上篇食評已讚過，今次水準依然，總結此店除咗個桑寄生旦茶強差人意外，其他食品都係得嘅

嚟到佐敦站附近搵食 見到呢一間主打粥粉麵的 小店。 就入去試下， 呢度都幾多選擇 有飯有麵 有粥 仲有好多唔同 形式的 腸粉。咁我就首先叫咗最出名 雲吞麵 同埋牛筋腩飯， 之後再加多個蝦米炸兩 之後再加多一個蠔油生菜。首先介紹下佢個鮮蝦雲吞麵 雲吞的確係用鮮蝦 貨真價實 四粒大大粒 咬落大牙冇花假。牛筋腩飯大大兜 大大嚿牛腩 仲有好多牛筋 牛筋炆到好冧 咬落好好味 骨膠原豐富。蝦米炸兩 配上畀低甜醬麻醬一流 腸粉皮即叫色拉皮薄餡靚 油炸鬼脆卜卜。蠔油生菜清甜好味 我絕對滿意呢一餐

途經佐敦，見到呢間「盛記粥麵」，有人企在舖門口外等位，我諗呢間必定有些特色，加上睇見放在舖外餐牌上嘅食物款式頗多，於是等埋一份入去試下。😉真係花多眼亂，經過一輪挑選後，終於選擇了👇🏻：【頭抽黃沙豬潤撈粗】～ 豬潤非常嫩滑，份量唔少…有5塊咁多，加埋彈牙粗麵，簡直一絕！👍🏻😋【蝦籽海蝦粥】～ 蝦籽灑在粥面好香，🦐肉爽口彈牙，兼有6隻咁多，應真夠份量，粥底又夠綿，食到停唔到口！【蒜香南乳炸雞翼拼炸鯪魚球】～ 呢款係我至愛，用蒜香南乳調味做炸物，非常野味…雞翼外脆內嫩，加埋鯪魚球配蜆芥，又香又彈牙！【腩汁蘿蔔】～ 蘿蔔好夠腩汁味…如果煮淋多啲啲就更加好味喇！😉【養顏桑記生蛋茶】～ 食完炸物飲呢款糖水，令喉嚨配覺舒服，加埋隻蛋，真係飽晒！

不經覺呢篇已經係，揾食肥華在OPenRICe，嘅第壹佰篇食評，為隆重其事，肥華特登揾呢間名氣食店四大名氣食品，同另外四間名氣食店嘅同一款食品，作一個比拼，4月11日同靚媽在此店合共點了四款食品，包括雲吞麵，淨水餃，柱候牛腩河，及桑寄生旦茶，先用雲吞麵和十大碗相比，無論麵厎，雲吞，和湯底可說旗鼓相當，誰也赢不到誰，至於個牛腩河和個淨水餃，我就用昌興同佢比，先講水餃單論水餃昌興無論口感和味道都比此店略勝一筹，但講個湯底此店有落韮王，而昌興個湯底衹得䓤花，整體來講，呢個淨水餃亦係各有千秋，到牛腩河比拼，無論牛腩，粉底，湯底，盛記可說是完勝昌興，最後到過桑寄生旦茶，原本係揾源記同佢拼拼，點知兩者嘅分別真係天與地，無論隻旦，碗桑寄生茶盛記完全無得同源記揮，佢嘅呢碗桑寄生旦茶衹能和另一間米芝連甜品店，華園比個高低，上述評論是我揾食肥華個人意見，如有錯誤希望各位見諒🙏🙏其實此店都係一間高質食店

昨晚天氣轉冷，想食一些暖暖粥粉麵依類食物，喜歡開OpenRice 看看附近有什麼餐廳好，見這間好評多，負評少，而且好似食物相都好吸引，於是同朋友試下買外賣自取一共買了三樣： 艇仔粥 ： 粥份量夠大碗，可惜以$38價錢粥水多，配料少， 最多是瘦肉絲，魷魚絲，豬皮配少到以為自己食緊瘦肉粥鮮蝦腸 ： 買了粥可加$34，一碟蝦腸，鮮蝦大隻又足料，共有五隻大蝦，蝦肉爽口， 但腸粉質感普通，腸粉質感又厚又粘口，好似膩，不夠滑，我個人不喜歡此質感腸粉皮蛋瘦肉粥：粥份量夠大碗，這碗$36粥水多，配料少， 最多是瘦肉絲，味道愈食愈鹹，重味

之前堂食，食開云吞麵薏米水腸粉。 好食而且服務唔錯。 因疫情，今次改外賣，試吓及第粥，估唔到好食，粥底夠綿，唔會好水，仲有果皮香味。唯一唔好係好少料。 炸兩，例牌好食，外賣都內脆外嫩，而且醬料全部用細膠兜裝住，好企理。 當然唔及堂食咁好食。桑寄生蛋茶, 第一次試，之前堂食見好多人都點，果然味道好過好多甜品舖，雞蛋好滑，如果有埋蓮子就完美。

想清清淡淡食粥但又怕粥麵舖好頹😅 見到呢間比較光猛乾淨就試一試😚 果然有驚喜呢 可以一試粥麵 仲可以選擇套餐🥰 加上小食飲品岩曬三心兩意既人🤪 特別推薦係因為用料新鮮有誠意 係不錯嘅平民小店 💰⭐️ 招牌狀元及第粥 加魚腩🍲一見到好大碗好足料🥰 粥底好滑好棉密唔會過鹹👍🏻 裏面嘅料主要係十分豐富豬雜🐷有粉腸豬潤豬肚等等 食得出新鮮口感爽口💕 加上魚腩好鮮味好嫩滑 🐟 清清地但好滿足⭐️ 蔥花蝦米炸兩 🌯油炸鬼新鮮炸起熱辣辣🔥外面嘅腸粉薄薄一層👍🏻 香口得黎唔加太多醬都好滋味😚⭐️ 蠔油冬菇 🍄冬菇大隻好厚肉❤️ 蠔油味煮得好入味🦪⭐️ 養顏桑寄生蛋茶 🍳桑寄生嘅甜度適中🌱溫暖而清甜 加上蛋感覺好滋補🥚

係呢區剛整完骨，想食個粥，易消化呀麻。OpenRice 下，見呢間咁多好評，又唔貴，試下囉。叫左豬潤粥 + 店主推介雲吞湯 + 薏米水豬潤粥, 豬潤夠哂滑, 粥底非常棉. 有少少乾貝. 真功夫煮出黎, 唔好講少. 最緊要係咩?? 就係味道好之餘，食完完全唔會口渴. 非常難得囉.湯雲吞, 有料到. 入面堅係大大隻蝦肉. 自己睇相, 真心大粒仲要唔係蝦碎，係原粒蝦呀！ 湯底好味，清埋. 薏米水, OK, 唔會太甜, 有蜜棗, 潤喉. 呢間無得輸. 

媽媽要去寶靈街買嘢，買完就去醫肚，喺附近兜咗個大圈後媽媽話要食雲吞麵，於是就同佢嚟咗盛記。估唔到下晝兩點幾間舖頭都咁多人，不過好彩啱啱有人埋單。今次點咗個淨雲吞、北菇滑雞粥、蠔油冬菇、炸両同埋一碟菜芯。淨雲吞一碗有8粒，超抵食之餘，媽媽都覺得好食到問我有無得買生雲吞拎返屋企。蠔油冬菇夠哂入味又夠淋，仲要滑一滑，真係好好味。北菇滑雞粥比想像中大碗好多，雞嘅份量都好多又夠滑。最後嚟到嘅係炸両，即叫即整之餘，望落去碟炸両晶凝通透閃令令，食落仲脆卜卜！食到我哋兩個飽到上心口都係$170。

佐敦食「盛記粥麵」平日中午都好多人，好好彩好快有位。叫了個粥粉麵套餐，盛記艇仔粥熱辣辣的，10分足料，包括有彈牙的魷魚，魚片，豬潤等等。好啱心大心細的我們，粥底淆得好綿密好滑，好難得。另外加了$26有個豬潤腸粉，腸粉的皮拉得好薄，豬潤熟得啱啱好，好好食。另外有人也叫了個豬潤粥，豬人份量10分充足，有成6-7片，好好食再加點胡椒粉都不錯。我叫了個牛肉腸粉，牛肉份量好多，不會馬虎。另外熱薏米水也是足料之選，有大半杯都是薏米餡料仲有粒大的蜜棗，加$5就有喺必點知一！另外加$10有個桑寄生蛋茶，不會太甜好滋潤，食埋隻雞蛋就滿足了。

想吃簡單清淡一點的午餐，選了招牌的雲吞麵及較少見的魚片米。兩碗粉麵的面層都舖蓋著一層厚厚的油雲吞餡料係足料嘅，有好大隻蝦，但味道偏鹹，好彩麵夠爽口，不帶鹼水味；而魚片米，米粉選用較幼身的米粉，而且似係煮的時間過久，食落口有點過腍，而魚片勁多骨，有幾片更帶有腥味。🤢