盛八日式燒肉放題店 (已結業)

本人好中意食牛,,聽朋友介紹話呢間唔錯...咁就同朋友去試下..上到去個環境都唔錯...叫左個和牛..一般牛肋骨..好好食牛胸腹..幾淋..好食牛舌..爽口西班牙豚..好肥蚧腳..好鮮味生牛肉飯..一般清哂..勁飽...真係唔錯...服務都OK..會幫你不停你加茶又會主動換網又會同你講點燒..食左500幾蚊..都OK..會再去!!

亞妹提議試日式燒肉@盛八旺角分店，近佢收工喎，都好反正聽朋友推介過。入到去坐單邊二人位隔住塊木板仔好得意，全場好多人個個郁來郁去燒野食好有氣氛，前面班友仲大叫大笑唔知係咪飲醉酒。我地叫咗信州和牛、盛八沙律、燒汁牛肋骨肉、厚切牛利和盛八腸。以上全部跟餐廳牆上貼住話人氣榜五強推介，諗住實穩陣，結果全部都好好味，例如果沙律菜好fresh果dressing好特別好似有少少辣添，至於牛肉好滑盛八腸就香口入味，我們二人至愛一致為厚切牛利，第一次食咁型狀牛利，真係一試難忘好有初戀feel呢。Ending食埋意大利Da Dolce開心菓雪糕，成餐飯真係開心晒噢......

早日前...終於可以上盛八一試..由於每次book位都唔岩時間!每次都是full的...所以一定要去一次!最後上到餐\廳..氣氛的確不錯....暗暗的燈光投射落黎..有另一番風味...我們3人叫左盛八的hkbc0套餐\本人想試更多美食...便叫多了牛胸腹及羊排....第一出場便是沙律同豆腐..沙律味道的確好味...豆腐汁令豆腐更加美味....套餐\及其他食物一一送上...所有燒肉比我想像中好味..特別是日本和牛...肉味唔錯最後埋單大約$6~7百比較低食!我會再去多次試其他燒肉!待應:會主動加茶,有禮,會介紹食物點燒環境:不錯..很有日本feel...射燈令氣氛很好!食物:很好..味道一流..一定會想試

前排工作好辛苦無時間食餐好,終於完成了Project,同幾個同事食飯,經過旺角雅蘭附近見到依間餐廳啲易拉架張和牛相好靚!我本身又是一名牛精,决定一試!前前後後食過:信州和牛---(買相差,食落唔錯)特上厚切牛胸腹---(好有牛味,唔太膩)---必食果味牛胸腹---(比厚切薄啲,甜甜哋)特選厚切鹽燒牛舌---(好有口感)薄切鹽燒牛舌---(味道一樣,口感差啲)山葵一口牛---(唔夠山葵味,牛ok)牛肋骨肉---(好好味)蟹腳---(幾好食)蒜味雞軟骨---(硬硬地,送酒ok),盛八腸---(要燒濃啲,先好食)菠菜溫泉玉子沙律---(沙律醬好好味)藍莓野菌雞肉沙律---(一般)一支藏拉麵---(如果鐘意食葱,開心死)蜆湯---(都ok)芒果雪糕開心果雪糕食物水準高,如果鍾意食牛,呢間日式燒肉店不會令你失望!

昨日同朋友去試過呢間野！衛生都唔錯！服務又幾好～羊排－冇ｓｏ味，好香！厚牛舌－好正，好爽口！盛八沙律－個醬好特別，有washabi味!燒汁牛肋骨肉－推介之一，伕汁好濃！盛八腸－冇so味,本腸煮過,燒一陣就食得,仲好香好脆服務:有服務生講解點燒法!因為原來有D都要有D技巧先燒得最好食!服務生一見我地個網燒黑左就會幫我地換網!唔錯唔錯!

2007年5月1日。行完了麥里浩徑第一搭二段，出了旺角食盛八。一間餐廳不管有多好吃，如果食物裏有（蟑螂）的話，對不起，我一定給你一個“苦臉”！一行六人，叫了兩個HSBC2人套餐（@$484 x 2），另外再加其他東西：盛八特式野菜沙律: 蟑螂沙律，失敗！有相為證。不要問我好不好吃，嘔心！盛八冷奴：凍豆腐。酸酸的，挺開胃。（但蟑螂沙律倒胃。）日本產信州和牛:少牛味，肉質腍，OK。阿拉斯加長蟹腳:都係用牛油煎會香D，太鹹了，一舊都夠。鹽燒依達赤豚肉:比另外叫的生薑燒黑豚肉淡口，我比較喜歡套餐的豚肉。鵝肝鴨胸卷伴藍莓汁:鴨胸烤得有點脆，但肉仍很腍，好香，鵝肝就…好過無囉。個藍莓汁淡到食唔出乜味。法式芥芓牛舌:比我們另外叫的鹽燒牛舌厚切腍，OK。義大利香草雞腿肉:是pesto味的雞肉，幾好特上和牛炒飯：都幾好食，但已很飽，吃得不多。義大利天然低脂雪糕：芒果味，無乜特別。另外叫的有：生薑燒黑豚肉：醃得太濃味。不喜歡。鹽燒牛舌厚切：有點韌。盛八冰淇淋：只是雲呢拿雪糕加點焦糖及木糠，一般。一開始發現蟑螂以後，叫來女經理，叫她馬上取消（兩個跟餐的沙律之外）另加的一個沙律，經理連忙道歉，並說我們叫的沙律

呢間店幾旺,幾次去都要等位,不過証明真唔錯,最緊要係開到三四點,晒我呢D夜貓。果曰兩個人食:燒汁牛肋骨肉-----可以鹽燒牛胸腹-------好味阿拉斯加長蟹腳---抵食特上和牛炒飯-----只可叫當飯食信洲和牛---------差D烤大蝦-----------一般雜菌錫紙燒-------大份抵食開心果雪糕-------Gelato super tasty ^.^ and only cost $20+ must try!建議九點半後入坐,叫個宵夜套,好抵!但要食靚和牛,我都係推介伊呂波或者遠d到macau飛苑。

好好玩...今日係同男朋友的週年紀念日...諗左好耐..其實日式爐燒多數都係貴價，但這間盛八都可以一試:1. 牛舌唔so2. 帶子加香草牛油好滑好甜．3.　芝士蕃茄好．但芝士唔太濃4. Thai式石頭飯好香但硬左少少5.　雜姑都好好6.雞肶肉好好，最好選意太利香草，青青地顏色但好味但我覺得如甜品選擇多點會仲好．唔多特別...icecream多......但好好玩....

行過朗豪坊附近,,有人派傳單話10點後25% off野飲又半價...好似幾平咁...咪唸住同女朋友上去試下...開頭睇個門口細細地咁..上到去個環境都ok...點知冇卡位...迫住坐個...開頭想走...但女朋友話幾特別...又要除鞋又成...好鬼煩...成5.6檯人咁樣坐埋一齊..怪怪地咁...不過試下....睇個餐牌-.-睇極都睇唔明...叫個小二介紹...講黎講去都係牛牛牛牛牛....都係叫個小二話事..唔想唸....叫佢幫我點左5款...食完之後又幾好食wo...由其係果個牛肋骨同咩咩和牛...真係值得一試^^個小二都幾好...有笑容同會講點樣燒...佢仲要加茶加到好似油站咁不停為你加油..好攪笑...呢間野都算係咁啦...幾好...我覺得冇咩問題...會再去...不過下次會打去book位...因為果個其實坐得唔係太舒服....不過d野真係幾好食..下次會再去食唔同既野!!!!!

先講環境，在密麻麻旺角之樓上舖，有尋找美食之感覺，再講氣氛，打住ｃｈｉｌｌ　ｏｕｔ來日式燒烤，好好ｈｅａ的感覺，至於裝修，木材加上暗燈光，有如在家好鬼ｗａｒｍ，戲玉當然係食物，叫咗燒汁牛肋骨肉，好鮮好ｊｕｉｃｙ，一定要試，厚切牛舌，一樣好掂，聽講係佢哋主打，再來生薑黑豚配生菜，冇豬腥卻好惹味,跟住好奇叫了一碗叫一支藏的麵，來到時原來係一碗滿佈葱花的和牛拉麵，我是從來吃麵唔飲湯的，因怕其味精，如今成碗湯飲哂，嚇了友人一跳，因為個湯確實好鮮甜，好滿足呀！最後埋單３０５，仲有九折，如此上盛質數，夫復何求！

早幾日食完IFC稻菊令到元氣勁傷，不得不絞盡腦汁揾番啲"平靚正"嘅食肆安慰吓心寧磨損。同行朋友介紹盛八旺角店消夜：裝修幾Art Deco，音樂背景時尚，幾啱後生仔女旺角區算異數。地點好難揾除非跟朋友黎...是夜點了：特價宵夜套餐-牛胸腹 長蟹脚 鹽燒牛舌 柚子楜椒豬頸肉 香草雞腿 鴨胸 蜆 $188-另加了山葵一口牛及煙肉帶子卷，3杯生啤味道好得，意料之外，物起所值。

現在全香港都禁煙,我想只有盛ハ係可以食煙,因為我上星期去食飯,我坐在房邊的桌,食食下有好大煙味吹來,我看一看房,有人坐在房內食煙,我心想可以食煙真好,因為自已都係一個煙民,我第一時間問個經理話我想食煙,但個經理第一時間話唔得,我話房都有人食啦!個經理只係講聲SORRY便走,最後我之點解,因為我見到一個穿便服坐在收銀的人進房吹水同食煙,我想房裹的人一定係老闆D朋友,所以可以食煙,唉.....鬼叫我唔識老闆咩!到最後食完飯我個人好想食煙時,見到好多人行去後樓梯之後行出來,之後我都去看看,原來後樓梯係可以食煙的,食完煙我便同朋友講,朋友都話這是第一間可以吸煙的餐廳,如果大家想一路食飯一路食煙,這是一個好老方!

星期日我同朋友去盛ハ食飯,一去到嘩個門口多人到不得了,但我又無訂桌,等了一個鐘頭,等係等了好久,但個經理態度好好咁叫我們等多等,我見佢個頭不停咁流汗,我都覺得好辛苦,但我見到收銀有一個穿便服的老女人,d伙記以不停地做嘢,佢還黑面地話d伙記,最好笑係我們坐在電梯口等,電梯口有兩個洗手問,個老女人話完d伙話便走去洗手間,一出來便叫個經理去洗廁所,哈....這是咩安排呢!經理去洗廁所!難道叫廁所阿姐去跟我們的食物嗎?到我們入去食嘢,我見到無一個伙記有時間俾茶我地,到有人俾茶我們時,我好奇地看一看,原來又係個老女人,我們在睇餐牌時,佢個口不停咁叫我們食這個食那個,大佬呀!我要食咩我有分數啦!佢不停口咁真係好煩,但我見佢不停指人做嘢,我心想佢都係老細來的,本來好想開口叫佢唔好煩我,但我怕我d食物會俾佢加嘢,所以無出聲,叫完嘢食我先發覺佢地有兩間房可以坐10至20人,坐房要除鞋在門外,之後d伙記會幫你放鞋進鞋櫃,但d伙記用他們雙手放鞋進鞋櫃,之後又用雙手幫你加茶,我真係有d怕茶有味,d食物好好味,牛肉好正,收費唔貴,走時d伙記好好態度咁叫日文送我們走,大家都食得好開心!我朋友話一定要去多幾次,但希

前一兩個月去食過幾次食物方面真係好好味(燒肉方面,特別係牛肉..~)至於石頭飯同拉麵冇咩特別...菜類份量都好少下..真係好少...而且唔係好抵...至於野飲,只叫過雞尾酒...幾款都幾好飲..~服務方面...我覺得真係非常之好...!!可能我先前去個時客人並唔多全店只有4,5枱人,所以每枱人都照顧得到點菜時有問題亦好有耐心咁答我又會推薦食物比我之後會問我覺得佢推薦嘅野好唔好味...(可能只係個別侍應...^_^")

睇過今期飲食男女介紹既燒肉店, 最後選擇左係旺角既盛八日式燒肉店, 我知星期日一定好難訂位,所以前一日就訂定位先,到8點鐘時我同朋友入到餐廳時已全坐滿晒人, 當我地坐低後無幾耐, 侍應送上餐牌同點汁,但茶就遲遲未嚟,之後我地就落Order ,當晚真係好爆場,隔離附近D客有D無餐牌有D無茶,有D Order左野食就好耐未到,非常之不耐煩, 其實盛八D野食真係好好味, 但當晚既服務就差D ,人手極度不足, 見到D侍應忙到連自己要做D乜野可能都唔記得, 都幾辛苦吓, 又見到其他侍應同客賠罪, 講真佢地都唔想既, 唯有經過呢次既失誤,希望佢地會盡快再安排多D既人手....如果人手安排足夠既話,係值得再去既...