盈記四季養生麵館

营业中

休息中

朋友介紹了一間位於灣仔的葯膳麵店，交通非常方便，位於修頓球場附近。麵店的裝潢簡單舒適。餐牌上有各款麵配搭，可以選擇葯膳湯底，蕃茄湯底，叻沙湯底。麵食可以選麵，米線，米粉，薯粉。葯膳農場雞桃膠養生湯，葯膳湯底是採用三皇雞加入各種葯材煲4小時，所以湯底非常鮮甜，帶有少許葯材味，好好味。另外雞件用農場雞腿，非常嫩滑，啖啖肉，非常抵食。鮮茄肥牛湯粉，蕃茄湯底是用鮮車厘茄及大蕃茄再加新鮮蔬菜煲3小時，湯底同樣清甜可口，配合肥瘦適中的肥牛，清甜美味。葯膳浸雞腳，雞腳鬆化，入口即融，香甜的葯材味，好味。

人人都話深圳食嘢又平又好食，其實香港一樣有，不用捐窿捐罅去搵食。灣仔嚟間麵館主打養生湯底，採用肥美三王雞，配合多種藥材，餚製四小時。真材實料，價錢合理，不錯啊！藥膳農場雞日本花菇養生湯米線藥膳香氣飄溢，味道濃厚。有紅棗，𣏌子和龍眼肉，難怪湯頭咁甜美。飲後覺得全身即刻暖和。雞皮薄薄的沒有多餘脂肪，肉質嫩滑。肉味濃郁。花菇好厚身，每啖充滿口感，好正！古法炆蘿蔔蘿蔔夠入味，清甜無比。份量不少，認真抵食。

最近新年食滯咗想食得健康一點，找到一家米線店舖，以藥膳湯出名的米線店！餐廳座位只有幾十個座位，但坐下來也算寬敞舒適。午膳時間人流非常多要等一陣子就有座位，我立即叫了一碗藥膳農場雞厚身花菇養生湯米線。這裡的藥膳雞湯採用了肥美三黃雞配以多藥材熬製4小時，一喝湯頭鮮甜無比！除了藥膳湯之外，還有蕃茄湯和喇沙湯底選擇。下單後不到5分鐘已經上枱，速度十分快。花菇完美索晒湯的鮮味，每一啖都是精華，再來農場雞份量多，雞肉嫩滑味道不錯，配米線一起吃，感覺這餐十分健康！難怪人潮滿滿午膳時間經常排隊。人均消費約$60-$80

發現米線真係會食上癮！前幾日中午諗唔到食咩好，最後去咗「盈記四季養生麵館」食米線🤣🤣餐廳主打藥膳雞湯，仲有蕃茄湯底同叻沙湯底可以揀～平日中午去到都好full，果然好受歡迎🔥🔥🍜藥膳農場雞蟲草花養生湯 $65✨湯底採用肥美三黃雞🐥，配以多種藥材熬製四小時而成～～味道清甜濃郁，帶淡淡藥材香～雞肉嫩滑入味，份量啱啱好！師傅仲俾左雞脾肉我添😆😆另外仲有蟲草花、紅棗、杞子同雲耳等配料，十分滋潤❤️❤️🥟紅油抄手5隻 $36✨​餛飩皮薄餡多，粒粒外型飽滿！配上餐廳秘製醬汁同辣油，辣辣地好開胃🤤🤤🍹凍檸茶 (+$3)✨凍檸茶大大杯，茶底清香～飲完可以解解膩👍🏻👍🏻

夜晚放工嘅時候，已經九點幾🥲喺灣仔好多舖頭都閂咗見到呢一間舖頭有我最鍾意食嘅米線🍜就同老公入咗去試吓叫咗個二人餐$150，有兩碗米線，一個小食同兩杯飲品。🔺農場醉雞養生湯米線農場雞好大件，又嫩滑，仲俾咗個脾位我配料有紅棗、木耳米線彈牙🔺農場雞麻油米線老公話湯頭好濃，加咗啲麻油啱啱好😉雞肉質鮮嫩，入口滑嫩多汁好似真係飲緊一個滋補嘅湯，既香濃又好味🤤🔺小食-雞腳炆得好林，都有六七隻$150/2個人食到飽抵呀*全自費

冬天就想補一下，依度嘅藥膳農場雞湯，好養生，係一個健康嘅選擇😍😍🤩藥膳農場雞＋蟲草花養生湯米線藥膳農場雞肉質鮮嫩，入口滑嫩多汁，蟲草花則帶來了獨特的香味和滋補功效😃😃如果湯米線吸收了湯汁的鮮甜🤗🤗值得推薦的營養美食😀😀🤩藥膳農場雞＋日本花菇養生湯米線雞的肉質鮮嫩多汁，與日本花菇的香氣相得益彰😗😗湯米線吸收了湯汁的風味😍😍帶有濃郁的鮮美口感😎😎🤩藥膳湯墨魚春卷墨魚春卷口感彈牙，配合藥膳的保健效果，讓人在品味美食的同時也能享受到健康的滋補❤️❤️🤩熱檸蜜：具有豐富的維他命C和抗氧化物質，暖笠笠😋😋

我哋兩母女近排實在太多飯局，應該係時候食得清淡點，途經這間麵館，覺得實在是太適合我們了！呢度有多款藥膳雞湯同麵食，我要了藥膳農場雞湯雞養生湯米線（$62），阿囡鍾意豬肚，所以揀咗藥膳農場雞胡椒豬肚米線（$78），仲加咗一個小食：秘製汁木耳（$28），貪佢夠爽口！單點飲品原來有5折添，我要可樂（$5）而我家大小姐要津路烏龍茶（$7.5）。總括而言藥膳湯底藥材味不算太濃，農場雞大大件，裡面還有紅棗、木耳等材料，米線入口滑嫩，雖然今餐比較簡簡單單，但實際也食得健康又好味呢！

📍盈記四季養生麵館 (灣仔)📍灣仔軒尼詩道69號華美樓地舖🟡藥膳農場醉雞養生湯米線$64🟡奶茶紅豆冰（少冰）跟餐$12今日去灣仔是在一間米線，覺得真係值得分享吓，認真覺得好好食！餐廳環境乾淨整潔，氣氛寧靜舒適，比人一種舒適和溫馨的感覺。叫咗碗藥膳農場醉雞養生湯米線，成個湯底都有我最鍾意嘅醉雞味，加入了藥膳成分，成個湯底味道恰到好處。入面有雞髀和雞胸肉，就算係雞胸，都做得好滑嫩。個米線完全可以吸入晒啲湯汁，又保留到彈性口感。另外叫咗杯奶茶紅豆冰，奶茶好香濃，非常適合搭配餐食。紅豆綿綿的，叫咗微甜，甜度適中。下次再嚟灣仔真係會再食！

話說向香港去到9點咁上下都冇野食咁滯，仲要向灣仔呢d商業區。今次衝著佢收10點半呢點去食。叫咗個一人套餐$78，有碗麵，有小食同熱飲 (凍飲要加3蚊）。今次叫咗個藥膳農場雞厚身花菇米粉，花菇又真心好厚同埋入味。 雞有三件，少肥唔錯。 湯底不外乎係紅棗、雲耳，藥膳味幾正啱啱好，而且帶有d甜甜地。縱使知係肥都忍唔住飲咗一大半。小食叫咗上湯時菜，今次係生菜，球上咁但係煮得比較生，去到中間開始已經feel到。 熱飲叫咗檸茶，正常質素。 覺得如果唔係為咗小食，唔叫餐就抵d嘅。 湯底真心好味，野飲可以唔洗叫都得。

最喜歡吃米線，這間性價高的養生湯米線，我們就經常下班來吃的～ 平日晚上見到客量比之前多了好多，米線的選擇也多了。我始終最愛藥膳湯😆我男友點了藥膳農埸雞麻油養生湯米線，見到雞的份量好多，有雞髀～ 而我就點了藥膳雜丸養生湯米線，雜丸是貢丸和墨魚丸各三粒，六粒都好大粒，而且咬落有口感，好彈牙有味道，不是很粉的那些丸👍🏻不錯！另外點了一小食是藥膳雞腳，十分軟嫩入味！唯一缺點是雞腳有點小，不是太多肉🙈🙈

性價比高，$145二人餐，有兩碗粉，一個小食，兩杯飲品。湯底好濃味，飲晒。飲完唔口渴。多款選擇。小食選擇了雞腳，以為唔會好多，但有起碼6隻。會再幫襯試醉雞湯底。

由香港仔水塘行山落到灣仔, 就在軒尼詩道這間養生麵館吃晚餐.這裏有多款藥膳農場雞湯及麵食, 還可選米粉、米線或薯粉, 也有麻辣、酸辣及喇沙口味.  另外亦有蕃茄湯底.我們點了藥膳農場雞山藥養生湯🍜 $64農場雞肉質鮮嫩又夠入味, 藥膳養生湯底足料好味, 有紅棗、杞子及雲耳等, 好味到連湯也喝清了😋據餐牌介紹, 原來是選用了肥美三黃雞, 配以多種藥材, 熬製四小時而成藥膳農場雞日本花菇養生湯🍜 $68大大隻又厚身的花菇, 味道非常香濃😋藥膳濃湯浸生菜🥬 $26藥膳濃湯令生菜也浸得很入味👍飲品方面選了熱檸蜜☕ 跟餐價$7柚子蜜🍹 跟餐價$9性價比非常高的麵店👍

1點左右經過灣仔，搵野食，經過條街，見面前面係半島，後面就係盈記四季，笑左😂見間舖坐滿人，仲有人排隊，就試試你間四季！😂灣仔區，一碗米線五十幾六十？？？邊度搵？一人餐78蚊，有埋小食野飲！老實講，係偏淡，但食落好養生，個湯飲到藥材味😋😋😋飲完一啲都唔口渴，正👍🏻題外話，有個大隻仔店員，手臂粗過我大髀🥶🥶🥶

邊個話出街食飯？一定唔健康㗎？「米線」唔一定只得酸辣湯底咁單一呢間主打健康養生嘅湯底配上雞肉及其他養生食材製作出唔同口味同配搭嘅湯粉麵✨藥膳農場雞桃膠養生湯鮮嫩嘅雞肉，足料好有份量湯底清甜，而且唔油膩桃膠唔一定用喺甜品配上米線原來都好夾軟彈嘅口感．養顏嘅最佳選擇✨古法炆蘿蔔第一次食到咁清甜嘅蘿蔔連湯底都會想飲埋加入紅棗炆得好入味✨熱奶茶奶茶嘅茶底好香濃．口感幼滑以後Lunch又多個健康養生嘅選擇唔怕油膩唔怕肥啦

最近好興藥膳湯/雞湯米線，今次嚟到灣仔呢間試吓，見評價都唔錯，價錢都適中。12點嚟到，唔洗等，店內1/3滿，全部都要搭枱，唔可以1個/2個坐成張，因為好快12點半都已經滿座了。一人餐$78，米線+小食+熱飲，2人餐$140，2碗米線+1小食+2熱飲，2個人食嘅話，等於平咗$16食少個小食，因為佢啲小食都唔算太吸引。小食有蘿蔔、時菜、木耳、青瓜揀熱飲都多選擇，除咗奶茶檸茶之外仲有檸蜜菜蜜朱古力柚子蜜都唔洗加錢，凍飲+$3，仲有啲半價加嘅嘢飲。蘿蔔幾大塊，不過比較多渣同筋熱檸蜜，幾夠味凍柚子蜜都幾多柚子幾濃番茄雜丸米粉貢丸同花枝丸有各3粒，都算多貢丸豬肉味好香，爽口唔係勁淋花枝丸都爽口米粉唔會太淋，番茄湯唔會太淡我理解呢碗應該係有農場雞+醉雞但食每舊雞都冇醉雞味，只係普通，反而個湯勁醉雞味，唔通意思係醉雞湯味嘅農場雞但湯底好香，唔會太濃醉雞味飲唔到，亦唔會太油