盈翠軒 (裝修中)

話限時放題，但出野慢，等足二十分鐘都冇，問個經理，佢入都唔入廚房，只係講話整緊，唔知，啲新客入嚟，佢啲伙記都入去廚房直取出嚟，根本就係不知所謂！，個經理態度真係令人失望！

其他食物已經唔好食又冇味又凍，只為蟹放題而嚟但蟹又不太肥，2小時的放題時間頭半小時白坐，中途加料又等20分鐘，員工慢動作掛住傾計討論收工有冇黑衣人搞事同有冇車搭，五人放題放低一碟炒飯只得二人份量，問一位帶郷音員工為何炒飯份量這麼少，佢嘅答案係多又話多少又話少，然後就走咗去，感覺非常唔好，只可以講呢個價錢喺呢一間酒樓度食係一啲都唔值，以後都唔會幫襯　

睇咗 「PressLogic - Holiday假期日常」 嘅介紹而去試吓佢個大閘蟹放題。其實都預咗真實食物同報導會有出入，但係出入真係太大。先講大閘蟹，蟹好細隻，而且唔算多膏，味道一般。唯一好處係真係任食，兩個鐘內食到幾多都俾你。呢樣係真嘅。但係嗰6道菜真係好令人失望……「頂級鮮蟹肉燕窩羹」無蟹肉無燕窩，似係生粉水加蛋花。「生拆蟹粉小籠包」似一般小籠包。「蟹粉扒有機時蔬」sorry，已經無咗蟹粉變時蔬only。「花菇紅燒鮑魚」鮑魚邊有假期日常報導中咁大隻。雖則三百幾唔可以要求咁多，但係都希望見到少少誠意……而成餐最令人嬲 嘅係服務。無服務可言，嗰6道菜上菜次序仲要混亂之極。上菜亂上，之後幾個唔同嘅阿姐輪流問邊度菜上咗未，但係話佢知漏咗道菜時其中一個聲大夾惡企你隔離幾分鐘係咁話「你食咗啦，俾咗你啦」。算，真係唔係好恨食嗰6道菜。但係咁嘅服務真係永無下次。絕不推介呢間嘢。

I made reservation for the hairy crab set today in the afternoon!! The session should be from 12:00 to 2:00pm, we arrived 10 min earlier! Then we settled down there. After that no one come or serve as any dishes!! We waited until 11:15, and asked when will start, they only mentioned it takes time to cook and keep selling no need to place order! I asked again, they replied that the food are cooking, the staff keep asking us to sit down and wait! Then I asked how much time is needed. They cannot r

蟹🦀🦀又係蟹呀😆而家係蟹既季節，大家千祈唔好錯過呀！超抵食呀！尖沙咀呢間盈翠軒而家做緊大閘蟹任食放題🤩套餐除左任食大閘蟹之外，仲包括埋其餘六道小菜！但要留意返呀！小菜唔係任食😁六道小菜有啲都包含左有蟹既材料😍雖然款式唔係好多，不過淨係食蟹都夠晒回本😎生拆蟹粉小籠包❤️❤️❤️❤️皮厚度適中，小心食既時候會爆汁🤤鮮蟹肉燕窩羹❤️❤️❤️❤️❤️蟹肉份量都算多，仲要加埋燕窩，CP值即時提升😎蟹粉扒有機時蔬❤️❤️❤️蟹粉冇想像中咁多，呢個一般花菇紅燒鮑魚❤️❤️❤️❤️❤️鮑魚彈牙，一啲都唔韌，花菇炆得夠晒入味，咬落軟腍腍🤤超正👍🏻

見到賣廣告，有大閘蟹餐，仲要其他餸好豐富，有燕窩羹有鮑魚，特登早幾日book定位，佢分時段，6點第一round, 8半第二round。去到好多人企喺門口，但上一round既人仲食緊，冇人負責reception, 冇得攞飛，冇得mark名，企前d就早d入，一d秩序都冇，book左枱等如冇book。野食好恐怖，完全感受到咩係圖片只供參考，反差大到呢.....等左半個鐘先食第一round蟹，仲要唔係熱，係暖既。好細隻，我諗4兩都未必有。不過算啦，預左任食一定質素麻麻。但冇諗過等對手套同把較剪都等左5分鐘。個湯真係好恐怖，所謂蟹肉燕窩羹，連燕窩碎都冇，我覺得係純粹一pat好"杰"既芡。嗰個所謂蟹粉扒時蔬，都係一d蟹粉都冇，again,係一pat芡喺d白菜仔上面。嗰舊鮑魚，食落直頭似假既，好淋，冇味....我有懷疑係咪齋鮑魚。嗰個籠仔飯，我以為係臘味飯，點知係有d味既白飯，仲要冇餸喺入面既。薑茶，完全冇薑味。無論食物同服務都係好恐怖，計埋茶錢同加一，兩個人都要700幾，我究竟食左d乜。

睇到有文章介紹，一心充滿期待打去預約，諗住去到可以任食大閘蟹，點知最後到極點！😩😖😫話說去之前都有睇過下d食評，都知佢服務態度麻麻地，都有d心理準備架喇！一去到，唔意外，企左係門口10分鐘先有人問幾多位，都算喇！一坐低，一張上菜紙，又等喇！中間想舉手問下啦，見到當見唔到！😡等左10幾分鐘，終於見到個阿姐推架車出黎，揸住一籠又一籠小籠包周圍問人食左未，好唔容易終於問到我地個枱，我地終於開始食野！用左短短幾秒時間食粒等左10幾分鐘先有既急凍小籠包後，又等喇！中間真係忍唔住，再舉手想問下侍應們，睇下係咪要order先會上蟹，終於有位貌似高級既女經理過黎，了解過後，原來佢地第一輪係會自動送蟹上黎，女經理好好人，可能都見我地坐得耐，主動入去幫我地睇，真係好多謝佢😢終於等左30分鐘後，終於上蟹喇！🦀🦀🦀認真講，大閘蟹係好食既，蟹膏好香好多，係唔錯既！第一輪3個人，每人有2隻蟹食，感覺不錯！🤩係食蟹途中，套餐既其他食物陸續送上，但味道就真係麻麻！不過，既然今次重點係大閘蟹，咁緊係專心食蟹啦！真心講，蟹既質素係唔錯既！我地食完第二隻蟹時，我地就再舉手要求加蟹喇！🙋🏻‍♀️我地等左大約10分鐘後，終於又有

又到食大閘蟹的季節，之前係網上見到介紹這餐廳任食大閘蟹，就決定來這裡食。每人先各上2隻🦀，滿滿的蟹膏及黃黃的蟹油。令人食極唔停。生拆蟹粉小籠包，熱辣辣，配上醋來食，好味。頂級鮮蟹肉燕窩羹，燕窩好像欠奉，反而蟹肉都幾多，味道可以。花菇紅燒鮑魚，鮑魚彈牙爽口；大大隻花菇，好腍。👍🏻蟹粉扒有機時蔬，味道可以。廚師拍板籠仔飯，味道可以。桂花椰汁糕，椰汁香濃，桂花清香，味道不錯。最後，職員送上薑茶，味覺不會太嗆辣，好味。

首先，人多非常混亂！冇人開茶，冇人安排位！坐低之後，開始上菜，蟹粉扒有機時蔬竟然冇蟹粉！問佢點解冇蟹粉，佢話廚房出係咁就係咁！堅持之下先肯換，最後換碟菜加黃色㵪，根本唔知咩黎！又話蟹任食，叫極都唔黎！完全唔好幫襯!個蟹粉小籠包一d蟹粉都冇，大佬，3百幾蚊㗎，專業d啦我覺得，FB賣晒廣告，你就預左多人，多人就預備多d人手啦！第二轉上d蟹完全唔熱，貼錢買難受！寧願貴d，食少幾隻，好過食垃圾，仲要受氣！

同友人book左8點半嘅大閘蟹放題 去到嘅時候 門口同入面都好多人 但係係完全無安排 個個都塞晒入去 係無職員做入座安排 鬥塞入去 咁我book黎做乜？幾經辛苦 差唔多8點9個字入到去坐底 等左十分鐘 就有4隻大閘蟹送左上黎 細隻嘅 因為放題黎 咁唔挑剔啦 個碟好油 一摸隻蟹 凍嘅⋯ 打開 蟹唔多唔少 都唔挑剔啦 因為係任食 食完叫個阿姐黎多6隻 佢話唔好搵我 就走左去 之後再叫個經理落6隻 佢話好 但我等左半個鐘都未有 再叫第個職員落 都係一直都無拎黎 咁其他菜式 一開始上左鮑魚 時蔬 （都係凍嘅）同 大閘蟹 就已經停晒手 等左9個字都無野食黎 所以我咁得閒係到打我人生中第一個食評 亦都係我第一次啲咁伏嘅野 我仲等緊其他野食 但已經就黎10點半 我只係食左2隻大閘蟹 仲有半個鐘 唔知我仲可以食到啲咩

這間餐廳可算是同事食點心午餐必然之選，可惜我一次也沒試過。然而今日同幾位同事一齊encore. 這酒樓有地利之便，而價格比海港城的點心店或酒樓親民一點。餐廳採現代簡潔的設計，燈光瞭亮，枱與枱的距離有一定空間，所以唔會感到好逼。點心的價格分別為：小點$22，中點$24，大點$28，特點$30，頂點$33蝦餃皇$10/隻這蝦餃大大隻，一隻要分兩囗吃。蝦餃皮極之薄，一夾即破。而蝦餃饀料主要以蝦肉為主，味道鮮美又有蝦汁，口感爽彈，不錯。燒賣$10隻燒賣賣相工整，有手切肉爽口的嚼感，而肥肉也不多，但味道比較淡口。高湯鮮竹卷$28鮮竹卷以腐皮包著單薄的肉饀，索哂高湯的味道，口感油潤。花茹滑雞飯$24這蒸飯是迷你版。雞件已經去骨，拌以花茹和甜豉油，是飽肚之選。腸粉點了兩款：水晶鮮蝦腸$33/蜜汁叉燒腸$28蝦腸腸粉皮晶瑩滑溜，包住jumbo蝦仁，爽口弾牙；叉燒腸的叉燒味道甜美，而切成絲，令口感更為鬆軟，和腸粉連成一體。蜜汁叉燒包$28叉燒包的味道中規中舉，叉燒包的皮鬆軟，但比較厚身，而蜜汁偏少。流沙奶黃包$33奶黃包的饀料很爆湃，而且真是流沙的，味道甜而不膩，滿有吉士奶香。安蝦鹹水角$22鹹水角炸得

喺中港城5座寫字樓平台度，星期六日無咪人咁。買佐團購116/人，Book佐11:30，去到啱啱開市，無人，以為會好少人，怕會中伏，後來越嚟越多人，一點度差唔多坐滿曬人！食物質素唔錯，兩個人都點佐差唔多15樣，除佐炒貴刁同叉燒腸弱d，其他都好好食！特別係斑斕馬拉糕、芝士手卷、燒賣、蝦餃、蘿蔔糕好好食。覺得真係好抵！吃到好飽啊！！！！覺得服務無咩特別問題，茶樓都係比較忙碌。對姐姐禮貌d，佢地都好幫手！

I'm so furious.  I purchased a voucher from HKTV Mall for a take away suckling pig but this awful restaurant refused to accept my voucher because their machine was not working and couldn't scan the barcode on the voucher.I spent 1 week calling and they just hanged up  on me because they didn't speak English, when I finally got hold of a Chinese speaker who could call them and book the collection for me, these awful people refuse to honour the voucher I purchased.  I couldn't print the voucher ag

一直鍾意飲茶嘆一盅兩件，上網見到盈翠軒做點心放題，團購價$68 再加 即場$48, 俾$116就90分鐘可以任食，計落即係每人食5碟都已經回到本，而且係尖沙咀廣東道都算就腳，就book左星期日下午2pm食，去到位有大半係空嘅，環境就係一般唔太新淨嘅茶樓。之前上網聽聞服務態度差，可能因為人少唔算太忙，我冇體驗到特別服務差，叫加水同執台都好快。兩個人一坐低即叫左十幾樣野，不過炒貴刁同鳳爪已經冇晒，食到3點多啲菜苗餃都冇埋，所以都係建議早啲去食炸物因為新鮮炸起，所以好脆生煎蝦腐皮卷香煎韭菜餃脆皮芝士手卷鮮竹卷對我嚟講肉比較實，我鍾意入面嘅料鬆啲，等啲汁可以吸得多啲，不過個湯夠清菜苗餃唔錯，唔會過份調味，蝦又大大粒野菌餃蘑菇包都係熱辣辣上，一啖咬開入面有適當份量嘅香菇粒，包質地軟熟，幾唔錯腸粉一般，叉燒腸正正常常，唔係特別香，味唔算濃，牛肉腸冇咩牛肉味其實甜品類都好多，叫左個木瓜凍都唔錯，不過怕浪費冇叫好多。總睇點心味道雖然係放題，但質素相信冇做差，算係個十分對得住價錢嘅點心放題，想狂食點心嘅朋友可以去試下

食物一般，在其他酒樓也食到，服務態度好差, 再下單時，男經理喝道「枱面D嘢未食晒，我係唔会幫你落單」他会把下單食物份量自作主張刪減，出餐時間好耐，差不多夠鐘就隔着4-5張枱大叫D嘢食已賣晒，跟住侍應催埋單，所以唔飽，這種手法有問題，冇下次！