影片
食家推介
食个叉烧饭 认住叫肥叉 佢话冇 咁都可以接受最后整碟瘦到阿妈都唔认得嘅叉烧黎 好似食紧柴咁 啲菜又黄又烂烂地都照出谂住问佢拎啲蜜汁黎送叉烧又话冇要多少少姜蓉好似攞佢条命咁 都唔知点解会开到分店呢世仔食咁多烧味舖最难食难受系呢间啦
继续阅读
依家喺上水都开咗好耐 卖烧味卖咗好多年位置唔算近亦唔算偏僻 喺谭仔三哥隔离铺面唔大 都系做外卖生意多 上班族同学生哥为主不过咁耐以嚟都冇食过 今次就嚟试一试因为唔算太肚饿嘅关系 所以两个人叫咗一个双髀饭#双髀饭 $70烧味来讲真系畀料好足！一只油鸡髀一只烧鸭髀叫佢俾多啲姜蓉都随便比平时都唔钟意食咁多饭 但个豉油同姜蓉好好味 最咪唔觉唔觉都食晒成个咁大嘅饭！啲烧味相当惹味！够晒肥 啲肉又够滑！另外仲叫咗一个 #例汤 $5清甜好饮👍🏿都系相当值得推荐
继续阅读
睇完youtube介绍突然抽起条筋好想食鸭脾鹅脾行到呢间原本都有啲犹疑不过店员姨姨好热情招呼我哋入去试下话好多人帮衬咁就试下啦～两个人share一个双脾饭 店员推荐加5蚊可以有例汤个例汤比想像中大 饮落顺口而且好多汤料 正😋双脾饭拣左油脾鸭脾两种都算不过不失 无话好香嫩多汁鸭脾相对比较失色 肉质有少少韧不过以70蚊双脾计又真系无咩好要求而且饭底完系二人份 饭软硬适中捞埋姜蓉 无𩠌都食得完个饭🤣总括嚟讲 无咩想填饱肚算唔错的选择
继续阅读
期待已久的约会取消，消沉地食自己。再三思量，车仔面？烧味？潮州冷？是鬼但烧味，食完返归自闭！美味例汤经常卖晒，真系手快有、手慢无。多次都无乳鸽？已经停售吗？新黎肥姐热情有礼，跟以往那个长发瘦削态度嚣张倣慢大妈，仲有以前粗声粗气粗框眼镜健硕大妈完全不同。另一大婶玩野咩，张 $100 蚊裂少少唔想收，您咪比返我啰！您估依家系 $100 蚊美金呀，真系多旧鱼！神州佬汉食餐饭鬼杀咁嘈又无礼貌，对肥婶呼呼喝喝，食碟叉鸡饭巴吱闭，以为自己大爷呀？我同肥婶讲紧野落紧单架，打断我叫肥婶走去落例汤，有无礼貌架，您卤味 ﹗无耐仲要走多个大陆婆带埋狮威啤酒黎比两条粉肠饮，讲句句都擘大喉咙，劲吵耳劲骚扰，依度您屋企咩！食客们同我一样都黑晒面。大陆佬讲电话时原来识广东话，仲咩全程要同师傅侍应们讲神州语呀？正福佳流氓。现场两台大妈跟细路女都系操神州语，我返左大陆？大妈：遥基揸焦撚！肥姐：您讲多次？大妈：遥基揸焦撚！肥姐：哦，油鸡加烧腩。肥姐利害劲呀，咁都翻译到。大妈碟切鸡饭鸡食剩大半饭，细路女同样都系食剩大半。真系咁难食？好浪费㖞！虽然我都知盈昌隔夜嗅鸡太可怕。中华叉烧汤拉面，朝早的叉烧特别美？还是师傅心情特别美？半肥瘦焦香肉甜，松软微弹，嚼著大量肉汁。汤底浓郁滚热辣，微烫嘴最正，香甜可口中式肉汤底，无论如何都要饮多两啖。即食拉面有著莜面影子，不过不会油淋淋，清爽口感，滑弹出众在意粉与莜面之间。拉面挂上肉汤绑架叉烧，大大口烫著嘴塞入口，幸福无边，夫复何求。烧鹅髀汤河免斩，对自己好一点，快靓正。同婶婶讲左 3 次要例汤都听唔到，实在太淘醉于鹅髀免斩之上，又唔洗咁肉紧既。滚热辣高汤淋上鹅汁烧味豉油，让棉滑河粉挂上大大啖塞入嘴内！完整不散碎的河粉可以一气呵成放心地不停吸啜，汤汁肉香味浓，完美无瑕，超高质的烹调，无得弹无得输！单手拿起大大碌巨形烧鹅髀，惹来四周乡亲父老既羡慕眼光，我客气喇﹗豪气地擘尽嘴仔一咬一扯，嘞一声发出鹅皮撕裂的声音，使得我兴奋莫明！肉汁鹅脂喷到满嘴满面，眼见汁液闪令令不停流出，质地幼嫩，脆皮甘甜，香料丰富多层次，啖啖肉食得津津有味。咬啖髀，啜啖汤粉，饮啖靓汤，实在太幸福喇！西洋菜汤，凄凉菜汤好饮到讲粗口！菜味特浓飘香，冲渍著野蛮的肉甜味，滚热辣倒落肚还想添饮啊。莲藕烧猪骨汤，添加红萝卜更清甜可口，肉味浓浓黏黏，越饮就越想饮，高质表现。冬瓜汤，超甜特浓肉甜味道，厚黏有份量，烧猪骨汤头，冬瓜清清索尽靓汤。出住烟滚住饮美味极致，连渣都被我清晒。老黄瓜汤，肉味依旧霸道极浓郁可口，厚厚黏黏热烫烫好好饮。重要的事讲三次！例汤、例汤、例汤，婶婶终于记得出比我喇，激死！烧肉饭全走，瘦肉咸香，韧皮不脆，大大旧肉少少饭，无汁送饭够清爽。叉烧鸭髀饭，独能的浪漫，擘髀揸蕉饭！叉烧，烧得靓靓烤味浓郁，肉厚松化肥美软棉，不油腻不干硬鞋，平凡可口没惊喜。鸭髀比鹅髀质地鞋都在掌握之中，不够香甜不够幼细滑溜，总是次一等。鸭皮咽韧淡淡的腌味，肉嫩还香。忘记原来有鹅髀食㖞，好采都满意！职员转晒㖞，连环境都变得干净企理一点点。何解菜芯可以甜得那么无论，虽冻但爽甜多汁鲜嫩无敌。叉烧油鸡髀饭，油鸡髀，盈昌鸡真系好唔掂，再搏一搏再出事。死尸无生命感觉笼罩著全身，无鲜味暗沉味道，硬实的肉质。唯一油鸡皮可取，香甜爽滑有点安慰。点解鸡髀无左半边既？起初还以为师傅收埋左，原来破开两边，切细件容易食。真细心啊，还是唔觉意斩错呢。新师傅腌既葱油劲咸，要捞多两啖饭才顶得住。烧鹅髀切鸡髀饭，我叫碟双髀饭啫，突然气氛异常紧张，婶婶唔知几钱，师傅唔知几钱，讨论一大轮后定价 $100 蚊。帮衬叫鸡多次，每次都失望而回，比多次机会您。鸡髀依旧不思进取，肉硬掘掘非常实净，死沉沉的味道，无生命无鲜味，不嫩不滑。鹅髀，正常地少少肥膏油滴滴可以接受，咬掉啖啖肉入口，搞掂 ﹗鹅鸭都唔难分啫，入口便知龙定虫。香香咽韧的鹅皮，烧得均匀香喷喷，鹅脂甘香渗入嫩肉更加美味。肉质娇嫩幼滑细腻，不像鸭肉般粗糙，腌味出色。将酸梅酱直接淋在烧鹅髀上调整一下油腻感，配啖香饭津津有味。咸蛋乳猪熏蹄饭，熏蹄淋左豉油有点咸，用酸醋洗洗好食多了。爽弹猪皮嚼劲十足，瘦肉冰凉可口咸香，酸醋加咸蛋豉油捞饭，百味融和滋味无比。蛋黄竟有滴滴黄油真罕见，甘香蛋黄捞饭一流，劲咸蛋白千其不要捞太多啊。乳猪万中无一激高质，千年一遇！半肥瘦啖啖肉，油脂咸肉比例刚刚好，皮脆肉嫩香喷喷，沾上甜美海鲜酱实在无懈可击，好食到震！乳猪鸭髀饭，乳猪肥腾腾有点过肥无做运动，皮薄脆卜卜，肥膏油腻厚厚，肉嫩甜美诱惑咸香。早前醒我沙尼笃超好食，念念不忘，这碟使我失望不开心。豉油好咸，捞多两啖饭先顶得紧。有位肥佬食客外卖仲要求多豉油，您有无食过架？真系好咸得呢。饭比以往份量少，唔洗叫小饭刚刚好，还是记得我要少饭呢？熏蹄腩仔饭，我叫熏蹄，唔系猪皮，搞那错呀！熏蹄皮挛挛的还以为被烚过会热辣辣，幸好仍是冰冻。咬落爽脆激弹咸香出众，肉甜余香飘飘。虽然好好食，不过净皮点得架，我要有瘦肉架。淋上白醋，单调的酸咪咪。外购系差少少，如自家混上蒜蓉红椒更惹味，有些食店还会加洋葱或红葱头添呢。腩仔肥膏厚厚，腩仔肥到呢。竟然赵落爽口不油腻，您很丑但您不太油。甘香脂肪黏著咸肉送豉油捞饭，十分可口开胃。化皮先脆后韧，瘦肉湿润甜美。骨腩鹅髀饭，肥婶问左几次系咪烧鹅，系呀系呀我要烧鹅，我系要烧鹅髀㖞，认住我只食髀架乍。骨腩好得㖞，赞赞赞！虽然跟腩仔一样看似肥腾腾，但赵落甘香爽弹，化皮卜卜脆唔会韧，脂肪爽爽不油腻，夹住咸香带甜的瘦肉齐齐食，无可抗拒。让豉油葱油饭抱住入口，停不了的输送，好味道。切鸡髀汤米线，多年来盈昌都是提供隔夜嗅鸡，散发异味，鸡皮干争争、鸡肉硬掘掘，所以完全无期望。突然谷底反弹，洗心夹面！肥美嫩滑鲜甜多汁，皮光肉滑香喷喷靓鸡首次出现，超级大跃进的改善，good！米线就偏腍，高汤加烧味豉油香甜肉味浓，好饮到不得了，差点全部落肚。米线份量太少，食完唔够饱。四宝油鸡髀饭免切，要对自己要好一点！在场众食客都投以怀疑目光，食唔食得晒架？您地少担心啦。烧排骨、烧鸭各两小旧。烧排骨得丁点干争争硬肉，焦香有著超强蜜汁甜味，黏黏的受不了。鸭胸少少干涸，松软味浓不过咸，甜美蛮不错。红肠清甜软棉皮脆，高质鲜味送饭滋味无穷！咸蛋深橙色的蛋黄，劲靓可遇不可求呀！渗出难得的黄油，甘甜无比，粉粉油油香到不得了！蛋白无过咸刚刚好，跟蛋黄一齐捣碎捞豉油白饭，美味无比拍案叫绝，越食越开胃，多多饭都唔够食呀！原只油鸡髀成只咬！隔离位四眼仔不停望住我只髀，您唔好咁啦，人家害羞麻！不要怕丑，拿起直接砌，擘大口狠狠地一咬一扯，肉汁鸡油激射，使得双唇油润立立令。鸡肉比切鸡结实弹弹，幸好还嫩而玫瑰豉油清甜可口。咬啖鸡髀肉配啖咸蛋豉油饭，无敌好送饭，食到一粒饭都无剩。豉油菜芯，叶嫩滑舒服，茎多汁爽嫩但不甜，生水味浓，放弃不想食。
继续阅读
去大快活都比间啦呢间野呢样果样，问完唔得我已经点左个最贵，仲要同啲食客讨论喺度阿吱阿咗，憎死你间野以后唔好去，其实讲真佢嘅嘢食一啲都唔平，去新街市楼下烧腊档或者去2楼大排档大把好食过佢
继续阅读