盈圖

营业中

休息中

今日搵friend去到大角咀，好耐冇飲茶食點心。見到而家好多特色點心，點都要試吓😅午市茶位@$12🔶原隻鮑魚燒賣（兩件） / 精～原隻迷你鮑魚，煙煙韌韌。🟡金湯小籠包 / 特～爆湯小籠包，一定要趁熱食。🔴🥟紅菜頭帶子餃 / 特～帶子味道鮮甜。入面嘅鮮蝦餡料，好重芫荽味。🟠🟢一口鹹水角 / 中～鹹水角內餡重五香味。🟣🍠紫薯流心球 / 大～好大嚿，外面脆卜卜又甜甜地，入面係熱辣辣嘅流心奶黃。🟨宮廷拉花糕 / 中～唔會好甜。🌶️XO醬炒蘿蔔糕 $58～ 唔會好辣，色香味俱全。🌟就黎做冬，大家唔想煮、出街食，最好去酒樓叫返一圍酒席，平日只係$1988 😬😬

上次用點心紙，我通常order會在白圈寫1然後圈住佢以証明order左1蝶，但係唔知邊個位當然係吾係白圈附近好似比人圈左，甘佢屈我哋要，經過幾次反覆投訴後，最終取消左，今次最離譜，又係比吾知邊個圈左，個經理仲寸嘴到話個個學我甘圈曬仲得了，態度奇差，當然我亦有X +丫回敬佢，酒樓D野食一般，我吾常來，今次陪老人家，酒樓單點乳鴿要$68，你地話以屋邨黎講價平定貴，我吾會再去幫襯，希望有人見到小心！加小心。

放假與家人飲茶，進去見到座位寛闊，而且生意很好，全場爆滿鮑魚燒賣（2隻） 放假吃好一點，選了鮑魚燒賣，燒賣大大隻肉質很鬆脆，好吃三文魚芝士脆蝦筒很濃三文魚味和芝士味，意想不到的足料，蝦筒炸得香脆，新式的點心盈圖蝦餃皇一籠4隻漲卜卜，皮很薄，裡面有幾隻蝦，每次飲茶必點姬松茸灌湯餃超大隻灌湯餃，湯汁鮮甜，餃肉帶淡淡松茸菇味，冬天暖胃之選藥膳雞腳超足料的藥膳，一上台已聞到很香藥材味道，雞腳炆得很冧，一入口便骨肉分離櫻花蝦豉油皇炒腸粉很大碟，豉油皇炒得很有鑊氣很香，櫻花蝦毫不吝嗇，整碟吃光總括來說食物大碟足料，新式點心熱辣辣上台，味道很好，推介

去左奧海城行下，攰攰地搵個地方飲下午茶，見商場裏都係熟口熟面嘅茶樓，上網搵下有咩揀，見近近地嘅海富商場有間盈圖，試下先。不斷有茶客進出，貌似好受街坊歡迎喎，就飲呢間啦。下午茶時段有特價點心紙，正價都唔貴喎🤤🥢家鄉煎茄子大大件炸茄子，熱辣辣正。🥢椒鹽魷魚鬚炸得香脆，多蒜正喎，夠哂味🤤🥢臘味糯米包越來越少見嘅糯米包，呢度蒸得軟軟糯糯夠香口😋🥢香芋燒腩卷冬天先出現嘅燒腩卷，芋頭軟綿綿，夾住已調味嘅五花腩，油脂甘香🤤🥢紅菜頭帶子餃賣相夠特別，帶子鮮甜，入面仲有唔少鮮蝦，不過紅菜頭味就唔太突出。🥢羊肚菌牛肉球加咗羊肚菌嘅牛肉球帶來一陣菌香，入面芫茜同馬蹄都落得多，幾正😆🥢蟲草花綿花雞雞件好多，調味都唔錯，不過略微油咗少少。🥢健康薑汁糕最後梗係要食返個甜品，質感做得幾好，煙韌又彈牙，薑汁香口，仲有啲紅棗味添😋兩個人食咗八個點心，埋單三百蚊左右，抵飲啦👍

今日去旺角買野之前同屋企人飲茶，搵到呢間係大角嘴叫盈圖既酒樓，性價比好高。我地叫左佢既二人餐，再加一碟點心同$2.8既金湯小籠包，都係$300埋單。酒樓坐滿全場咁制，啲點心其實都好新穎，$2.8金湯小籠包，個皮勁薄，又多湯汁，又有流沙豬仔包、蘿蔔絲鹹水角呢啲好吸引既點心。另外，佢仲有點心大拼盤，呢啲都同平時普通酒樓既點心都吾同，所以下次同朋友或同事都可以過黎食。奧運站行過黎都好近，十分鐘都唔洗，十分方便。

呢晚又約咗大角咀朋友👧🏻食飯，佢👧🏻問我想唔想食北京填鴨，我話似乎有一段時間冇食過，想食，於是朋友👧🏻又帶咗我嚟呢度開餐🤣$138「冰鎮咕嚕肉」：一個好大嘅盆裏邊放滿冰粒，跟住加咗咕嚕肉，賣相真係幾吸睛🤩，咕嚕肉外邊嗰層薄薄嘅糖衣被冰粒冰凍一吓，就變到有少少脆，又令到口感幾有趣🤣$148「京式片皮鴨」：片皮鴨外皮燒到脆脆哋，兼且 唔止有皮仲黐住好多鴨肉👍，配埋京蔥絲同埋青瓜條，用麵餅包住再沾甜醬，好味😋，唔用麵餅包住就咁食亦都好美味🤣；$148 真係超抵食🤩$108「紫薯淮山浸菜苗」：菜苗係白菜苗，夠新鮮，加埋 紫紫哋色軟軟哋嘅紫薯同埋白白哋色滑脫脫嘅新鮮淮山一齊用上湯煮，呢個組合幾新穎，兼幾好食🤣食完酒樓仲送咗個甜品，係「七彩椰汁啫喱」，唔係好甜，食得好開心🤣

媽媽介紹我去呢間位於大角咀嘅酒樓「盈圖」，主打新派粵菜，話款式口味岩我呢啲後生食🤣一於試下佢！🌟 茶位 $16@1位今次簡咗鐵觀音，好清香，好岩食完小菜解油膩👍🏻不錯！🌟 花生 $15餐前小食有花生，炸得好香脆，未上菜時食住傾下計，過下口癮都唔錯👍🏻🌟 黃金鮑魚雞煲 $128酒樓做緊一啲晚市優惠，呢道菜就係其中一款優惠，$100幾蚊就食到鮑魚，超級抵，仲要有四大隻，好足料！而雞煲都唔差，份量都多，而且件件都好大嚿，雞肉嫩滑，新鮮👍🏻用香蔥、薑爆香再炒，仲加左香菇，無論雞肉定鮑魚都好入味，好食又滋味👍🏻！重點個汁用嚟送飯啱晒😋！🌟 燒汁茄子肥牛煲 $108肥牛大大塊，食落好新鮮，而且唔會成舊都係肥肉，加埋燒汁同茄子一齊煮，茄子炆得好腍，好入味，整體食落又係好滋味，唔錯👍🏻！🌟 絲苗白飯 $16食小菜必配白飯😋👍🏻一碗超足料，兩個人食一碗就岩岩

最近同屋企人去大角嘴食飯，隨心咁入咗呢間酒樓食晚餐，估唔到又唔錯😳黃金鮑魚雞煲 $148鮑魚爽口彈牙，索晒個汁既味👍🏾雞肉嫩滑，加上索埋個汁，用嚟送飯真係一流🍚一品燒雞 - 半隻 $78雞肉好滑，仲好入味！真係做到皮脆肉嫩，唔使點醬都好有味😯呢個真心推薦👍🏾錦江海皇豆腐煲 $108呢個好有鑊氣🔥一嚟到仲會炸炸聲✨豆腐外皮帶微微脆，入面就好滑。要提提！個煲材料好豐富！仲有魷魚、蝦仁、北寄貝等等既海鮮，真係好滿足✨又係送飯之選😎

🌟餐廳：盈圖📍地址：大角咀海庭道2號海富商場1樓106號舖⏰營業時間：星期一至日 07:00 - 23:00💰價位：～$100 - $200📱電話：2690 9118今晚好想食中菜，一於約埋媽媽試下呢間位於大角咀既「盈圖」先~餐廳主打性價比高既新派粵菜，晚市多款菜式更提供眾多優惠，價錢又親民，一於試試！———————————————————🔹咸香花生- 呢款餐前小食咸香花生超好食~花生卜卜脆而且夠咸香，必試~———————————————————🔹黃金鮑魚雞煲- 晚市優惠推出左呢款黃金鮑魚雞煲，即叫即煮煲仔菜，鑊氣十足，熱辣辣香噴噴~雞肉份量十足，以乾蔥、蒜頭等配料爆香，上層仲加入大大件原隻鮑魚，口感煙韌，成個菜式香口惹味，無論送飯或者佐酒都一流!———————————————————🔹金銀蛋浸時菜 (菜心)- 鍾意食菜既我地就揀埋呢款金銀蛋浸菜心~大大碟夠哂豐富，上湯加入咸蛋、皮蛋及炸蒜粒等熬制，味道咸香，配搭大大棵鮮嫩菜心，夠哂足料~———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5————————————————

坐低叫佢比張紙巾 佢話無 比錢都無要落樓下商場七仔買買早茶選擇比較少 都唔緊要叫左野食半個鐘得籠燒賣同小籠包兩樣都係一夾就爛哂 個籠疏窿所以又係成枱濕哂 亦都唔好食以後唔會再去

餐廳係大角咀，雖然地點有d僻，但係食物絕對唔差，岩哂一家大細去晚飯黃金鮑魚雞煲（$148）鮑魚好彈牙，雞肉嫩滑多汁，與鮑魚濃郁既湯汁完美融合。無論是視覺上還是味覺上都令人滿意。 一品燒雞（$78）雞肉事先已經醃製過，再經慢慢炸熟，入口皮脆肉嫩，由於已經醃過，所以唔使再點醬已經好好味錦江海皇豆腐煲（$108）炸到外脆內嫩既豆腐，加上魷魚、蝦仁、北寄貝等等既海鮮，配埋濃郁鮮味既醬汁，每一啖都充滿滋味，用黎送飯一流

今日去到大角咀附近工作，咁啱見到鄰近有個海富商場有多間食肆，收工就去酒樓簡單食個便飯！酒樓侍應醒醒目目，加水加得快。紅燒脆皮乳鴿 $48 🐦外皮香脆又燒得香噴噴乳鴿，肉質細嫩，啖啖都係肉都只係$48，抵！一品吊燒雞半隻 $78 🍗呢間酒樓既燒雞都非常出色，燒雞外皮咯咯聲，烹調火喉剛剛好，唔會柴咬落去夠曬油份。老壇酸菜魚 $158 🐟最令人驚喜係當中既酸菜魚，估唔到酒樓都跟得上潮流提供酸菜魚，而且酸味十足，魚塊份量都非常之多！

💖 盈圖 (大角咀)✨大角咀海庭道2號海富商場1樓106號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ @foodiesgirl_hk 成日都食好嘢，我今日就跟佢搵食一日睇吓食到啲咩正嘅餐廳分享俾大家啦😏佢知道我都幾鍾意食中菜所以就帶我嚟呢一間餐廳。-片皮鴨🦆 $268一隻片皮鴨有一個金黃色嘅脆皮，呈現出誘人嘅色澤😏。脆皮上面嘅油脂都被烤得恰到好處，令人垂涎欲滴。而鴨肉嘅部份，則會被切成薄片，排放整齊，色澤鮮亮。咬一啖脆皮，會感受到它嘅香脆口感，同時又帶有微微嘅焦糖味道。鴨肉嘅部份，則嫩滑多汁，帶有淡淡嘅鴨香😌。食嘅時候，可以配上蔥絲、黃瓜絲同埋甜麵醬，增加口感同埋層次感。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

🐽 上湯焗龍蝦伊麵中龍蝦肉鮮嫩多汁，同伊麵入面嘅湯汁完美咁融合喺一齊。湯汁特別鮮甜，令我一試就愛上。伊麵煮得恰到好處，有彈牙嘅口感，同湯汁完美匹配，中要係黎個價錢簡直係無得輸🐽 炸子雞炸子雞外脆內嫩，肉質鮮嫩多汁。佢嘅皮炸得金黃酥脆，非常香口。每一口咬落去都帶嚟一陣陣嘅嘅脆感，好爽脆。炸子雞嘅調味亦都恰到好處，唔會太鹹或太淡，送飯真係一流總括嚟講，呢兩道菜嘅質素真係非常出色。以$400左右食到甘既質素都對得住個價錢🫶🏻

放假同家人去飲茶，紅日都有下午茶食，全部點心即叫即蒸，要預返時間等食原隻鮑魚燒賣 燒賣沾上鮑魚汁，肉質鮮味鮮蝦菜苗餃餡料飽滿，蝦肉同菜餡調味剛好黑金流沙包 賣相型格，包皮鬆軟有彈性，奶黃餡份量適中百花釀魚肚 魚肚釀入墨魚滑蒸熟，口感飽滿XO醬炒腸粉惹味小炒，腸粉大大條但味道偏辣千島和風脆薄罉 薄餅加入千島醬同木魚絲，感覺好日式上湯焗蝦球伊麵蝦球有4粒，細粒夠彈牙，伊麵口感軟淋盈圖大角咀海庭道2號海富商場1樓106號舖