影片
小妹从来都未试过系openrice留言, 但为左呢间咁既野, 专登开个account唻"赞扬"佢7:30同一个朋友坐低就点野食.....例牌野: 虾滑, 生根, 肥牛, 四宝丸, 炸鱼皮, 粟米, 芋丝, 鱼皮饺, 芝士肠...一路等, 一路等, 等到7:50先有野食, 仲要唻唔齐, 得4, 5样野....落单既时候已写明系得2个人食, 我都唔明, 点解会俾成4吋厚既肥牛我地, 一盆芝士肠, 一盆生根....边食得晒呀, 个阿姐就二话不说, 好快地用佢唔知干唔干净既双手拎走左一半肥牛走....我呆左.....好啦...第一轮既野唻唔齐, 我咪再即时落纸再点啰, 再点虾滑, 炸鱼皮, 四宝丸.....等等等....等到成盆生根都食晒, 第二输既野都未唻....好啦, 8:20p.m. 追个楼面阿叔啦, 佢又唔理㖞, 视我而不见...... 叫佢加茶, 又唔埋.....我已经成肚火.....我朋友最抵死仲话要嗱嗱临点包出前一丁食, 因为惊咩都无得食, 填唔饱个肚㖞, 吹胀......8:30....叫既野全部都未唻, 我又再入第三轮纸, 等到8:50, 又再追阿叔....阿叔竟然唔打算帮我去check check, 直接叫我再写纸再点过, 我嬲嬲地咪话我已经入左三次喇, 再入就第四次喇, 究竟系咪无虾滑同鱼皮饺, 阿叔竟然大大声话: 入左三次都唔唻, 咪即系无啰, 你仲点唻做咩呀?!.................我激到喷火......我想反枱.....身旁既朋友仲抵死到话好彩叫左包出前一丁咋系我发紧火既时候...听到啲侍应EE哦哦, 原来隔离有一枱未埋单就走鬼左喇, 咁又系既, 等咁耐, 又无野食, 又无人服务, 想俾钱都唔得啦...咪唯有走数啰.....呢间咁既野, 无服务, 无质素, 无野食......芝士肠无芝士, 肥牛又低质素, 用68蚊净系食生根!!!!永世都唔会再去呀!!
继续阅读
呢间酒楼虽然食宵夜好平.但系真系贴钱买难受!因为你想点菜d侍应都系直行直过..叫左几次都系叫你等等!之后就叫左企系隔离枱个唔知经理定老细叫佢落单..因为menu有特价小菜果d..问佢有无蒸鱼佢话无.之后佢唔理我睇紧就拎开张特价牌..摆左一张点菜纸叫我自己画就行返去隔离枱..我地无笔叫佢借佢行过黎好大声+悔气咁话:"自己睇啦!咪睇no.落啰!"我再问佢张纸d小菜系咪特价menu果d黎..佢指住张特价menu话:"你咪自己睇啰!呢度咪18!呢度咪$28啰!"我同妈咪都好嬲想拎袋走人.之后有个男侍应见唔对路先即刻行埋黎话帮我地落单..但系真系食到一肚火..无谂过叫人落单都俾人用咁差既语气对待..就算佢唔系负责落单..佢都可以叫其他侍应帮手姐..洗唔洗咁既态度?!我又无得罪佢!嬲到我要特登开个ac黎俾负评真系第一次!
继续阅读
火龙果梅子骨个汁酸酸甜甜好开胃, d骨系略略炸过再烩返个汁, 食落唔会干, d骨都几多肉下, 其实好似京都骨, 不过有d火龙果捞埋一齐又几fresh, 健康d海折拼烧腩仔海折份量少, 好爽口, 捞埋 d麻油芝麻好香, 烧腩仔个皮好脆ar!但唔会好肥, 瘦肉同肥肉相间, 好正~冬瓜盎入面有瑶柱, 虾, 鸡, 金华火腿, 莲子, 猪肉片, 个汤几清甜, d冬瓜软绵绵毕极都有, 好抵食蒸白鳝好弹口ar, 肉质一d都唔梅, 豉汁蒸好惹味, 不过肥左d, 份量都几多下
继续阅读
大小公子考试完毕, 明知道结果是个满堂红, 都要带他们出来慰劳一番, 最辛苦莫过于婆婆吧, 一家大小就来叹番个午茶. 沙田区食肆确实不少, 但要拣间较有水准饮茶的倒也不易, 平时偶有见到这里也颇多街坊在排队轮候下午茶市, 想必水准不俗. 坐定后, 方知这里还有熟门报纸供应, 倒也招乎周到. 叫了一大堆点心, 还有烧腩仔和沙田乳鸽…等, 相当丰富! 推介烧腩仔, 一层肥一层肉, 皮都好脆, 只是唔够热, 但已在水准之内! 腊肠卷及墨西哥义烧包, 包很软身, 予人一咬就知是新鲜货式! 其余的虾饺, 炸云吞, 虾肠都弄得很好, 够水准! 只是那乳鸽则还未够火喉... 皮不够脆, 肉有点鞋.写食评时才知多数食家都是写晚市火锅, 其卖这里的点心真的不错! 唯一和晚市一样的就是服务水平, 真系唔多掂!
继续阅读
第二次光顾任食火锅$68人头,加一加茶钱6人,坐半圆形卡位第一次交左纸之后,d配料未黎既时候,我地再画第二张纸,点知有个呀姐叫我地唔好画住,佢话等第一轮出左之后先好画第二张,个男部长系个呀姐后面啤啤杠,唔知佢地有咩用意啦,但话明任食,咁我地画几多都得啦,点解唔俾我地画呢?第一轮食完之后,就交第二张纸,所有鱼类的配料都欠奉=漏单我地就追单,点知个女部长d服务就真系好差劣,一句话【唔知wo】就行左去咁我地唯有再画过啦,点知都系漏鲜鱿中途我地不断要求加水,豉油,酱料之类d侍应只会直行直过,无论我地挥手,大叫,佢地都视而不见,旁若无人,只会做自己的工作我地个火锅最后煲㶶底睇返成间酒楼,面积唔大,有好多员工,但点解佢地d工作效率会咁差?反观食物方面,虾滑,鲜牛肉,鱼....大部份都算合格,份量适中而价钱尚算抵食,除左火锅,重可以叫𩠌食饭最后一提,记得几个月之前,大约12人去食火锅,接受订位,但今次6个人订位,唔知系咪生意额低既关系,遭拒绝我觉得呢样唔合理毕竟,沙田区可以任食火锅,就只有这间酒楼了如果你想食廉价火锅,就不妨试下呢间酒楼,但不要期望有甚么服务质素汽水$12/3罐,只有新奇士品牌,别无它选茶钱$9/一位结帐每人约$90,火锅两小时三十分钟
继续阅读