皇甘栗鮮炒乾果專門店

营业中

休息中

係一間涼果店，竟然有咁出色既雪糕🍨🍦⭐️香脆開心果雪糕$45為左唔想同其他味既雪糕溝埋一齊，今次只係揀左單球開心果味。店員會即場將自家鮮制開心果壓碎倒落雪糕到撈勻，濃郁既開心果雪糕加上滿滿既開心果仁碎，口感非常豐富，每啖都食到開心果仁碎，絕對係真材實料。難怪比其他味雪糕貴，但真係值得既😋❕開心果控必食推介❕⭐️話梅雪糕$35見Menu上有兩款話梅味雪糕，一款係雪糕球，另一款係軟雪糕。問過店員兩款既分別係雪糕球款係食到話梅肉，軟雪糕款係將話梅肉混落軟雪糕入邊，二合為一，食唔到話梅肉既。由於覺得好新奇就膽粗粗叫左雪糕球黎試下，雪糕入邊充滿著話梅肉，酸酸甜甜好好食，估唔到咁有驚喜😃⭐️雪糕筒都有四款揀原味窩夫/朱古力窩夫/竹炭威化/威化✨認真有誠意啊✨最後想講，店內每一個店員都好親切又有禮貌，店舖又乾淨衛生👍🏻值得一讚👍🏻

前幾日放假去大埔比賽 特登去埋bookmark左一段時間嘅人氣雪糕店😗餐牌上總共有多達20款口味選擇!!有幾款雪糕(香脆杏仁 栗子軟雪糕…)只會係星期六日先會供應 想食可以到店前先查詢一下～｜脆開心果 栗子雪糕🌰($68)開心果同栗子充滿碎粒 開心果比栗子更出色見到店員即時將碎粒混合雪糕 真材實料雪糕份量比想像多 口感creamy 唔會過甜夏天雪糕溶掉速度較快 建議準備定紙巾🤣｜榴槤雪糕 ($35)榴槤味香濃而清甜 散發強烈榴槤香氣!!!先食其他口味雪糕再食呢款品嚐原汁原味😝竹炭雪糕筒有淡淡黑芝麻味 仲有朱古力醬

今日天氣好好，約左好姐妹去大埔食飯行街，食飽正餐後想食甜品，好姐妹就推介帶左我去墟內一間賣乾果零食的店，原來店內同時有雪糕食～店舖內環境衛生，光線舒服，店員服務良好，雪糕有好多不同口味選擇，仲有幾種雪糕筒揀，我見到有最愛的開心果雪糕就選擇左佢，果然冇揀錯，由第一口至食到雪糕筒底每啖都有好多開心果脆粒粒，好美味好好食：）P.S.開心果雪糕，好食到令我第1次來寫食評記錄吓

天氣越黎越熱❤️‍🔥❤️‍🔥又係食雪糕的時候🍦🍦最近都知道開心果係大熱🥰🥰夜晚食完飯, 經過 @chestnut_king_ltd 皇甘栗鮮炒乾果專門店都仲咁多人排隊🧐🧐我都忍唔住買左個開心果雪糕食 $48😍😍🍦🍦Cone都有4款揀, 都唔錯wo有waffle、竹炭威化、朱古力waffle同埋威化CONE我鍾意食朱古力, 梗係試下開心果雪糕加朱古力WAFFLE🤪🤪開心果雪糕都幾滑身, 唔太甜既仲會食到開心果碎🥰🥰因為有員工會KEEP住係隔離整碎D開心果再加落雪糕度, 呢個都幾加分👍🏻👍🏻👍🏻同埋個朱古力waffle都幾脆😋😋唔算重朱古力味開心果味係大熱之外, 仲有杏仁味、話梅味都比較特別的口味😚😚下次都可以去試下先呢度除左雪糕外, 都仲有好多涼果同埋NUTS賣等雪糕的同時都可以睇下其他產品就算唔即時食, 都可以買雪糕杯返屋企慢慢嘆🤩🤩🤩P.S 價錢唔算係平 但間唔中食下都幾爽♥️

之前已經專誠黎食呢間涼果店嘅雪糕，真係一次難忘，早幾日咁啱經過大埔墟，咁梗係要入去再食雪糕啦。第一杯雪糕嗌咗陳皮口味，上次試咗話梅口味嘅雪糕，所以今次試吓其他涼果嘅口味。呢個陳皮口味嘅雪糕非常特別，食落去有粒粒陳皮，甜得來又有鹹鹹地嘅味道，喜歡食陳皮嘅朋友可以一試。第二杯雪糕就點咗栗子口味，雖然話栗子口味係人氣嘅雪糕，但係食落去就比起其他涼果口味嘅雪糕冇咁特別。有栗子味嘅，但係比想像中更加清淡。呢度嘅雪糕係可以配唔同嘅雪糕筒，我就揀咗朱古力威化糖，威化筒十分香脆，而且厚度適中，所以大家嚟嘅時候都一定要試一試呢度啲威化筒🍦。

大埔近來好熱門既開心果雪糕專登去朝聖一下.HKD45有其他味道選擇的 但開心果味係最貴落完order之後可以即場睇到佢預備雪糕嘅過程 首先佢會即時壓碎開心果碎 再放落雪糕到混合先再「筆」返出嚟另外個筒有4款選擇 我選了竹炭 都幾特別.另外還試了杏仁味雪糕 都好食既 但私心都係開心果味😆 開心果控都值得嚟試吓其實佢仲有杯裝雪糕可以買走 不過我就冇試到.#開心果雪糕 #食在大埔 #開心果關注群組 #杏仁雪糕 #pistachioicecream #pistachiohk #lovetoeatattaipo #雪糕關注組

皇甘栗鮮炒乾果專門店成日行開大埔墟街市都會見到呢間舖頭，因為本身我唔係好ok栗子，所以冇俾佢吸引過入去舖頭入邊，但係舖頭入邊成日都有好多人，於是我就心諗，乜香港真係咁多人鍾意食栗子嘅咩？之後喺網上其他food blogger嘅page見到，原來呢間舖頭有脆脆開心果雪糕食。於是食完晚飯，就決定咗去試吓。點知……真係超級好味呀🥹🥹🥹🥹🥹首先要排隊買飛，之後再排隊去攞雪糕，我叫咗脆脆開心果雪糕，佢真係攞個石盅出嚟中碎啲開心果！之後再放落雪糕度先至裝起。雪糕味唔係好甜，但係好香開心果味！每一啖都起碼有兩至三粒開心果碎，食到最尾都仲有！個重點係佢個窩夫筒有四款口味揀，仲要唔使另外加錢😳$45一杯我諗我會上咗癮

點咗招牌開心果 再加杏仁味店員會extra整碎nuts 再加入雪糕球，但我覺得有啲多餘，加咗唔會好食啲，因為我期望雪糕本身會好重原材料既味，但食第一啖只覺得好甜，開心果味/杏仁味唔突出，食多幾啖直頭甜到覺得開心果&杏仁係一樣味🤣情願佢哋blend 多啲開心果/杏仁去整雪糕、令雪糕本身係好濃、好重開心果or其他口味，再減甜，咁樣先至會好食。雪糕本身亦唔算重奶味，質地亦唔特別滑，感覺係水含量比較高既雪糕。我諗軟雪糕可能好食啲。特別排隊試就唔太值

山長水遠入大埔行山，行完順便試埋呢間好出名賣栗子雪糕嘅乾果專門店。當日好多人慕名而來，所以同朋友都等咗一陣間，雪糕先攞到上手，不過一切都好值得，而且店員都非常親切！ 我就叫咗栗子雪糕，而朋友就叫咗開心果雪糕。本來覺得栗子雪糕已經做得相當出色，栗子味好濃郁，但唔會好甜得滯，而且口感順滑！ 但係當我試下朋友揀嘅開心果雪糕個陣，真係覺得驚為天人，唔怪得好多人都稱佢為全港最正開心果雪糕！ 成個雪糕都充滿着開心果仁，開心果味好出，好濃厚，唔會俾奶味蓋過開心果味，真係好正！🤩 有少少後悔自己無叫到開心果味！好想自己獨享一枝！另外，佢哋嘅甜筒底部係有軟心朱古力做脆底，唔食到最後都唔知道，好有驚喜！令到成個雪糕更昇華，更完整！😍 佢哋整雪糕真係有一手！當日仲遇到有三個人叫咗啲比較特別口味嘅雪糕：話梅、陳皮、生姜，唔知好唔好食呢？

聽說這家店在日本也有介紹，經過好幾次，實在不得不進去一試！店內擺貨企理整齊，琳瑯滿目，很多地道「口立濕」，每一款都可以試食，當中包括最受歡迎的雪糕系列！試了好幾個口味，最後點了話梅味雪糕。雪糕很軟滑，而且滿滿話梅碎，酸酸甜甜的，真的很對我胃口！店內還有很多口味，還會有期間限定口味，有些口味是我下次要試的清單，包括陳皮味，生薑味等。期待下次光顧！

大埔星期六都好靜下，－於撐下香港，留港消費😌其實啱啱先喺大埔藝術中心食完豐富嘅lunch 😅$45 1球雪糕真係唔平，但行過又好想食，喺舖頭度行咗一個圈都仍然好想食，最後只好乖乖俾錢😋真係幾好食，有好多開心果粒😊⋯⋯每一啖都有開心果，食完真係好開心😜今次美中不足係只得一球雪糕，下次一定要試多幾隻味道😋星期六日仲有特定嘅軟雪糕，今日係話梅同粟子，其實都好有興趣，下次真係要帶另外一個甜品胃黎😉間舖頭除咗雪糕之外，其實仲有好多唔同嘅傳統小食，職員服務態度好好，下次去要買黎試吓😘

Bookmark咗好耐終於去到🔖雖然天氣凍但都唔少人排隊啊雪糕有好多味可以揀 雪糕筒都有分3種可以話花多眼亂呀但本豬當然係衝住開心果味而嚟啦！✧ 脆開心果（$45, follow ig/fb 可以減$3）☑️真材實料 有開心果粒☑️多開心果到傻 咬到牙鉸都軟☑️大大球雪糕 唔會好快覺得空心☑️朱古力筒底有醬 (似金莎榛子醬)仲試咗粟子味同茶 都唔錯可以encore～

𓌉◯𓇋❀香脆開心果雪糕($45)不斷見fb有人推薦呢度既開心果雪糕忍唔住去試下🤣🤣排隊大概15分鐘到左右 都尚可接受既食後感: 開心果迷表示食得好爽🤓🤓店員將開心果壓碎同雪糕攪拌均勻 食落啖啖都係香脆既開心果🤭又吾太甜 脆筒最底仲有朱古力醬😀😀勁滿足😆😆真係入大埔必食！🫶🏻🫶🏻超nice ge 店員比埋話梅同陳皮味我試 又幾好食喎 涼果fans不能錯過 下次再食過😌😌讚好佢地既社交平台仲有得減3蚊添🤭🤭

💁‍♂️ 27/01/2024(Sat), Tea ☕️開心果系列之二 - 真係香脆嘅開心果雪糕之前記得睇過開心果關注組有介紹過大埔嘅皇甘粟有超好食嘅開心果雪糕，身為一個大埔人無理由唔去試試嘅。雖然之前都食過佢哋嘅栗子🌰、話梅等味道嘅雪糕🍦，覺得味道都唔錯。今次又試試佢哋嘅開心果雪糕好唔好食先。店家原本係喺大埔富善街內嘅小店，慢慢開始擴大經營規模，再轉到而家寶鄉街嘅地舖。店舖內除咗賣雪糕，仲有賣果仁🥜同涼果等嘅零食。而今日我地order咗：🔆 香脆開心果雪糕🍦（$45）買飛後先要揀咩口味嘅雪糕筒，分別有朱古力🍫味脆筒、原味脆筒同威化筒。A先生就揀咗朱古力🍫脆筒，有朱古力🍫香味之餘內層又有朱古力醬。之後就見到店員舂碎幾粒開心果，再將呢啲即碎嘅開心果加入雪櫃入面嘅開心果雪糕內混合，再捲成球狀放入雪糕筒入面，咁就完成✅呢杯香脆開心果雪糕。上手之後急不及待先試一啖雪糕🍦先，入口開心果味道濃濃的，雪糕本身已經有細細粒嘅開心果肉混合咗，到買果時店員舂碎嘅比較大粒開心果就帶嚟香脆口感。店員落開心果碎都好慷慨，所以食落每啖都有好多開心果粒，口感豐富😋！🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：

估唔到喺涼果鋪都會有雪糕食，未到仲充滿驚喜👍🏻呢間涼果店有各式各樣嘅涼果賣，但亦都有賣雪糕，專程嚟試吓果然充滿驚喜。口味十分特別，例如有話梅味雪糕，陳皮味雪糕等等。每種口味都令人想試一試。今次揀咗舖頭比較多人選擇嘅開心果味同話梅味雪糕。開心果味雪糕店員會加入大量嘅開心果碎，開心果味濃郁， 口感香脆，極度推介。係暫時喺香港食到最好味嘅開心果雪糕。而話梅味就揀咗軟雪糕。雪糕上灑上話梅粉，雪糕底亦都有淡淡的話梅味。味道比想像中冇咁濃郁，但係亦都十分之出色。味道唔會太甜或者太鹹。