皇玥 (已結業)

《好味推介 - 皇玥 蝴蝶酥》如果有朋友嚟香港又或者我去外地探朋友，我慣常都會買少少紀念品又或者係特色土產送俾佢哋🥰講起皇玥呢個品牌，好多人都淨係諗到奶黃月餅，但係其實佢哋嘅烘焙產品都做得好出色😉而我嘅送禮首選又點可以唔講蝴蝶酥呢😎佢哋嘅蝴蝶酥被譽為《米芝蓮蝴蝶酥》，色澤金黃而且鬆脆澎湃，每一片都散發着牛油香😋 近排皇玥慶祝緊蝴蝶酥節，四月份凡於任何皇玥嘅分店購買蝴蝶酥禮盒即享有買二送一優惠(不包括混合餅食產品)🤓送禮自用都十分划算，我就揀咗自己最鍾意嘅伯爵茶口味比自己當下午茶😉另外再揀多兩盒送俾朋友🤓一舉兩得💁🏻‍♀️伯爵茶蝴蝶酥除咗原味之外，我最鍾意就係呢一款伯爵茶蝴蝶酥，口感酥脆就唔使講嫁啦，佢仲帶有清幽嘅伯爵茶香氣，配合焦糖嘅外皮真係好好味道㗎😋💁🏻‍♀️杏仁蝴蝶酥杏仁蝴蝶酥口味就有少少似杏仁條，不過上面就多咗層焦糖，杏仁片薄身而又帶出到杏仁嘅香氣💁🏻‍♀️椰絲蝴蝶酥每一片蝴蝶酥入面都包裹住不少嘅椰絲，食落唔算好甜，椰子味濃郁，啱晒鍾意食椰子製品嘅愛好者🫶🏻呢款都係我推介俾朋友嘅其中之一款

又到中秋🥮！皇玥從來都係我首選，除左分店方便，啲包裝真係冠絕全港，有啪鈕，又皮質封套，一啲都唔老餅，簡直睇得又食得！今次揀左低糖迷你奶皇月餅（$228）。每件先179卡🤭0.7g糖😱真係夠曬破格。好多人會覺得低糖等於唔好食，但係食落絕對係好自然，好creamy好軟滑，又唔膩🤤。完全保留到牛油香氣，原來係落左天然麥芽糖醇，仲有頂級芥花籽油、牛油同麵粉。細細件，一人一件，份量啱啱好又唔會爆quota，唔洗好似傳統月餅咁切開八份先敢食兩份🥰

一年容易又中秋, 話咁快要諗今年買咩月餅好呢. 今年最紅的月餅廣告非皇玥莫屬, 有兩位大師匠心製造的特色月餅, 是賣點之一. 分別是奶黃月餅的始創人及米芝蓮大廚, 已被吸引過來. 個人好喜歡奶黃月餅, 由奶黃月餅始創人的出品, 更加要一試. 我買了此款, 顧名思義, 有兩款不同味道的月餅. 包括了最經典的奶黃, 以及受人歡迎的芝麻流心月餅. 一盒內分別各有3個獨立包裝. 先講外在, 包裝相當高級時尚, 唔講唔知以為是首飾箱呢. 湖藍色很別緻也別出心裁. 送禮首選, 名貴且大方得體. 到最重要的內在, 先試最傳統的奶黃味, 我比較喜歡焗熱少少來品嚐. 一切開, 奶黃瞬即流出來, 果然非浪得虛名. 奶黃味非常香, 質感細滑, 與別不同. 外皮是皮薄, 焗後食落有少少似脆軟曲奇口感. 餡飄著咸香的蛋黃香, 食落唔會膩, 倍添滋味. 而芝麻流心, 芝麻味好出, 磨出來的芝麻幼滑香濃, 芝麻亦有養生益效, 與傳統的月餅相比更為有特色, 有不一樣的風味, 個人好喜愛, 味道不甜不膩, 對於愛吃素的你, 這個是必吃之選啊 見介紹還有不同口味選擇的月餅

雖然仲有一個月才中秋，但見到四周圍的月餅宣傳，喜歡吃月餅嘅我忍唔住去行下睇下～經過見到皇玥攞到「最高金獎」，仲係米芝蓮2星大廚同半島月餅始創人一齊炮製的！入到去店員好有耐性介紹各款流心月餅🤩款色好多，仲有優惠。同屋企人都鍾意食榴蓮，決定買個流心貓山榴槤月餅試下😋個盒都好別緻，係充滿少女心嘅tiffany blue顏色❤️一盒裡面有6個月餅🥮，仲係2層設計，好精緻，真係月餅盒都可以變首飾箱！店員話可以室溫食，或跟指示整熱食，今次決定先就咁食先🌟流心貓山榴槤月餅：一切開已經聞到好香嘅榴槤香味，中間嘅榴蓮真係好似廣告相咁會慢慢流出黎🤤月餅餡係好香嘅奶皇味，口感好滑，而且好香。月餅係新鮮果肉手工去核，誠意十足，單單係手工費都值回票價。下次真係要整熱黎食😋😋希望唔好係中秋前忍唔住食晒！

尋日去銅鑼灣铺試左d餅食，結果買左幾款佢地嘅產品。黃金脆曲奇，有蛋皇，鹹鹹甜甜。薑汁和果子，內𥚃有蓮蓉和淡淡的薑味，似唐餅，不錯。椰汁旦卷，鬆化非常，香濃椰味及有點椰絲，幾好。榴槤旦卷，冇試。

唔想做送禮勤？但又想得有心思過人？等我贈你一個Tips啦，其實都唔係咁難姐。首先要知道對方平時既喜好，對象既年齡層，緊貼潮流既走勢，呢幾樣都係不外乎細心、細心同埋細心。而今次我打算送禮比我嫲嫲，「皇玥餅藝」就係我既首選，佢地既禮餅保留中式味道，其外觀營造時尚特色，的確用黎送禮，貼地得黎又夠體面，係咪好介紹先？👇📌精 裝 禮 盒 -  ▪ 伯爵茶蛋卷 - $108▫ 同傳統既蛋卷有少少唔同，用左古法炮製，所以有另一個別名叫做「蜂巢蛋卷」，口感比傳統蛋卷更加鬆脆；而佢地標榜無任何人工色素同埋添加劑，呢樣自然安心比老人家或者小朋友食用啦。今次我揀左伯爵茶口味，打開包裝已經聞到濃郁既奶香味，而食落仲帶有陣陣既伯爵茶香，相當清新。加上100%香港製造，對我黎講，身為香港人，當然要支持本土啦！

原本去銅鑼灣係為咗買糭 但係經過皇玥就入左去口痕試佢地既曲奇餅😆 佢哋其實有好多產品 包括脆曲奇 蛋卷 蝴蝶酥 月餅等等😍我就俾佢呢盒開心果脆曲奇吸引咗🤤 一盒有12塊🤩 佢哋嘅曲奇餅係結合左中式桃酥的鬆脆可口及西式曲奇的濃郁牛油香味 採用天然法國牛油 上等既麵粉 同嚴選優質開心果等上等材料 加上改以精細的多重打發技巧及多段慢火烘焗 令到曲奇食落更香牛油味 更加香脆同鬆化👅 搞到我影影下相都已經食左2塊 下次要試吓佢d蛋卷先🌟