皇子印度餐廳 (海富樓)

营业中

休息中

$99 二人於皇子印度餐廳享用七道菜晚餐，米芝蓮推介廚師 (價值 $375)間餐廳既位置又隱閉又難搵，搵左幾個字先去到，餐廳唔大，得六張枱，似乎係一家三口印度人開既，坐低果陣有另外兩枱客，食到一半已經得返我地。如果唔係見到有團購講到咁吸引－－「米芝蓮推介廚師」，點都唔會黎到咁隔攝搵食，價錢仲要唔吸引，$99兩位，額外要按原價收取加一服務費$37.5，共$137。可能期望太高，有點兒失望而回，希望唔係因為團購收平左所以將貨就價啦！　　是日餐湯 2客　Today's Soup x2第一次飲呢種味道既湯，飲完都唔知係咩湯，入面有蒜頭粒，味道似蒜蓉包碎溝奶粉，平時極少浪費食物，但今次只係飲左一半。　　香料胡椒餅 2客　Papadam x2紙咁薄既一塊烤餅捲成一個圓錐形，餅面見到有黑芝麻/胡椒，食落脆到好似薯片，越食越辣，辣到我放棄左。　　雜菜沙律 1客　Cachumber Salad x1無汁無醬，純粹幾片青瓜同椰菜放埋一齊，再加D黑胡椒，一D都唔好食。　　皇牌牛油咖哩 1客 (牛/羊/雞)　Mixed Meat Curry with Butter x1 (Beef/Lamb/Chicken)

As an Ashoka regular, I can safely say that this under-appreciated small Indian restaurant deserves your business - and will quickly make you a repeat customer. My wife and I have introduced several friends to this place, and they all love it. I've 'Google translated' the Chinese reviews on here, and despite the hilarity of parts of it, it seems not everyone is satisfied - which I find almost unbelievable. I'm not sure what people are expecting when they go for Indian food here in Hong Kong,

因為團購關係, 買左COUPON就去食, 可惜一次俾一次差!!第一次去係10月, 係團購剛開始, 食物份量OK味道OK, 真係好值得推介!! 叫一杯可樂, 杯可樂係正常杯正常SIZE!!MENU係一本A4 SIZE的FILE有十幾頁!!一坐低EVEN俾COUPON佢, 佢都立即有水有胡椒餅送我地!!用左2張COUPON=$300, 再額外食多左$80第二次去係11月尾, 食物份量縮左水, 俾10月1時少左1/3, 味道依然OK!!但埋單時, 佢話唔接受團購的COUPON喎, 同佢理論時佢不斷SORRY, 我講咩都SORRY, 係無答過我任何問題, 只係NOT ACCEPT COUPON!果日星期日, 打去團購公司無人聽, 果日食左$332,我地絕對俾得起, 佢點都唔收COUPON, 我唯有俾CASH囉!!經過第二次不愉快經歷, 第三次去因為仲有2張COUPON係手,唔用就浪費左, 今次去到好差!!入到去, 水都無杯, 落完ORDER我問先有水...之前2次一坐低即送的胡椒餅, 無送....OKAY, 問佢拎MENU, 只係俾一張A4紙彩紙印刷雙面2版的我睇,問佢要大MENU, 點都唔

我從未寫過食評，不過呢間小餐館很有誠意，確實應該鼓勵下！^^今日臨時臨急決定出街同媽咪及老婆做節，但又驚無位，於是諗起屋企樓下有間唔起眼的印度餐廳。以前經過見到，但無食過。不過上次有朋友探我時，誤打誤撞，入咗去食，話好正好好味，所以今次乘機試下。我先上openrice,揾到個電話，打去Book八點，佢話ok!我勁開心！（節日當日先訂都訂到，今日算好彩，哈哈）夠鐘去到，唔駛等即入，正。攞起餐單，唔知咩正，梗係問侍應。佢好有禮貌，我話佢知我地口味之後，佢就推介咗幾款。我地叫咗雜菜咖哩角、番茄咖哩牛腩、鐵板串燒雞件、印度香料炒蝦（呢個份量多^^）、印度芝士（開頭以為係乾身，但原來係濕連汁架，同外國芝士完全不同）、薄餅、千層餅，當然試埋印度啤酒啦！出呼意料地好食，份量又夠，連阿媽都話好食，仲袋埋張Menu，話下次叫朋友一齊嚟！哈哈！最後，三個人食到真係好飽！但我地見仲好多汁喺度，而且太野味，所以再叫個印度炒飯，撈埋D汁！超超超滿足！最後攪到三個人一齊要去散步^^其實以佢水準真係應該好旺，但地點實在太隔涉難搵，所以靜D,不過真係值得讚下！因為我都幾嘴Diu。以後我又多個食堂囉，Good!P.S

團購瘋系列 – 筆者平日極少到西灣河走動，所以每次來這區吃印度菜，首選的自然是榮獲米芝蓮星級評價的「恆河咖喱屋」。後來發現原來工聯會旁的小巷內，有間「皇子印度餐廳」，店子名字雖名不經傳，門面亦毫不起眼，但門口卻配上一個火紅的招牌。兩個月前見有網站推出這店的團購優惠，只需付出 $48，便可換購價值 $150 的現金券，所以又買了 2 張來一嘗這裡的印度菜。由於老公週一下午有空，決定預約當天來這餐廳午膳，不過為了避開午市的人潮，二人特意選了 1:45 pm 才到達。拉開趟門內進，原來店舖面積頗為細小，內裡只有 24 個座位，幸好當天來午膳的顧客正陸續結賬離開，所以不消十分鐘，兩口子又可包場吃午餐了。安頓後先細看四周陳設，除了牆上掛著兩幅充滿印度色彩的油畫外，基本上店子可說是並沒有甚麼裝潢可言，幸好店內木製桌椅襯上光鮮的環境，令人坐得還算舒適寫意。先翻閱一吓餐牌，嘩，原來竟然有多達十來頁的選擇，真讓人眼花撩亂，那就先點份餐前小吃，雜菜印度咖喱角 ($33)。印度的咖喱角，向來都有別於一般廣東式的出品，個子較大，而這裡的 samosa， 內裡餡料不多，先嘗一口，口感竟然有點像賀年的油

今次吃了午巿套餐~鐵板燒雞+咖喱汁配NAAN(烤餅) 鐵板燒雞上枱時仲"炸炸聲" ~ 新鮮即製~ 主食NAAN 夠軟, 有口感~ 餐湯好飲, 仲配脆脆餅一塊(附薄菏汁) 凍檸茶Request 少冰 都好好飲~吃了一頓感覺良好的午餐!! ~

2張團購劵,總值$300現金劵,叫左上面的食物。食物: 團購關係,份量較少, 味道幾普通。服務: 侍應得1個, 英文難聽,態度中上。整體來說: 以店的位置, 食物份量及質素, 正價應該冇下次。成餐飯都食得唔舒服,主要都係因為隔離桌的一家大細。一坐低無耐已感受到佢地好不滿,呢家店得1個侍應,甘係等得耐少少,佢地都的確等左一段時間(我地都係), 個侍應幫佢地落落下單又走左去招呼第2桌,佢地就開始黎料, 佢地有個媽媽就大大聲係度嘈,話人服務差,要攞番COUPON走,上網寫衰佢, 嘈到拆天,嚴重影響全場其他客, 講到要走最後又坐番係度。團購既份量比單點既少,商家之前冇講,我地亦無查詢,雙方都有責任,甘OK啦。媽媽當然察覺同樣問題,走去問隔離台既外國人可唔可以影低佢地既野食, 外國人都好合作,但一聽到媽媽係因為佢地台既野食大份過佢地而影即西面, 同台既爸爸都叫佢唔駛講出自己既用意=P最後, 人地廚師出黎道歉送多2個菜俾佢地+下次8折,佢地即同人講冇下次,話人CHEATING,但又食埋人地送既菜。佢地罵人甘耐印度人都係冇話番你1句,仲出黎道歉送野俾你食,佢地就感覺當自己係岩哂甘, 仲要有細路在場,

早前於團購買左兩張 HK$48 可買 HK$150 食品的優惠劵同老婆兩個人去食去之前諗住會唔會食到好飽點知。。。。侍應俾餐牌後我地就開始點菜啦其中有一個鐵板魷魚侍應話無並建議我地選擇大蝦其間佢無話價錢會有分別我地就聽佢建議啦原本我地打算選擇的魷魚係 HK$82點知原來佢呢客鐵板大蝦雖然得兩隻但價錢竟係 HK$172 味道雖然唔錯但呢兩隻蝦點解會咁貴架呢?同埋如果建議的食物比我地原來諗住order的貴左一倍幾係咪應講清楚先呢?真係HK$172 2隻架咋好好食， 但得2細塊的咖哩羊鞍整體黎講好味但份量好少結果我地埋單 total 係 HK$381, 即係扣完 coupon 要俾多 HK$81但份量關係我行出黎重要去近天悅廣場叫多個小丸子食先夠飽 講真， 味道方面佢地唔差但係我地真係好唔服佢推廌又唔講清楚唔同價錢囉以後點都唔會再去

團購以 $29 享一個午餐。 星期日中午 12:30pm，假期午飯時間，竟然只得 3 數張台客，地點問題，西灣河真係只可做街坊生意，重要係橫街窄巷實在好難吸引到人注意，真係要有口碑才可！室內裝修好靚，舒適，整齊，有２個靚仔待應同１個女待應，都係印度人，而且好友善！脆脆既威化胡椒餅，有少辣既醬汁附上，味道普通。忌廉雞湯，真係要比倆個讚先得。忌廉雞湯飲得多，通常都係只得忌廉味無雞味，一直都覺得係理所當然，而且又唔係主菜，所以都好少理會，求其飲左就算。今次呢個我飲第一口，嘩！好香既雞味呀！湯既濃度適中，味道亦都適中，平時呢類湯都係求其飲下就剩下一些唔要，但呢個我飲晒呀！超.....正呀！串燒雞（三件），雞外層味道普通，但內層軟滑，有雞味喎，又唔會實硬，連底下既配菜都好好味！咖哩汁，汁既味道唔會太濃，有蕃茄味，少辣，用來撈飯超正！需然飯太硬，重好似有Ｄ生咁，但因為呢個汁我食晒成碟飯呀！　補 $15 要左一杯 Strawberry Milkshake，香濃的 strawberry 同奶味，都唔錯。其實佢地係有心做好菜式既，而且做得唔錯呀，可借真係地點問題囉，若然設係旺區，相信會更多人食。

咖哩味濃郁, 香料夠, 用料新鮮, 烤餅正, 招待好! The atmosphere is good, the waiters are polite and clearly introduce each dishes to us.

當日到太古城逛街後，一心想到米芝蓮"恆河"晚餐，怎料門口大排長龍，而店員只叫我們排隊，又沒有派籌，到底排到幾時？！ 在如此安排下我們決定走走走! 知道附近也有另一間印度餐廳，於是一直行了好幾個街口，轉個彎就看見這間小店了！店鋪外邊看來頗不錯，入面地方雖小，但十分"骨子"。因店已8成滿，我們被安排到2人檯，座位略嫌迫，但感覺不差，可能人小小的關係吧！侍應先來一客小吃，看過menu後我們點了: 羊肉咖哩，牛脷白咖哩，雜菜Naan Bread 和 羊肉Naan Bread，飲品則order了啤酒及Lime Soda。 Naan Bread 先上，2款Naan都不過不失，因我本身勁愛此類食品，所以很容易覺得美味！哈哈！ 再來羊肉咖哩，這兜羊肉咖哩比我們吃過的大兜，十分足料惹味，羊肉很淋不痴牙，怕羊太騷的我覺得不騷，非常好味！而且仲有好多件羊肉！(*** 愛吃羊的老公非常專注這兜東東 ***) 最後上的牛脷白咖哩，是餐最愛，雖然沒羊肉咖哩惹味，反而吃得很舒服，牛脷又淋又入味，本身少吃牛脷，今餐吃了好幾件！總結，店鋪舒適，侍應也友善，食物有水準，值得一試再試！