皇子印度餐廳 (海富樓)

营业中

休息中

身為港島人的我, 自少在西灣河長大, 可惜小學之後搬離東區, 巧合近年工作地方位於附近, 從沒有到此午餐, 今日經朋友搜羅, 有幸嘗到好味道.餐廳位於小巷, 但離大街只有幾步, 電車站 / 巴士站近在咫尺, 可謂相當方便. 距離地鐵站也只不過五分鐘徙步.門面不花巧, 但具有點點印度色彩.餐廳地方不算寬敞, 只有28個坐位, 但高朋滿座, 門前還有食客排隊等候, 可以受歡迎程度之高. 內裡有個小酒吧, 有提供印度啤酒, 可惜上班不宜, 下次一定再試.午飯套餐只不過 $53, 以特色菜比較在同區是很便宜的. 午餐包餐湯，主菜，飯 / 烤餅(任食)，餐飲 +$2。今天試了咖哩牛腩, 朋友試了咖哩羊腩. 咖哩中香料正宗, 帶辣但可接受.牛腩肉質夠淋, 牛味有. 羊腩的肉質更軟, 羊味到而不騷.餐湯較淡, 黑椒太搶, 有待改善.烤餅(任食), 但絕不馬虎, 即叫即做, 熱騰騰, 好味 !!!$28 一碟蒜容炒什菜, 份量大, 味不太濃. 不要比較泰式做法的獲氣, 味道是較家常的親切.印度咖啡, 喜愛那溫和的咖啡味, 喝入口幼滑, 加少量砂糖已恰到好處.總結 : 我不是印度餐的熱血份子, 但也嘗過

Food tastes shockingly good ("ashock" get it?), the naan is naan-stop (all you can eat, get it?), and service is humble, down to earth, and prompt. Definitely coming back for more... keep up the good work!

這間位於西灣河至筲箕灣, 在一條小巷內的印度餐廳, 屬於家庭式小品經營, 店內只有老闆可以用粵英語溝通, 店內除散叫亦有大量套餐, 價格相當實惠, 蒜容忌廉湯：有蒜香味亦不嗆口, 還有點脆脆的口感, 咖喱角：內頭充滿了咖喱什菜薯蓉, 香味足亦不辣, 老少咸宜,每種肉類用不同的香料做出不同的咖喱味道, 而且入味, 肉質亦不老, 火候控制得好, 而且辣度任選, 餐還踉飯或薄餅, 而薄餅是任食的, 一定食飽你, 薄餅的質素還不馬虎, 鬆軟且充滿麥味, 香口, 必點

Lunch經過一間充滿印度色彩的餐廳，lunch set 平均$53 左右，在西灣河區唔算平!不過， 印度薄餅無限任食! 出面叫一客都十幾廿蚊啦！ 又有餐湯又有餐飲!算抵啦！ 除左薄餅仲可以揀飯或薯仔薄餅!只能說個薄餅必食！！！！係即烤!熱辣辣! 出埋煙呀! 我都忍唔住食左3塊 ， 飽死咁走!!! 我今次揀左咖喱雞，可以選擇大，中，小辣…唔太食到辣的Expert 揀左小辣… 辣度適中，對於食唔到辣既都食到!*舖面既都係印度人，佢地都唔識中文既，而且食物比較濃，如果喜愛清淡就唔岩食啦！

與老友補祝生日, 恰巧大家都是住這附近, 為了不走遠, 便積極在想那有特色餐廳?突然靈機一觸, 工聯會旁的小巷不就是有一間印度餐廳! 這餐廳在本區迄立多年, 說真的一點也不起眼, 也沒有什麼裝潢, 靠的就是實力! 無論是店面或是大廚也是正宗印度人, 不過他們是略懂廣東話的!說回餐牌, 他們有Set Dinner也有散叫的。Set Dinner 比較化算, 因為已包餐前小食, 餐湯, 主菜以及飲品, 另外烤餅是無限添食的!我們一行三人點了兩個Set Dinner 再散叫了一些餐廳的招牌菜式! 這個串燒雞是我每次必點之選 ! 他們利用了多種香料醃制, 頗為重口味。有一點值得讚賞是外層是香口, 而內裡的雞肉是嫩滑的, 加上少許檸檬汁味道更突出!咖哩雞以及咖哩豬扒沒什太特別的地方, 相反那個咖哩醬汁倒是讓我們吃了不少烤餅。廚師應該刻意把味道調教了來迎合香港人口味, 味道不辣, 椰香味道較重! 烤餅份量多, 每人有2大塊, 而且是即叫即整的, 配上醬汁一流!印度炒飯也是我必點之選, 我太喜歡那炒飯的質感, 每粒米也是分開一粒一粒的, 實在是太有口感! 而且我偏愛較硬的飯呢~ 炒飯入面有雞肉, 蔬

近期第二次食印度菜，我覺得呢間合我口味多啲！有印度香料嘅味度但又唔會淨係食香料，正！先講個蕃茄湯，冇諗過佢咁出色！蕃茄味好勁！最正係，冇咁熱飲啲蕃茄味仲更加出！烤羊卷，我鍾意呢間嘅烤羊卷！因為唔只係得香料仲食到少許羊味，正！如果可以少啲洋蔥更加好😅咖哩魚+原味烤餅，冇咖哩辣味，可能係我哋叫少辣，但唔緊要，個咖哩汁配烤餅，簡直想直接將塊烤餅放入咖哩汁度游兩轉呀😋最後當然係一滴咖哩汁清晒啦😆我哋仲叫咗個炒青菜，有椰菜同好幼身嘅疑似菜心，炒菜水準高於一般中菜飯店，冇咁油👍🏼男朋友叫咗個印度啤酒，有少少香料同少少辣味，好得意，非常地配合菜嘅味道！我就叫咗ginger mashala tea，唔甜，好香香料味，我鍾意！總結，冇諗過會咁合我口味，因為我唔食蔥蒜椒⋯⋯😅🙈呢餐好滿足😋

聽朋友說很好食,就去了試了幾款食物.先是兩款湯 : 扁豆湯 及 雞湯扁豆湯 有一點點 糊狀, 但飲下去卻是稠密緻滑而且 味道 幽香清膩 調味得宜恰到好處雞湯 鮮甜不會有腥臊的感覺亦帶點鹹香另外, 啤酒 清香可口  不會有苦澀味餐前會給一碟餅, 因應人數而給多少塊, 很脆口亦附上 薄荷醬, 沾上 有另一番風味,不過不是很喜歡薄荷的朋友, 建議沾一點點就好了烤牛舌, 味道 調味剛好 不會過鹹口感 不會爽口太過韌口, 卻有點微彈煙韌烤雞肉, 口感 非常嫩滑, 味道卻和烤牛舌差不多.但亦是很好吃, 值得吃.

早一排同啲親友食個晚飯, 叫左幾樣, 每樣都唔係好多, 所以可以叫3-4款以上都可以.雞湯, 賣相雖然黃黃地, 但非常清甜, 好有印度風味, 而且會問你要唔要辣,而我就要左個小辣, 飲落清甜之餘有少少辣味, 會好開胃架.之後職員問我地要唔要小炒, 雖然唔知會係咩, 因為第一次食就話好啦!原來係炒菜, 唔同菜類炒埋一碟, 有少少似港色既, 但一樣好清甜, 仲好爽口, 食唔停口. 跟住就叫左個千層麵(定係千層塔), 芝士薄餅 同 椰汁咖哩雞.椰汁咖哩雞 就偏甜既咖哩黎既, 入面既雞肉多數都係啖啖肉.不過, 整睇都唔錯既, 千層麵(定係千層塔) 就好 軟彈煙韌, 加埋啲咖哩一齊食就好正 好好食. 芝士薄餅, 本身就好香口又鬆軟, 好好食. 朋友們都話好食.同樣地, 加埋啲咖哩 都係好好食.

聼人講話米芝連個廚師主理，所以約朋友來一試。當日夜晚八點半到，仲係有八成客，證明有吸引力。见台台都食套餐，價錢好便宜，我和朋友包頂頸，叫散餐。先上胡椒饼，加餐湯，0K噃。之後上正苿菜。先上燒鷄嘩，好鹹，莫非盬夠便宜？再上羊排，份量足，價錢合理，不過，一樣，夠鹹！最後係芝士椰菜花，一樣份量足。但味道一樣，夠鹹。如果你自問嗜鹹，此處一定满足你，如果你腎有事，絶足為上。總體而言，價錢合理，服務親切，非鹹勿擾！

公眾假期o既午市...去到入面坐滿晒...又有三個人等緊位...等o左十分鐘終於入到去...坐無虛設...三個人叫o左三個set...全部都係$60內~ 凍飲$2, 汽水$5, 特飲$15~ 兩份薯仔烤餅同一份千層餅~ 烤餅其實係任食o既...所以唔駛一次叫咁多...先來一人一個雞湯~ 我覺得味道偏濃...但都可接受~ 咖哩羊仔腩: 呢個叫o左少辣...其實我覺得再辣d會開心d~ 不過同行有人唔食得好辣...所以無計...d咖哩好香~ 羊仔腩又好林~ 而且都好多舊~ 正~ 豬扒:呢個係跟沙沙醬 (忘記o左點串)..椰奶味重d...但係都好香~ d豬扒好林而且唔鞋~ 好味!!!串燒雞配咖哩汁熱辣辣上檯~ 加埋咖哩汁真係一流~ 不過得三舊...份量少o左d lor...薯仔烤餅好好食~ 一d都唔油~ 係有少少烤到窿o左~ 千層餅就偏油...個人覺得比烤餅更好味~ 不過同時更邪惡~~~ 加o左一杯特飲Mango Lassi~ 好足料不過多d冰就更好~ 好好味又抵食~ 有機會一定會再嚟~ 

I had recently moved to Sai Wan Ho and was eager to explore all the local eataries. Being born and raised in England Indian food was definitely going to be on the table for me. I had previously been to Hin Ho (which i thought was overpriced) and decided to take my GF and her parents here. We were extremely surprised by the quality and taste of the food. we ordered the baby mutton curry, fish curry, and a mixed veg curry with garlic naan and parotta. we ended up ordering another parotta it was th

午飯時間來到這間印度餐廳，只是12:30 ，就已經很多人了，幾乎坐無虛席。想必是便宜抵食的關係了，一客午餐，可選咖哩牛、羊、雞、魚或雜菜，連餐湯，任食烤餅，都只是$48，無加一，如要飲品，無論凍定熱，只需加兩蚊，係咪抵到笑呢我加了八蚊要了個咖哩角，可惜不好食，皮太厚，餡少。咖哩魚，少辣，魚應該是急凍魚柳去炸，無咩特別，重點是烤餅，熱辣辣，點D咖哩汁，非常好食，我一共叫了兩次，每次三塊，即食了6塊，好飽啊

首先，我要代餐廳澄清，我在1月21日剛去吃過，這餐廳無執笠！是夜到筲箕灣一咖喱店吃晚飯。一個人。一來吃咖喱癮起，二來想奢侈一下。走到門外，看見門外餐牌上寫著烤餅無限任食，大喜。晚餐$68，烤餅最便宜也要$14一籃子，可以任食，本也回了！而且本人愛吃咖喱，但更愛吃烤餅。餐牌上有５～６款，包括雞牛羊魚素菜等等。林明頓先生點了羊，是很嫩滑的羊腩部位。咖喱可選大中小辣，不敢挑戰，只要了小辣，不嗆喉，好惹味，愈食愈開胃。咖喱的少許辣意，在寒天下吃來滿身暖乎乎的。至於烤餅，本人要了一次又一次（每次三塊）。即叫即烤，香酥脆軟，份量十足，蘸咖喱吃一流，不蘸也吃得出麵粉香。前後要了６件烤餅的林明頓先生，本來還想再添，但眼看將近十時，店子裡職員已在洗刷。不好意思，人出烤餅我出胃啦。其實這店子的老闆兼大廚，本來任內筲箕灣恆河咖喱屋，當時就為店子拿下了米芝蓮。不過聽太子爺說，雖然爸爸現在自己開新店，但老前僱主面上過不去，不敢向外說自己曾在舊店拿下了米芝蓮。聽說劉偉強導演也是座上客。門口還有謝雪心來吃的報道，還有南華日報的訪問。不過，誰來吃不要緊，重要的是，這咖喱的味道好香好惹味，咖喱比恆河平兩成（恆河晚餐要$

數月前, 有朋友強烈推介這間位於橫街的印度餐廳, 她說廚師來自同區「米芝蓮一星」印度餐廳, 我跟同學們去試過之後, 真的比美同區「米芝蓮一星」印度餐廳, 比太古坊那一間「米芝蓮精選」印度餐廳更是勝出9條街... 另一半聽我形容得半信半疑, 於是今夜一起夜探求證...食店位於橫街, 真是少一點眼力也找不到... 牆上掛了關於「米芝蓮」的報導, 相中人應該就是來自同區「米芝蓮一星」印度餐廳的大廚吧... 店內只有數張枱, 到了繁忙時間便會擠滿人...牆上還掛了一些具有印度色彩的畫...威化胡椒餅 配 薄荷汁 (送)-- 甫坐下, 男店員先送上一客胡椒烤薄脆, 每咬一口薄脆, 胡椒的香味慢慢滲出, 蘸點薄荷醬吃, 又是另一番滋味...King Fisher Beer $30-- 來自印度的啤酒, 入口清醇, 味道偏淡, 但仍比青島味濃...Blueberry Lassi $25-- 藍莓奶昔不太稠, 味道有點像小時候吃過的藍莓香口膠, 很人工化, 有點抗拒... 多飲幾啖後, 開始接受了濃烈的人工味道, 感覺幾特別, 甜甜酸酸的, 很醒胃... 是日餐湯-- 不明白為何有湯, 是送的嗎?!!

以米芝連星級厨師主理招徠的團購引領我長途跋涉來到西灣河品嚐印度菜。 到埗後才知團購是晚餐，當時是下午一時， 怎辦？ 我可急了，店方理解情況，破例給我們入座，謝謝！先來了兩碗餐湯，味道較淡，亦不知道材料是甚麼； 再來的胡椒餅應是來貨的，有點硬，心中一沉，難道米芝連就是這樣？之後是雜菜沙律，是類似凱撒沙律的製法，頗清新，Shirley 驚嘆原來普通椰菜亦可作沙律菜，味道還不錯； 我們選擇了少辣的牛油咖喱羊， 是羊腩連皮，頗惹味但亦很肥； 串燒雞那一間印度餐廳都做得好，這裡勝在即做即上，熱辣辣，很好味； 咖喱時菜中規中舉，反而主食的烤餅最出色，鬆軟香口，且無限量供應，拈一點咖喱汁，靚！ 甜品是烤菠蘿，上面塗上香料，很甜啊!還有點空虚，便用優惠價$40要了一客羊架， 很軟很香，值得一試。價錢方面連小費$170元左右，食物比示範圖片少了一半，但兩個人一定足夠。 這裡的午餐更便宜，大家若順道不妨一試。