皇后餃子 (已結業)

開店都一段時間了，我都唔執輸，試下先啦。食過幾次，不算十分好，但也不算超差，都算抵食。我都由開店開始，足足試過幾次，先來寫食評。狗仔粉真是麻麻地，比起18x差一大距離， 菜脯都🙄🙄🙄，不是超差，但不是超好。餃子就中規中距啦， 餡料份量都很足，皮也算薄，但未至於超好食。這兩個還是有待改善。而炒粉麵都是即炒即煮，所以都唔錯。牛肉腸都，豆漿， 炸粽， 蘿蔔糕，椒鹽燒賣這些都可以。最欣賞也是個燉湯， 姬松茸燉日月魚湯，很足料，夠鮮甜，完全飲得出是用原盅燉出來的👍👍👍香辣雞亦尖也很入味，店舖環境也可以接受，不過有點落單混亂，醬料不夠充足。希望所有東西有新改善，更可加些新創意。

 外賣粢飯, 拿上手巳知出事, 又輕又軟, 飯過爛, 完全無口感, 內裡只有少少肉鬆 (同無差不多), 無油炸鬼,  價錢平($14), 都唔應該只賣一舊白飯, 如此差徑,不如唔好賣, 食兩口就要放棄, 以後都不會再去.     食遍全港的粢飯, 這間的都算是差中之差.

附近開了餃子連鎖店，今日去試下，除了點餃子外，也有狗仔粉，炒麵，還有比較特別的是有雞翼尖😋，雞翼尖好食👍，餃子皮脆有肉汁👍👍👍，💰15三隻，狗仔粉配料少，整體大致上推介👍

第一次打差評...最近柴灣既環翠商場完成裝修，多左好多新食店，呢間就係其中一間。肥鴿本身係好鐘意食餃子，鐘意到一個點係會自己係屋企包，出街見到餃子都會專登入去食，但呢間真係好失望 今次叫左蒸鮮肉椰菜餃8隻，再加一份炒米粉。佢地主打餃子係即場包，粉麵都係即叫即炒。先上既米粉無咩特別，唔詳細講。食左15分鐘左右，蒸鮮肉椰菜餃來到，一食落去--凍既！！！即刻叫佢地再蒸返熱。第二次上菜個時先叫熱返少少，但都唔係熱到辣口個隻。都算，食完一隻就覺得餃子既餡係完全無味既，仲要食得出材料唔太新鮮。本住不浪費食物既原則，肥鴿最後有食晒所有食物，但會覺得以30蚊既價錢，可以有更好既選擇。唯一值得一提既優點係，個日因為新開張，都幾多客人，佢地侍應都仲係幾好禮貌。如果佢地可以將佢地既誠意放係食物到，一定會有所進步 

雖然係小店但餃子一啲都不輸蝕，湯頭應記一功，不是普通味精/雞粉加水，係堅煲湯的湯底。可放心飲，飲完不渴，很媽媽的湯。水餃包得紮實，料頭豐富，少少肥瘦肉結合適量韭菜，很有咬感。從湯拿上口不容易散，包功精緻。煎餃餃子與湯餃相同，筷子夾上不易散，肉汁味道平衡略少而已，不太死鹹，反而重點係他們的醬醋，不得了，醮了醋，餃子鮮味提升。看回這個醬有醋，豆豉同醃菜等配料，這個真是畫龍點睛。再叫了一個炒米粉，油度適中，米粉量足，可填飽肚，有椰菜紅蘿蔔配搭，整體來說米粉炒得有味，爽，清新。購炒米粉有優惠加6蚊有一支豆漿，豆漿不太甜有微豆味， 與餃子一齊食很匹配。(餃子第六擊)

這間新店在一個重新裝修的環翠內，這店裝修都不錯，坐位尚算可以，食品選擇都算不少，蒸、煎、炸還有湯餃，亦有其他的懷舊狗仔粉，粢飯豆漿，即炒粉面，即拉腸粉等等……，我今次即試了煎白菜餃和炸韮菜餃子，即炒河粉，狗仔粉，餃子肉多皮薄，味道不錯還有配了他們自家制餃子汁，都不錯，狗仔粉，味道個人覺得麻麻地，但配他們的辣菜脯就挽回不少分數。在柴灣又多了點不同選擇的店

啲餃子好難食。最近環翠商場翻新左，多左好多餐廳，所以今日我同阿媽就諗住試下新野。我地都嗌左雙拼餃子麵。 我嗌咗鮮肉椰菜餃拼黃金素餃（ 南瓜蓉粟米 ）菠菜麵（$35） ，而我媽咪就嗌左鮮肉韭菜餃拼鮮肉白菜餃菠菜麵（$35），然後嗌左碟菜心（$15）。啲餃子好唔新鮮，食落仲衰過超級市場買嘅冰鮮餃，鮮肉餃入面完全無肉汁，超級乾，我完全唔知自己食左乜野。我問我阿媽覺得點，佢就講左3個字：超難食。結果我剩係食得落嗰兩隻黃金素餃同啲麵， 其餘嗰三隻鮮肉椰菜餃我淨係食咗半隻，仲未計佢地員工做野有勁多甩漏，一開頭話無左張單唔知啲菠菜麵係咪我地嘅， 然後放左碗麵落黎話係有鮮肉泡菜餃（其實係黃金素餃）。原本諗住試下新野，點知換黎超大嘅失望，哩$85我真係俾唔落。間野叫皇后餃子咁巴閉，原來係皇后級咁難食，迫我寫左第一次食評。我返到屋企仲要諗下再食啲咩，因為我個肚完全好似無食過野咁，真係自己求其煮都好食過佢好多。

之前藍田啟田街市對出開左好多小食店，🥟皇后餃子🥟係咁多檔裏面最好食😋~最出名就係佢既煎餃子～初初開果時真係大排長龍。試過佢d 湯餃都真係皮薄超多饀又多汁。知道柴灣都有間「皇后餃」真係好興奮，有疑惑過究竟係咪同一間「皇后餃子」黎嫁呢，因為見佢少左粒字。✨不過呢間鋪野食種類就多好多，除左一般餃子麵食，又有腸粉，燉湯，小食等等～～✨西式早餐食到悶，今日就過黎試新野。早餐$25 蚊包三隻蒸/煎/炸餃 + 細狗仔粉。✨餃子會附送招牌辣菜脯，唔食得辣既我小試一粒，真係辣到噴火🔥🔥🔥🔥🔥個味其實唔錯，食得辣既應該會幾鍾意。 ✨今次試下香菇芹菜餃🥟由於係外賣番去，夾起果時個皮有d 痴住，結果爆饀。不過個皮真係好薄，芹菜幾香切得勁幼細，入面有豬肉東菇碎。饀多但裏面唔夠多汁，唔知係咪外賣番屋企既關係，不過之後浸湯食就好食好多。下次試下買d 生餃番屋企自己淥先，$35 有12隻😍。✨狗仔粉好腍湯底好入味，但唔會味精感好重。入面有大大片既東菇，又有蝦米，菜脯，豬皮粒，我食完都夠飽。✨不過無野飲就梗係覺得drydry地，散叫左支$8 熱豆漿，平過隔離鋪～味道唔會太甜都唔錯啊。