皇后餃子 (已結業)

皇后餃子有蒸餃，煎餃同炸餃選擇，筆者比較喜歡蒸餃，因為較清淡可以食多d店家提供既醬汁同餃子好夾，食落有醋同蒜，幫助消滯必食莞茜餃餃子入面放滿莞茜同肉，再點店家提供既醒胃醬汁，莞茜怪表示過癮芝士餃另外芝士粟米餃子都不錯，食落去會有芝士味（但你唔會見到有芝士拉絲），芝士同粟米好夾，正👍🏻👍🏻

第一次試呢間野，之前見佢門面光鮮亮麗想試好耐，點知原來係金玉其外，敗絮其中。嗌左外賣雙拼十隻粟米鮮肉芝士+白菜湯餃，加凍奶茶，加埋45蚊。一黎到個廿零歲既男店主就已經一臉不耐煩咁既樣，同佢講完要呢兩個雙拼餃之後，我以為佢問我飲咩，跟住睇緊野飲個陣，佢就突然勁惡咁問:「點整呀！」跟住我着實比佢嚇左嚇，心諗使唔使語氣咁差，我就呆左呆咁話:「湯餃唔該。」之後再嗌埋個凍奶茶少甜，講多次，係少甜。結果佢地唔知整乜整咁耐，後面張飛都攞先過我，最後個男店主皺曬眉嬲爆爆咁比左兩袋外賣。我都明每人都會有心情唔好個陣，但都唔代表有人要無辜咁受你氣囉。之後心諗算啦，番到公司一打開碗餃，得8隻，但我嗌既係10隻，姐係坤左我8蚊。我都算啦，心諗食完快啲走，點知每一隻 係每。一。隻。既粟米鮮肉芝士餃都係爛曬，包都未包得好學咩人出黎開舖呀，食完成碗湯好似粟米湯咁，啲粟米漏到成碗都係，然後啲餃係完全冇芝士味，極失敗。最後諗住飲啖奶茶解下氣，一飲，甜過陽光檸檬茶，連杯野飲都搞成咁，我只能奉勸一句: 不如執 左佢啦好嗎？

叫左皮蛋瘦肉粥，8隻煎餃子，糯米飯，泰式雞翼尖糯米飯一般般，粥還可以，雞翼尖辣度好好，幾好食堂食會較多汁最岀色應該係個韭菜餃，大部分食客都係叫餃子睇黎英雄所見略同

環翠商場翻新後開左唔少食肆，當日試左皇后餃子🥟🌟環境地下非常油，要小心唔好跌親🌟食物韮菜餃和芝士粟米餃好好食👍🏻👍🏻其中一個要餃子麵 湯竟然係清水😱唯有落多啲菜甫調味菜甫辣辣地，又幾香，不妨試試👍🏻😋🌟服務坐近落單部機的座位，雖然近但亦有大約五步距離，店員竟企喺機前問我地食乜，我地要嗌俾佢聽，非常罕見埋單時，我已經拎住張單企到收銀面前，但佢繼續同同事閒聊，當我透明，想我唔洗俾錢直接走？😅

叫左個粢飯，第一啖已經知出事，唔係粢飯質地黎。似糯米雞/粽咁嘅質地。入面係少量淋左嘅油炸鬼，肉鬆同顏色好怪嘅榨菜。好似純粹食緊舊飯咁。另外叫左煎蘿蔔糕，應該落左好多粉，實的的，但幾香口嘅，因為佢成個隊落去炸。。。無食過佢地啲餃，可能餃子好食啲卦。但整得未夠水準果啲唔該唔好放係餐牌，勁伏。難食到我忍唔住黎評分。未試過呢間，第一次食嘅，我奉勸大家試餃先，免得掃興，本身突然慶起想食粢飯，咁啱行過見到呢間有，本黎好開心，點知食著個咁難食又無咩涵嘅粢飯。。。

皇后餃，理應做餃子是招牌菜，最不滿佢嘅蒸餃竟然是烚熟的！ 我再問店員，佢話係蒸好左，客人落單再烚返熱佢仲講到我唔岩咁。我點左炒米（預先炒好左冇問題，但係係凍嘅）蒸餃，雞翼尖(份量少左好多),碎牛粥(算係最正常)！份量比剛開舖時少了一節！不會再去下一次！招牌做的餃子越做越差！ .臨走嘅時候，我見到喺櫃面包餃子嘅員工，竟然喺度食野，食到一手都係，再去處理啲餃子，仲要唔洗手，就算係，都唔好喺櫃面做咁核突啦！

餃子好味，推介煎及炸！$15/4隻，平到笑！我每次都吃芝士粟米餃！全部即叫即包！正呀！仲有狗仔粉、腸粉都好值得推薦！D姐姐服務也不錯！唯一不足是店舖太細間！有時要等位！

返屋企途中口痕行過呢間皇后餃子 決定買d小食黎試下京蔥牛肉餃 ($15/3隻)唔知點解多左一隻🤣🤣可能唔係堂食 個皮已經腍左味道普通啦 係個汁算幾好食酸酸地 夠開胃但外賣packing可以要細心d因為我拎到返屋企 個汁倒瀉晒☹️而呢個生炒糯米飯索價$25一打開已經覺得不妙d飯一pat pat咁痴埋一舊食落口感不得了 好難食到底邊度生炒真係不得而知食左幾啖就放棄左真係唔會有一次我諗呢間餐廳都真係可一不可再喇😂😂

成日講到呢度d 餃好好食，但屋企兩老一路都未有機會試，所以今日過黎買打生餃番去自己煮。生餃$35 有一打，都幾抵食。話即叫即制，等左大約五分鐘到就到手。✨買咗兩款口味，香菇芹菜餃同韭菜餃各半打。✨本身睇落唔算好大粒，但煮完出黎都幾飽滿。食落去勁多汁，而且個皮好薄好滑，好食過上次外賣既蒸餃多多聲😍。上次外賣完番去d 餃痴住，而且比較乾。✨芹菜香菇味好香，有大粒冬菇，雲耳，非常足料。韭菜餃都好好食，感覺好新鮮，以後煮麵一定買番去加料👍🏻

午餐時間，去試新開的店舖，要了炒米粉、煎韮菜餃及熱豆漿。這個組合只是$41，都覺得ok, 見到份量，就覺得好對眼。服務也不錯，可能豆漿樽滑了牙，姨姨見我開極也開唔到，主動幫我開謝謝，要讚！先講炒米粉，非常大碟，菜絲也算多，而且灑了好多白芝麻。味道是有點淡，而且油份較多，所以放了很多店舖提供的辣蘿蔔乾絲同吃，才覺得惹味。辣蘿蔔乾絲好味道，喜歡煎韮菜餃，有一碟蒜蓉醋配食，醋味道淡淡的不會搶了韮菜的味道，這個配搭也不錯，而且餡也算多及新鮮，味道很好見鄰枱，粥也很大碗，大食的朋友會很開心，下次可以一試。

$25早餐，有一碗細狗仔粉，同埋三隻餃子。餃子揀咗芝士味蒸餃，個皮都好薄，但係外賣到屋企凍哂嘅關係，食落唔算多汁。不過入面超多粟米同埋豬肉，非常足料，但係芝士味就真係唔係好食得到。狗仔粉好入味，索晒湯汁。入面有冬菇，蝦米，菜甫，豬肉，閒時食下幾有風味。

同老公兩個人食Tea最近食暈晒環翠商場入邊嘅鋪頭,今次嚟到皇后餃子,聽聞餃子出色,於是叫咗一個放湯一個煎餃,加多個炒米,夠豐富未!先黎嘅係放湯,個湯好熱,但係一咬隻餃子就覺得唔夠熱,個心好凍,應該烚嘅時間有問題,餡料好豐富,味道亦唔錯,但係輸溫度扣曬分!再嚟煎餃,一咬都係唔夠熱,唔想諗咩原因!食完兩個餃子都冇心機食個炒米,味道一般,冇乜特別!下午茶兩位 $66價錢合理,但啲野唔熱,靚太路過可能會比多次機會

前排環翠商場大裝修變成Foodie Hub, 每逢週末都人山人海，終於過左d人潮就去試下🍴今次就揀左呢間餃子店試下😋當然要試下餃子，今次就試個煎餃同炸餃先🍴係即叫即煎/炸，所以會等得較耐炸餃--鮮肉椰菜餃子餃子好足料，咬落好多肉汁，個皮做得薄，炸完後會脆卜卜😋煎餃--京蔥牛肉餃子京蔥味好香濃😋一樣好多肉汁，煎既個皮就較有咬口狗仔粉係懷舊小食，當然要試下🍴粉仔較長，質地較似魚麵，掛到湯👍湯底香冬菇同蝦米味，不過就太杰身，配埋個辣菜脯較惹味😋個湯底&粉仔同傳統既較不同，但味道不錯腸粉皮幾薄同滑嫩，不過太大力夾就會爛豬潤切得較細粒，較難夾，個味道都會較腥豆漿8蚊一支幾大支，可以揀凍或熱，唔會好甜👍不過就豆香味不濃餐牌👇👇總括黎講:餃子質素中上，其他就一般，簡簡單單一餐都唔錯，環境坐得就較迫🍳🍴味道: 7/10👩👨服務: 6.5/10🏠💺環境: 6/10💰💸抵食: 7/10總消費: $91 (2人)

星期六既6點幾去食堂食都仲有位 唔需要等啲姐姐既服務態度都幾好坐低後會主動問要唔要水仲會提您小心水熱-餐牌方面 有唔少選擇煎 蒸 湯 炸餃子都有齊但價錢就各有不同自己衡量佢仲可以雙拼 但就會比單拼多幾蚊另外仲有小食 燒賣 腸粉炒麵炒米撈烏冬全部都系40樓下 不錯!由於 唔餓所以2個人叫左個芝士粟米蒸餃同麻醬雞絲撈稻亭烏冬睇相都會見到烏冬份量好足佢系用芝麻沙律醬撈而唔系類似花生個隻麻醬味道幾清爽 不過如果可以再多汁啲同凍啲就夠好而餃子都系好多料粟米豬肉再撈左芝士系入面粟米夠甜 芝士夠香但5系濃味 幾特別餃子另外仲配左 有個酸酸辣辣既汁可以點幾開胃既不過就建議 系配其他款既餃子點因為粟米既甜配酸辣有點奇怪2樣野夾埋60蚊埋單30蚊8隻餃 30蚊甘大碗烏冬以而家既物價黎個講絕對系窮人/糧尾恩物

平時都鐘意食餃子柴灣黎講 餃子店係有但一間會有齊蒸餃煎餃湯餃炸餃呢度已經加左分仲有栥飯炒麵煎粽另外就係店長推介既狗仔粉其實我已經食左幾次先可以試晒菜單既大部分個人推介既係白菜餃/ 莞茜餃每隻都大大粒價錢相宜 25蚊6隻 我個人喜歡湯餃加埋佢地自加辣油 其實可以食多幾隻另外狗仔粉都要食！油渣味重 但炒河粉就水準之下因為只有色，無味，無鑊氣