皇后飯店 (已結業)

去完旅行返來，約係度交手信俾朋友。餐廳在動漫基地上面，行一條好斜好斜（唔係邪）嘅樓梯上來，見到裝修好雅緻、幽靜，環境不錯，而且生意也很好，已經坐滿了。本蛇是牛魔王，中意牛肉嘅菜式，見到set lunch有串燒牛柳（可配飯，薯菜，白飯），又是朋友極力推介，即刻點左。好快就上來啦，串燒牛柳即係巨型牛肉串，肉質介乎嫩與韌之間，嫩得來有嚼勁，韌得來有肉汁，取得平衡。牛肉配上黑椒汁，是豉油西餐嘅經典搭配。可惜汁唔夠，撈唔到個意粉，搞到淡茂茂，建議可以俾多d汁或者將意粉加入調味。點薯菜，蘸番茄醬食惹味d，不過就太熱氣啦。set lunch 有羅宋湯，main course， 咖啡or茶，百零蚊，咁嘅質素和環境，都幾划算。

另一款值得推介美食 ~ 鳥結糖~很久沒有見過皇后餅店, 不知是否已全線結業。 這是同事去午餐時無意之間發現, 飯店竟然有糖賣。一直以來都對鳥結糖完全沒有興趣, 直到有軟的鳥結糖出現, 才開始對鳥結糖改觀。之前迷上美孚的鳥結糖, 及後情傾台灣的糖村, 現在又有新目標, 就是皇后鳥結糖。口感跟美孚的鳥結糖有點像, 軟糖之中有點微脆, 味道方面, 除了沒有美孚那款咁甜外, tiramisu 的味道也特別濃, 又一款停不到口的推介(因不是親自光顧, 環境/服務及衛生的評分不能作準)

餐廳佈置裝修同佈置都好有懷舊情懷這邊一角有古董唱片機同黑膠碟；環境給人十分舒適，而且哩度星期日人流竟然好少，得幾枱客仔，十分寧靜可以係度hea好耐英式下午茶$168，最底層有火腿吞拿魚卷，燒牛肉及蝦多士，除左蝦多士好食又香口外，其它一般啦。中間個層有scone, 芒果puff，皇家飯店自家制的曲奇餅同烏結糖。士多啤梨果jam出奇地好味，唔會太甜，scone都唔錯；曲奇餅好鬆化，烏結糖都好味，唔會太硬太痴牙。最頂層有tiramisu,mango cake,藍莓cake同朱古力cake, 4款甜品都唔錯，唔會太實食落軟綿綿唔會太甜。以咁既價錢食物質數真係唔錯另加焗肉醬意粉$78，勁大碟意粉，亦都好好味!

上網睇話佢玫瑰雞好好食,所以就去左灣仔分店試下啦一行六人，訂左位唔洗等位…由於佢有好多位…所以坐得唔迫先講玫瑰雞…真係好香好濃玫瑰味…而且佢仲要大大塊…不過只得套餐…散叫就冇…但佢餐價都唔過二百…環境加味道…抵啦紅燴雞…我覺得貴得黎唔抵食…仲好重雪雞味焗豬飯…好香焗味皇后牛柳…好食…食得過黑椒牛…都好好食，好濃黑椒其實佢所以散叫都可加60轉套餐…所以佢都抵食既…因為人少…變左包場既感覺 幾好…服務好好…狂加水，印象幾好…

是日午餐︰黑椒牛柳 - 牛柳很嫰，薯條也好吃其實餐湯更好喝，但我忘了拍照一.一餐湯 - 羅宋湯，湯很濃，很鮮味！讚！但侍應人數較少，盲點較多，很難才叫到侍應給我們點菜和結賬。

之前一篇曲奇都講過，因為朋友經常送贈曲奇，令小弟認識咗唔少曲奇嘅品牌或小店。對皇后飯店嘅印象，都主要喺賣豉油西餐，出名之作有羅宋湯、俄羅斯牛肉……等等，若非朋友送咗一小罌「雜錦曲奇」作為聖誕禮物，孤陋寡聞嘅小弟，又真喺唔知佢都有出曲奇喎 。附曲奇附送埋張店方卡片，原來，晌灣仔茂蘿街店鋪，樓上喺餐廳，地下喺餅店。曲奇以透明膠樽盛載，一打個盒蓋就喺曲奇，無乜特別封口處理，而曲奇則裝得滿滿 。從樽底招紙所知，淨用200g，內裡共有4款曲奇，數一數，每款有6件，都喺比較傳統嘅港式曲奇，屬於鬆化嘅口感，即喺唔喺脆口嗰類，卻極富牛油香，以基本嘅牛油曲奇唧成花形，再加唔同嘅配料。 朱古力醬曲奇唧上一點朱古力醬作為裝飾，雖然曲奇鬆化，但粒朱古力粒有少少硬硬哋身，口感唔太好。 車厘子曲奇最有港式嘅風味，單單加上一小截車厘子肉，查實對整塊曲奇個味道無乜影響，粒車厘子肉真喺只有裝飾而已。 合桃粒曲奇只喺丁點一小粒合桃，雖然鬆脆，但確實好丁點細小。 咖啡味曲奇跟其他3款外形唔同，被唧成貝殼形，線條流線，此外，亦無咩配料裝飾，因佢本身喺執咖啡曲奇，食嘅喺味道，得確，咖啡味頗香。雖然，皇后餅店嘅曲奇未

夜晚同朋友上樓梯食依間, 叫了玫瑰燒雞配意粉&頂級肉眼扒配薯菜，waitress唔係咁好，一听是操唔純正的廣東話, 口音像內地人。我會認為, 侍應都代表餐廳的形象。依間餐廳內的食物不便宜，就不要貪便宜去請個廣東話不正，又不韻英文的。如果做粵式菜，我覺得並無不妥，但做西式高價餐廳，這等貨色不合檔次。食物味道質素是挺滿意的，首先是玫瑰燒雞，吃得到帶微微玫瑰花的味道，不太強也不太淡。雞也弄得很好吃。頂級肉眼扒叫了7成熟，黑椒汁, 肉質也很不錯。配菜也大大粒，配搭得宜。羅宋湯味道不錯。朱古力味道濃，也不錯。不過這裡的侍應真的一般，因為走時門口鎖了也沒有告訴我們如何由其他方法走。

舊日波斯富街皇后飯店, 後來搬去利園山道, 以及又一城分店, 一直都有去.  今日去動漫基地, 竟然又開了一間, 相公即時想入去試.  晚上 7 時, 客人不多, 我中午吃得太飽, 點了大蝦沙律, 相公想試蒜蓉大蝦餐.  意外地, 沙律超水準, 上面舖了開邊蝦肉, 下面是我愛的薯仔, 蘋果, 西芹, 提子乾, 沙律酸酸甜甜好醒胃, 一大碗我吃不完, 以這樣的價錢, 質素, 我讚 "抵食" ! 相公的大蝦餐更正, 香噴噴上檯, 原以為一隻大蝦, 點知竟然有兩大隻, 相公大讚好味 !  ＿找數時, 原來晚上客人不多, 星期一至四, 免收加一.  真係要開個會員戶口讚吓 : 食物高水準, 環境氣氛又好, 價錢合理 !  下次去灣仔, 一定再來.

之前介紹過很喜歡銅鑼灣皇后飯店Queen's Cafe的下午茶，今天到灣仔的分店試試 : )飯店位於由二級歷史建築「綠屋」活化而成的「動漫基地」一樓，裝修帶懷舊味道。喜歡這一角。友人點的「香蕉班戟」(HK$65)，她說pancake皮夠煙韌，十分美味﹗來這裡必點的「炸鮮蝦多士」(HK$75)，實在太過份，蝦膠彈牙，多士香脆，薯條肥美，還附上沙律，精彩到不行﹗﹗﹗列豬扒湯烏冬(HK$70) — 飽肚暖胃之選，豬扒鬆化，烏冬煙韌，而且貼心的自動「分開上」，又讚﹗我說過，這個港式Fish & Chips絕對比原裝正貨更得我心，外脆內軟，不會鬆散，讚讚讚﹗總之，這裡的茶餐實在超超超合我口味，又飽肚又香口又惹味，價錢不貴，環境舒適，更可訂座，向大家極級推薦 ^___^

這間位置較隱蔽的皇后餐廳跟旺場的又一城店環境和風格有很大分別。這裏人流不多，裝修和氣氛都很有懷舊氣息，而且設有沙發椅和書報刊物供客人翻閱，也沒有又一城店那樣嘈雜，令人感覺輕鬆自在。英式下午茶只需168元，靜靜坐下邊吃甜點、呷一口熱茶咖啡，一邊欣賞餐廳的特色配置，更可揭揭這裏的懷舊刊物如老夫子(我還未出生的年代出版的)，便能悠閒閒地消磨一整個下午了。主角三層英式下午茶甜點不算特別精緻，但整體味道水準也平均。按慣例由底層開始品嚐咸點，每款均有兩件，最適合二人享用。除了這裏受歡迎的蝦多士外，還有火腿吞拿魚卷及蘆筍燒牛肉。三款都很美味，尤其是燒牛肉一點不咸。雖欠缺花巧，卻實而不華。甜點包括數款皇后有名的出品---鳥結糖、曲奇及三款切餅，味道卻反而比不上英式鬆餅和芒果泡芙來得驚喜，只因後兩款甜點做得十分鬆化，不甜也不膩。當中以芒果泡芙最特別，鮮芒果肉令味道更清新。吃甜點又怎能缺少奶茶呢？這裏用上的是英國Twinings Earl Grey Tea茶包，絕不欺場﹗再來一客炸魚薯條填飽肚子。炸魚炸得鬆軟，可卻總覺太像港式下午茶的味道，不像英式炸魚那樣長長的一塊；外皮也沒有英式炸魚那麼鬆脆，明顯是所用

同朋友o係上面逛完先落黎食飯,大家都未食過,抱住一試心態就入左黎由於成層都係餐廳,面積自然大好多最外面真係好有cafe感覺,有梳化,有書架咁我地被安排坐o係入面,好多都係卡位,客人唔多昏暗又不至於睇唔到自己食緊乜野o既燈光,加上大廈本身都係舊式建築,似乎頗有情調我揀左個龍脷柳,menu上面寫住(yacht style),唔係好知咩黎,反正都係魚,唔會衰得去邊一上枱,嘩~~~~第一次見咁大塊上面仲有半條炸蕉同極多杏仁,勁香!配上蕃茄醬薯仔,真係好爽朋友揀左燒雞,size都係唔惹少,不過我就覺得肉有少少韌,略為乾身飯係普通白飯,呢個雞相比之下就有點遜色最後我就食唔哂.....男士應該會好夠飽,但女士就會覺得太多之前仲有個湯同餐包(都係好好食!),最後有飲品,飽到上心口

從未寫過食評 因為皇后餐廳 專登喺開飯開戶口 提提大家 好難食！母親節晚飯 一行多人地方好好 但餐廳星期五晚都有多張吉枱 己心感不妙餐湯比一般茶餐廳難飲 似飲漿糊各人叫不同扒餐 豬牛羊都有羊扒用炸粉厚包地炸熟 怪怪黑毛豬全無豬味肉眼扒一樣全無牛味總括嚟講 廚房師傅根本唔識處理肉類 可能只識用鬆肉粉 (或可能肉類本身質素太差) 所以全部肉類出來味道一樣 冇味😞冇味之外 所有肉類都係得個淋字 全無質感雖然價錢唔係勁貴 但亦唔平 平均二，三百蚊一個餐 完全貨不對辦 ！勁難食！！！

Queens cafe 以懷舊作主題 80年代的味道 擺設 很漂亮這裡分西餐廳和咖啡茶區 和友人來到並沒有侍應招呼 自己找好位置 還要向侍應索取menu呢 服務有待改善點了一個英式下午茶 $168 for two 10%charge 底層的蝦多士最好吃 很香口 牛肉酸瓜多士也不錯 還有吞拿魚火腿 中層每樣也好吃呢！scone夠鬆軟 puff可口 還有皇后自家的鳥結糖和曲奇 甜品都是來自地下那層的凍餅櫃 香蕉朱古力mousse 芒果cake tiramisu 藍莓cake 每樣也不錯 不會很甜 因筆者早前吃過$168的tea set中了伏 這次環境食物完全成比例呢！走前還買了包鳥結糖 可可米通口味 $14.5少人的cafe讓我們拍了很多照片 室內設計很美 會再來的

到教會上課後，來到材料店買高筋麵粉做麵包，順道在附近閒逛，這條茂蘿衔，以前是有一列舊屋，其中一間是《有仔記酒家》，但現在已全部將舊屋翻新保育，樓下開了一些商店和食肆，而當中這間皇后飯店，古趣盎然，吸引我到此一遊。樓下是餅店，而樓上是懷舊餐室，沿用舊有的地方、一磚一石和間隔開設而成，店主更擺放了很多五、六十年代的唱片、唱機等物，令人發思古之幽情，看看餐牌，價錢比一般茶記貴，但在這時光交錯的地方多花費些少吃個下午茶也是值得的。我點了一個迷你下午茶套餐＄55，有一件迷你的朱古力香蕉蛋糕，一件tiramisu，一塊曲奇和一粒鳥結糖，飲品我選了咖啡。朱古力香蕉蛋糕上層是朱古力mousse，質感軟綿中帶些少韌，也許是魚膠粉的比例重些，朱古力味也不錯，底層是香蕉蛋糕，有很香的香蕉味，加上有幾片烘脆的杏仁，整件蛋糕很好吃，而tiramisu則較普通，雖有芝士香，但没有濕潤的咖啡和酒香，曲奇餅是鬆脆的，古典的唧花造形，有牛油香味，而鳥結糖內裏加了脆脆的米通，除了有牛奶花生糖的半軟硬質感外，還增加了層次的口感，是這店的名物，咖啡的質素不錯，甘香可口。在這地方留漣一句鐘是寫意的，會再來。

When branches of Queen's Konditorei 皇后餅店 went extinct in Hong Kong, I thought I saw the last of those nougats, but now they are selling them at Queen's Cafe 皇后飯店.Thanks to wanttoeat for getting me them.She got me two flavourseanutchocolateBoth were packaged in these cute cardboard packets which look like Russian dolls.The chocolate one was really nice and chewy with crispy bits of rice and the peanut one tasted nutty, milky and not too sweet.