皇后飯店 (已結業)

見甘多人等位所以又走去排下，餐包係下價貨式，羅宋湯太咸，焗豬扒飯塊豬扒超瘦超鞋，啲飯吾係靚米，不過吾油膩，亦好少飯，好少飯我都食剩一大半既飯，因為真係劣食。好處係職員服務好，會主動加水，但係裝水果個係一個好舊既膠樽，見到其實有啲反胃，坐亦坐得舒服，雖然出面好多人等位（因為上餐速度真係好慢）都吾會催人快啲走，可以慢慢食慢慢傾。不過甘難食，對我黎講真係可一不可再

當日三人行下午茶排長龍，分兩張台，但唔近，我哋都照坐，個部長見隔離張枱埋單，即問我地轉唔轉台，我地當然好啦！結果可以在隔離台三人同聚。其實我哋已坐定點左歺，佢可以唔理我地，但係部長記掛住客人需要，特此讚揚。仲有乾炒牛河，炸蝦多士，下午茶必叫！

下晝冇嘢做就走去又一城行下，都五六年冇嚟純粹想睇下個鐵罩商場係點，不過嚟到已經冇曬鐵罩。將商場成個行勻曬 ,跟住搵凍檸茶，見到呢間有埋西多士，咁岩想食。 兩點幾行過冇乜人，到三點先正式去食，排隊排幾耐排排左三十分鐘先入得。原來係有下午茶餐廳怪唔之得咁多人。 輕輕咁飲咗杯凍檸茶同西多士，冇乜特別。不過帶位個阿叔就幾有脾氣，入餐廳要量溫度同搓手液 ,大家都慣哂手續，我行緊之際，阿叔好惡話"唔使我講啦！自己自動波做啦！"我即刻火黎，話返佢囉"阿叔唔使咁急呀，我行緊入黎咋，唔使你講我都識做既！ 好彩之後坐低咗，幾個女仔服務員就好正常。

每次去又一城第一時間就會諗嚟呢度食lunch, 鍾意佢嘅服務同埋係一間老得嚟又係中檔嘅餐廳。點了份美國牛扒餐, 有少少失望係因為佢太多汁, 同埋五成熟都可以話係全熟, 但係總覺得嚟呢度食嘢係為了一種回憶, 所以一切就覺得冇問題喇。總括嚟講都係一間不過不失嘅餐廳, 服務keep住水準。

難得平日放假，上午處理完私務，偷得浮生半日閒，在又一城逛街，下午茶時段商場當時唯一一間平日下午茶有人排隊的餐廳。於是我跟大隊，排了約十五分鐘，順利入內用餐。下午茶菜譜約有十多個選擇，約 $80-120一個餐。點了星洲炒米及瑞士雞翼配印尼撈麵。星洲炒米用料足，配料多，味道濃郁。但整體份量比較少。瑞士雞翼配印尼撈麵四個雞中翼，雞翼皮滑入味，雞翼亦不會太肥，入面的肉亦嫩滑可口。整體而言，一間合格的高級茶餐廳，用餐環境舒適，座位寬躺。

今天下午約了朋友來到又一城，因為好耐沒有相聚，所以選了一間比較環境寬敞嘅餐廳。大蝦沙律賣相不錯，材料主要係大蝦及薯仔，伴碟有沙律菜、蕃茄、青瓜；份量非常之大，沙律菜新鮮香甜，至於大蝦估計雪了一段時間，所以有陣雪藏味。朋友推介吃這個牛脷飯，份量非常之多，性價比高。牛脷及飯分開兩碟，牛脷非常之大塊而且好厚身，炆得好林之餘又有口感，因為好大塊，要用刀叉切來食，完全吃不出有雪藏嘅味道。配上洋蔥汁，配飯一流！服務員態度非常友善，餐廳非常乾淨，枱與枱之間保持一定距離，裝修優雅，是拍拖或三兩知己相聚的好地方。

係又一城行街，見到呢間皇后飯店，舊式既西餐飯店，幾有韻味，門口餐牌有Set lunch，價錢唔太貴，於是入去食個lunch，叫左：..🔸新西蘭肉眼扒配黑椒汁New Zealand Rib Eye Steak with black pepper sauce也許實而不華，但食材和烹調技巧才是重要，沒有太多花巧的擺盤，不過簡單又惹味..🔸香煎比目魚配芥末忌廉汁Pan-fried Halibut with Mustard cream sauce比目魚好香脆，醬汁才是精華🤤忌廉的幼滑，拌上一點芥末的刺激，把魚肉昇華至更香的口感..🔸羅宋湯 Borscht 呵～別少看了這裡的餐湯，尤其是羅宋湯！小小的湯碗，盛滿椰菜、蘿蔔、西芹、紅菜頭等等，這叫俾足份量，不敷衍了事☺️口感偏稠，長時間熬牛骨熬出來的鮮味，騙不了人👍🏻完全不是隨便用少許茄膏溝水就作罷。餐包與牛油也一起端上，把餐包沾點羅宋湯，又一風味..再來杯凍咖啡，滿足了😌

其實食過好多次，都覺得佢哋啲食物好有水準，又注重服務細節，好細心😊 成日都唔記得讚下佢哋!因為要清假，所以攞咗今日休息吓又嘆吓下午茶😚唔知點解其實有好多選擇，但係隻腳自己都會行嚟又一城 👑皇后飯店 ！今次揀咗星洲炒米，佢有好多材料，夠份量，根本就係一個午餐😃 啱晒我早餐，午餐，下午茶合一慳錢又飽肚嘅方法😂😂 星洲炒米見到當然有米粉，仲有火腿，蛋，叉燒，青椒，蔥，九黃，芽菜，咖喱，洋蔥及紅辣椒小小🤪 佢嘅味道傳統得來又有香辣（唔食辣嘅人都食得到）又夠味道，鹹鹹地，有咖喱油香，輕微辣辣地夠晒開胃! 見到就食指大動！加埋一杯熱咖啡☕️ 加上現場有輕音樂配襯下 🎷🎻 心情零舍輕鬆，真係一件賞心樂事🎈輕輕鬆鬆又一天😆😆

下午黎試食午餐，餐廳男侍應好細心午餐先上枱是餐湯 & 餐包🥖無唸過上枱忌廉湯我飲左兩啖無飲，有位侍應發現左之後問我要吾要換羅宋湯，我換左羅宋湯，同時告知不用斟太滿試左先知依間餐廳羅宋湯整得吾錯、湯底碗內足料有飯店風味；成碗湯飲晒😋其實忌廉湯整得吾差，只係上枱試飲後吾岩飲😅通常去酒店、太平館食飯侍應會留意客人用餐，無唸過皇后飯店侍應一樣專業另推薦係新西蘭西冷牛扒，落單要5成熟🍴🥩牛扒上枱飯店做到5成熟，再慢切享受午餐一流🤤而且蔬菜🥦🥕有驚喜，食到用湯泡過薯條上枱仲係脆飯店環境寬敞，坐得舒服😌下次可以黎試晚餐⭐️⭐️⭐️⭐️⭐️

疫情關係，多個週末係屋企食外賣，今個星期六決定一洗頹氣，和我又一城市大學畢業的仙氣女友重遊她校園的White Zone 食tea，然後...再...翻屋企食晚飯。我們order 了西炒飯及瑞士雞翼XO醬撈面。女朋友食左個西炒飯，佢覺得個飯個濕度同鑊氣balance得好好，份量夠，同材料新鮮，個飯唔似係隔夜飯，好飽肚。而我食嘅瑞士雞翼撈面，個面有少少辣辣地，好野味，雞翼甜甜地可以中和個辣味，個配搭很有層次，雞翼都好滑，但唔會好肥，都好好味，喜歡的朋友可以一試！

經友人推介又一城皇后餐廳，話說是質素和份量也有保證。餐廳內格調有氣派，水晶燈加上柔和光線，抒人舒適高雅的感覺。美國西冷牛扒餐羅宋湯十分足料，餐包也新鮮熱辣。焗田螺黑松露薯蓉有四大舊，田螺配薯茸簡直是絕配， 值得推介。大蝦薯仔沙律適合愛輕食的女士們，賣相別緻，十分清新。主菜是美國西冷牛排厚厚的，肉質不錯，不會太淋不會太韌，煮得剛剛好， 足10安士， 配菜也相當不錯。焗豬扒飯 豬扒是厚厚大大舊，很juicy，配上相當多的蕃茄和蔬菜，焗出來香噴噴熱辣辣。串燒西班牙黑毛豬柳有三大串，黑毛豬之間有菠蘿紅椒之類的蔬菜夾雜著，去了一点肥膩感，黑毛豬充滿肉汁，配上大大份薯角，滿滿大滿足。

星期日同屋企人食個晏😌皇后餐廳聽就聽得多，但真係未食過😂😂一點令鐘黎到排隊排左15分鐘左右，比我想像中快，四個人每人叫左個lunch set🤤先送上餐湯及餐包😚暖笠笠既餐包食完胃口大開😌😌白湯好忌廉，飲落有啲漏，紅湯就辣辣地，反而我比較鍾意🤣A美國牛肩扒 跟意粉薄薄既牛肩扒，韌左少少🤭呢個一般D英皇雞飯貴價版kfc白汁雞皇飯😂😂😂雞件幾多幾滑，係唔錯既👍🏻G比目魚配芥菜忌廉汁 跟薯菜薯條一啲都唔脆🤣軟林林亦唔係熱既，比目魚幾juicy😌可能因為冰鮮所以毫無鮮味😂😂唔靠個汁既話，係一啲味都無！C鮮茄焗豬扒飯可能因為即焗，我地都等左廿分鐘左右🤣又諗起某餐廳既焗豬扒飯🤤🤤豬扒大塊有啲厚度，但肉質幾稔係幾好味，個炒飯粒粒分明乾身，配埋汁醬係唔錯😋至於服務方面，有個操唔正廣東話既呀姐，態度真係麻麻🤭落單時我呀媽問多幾句餐牌既野，及猶豫食咩既時候，個呀姐以唔耐煩既口吻話：你決定好先叫我啦！ok或者我呀媽真係唔應該晒你時間，不過如果你態度語氣可以好啲，成件事接受度會大左囉😒食物質素不過不失，有讚有彈😂不得不提伴菜既紅蘿蔔好清甜😂😂好好味！難得小朋友都清晒！西蘭花煮得好奇怪，唔係太硬唔係太稔，係煮到好

一講老店，九藍一黃，皇后飯店就係難得嘅例外。呢間店始於1952年嘅俄國菜館，開業同年正值英女皇伊利沙伯二世登基，因而取名Queen's Cafe。佢哋早喺「黃色經濟圈」出現前已表態，老闆亦唔會用食鹽多過你食米嘅態度去看待年輕人，相當有個性呢！好古色古香嘅環境，食飯感覺寫意～呢度裝修，好似十九世紀、歐洲大宅嘅感覺。佢哋經過一輪嘅結業、重開到遷舖，直至現時共有3間分店，而今次我就幫襯年份最悠久嘅又一城分店。 呢度裝修二十多年都無變過，lace窗簾、大量深色木雕飾、白牆、垂吊水晶燈.....洋溢著濃濃嘅古老大宅氛圍。另外，我好鍾意呢度嘅食物，仍保留濃濃嘅五、六十年代港式＋俄國扒房風味，好似用鐵盤直上嘅法式焗田螺、足料羅宋湯、經豉油提味嘅肉扒、俄國風咖哩等等，好有小時候嘅味道！今次我跟男朋友就order咗廚師推介牛柳套餐及大蝦咖哩意粉，說實在，呢度食飯唔平，但味道絕對得住個價，食完都仲有encore衝動！牛柳外脆內軟，食上口好Juicy，相當高質！七成熟，中間係漂亮嘅粉紅色，煎得幾好～跟餐送焗田螺～肉比較少，香草過多～後而底層薯蓉更好味～有啲後悔無叫羅宋湯～呢度羅宋湯比白湯出名～ 廚師推介牛柳

今日和老婆, 外父和外母往九龍塘又一城皇后飯店食俄國午餐。我們點了鮮茄焗朱扒飯, 俄國紅酒膾牛仔肉、白汁燴牛和鐵扒雞餐。點餐後餐廳侍應奉上牛油方包和火腿忌廉湯。牛油方飽食落軟綿, 火腿忌廉湯溫度適中, 火腿香濃和忌廉香滑。鐵扒雞餐雞扒煎得金黃,份量大份, 雞扒食落香脆, 雞肉肉質鮮嫩, 配上黑椒汁食落惹味, 口感十足, 配菜有甘筍和西蘭花食落新鮮爽口, 白飯食落軟綿；最後凍奶茶茶味香濃, 奶味香滑, 整份鐵扒雞餐食落美味豐富, 口感十足。外父點的焗朱扒飯, 朱扒肉質軟腍；太太點的俄國紅酒膾牛仔肉紅酒味香濃食落開胃, 牛仔肉肉質味濃, 入口即熔；最後外母點的白汁牛份量十足, 有四大塊, 食落爽口美味。餐廳座位舒適, 食物美味, 份量十足, 我們食了一頓高質俄國午餐。

相約朋友喺又一城食飯, 決定去歷史悠久嘅皇后飯店, 覺得比商場其他西餐廳性價比更高。餐廳擺位闊落, 完全無隔離枱傾偈太嘈嘅感覺, 亦欣賞餐廳為客人貼心地預備暖水和口罩收納封套。食物方面基本上整體可以話冇得彈雞沙律本身以為類似凱撒沙律, 但原來係薯仔沙律, 但亦冇令我哋失望沙律口感幼滑開胃, 雞肉片肉質鮮嫩。洋蔥豬扒豬扒大塊, 稔得嚟又juicy! 薯條粗身有口感, 蔬菜份量亦唔少焗豬扒飯新鮮焗製熱辣辣, 炒飯粒粒分明夠乾身醬汁濃稠適中, 調味自然, 明顯食得出唔係用茄膏製成。茄汁鋪滿整個飯面, 而且豬扒、蕃茄、洋蔥、蘿蔔等配料好慷慨。