皇后飯店 (已結業)

下晝冇嘢做就走去又一城行下，都五六年冇嚟純粹想睇下個鐵罩商場係點，不過嚟到已經冇曬鐵罩。將商場成個行勻曬 ,跟住搵凍檸茶，見到呢間有埋西多士，咁岩想食。 兩點幾行過冇乜人，到三點先正式去食，排隊排幾耐排排左三十分鐘先入得。原來係有下午茶餐廳怪唔之得咁多人。 輕輕咁飲咗杯凍檸茶同西多士，冇乜特別。不過帶位個阿叔就幾有脾氣，入餐廳要量溫度同搓手液 ,大家都慣哂手續，我行緊之際，阿叔好惡話"唔使我講啦！自己自動波做啦！"我即刻火黎，話返佢囉"阿叔唔使咁急呀，我行緊入黎咋，唔使你講我都識做既！ 好彩之後坐低咗，幾個女仔服務員就好正常。