皇后冰室 (已結業)

冰室喺一種回憶，舊式嘅裝修加埋懷舊嘅食物，總令人懷念今日經過旺角發現有間皇后冰室，於是入內一試午餐有多款，有餐湯、蒜蓉包，主菜及餐飲，價格比同區稍為貴左少少紐西蘭size 比預期細塊，牛味尚可，不過，中間部分有少少筋，薯角香脆美味

喺旺角揾食，覺得門面裝修都ok，又見門口餐牌好似幾抵食，据扒、risotto 、墨魚麵等包埋餐湯同茶都係大概$100，一於入去試吓啲野食得唔得先。室內陳設都可以，有啲懷舊感覺，但梳化座椅有啲爛爛地。我地6點幾到，係第一枱客。餐牌上所有主食都附送餐湯同茶。另外，主食加$29仲有兩款小食! 係兩款!! 我地揀左白汁西蘭花同法式田螺，田螺冇餐牌上影得咁靚，走埋一堆， 但味道還可以。西蘭花上枱時啲汁仲滾緊，熱辣辣，但就林左少少。兩款小食份量都唔少，$29真係好抵食。主菜其中一份點左雜錦鐵板燒，好似去左舊式扒房咁，鐵板燒可以配飯、意粉或薯菜。份鐵板燒唔算好大堆頭，豬扒幾林幾好味，薯菜仲要係我最鍾意嘅薯角! 另一份主菜點左大蝦墨魚麵， 賣相都幾好，蝦燒得唔夠香，個墨魚麵加左啲菇一齊煮，好味有口。餐茶加錢轉左即磨咖啡，但咖啡淡到好似水咁，早知飲返普通咖啡算餐廳整體黎講不過不失，抵食係呢間餐廳嘅賣點，走時餐廳都爆滿了。其實只要清晰自己定位，捉得緊及放大自身嘅價值，總會有屬於自己嘅市場。

服務差食個什扒餐配意粉!雞扒乾而冇味,豬扒硬而冇肉汁,意粉難入口成個餐最like得條德國腸,個酥皮湯得塊皮碗湯又唔夠熱,要排隊成30分鐘,2個人食仲要成300幾下次咪鬼預我!

好失望~好嬲~同朋友兩個人去食~一開始上蒜蓉包~塊包好似俾人咬左啖咁~叫侍應來換~那位侍應望到塊包都忍唔住笑左下。我唔該前唔該後~佢地就一句唔好意思都無~之後我地叫左個牛柳餐~到上牛柳那一下我呆左~size就好似張相咁~我朋友那個都仲好少少~我那塊真的細得誇張(如圖),我雖則切左一塊~但都決定放返上去影左相先食~食左一啖~同以前的味道差好遠~~完全普通茶記質素~~支持左佢地咁耐~依家真係好失望......我想俾大家知道依件事~大家自己衡量下~依個份量,依個質素,依種態度~仲值唔值得大家去食?

今晚同同學去食呢間餐廳，叫左個波菜天使麵，算係比較輕盈少少，芝士味唔太濃，味道唔錯，其他菜式方面，蛋包飯賣相好，冇咩負評，但係焗意粉味道比較淡，唔算太好食，至於意大利飯味道唔算太有亮點。如果再去，蛋包飯係一個唔錯的選擇，餐廳雖然有意大利菜，但係份量都比較多，應該都比較。裝修方面都幾有特色，食客甚至望到廚師煮食的情況， 不過座位比較迫，而且等位等左比較耐，唔適宜心急的食客，不過我地5個人可能要等耐D，兩個人可能好易搵位。

由於家中小狗食曬狗糧, 同老婆臨時臨急去太子金魚街一帶補倉. 因為月尾有D山窮水盡,  就去左抵食夾大件既皇后冰室. 晚餐平均約80-120元左右. 我叫左煙三文魚天使面及焗豬扒魚柳飯 +$29要兩個小食. 小食的蜜糖雞翼有兩隻, 係炸好左再抹少少蜜汁既做法,  其實炸到有D硬, 不過因為夠熱同蜜汁甜度適中. 所以整體可以接受. 而另一小食薯蓉田螺就好抵食, 大大粒, 薯蓉好SMOOTH, 比EUROGXGX 仲好食.  煙三文魚天使面保持水準. 煙三文魚好多, 配上淡淡的白汁岩岩好. 因為太CREAMY, 我食完個粉同田螺已經十分飽.  豬扒魚柳飯老婆話一碗兩個食法幾好, 可以紅溝白就唔會怕好酸, 面豬扒同魚柳各有2-3塊, 豬扒少少硬但尚有肉汁, 魚塊就厚粉. 只屬一般.埋單只需二百鬆絕對係可以飽肚之選, 不過環境就好狹窄, 檯同檯之間超窄，同搭檯差無幾. 而且因為檯細侍應會成日催食野同催收野咁, 好似茶記式SEVICE. 

在附近玩樂完畢，想不到金華冰廳，四時半還有很多人在等位，華星冰室又人頭湧湧，於是來了皇后試一試。不要以為這個綠色的階磚，是舊式茶餐廳地下啲階磚，其實是桌面上裝飾的階磚，懷舊味十足。朋友的燒雞凱撒沙律反而最耐，很明顯是等埋其他的訂單一起做，所以才會等這麼久。朱古力蛋白西多士，排列整齊，一塊塊長方形猶如琵琶豆腐的西多士，排列好像金字塔一樣，以擺設取勝。有點兒肥膩，有點兒滯，味道不太感覺到蛋白味道，以少許朱古力醬提供甜味，但外皮好像有點兒太厚，結果吃到很飽。而咖啡味道不算太香濃，沒有甚麼香味。特集之不收五豪想不到，舊日慣用的五毫硬幣，原來經已不再受歡迎。不論「在硬幣背後」的是英女皇頭，或是洋紫荊，皇后冰室一律不收。即使本人堅稱，「如果你不收毫子，我便沒有其他錢了」。店員便立即回答「那你可以用信用卡付款」。果然夠絕，結果我真的以信用卡付款，沒法子，人家堅持公司policy，無謂要人難做大吵大鬧；但我也堅持，如港府仍以毫子為合法貨幣，那麽商店理應接受😛。

好耐冇試過向女人街搵食, 讀書時代成日都黎, 因為好多平靚正選擇闊別多年好多餐廳都轉晒樣了, 經過呢度, 見到門口貼滿雜誌介紹同採訪, 好似OK 咁雖然門口冇人等, 但裡面己經滿座了, 都要等一陣先有位餐牌都幾多唔同選擇, 加29蚊仲可以配2 款小食我地加左炸春卷同雞翼, 2 款都唔錯呢度的枱面設計都幾有特色餐湯都加錢轉左一個穌皮, 味道正正常常黎到主食 - 吉烈豬扒蛋包飯 (HK$78) , 配左咖喱汁好大份, 一定食得飽, 而且個咖喱汁幾惹味, 撈埋飯食真係可以食晒成碟飯 ( 我反而食剩豬扒)另一個主食係海鮮意大利飯, 相對咖喱蛋包飯, 呢個就顯得普通左D, 不過味道都唔差~食物賣相味道都唔錯, 坐落都好舒服, 好過好多旺角餐廳, 而且價錢合理, 可以再試

Lunch time見呢間唔洗等位，於是一行5人入去食位，勁窄，坐得勁唔舒服野食，唔得，我點左個雞扒凱薩沙律太多沙律醬，搞到d菜勁肥勁油咁碗底既菜仲俾d沙律醬浸到林曬d雞扒，都係又肥，又油我覺得可以吸返少少油先上碟沙律醬已經油，再加埋d雞油，成個感覺肥膩到不能肥膩既地步其實lunch 會點沙律,都係唔想太heavy而呢間舖可以令個沙律清新少少感覺都無另外跟餐飲，凍檸水少冰d冰依然無少過服務方面，每個阿姐態度勁唔耐煩門口無人等位都勁快擺低張單，想我地埋單又放定下一輪既餐具係我地枱面好似想趕人走咁唔會再黎呢間

店員落錯單之後沒有跟進，同類柯打比哂其他枱唯獨不理會本人的，而且態度更非常惡劣，店員瞪視表現令人客覺得不安，排隊時亦沒有看到有店員維持秩序，插隊情況不時出現，食品方面餐湯忌廉湯好重奶粉味，未食主菜已經沒有胃口。

由於心血來潮，1月1號放假就打算陪太太食個午餐，而太太比較注重餐廳店內嘅環境多啲，而味道就較為其次的，而小弟就將店員態度同味道都看得比較重要的。言歸正傳，紅日旺角比較多人係意料中事，而此店亦有人在門外排隊，咁我地都排啦，因為太太喜歡店內的環境，排了大約十分鐘就有位啦，入到去被安排了一個角位坐，比較近廚房出菜位，唸住近廚得食,可惜呢個唸法係大錯特錯的，由於我地在排隊時己經諗孚食咩，所以我地一坐低就可以落order,我地落左兩個意粉，等了大約十五至二十五分鐘，飲品，湯，麵包都分別前後送到，唯獨是個意粉餞我特別勞氣，因為當我地落左order后大約五分鐘，旁邊就來了兩位客人，我留意到其中一位order的，係同我太太一樣，此店果然無令我失望，佢真係等埋一次過炒同一碟意粉，我地當時大約己經等了二十分鐘以上，己經覺得有妥，點知事情係一浪接一浪，旁邊另一位人兄遲過我落order，竟然可以快過我食，真係聽就得多，發生在小弟身上都還是第一次咁我當然就示意店職員我個餐未到，點知店職員一轉頭望住我的時候，咀呢就咬住香口交同我講(有單架啦，)，之后篤左兩下電腦就咬住香口交咁走左去，完全無入廚房幫我睇一睇，最后個

折檯膠凳營造出平民抵食之感，但事實上偏形式主義。。。78蚊dinner set得個大件，味道還不及五十蚊大家樂水準，牛排凍概而且無味，spaghetti係ikea質素，lasagne係mark&spenser質素，餐後奶茶澀到喊。。。okok，我信238set一定會好好D，但係2XX完全撿到環境食物皆靚的地方lor。。。

第一次光顧和老公各點了一個set dinner老公點了煙三文魚蟹肉野菌天使麵我則點了地中海香草烤焗比目魚柳意粉加$29有薯蓉田螺及瑞士雞翼like fb page送煙三文魚沙律餐湯選了忌廉湯奶味超重呢！不太對我的口味啊>.<"薯蓉田螺,,份量ok,,薯蓉蠻香的！瑞士雞翼,,略鹹了一點！煙三文魚沙律,,醬汁味道調配得恰好,,不過不失煙三文魚蟹肉野菌天使麵,,幸好這主食的忌廉汁味道不會像湯一樣奶~反而調配得不錯！吃到最後也不會覺得膩！地中海香草烤焗比目魚柳意粉,,整體份量很多！比目魚烤得焦香的,,很惹味！但肉質仍很嫩滑啊！不過這碟意粉不及天使麵那樣吸收醬汁的味道所以只是比目魚的部份較好吃呢！主食的味道挽回一點失色的分數吧！

鐵板有多條大裂紋，令殘餘物(黑色小點)如燒焦物跌到飯上，令人食欲不增反減……另外，咖啡沒有咖啡香味；坐位亦後窄，根本不能舒服地進膳……如果要再幫襯，真係要諗過先……

是日兩個人食飯，未食完已經比人叫埋單，又放定下一手餐牌餐具在枱上，同侍應講無叫埋單，佢竟然答我: "你鐘意座可以座埋一邊"。嘩…咁既態度都有，我杯野飲仲未飲完，你擺明趕我走，我兩點半未夠入座，望一望錶，你3點就趕我走，完全唔知咩事，之前幾次食都唔係咁。伙計轉左就出事。本應食完就算，但諗諗外都係要寫出來等你間野回應一下。