百川薈

营业中

休息中

我哋揀咗新鮮鱸魚🐟，配蒜蓉口味。一上枱，成條魚烤得金黃香脆，蒜蓉嘅香味撲鼻而來，真係令人食慾大增！😋 魚肉鮮嫩多汁，蒜蓉味十足，真係好正！💯 而且份量都好多，兩個人食都夠晒！我哋仲叫咗個手切安格斯肥牛🥩🐮！肥牛嘅油脂分佈均勻，肉質鮮嫩，淥一淥就食得！😋 配埋烤魚嘅醬汁，更加惹味！👍🏻另外，我哋仲加咗個粗薯粉🥔！薯粉吸收晒烤魚嘅醬汁，口感煙韌彈牙，真係好正！🤤 飲品方面，我叫咗杯桂花園肉菊花茶🌼，朋友說。桂花園肉菊花茶🌼清甜解渴，帶有淡淡嘅菊花香，飲完好舒服！😌

喺佐敦，有間叫百川薈嘅餐廳，最近真係吸引咗唔少食客。佢哋嘅鍋物同肉類好高性價比，特別適合鍾意食肉嘅朋友。以下就分享我試過嘅幾款招牌菜。首先要講嘅係$168（半隻）百川秘制雞煲，呢個真係好好味！半隻雞煮得剛剛好，肉質滑嫩，雞皮仲有啲脆脆嘅口感。微辣嘅味道恰到好處，唔會太辛辣，反而令雞肉嘅鮮味更加突出。然後就係$168手切安格斯肥牛，呢個細份對於肉食者嚟講真係一大享受！牛肉切得厚薄適中，肉質鮮嫩，咬落去有種滿足感。搭配特製醬汁，味道更加出色，雖然係細份，但絕對可以滿足你嘅肉類渴望。最後，$118金絲蔥油雞都唔可以錯過！半隻雞用金絲蔥油醃製，味道清新，雞肉嫩滑又多汁。蔥油嘅香味滲透入雞肉，食落去又唔油膩。百川薈嘅菜式多樣，味道出色，價錢合理，真係吸引咗唔少食客。如果你喺佐敦一帶，記得親自嚟試下呢啲美食，肯定唔會失望！地址：佐敦德興街2號地舖-百川薈

今日朋友話想打邊爐，朋友話佢樓下呢間百川匯雞煲好正，所以專登去試吓！首先，我哋叫咗半份雞煲，份量啱啱好，兩個人食都夠晒！雞煲嘅醬汁好惹味，甜甜辣辣咁，煲到時間夠店員就會過嚟幫你開蓋，雞肉好嫩滑，唔會鞋口！打邊爐嘅配料，我哋叫咗頂級安格斯肥牛🐮、**油麥菜🥬、蝦滑🦐 同埋 烏冬。頂級安格斯肥牛油花分佈均勻，肉質鮮嫩，淥一淥就食得。油麥菜好新鮮，淥完之後仲好爽脆蝦滑彈牙，食得出係真材實料最後，我哋將烏冬放落湯底裡面煮，吸收晒湯底嘅精華。喱到總體食物質素不錯，價錢合理！最重要係唔太趕客，絕對係同朋友聚會嘅好地方！

呢間鋪燈光夠光猛，坐位又闊落，枱與枱之間唔會逼手逼腳，好啱一班人圍埋打邊爐吹水，一坐就坐左3個鐘。叫咗個半隻百川秘制雞煲，揀左小辣。一上枱已經聞到陣陣香氣！湯底用咗多種香料同藥材熬，濃郁得嚟帶微微甜味，小辣真係唔算辣，啱晒我呢d中意食辣得黎又食唔到好辣既人，朋友試咗兩舊雞後都覺得下次可以試中辣。雞煲上到枱後再加熱，先會熟，唔係一早煮好晒，所以雞肉煮得啱啱好，肉質嫩滑又入味，連皮食仲有啲焦香，好正另外仲叫左手切安格斯肥牛，份量正常。牛肉油脂分布均勻，輕輕碌幾秒就食得，入口即溶，牛味濃得嚟唔會膩。鮮蝦滑同牛筋丸都好正。蝦滑彈牙又食到粒粒蝦肉，牛筋丸咬落爆汁，仲有啲筋位增加口感，真材實料。油麥菜同稻庭烏冬就係完美收尾，烏冬吸晒雞湯精華，嗦一聲滑入喉，滿足！ 晚市仲有好多小食同盤頭飯揀，望到格尼枱，碟頭飯都有鑊氣。

最近去咗佐敦嘅百川薈食晚飯，整體感覺都幾滿意，呢度環境光鮮企理，坐得舒服，服務都幾貼心。 🥢百川秒製雞煲（半隻、微辣）雞肉嫩滑入味，醬汁香濃而又唔會過鹹，微辣嘅程度啱啱好，好惹味，食到停唔到口😆 🥢手切安格斯肥牛等雞食得七七八八之後，我哋就將手切安格斯肥牛放入去煮；牛肉片切得厚薄適中，煮完之後仲保持到嫩滑嘅口感，同雞香辣醬汁融合得好好，唔使點任何額外醬料都好好食👍🏻🥢豉汁蒸大鱔鱔肉鮮甜嫩滑，豉汁調得好夠味，但又唔會蓋過鱔本身嘅鮮味；蒸嘅火候啱啱好，冇過熟，呢道菜食完真係回味無窮。 🥢麻辣牛展麻辣牛展就比較適合鍾意重口味嘅朋友，麻辣味道香而唔辣得過份，後勁有啲微微嘅麻痺感，好正！

食物又差，服務又唔掂，所謂出名嘅酸辣豬扒米線，廚師推介，得表面上嘅味粉有味，成塊豬扒都冇味，塊豬扒仲唔係一塊塊，而係一嚿嚿，都唔知呢度40幾個like係點樣嚟😓。.手機點米線，唔記得配嘢飲，散點后問佢可唔可以改返餐飲，嗰個疑似老闆娘嘅物體即時鬧，其實唔使咁惡，可以大大聲聲唔好改嫁麻，食餐飯啫，扯晒火為乜？😑😡全店普通話人處理，認真係咁上下。價錢唔算貴，但唔好食囉。.豬扒超唔掂，米線都唔好食。（最差）生菜個樣好衰，但味道唔算十分差。（合格）碟鱔問咗佢係咪新鮮，佢話係 🙄🙄🙄（差）

今日去咗佐敦呢一邊同朋友食飯，咁啱我哋都減唔到餐廳，所以就去咗呢一間上網見到食雞煲都幾好食嘅餐廳，餐廳唔係任飲任食嗰隻，但係我見上網嘅評價同埋食物質素都非常好，所以就決定去試吓，餐廳位置都非常方便喺地鐵站行過去大概都只係需要3分鐘嘅時間，食完走都非常方便，而且附近仲有巴士站！當然要叫佢嘅雞煲，非常惹味，我同朋友都覺得非常有鑊氣嚟到嘅時候已經非常香同埋賣相都好靚仔，見到佢嘅份量都非常爽我哋兩個人都應該食唔晒，價錢嚟講亦都唔算貴，今日叫咗一個套餐仲有包一碟肥牛，另外亦都有生菜，同埋佢嘅餃子，嘢飲方面都有！呢個價錢我覺得比起出邊嘅放題仲要平，因為我哋始終都唔食得多，比較注重質素！質素嚟講，我哋覺得非常好食，除咗有鑊氣之外亦都非常惹味，味道嚟講，其實真係冇得頂，我哋都非常鐘意肥牛嘅質素非常高，係採用咗美國嘅牛肉，餐廳嘅擺盤亦都非常靚仔，牛肉大概放入個鍋度幾秒就可以食到，整體嚟講我哋都非常鍾意，而且佢嘅雪花分布比例，我哋都覺得唔錯，絕對唔係低級嘅！冇諗過喺呢一度都食到呢一個質素嘅，令到我哋都覺得非常有驚喜！值得一讚嘅係餐廳嘅老闆非常客氣，不停幫我哋加湯/茶，好難得有餐廳咁客氣，下次有機會返嚟再食

佐敦一帶不乏美食，只系一向比較少人留意呢個地區，一位住佐敦嘅朋友就推介咗我一間餐廳，菜式富有港式風味，仲好有鑊氣🔥招牌豬扒真不愧為招牌菜，豬扒味道頗濃郁，味道還原中國風味，肉質軟稔中帶嚼勁🐷百川秘製雞煲🐔揀咗微辣，辣度符合微辣，雞肉嫩滑，醬汁亦夠滋味，兩個人食半隻雞已經好足夠。手切頂級安格斯肥牛🐮聽落都知正野😆油脂部分頗多好肥美，但又冇因為咁樣影響咗本身嘅牛味，加湯整熟佢味道不錯。冬天緊系食番個煲仔飯🔥蒜蓉開邊蝦煲仔飯🦐香芋飯底拼臘腸，蒜蓉開邊蝦蒜蓉好入味🧄開邊蝦爽口彈牙又新鮮。飯底有一粒粒香芋幾軟綿☺️臘腸充滿港式風味。

餐廳位置好方便，就喺佐敦站E出口步行一分鐘就到，入到去環境乾淨企理，服務員都幾友善。今次我哋點咗幾款菜，其中香辣雞煲、安格斯牛肉都係menu入面推介嘅。首先講吓香辣雞煲，呢個真係佢哋嘅招牌菜，上枱時熱氣騰騰，香味已經扑鼻。雞煲入面有新鮮雞件，肉質好嫩滑，完全唔柴，咬落去仲有汁，應該係新鮮雞先做到咁。配料有芫荽同蒜頭，芫荽加咗一陣清香，蒜頭就帶出濃郁嘅香氣，兩者同雞肉好夾。香辣口味，微辣帶鹹香，層次感豐富，我同朋友都忍唔住連配料都食晒。😋之後試咗安格斯牛肉，呢款係手切嘅，肉質真係無得彈，鮮嫩多汁。油花分佈好均勻，涮咗幾秒就食得，入口即溶。厚度切得啱啱好，唔會太薄食唔出肉感，亦都唔會太厚煮唔熟。配雞煲湯底一齊食，牛肉吸咗啲辣湯汁，味道更提升咗一級。我本身好鍾意食牛肉，呢碟真係令我好有驚喜。🥩我哋食飽咗之後，就叫咗碟菜心，食落去清新又解膩，尤其配啲濃味嘅肉類，係個好平衡嘅選擇。🥬另外仲有小小頸渴就嗌咗凍奶茶，茶味都幾濃郁，平時啲舖頭剩係得汽水，呢度就有檸茶檸水嗰啲可以揀，選擇都幾多。🥤

突然又凍番🥶想食啲熱辣辣嘅嘢暖吓身都好正常！所以是晚同屋企人揀咗去食烤魚👯‍♀️望望餐牌又有火鍋又有小炒都幾正！仲見到餐廳內好多人叫雞煲添～下次都想試吓！.✨烤鱸魚 $238因為屋企人唔食得辣～所以揀咗蒜蓉🧄口味!唔會太重口味!鍋底已配有蓮藕、蘿蔔、大豆芽、福花菜～材料豐富！原條先炸過嘅鱸魚仲肉嫩唔腥～🐟滋味！！.✨手切頂級安格斯肥牛 (小) $168👍🏻雪花紋理一級棒！而且牛味突出🐂兼肉質軟嫩～鍾意食牛嘅朋友唔好錯過哦!!.✨蒜蓉炒豆苗 $78豆苗依然當造😍😍青翠新鮮！炒得有鑊氣之餘～仲加入咗蒜蓉及炸蒜同炒～令美味度昇華！！.✨可樂 $12+$3加埋冰底～邊食邊飲解渴爽快🥤一樂也！

📍 百川薈 (佐敦)佐敦德興街2號地舖👉 百川秘制雞煲（一隻雞）💰268😋😋😋😋.8/5百川秘制雞煲真係一絕！雞肉煮得非常嫩滑，配合特製的醬汁，味道濃郁，非常入味。鍋底的湯汁又香又濃，整體味道層次分明，令人一口接一口，根本停唔落嚟👉 泡椒酸菜烤魚(新鮮鱸魚)💰238😋😋😋😋.7/5泡椒酸菜烤魚用的新鮮鱸魚真係好正，肉質滑嫩，烤得恰到好處。泡椒的酸辣味與酸菜的清香非常搭，令魚肉更加鮮美。每一口都有魚的鮮味和調味的香氣，實在令人驚喜，值得推薦！👉 瑤柱蛋白海鮮粒炒飯💰78😋😋😋😋.7/5瑤柱蛋白海鮮粒炒飯色香味俱全，米飯粒粒分明，炒得非常香。瑤柱的鮮味加上蝦仁的爽滑，讓整道炒飯口感豐富。蛋白的滑嫩更是提升了整體的質感，吃完令人口齒留香。👉 百川薈小炒皇💰98😋😋😋😋.6/5百川薈小炒皇係一道非常合心意的炒菜，選材新鮮，加上韭黃，炒得色澤誘人。調味方面也非常到位，既保留了食材本身的鮮味，又有一點點的香辣，讓人食指大動，適合配飯回頭：yesyesyes，總括來講，呢幾道菜都非常好味，無論味道都能夠俘虜食客的心，特別係個雞煲，差唔多每一台都叫，值得再嚟一試！

涷涷地食雞煲就岩哂啦🤩🌟百川秘制雞煲 (半隻，微辣)半隻份量都好多，加埋其他配料同小食就岩岩好😍一打開個蓋就聞到好香雞煲味，雞件好滑嫰，一啲都唔會係鞋，而且個醬汁真係好好食，係會令人上癮😍已經諗定下次再想食雞煲一定要嚟返呢間！😍基本上每兩枱就有一枱會叫呢個雞煲，證明我真係冇叫錯😍🌟手切安格斯肥牛🥩安格斯肥牛油脂分布均勻，入口即化，再加埋雞煲嘅醬汁，令人一塊接一塊咁食🌟麻辣牛展$36有6舊，而且每一件都好厚，呢個價錢真係好抵！唔會韌到咬唔開，而且麻辣味令到更加開胃，同埋唔會遮蓋咗滷水汁嘅味道😍🌟香茅豬頸肉唔會煎炸得好乾，肉質鬆軟，但係外皮又酥脆，呢個都好好食😍🌟百香珍味蒜香骨最少都有6-7舊，每一舊都超大舊，肥瘦相間，唔會韌到咬唔開又唔會太油膩，而且大量嘅炸蒜鋪面，真係好香😍🌟凍西洋菜蜜🌟桂花圓肉菊花茶第一次見有呢個嘢飲，望落好清熱所以就叫左🤣 唔會太甜又有桂花嘅香味，值得一試🌼

鑊氣鑊氣，成日都聽人提呢個terms，到底係乜野意思？我成日覺得呢種味道好抽象，好難去形容佢，但當你一入口，你就會feel到有同無既分別，一試便知龍與鳳，呢間「百川薈」絕對係鑊年之王！👇🏻📌招 牌 推 介 -▪️ 百 川 秘 製 雞 煲 - $168▫️ 第一道必試「百川秘製雞煲」，2條友嗌左半份雞，份量比想像中豐富，入口醬汁滿滿，揀左微辣都夠哂惹味，雞肉軟腍入味，完全唔乾身，仲好juicy，送飯一流。▪️ 手 切 頂 級 安 格 斯 肥 牛 - $168▫️ 食完雞煲跟手即刻加湯整返個「手切頂級安格斯肥牛」，一上枱就咁睇賣相都知靚野，雪花紋路夠平均，輕輕灼10幾秒，即刻入口果種爽滑真係難以用筆墨形容，呢個價錢絕對係性價比高！▪️ 瑤 柱 蛋 白 海 鮮 炒 飯 - $78 ▫️ 估唔到呢個「瑤柱蛋白海鮮炒飯」幾有驚喜，炒飯夠乾身，真係好夠鑊氣，海鮮配料又足，蝦肉新鮮爽甜，蛋白夠滑溜，整體兩個人share岩岩好，呢個一定要試！▪️ 麻 辣 牛 𦟌 - $36▫️ 最後試埋個「麻辣牛𦟌」，牛𦟌食落煙韌爽口，辣辣地過足口癮！

喺佐敦買完嘢 搵嘢食嘅時候見到有一間餐廳入面有人食緊雞煲好香😍天氣咁凍 想食返啲暖笠笠嘅嘢我哋都叫咗一個雞煲食 - 半隻雞雞煲嚟到之後焗一陣就食得啦 職員會周不時過嚟幫你睇吓食得未 好細心我哋叫咗中辣 佢唔係死辣嗰一隻 香味比較重雞件滑 分量比想像中多 雞煲醬調味得好好👍🏻就連雞煲入面嘅洋蔥都好甜 ♥️兩個人食半隻夠晒 之後再加火鍋配料打埋個邊爐打邊爐點少得響鈴呢一樣邪惡嘅食物😎😎未加水之前即刻落幾舊響鈴嗍晒啲雞煲醬汁😍我同朋友都係牛魔王點少得牛肉呀手切安格斯肥牛半份 肥牛紋路好靚 濃濃牛味台山鮮蠔 隻隻都好肥美 好surprise🤩🤩🤩見到隔籬枱叫煲仔飯 我哋都好想食 不過真係太飽啦 等下一次再試吓先👀

位於佐敦地鐵站附近的百川薈，真係一間不得不推薦的餐廳！當日同朋友去到呢度試左佢哋嘅古法黃鱔煲仔飯，只需$75，再加上香芋飯底，更添風味。拼高蛋牛肉只需額外$10，而選擇飲埋忌廉$12亦都係絕配選擇！百川秘制雞煲無疑係呢度另一個亮點。用三黃雞配合秘製麻辣醬料，一啖入口馬上感受到幾層次嘅麻辣滋味，鮮嫩肉質令人意猶未盡。如果你鐘意食牛，好推介佢哋手切安格斯肥牛（細份）只需 $168，油花分布平均，睇落已經好吸引，加埋湯底浸一陣，就能體驗到濃郁嘅牛肉香。另外，我們亦試了椒鹽鲜淮山 $35，爽口彈牙，非常惹味。而且因為想要健康少糖，我仲叫了杯無糖可樂($12) 嚟解渴。喺呢度唔單止食物質素高，而且款式多元化，全日免加一服務費，又有闊落舒適座位，大圓枱更適合同啲朋友仔過嚟打邊爐或者聚會！總結黎講，百川薈絕對值得再訪，不論是想輕鬆小聚還是大快朵頤，都可以滿足您各種需要。下次一定帶埋更多朋友過來分享這些美饌佳餚！