影片
以上资料只供参考，请与餐厅确认详情
食家推介
佐敦行街经过德兴街，见到一间新开餐厅“百川荟”绿色门面招牌好抢眼，餐厅装修清洁高雅座位宽敞，餐厅主打辣鸡煲/火锅/烤鱼,仲有好多菜式小炒粥粉面饭，可以选择.服务员招待殷切,而且厨师用心制作质素高.招牌百川秘制鸡煲🐓半只 $168服务员即场用砂锅炒制鸡件味道香浓，有非常多香料加入花椒、八角、桂皮、荳蔻、香葱、芫茜、洋葱，仲有百川荟秘制酱料,用新鲜三黄鸡做鸡煲肉质鲜味嫩滑弹牙，招牌鸡煲实至名归好食惹味😋手切顶级安格斯肥牛🐂小份$168师傅手切肥牛刀工非常好😍,片片厚薄差不多，安格斯肥牛雪花纹理清晰，用食完鸡煲酱料最加上上汤，用嚟打边炉一流，将肥牛放落汤底几秒钟已经可以食😋,顶级安格斯牛肉质肥美牛味浓👍豉汁蒸大鳝例牌🪱$128大鳝肉质肥美，用蒜头豆豉蒸，非常惹味😋🌶️麻辣牛展$36卤水牛展软淋香滑，加上麻辣酱料，新鲜青瓜口感一流🥰
继续阅读
喺佐敦地铁站行几分钟就到嘅「打冷」铺呢间餐厅食物种类非常多鸡煲 烤鱼 羊腩煲 煲仔饭 炒小菜 米线 样样都有！😱对面仲要系酒店啱晒啲游客夜晚心思思想食地道小炒又唔想行咁远呢间餐厅可以一次过满足晒咁多愿望😎顺带一提啲侍应姐姐全部都态度好好喺度真系feel到佢哋待客如宾既感觉💗下次黎一定要试埋个煲仔饭！姜葱生蚝煲 $168 香港「打冷」店必叫系我最爱既一道广东菜生蚝大大只，肥嘟嘟又鲜甜，完全冇腥味！姜葱、大量韭菜爆得好香！蚝肉里住既生粉外皮够薄，煎到微微焦脆，内里嫩滑多爆汁，捞埋啲姜葱汁食两碗饭都唔够送😍麻辣牛展 $36每件都厚切，抵食！原先系五香牛展卤得入味，可以自己拣辣度个麻辣汁做得好好 微辣带麻一食入口觉得有味蕾冲击嘅感觉 够晒开胃✨鱼肉春卷酸辣米线（走肉碎）米线汤底BB辣酸辣度适中 唔会太呛喉太咸鱼肉春卷炸得香脆，入面嘅鱼肉好烟靭配埋酸辣汤好夹好好食😍我钟意清淡啲所以走肉碎，咁反而仲突出鱼肉春卷嘅鲜味XO酱西芹炒珊瑚蚌 $138点解我会觉得呢间舖头似「打冷」/大排档就系因为佢有呢碟菜！通常都只系可以喺大排档有珊瑚蚌食 估唔到咁近地铁站都有🥹珊瑚蚌好爽脆鲜甜😍份量仲好多XO酱炒得够镬气西芹非常爽口无臭青味 成道菜好咸香惹味😍😍😍豉汁蒸鲩鱼饭 $68呢个蒸鲩鱼饭绝对对得起佢个价钱落咗单之后等10分钟 即叫即蒸所以新鲜食鲩鱼肉质非常嫩滑！好难得揾到间茶餐厅食蒸鱼系唔柴既😜豉汁仲要系剁完再炒过，调得刚刚好，好有心机，欣赏呢啲细节位！唔会太咸仲有少少甜味捞饭食真系无得输🤩鱼肉蒸嘅时间控制得啱啱好
继续阅读
想食烤鱼，比起连锁店，更想揾d特式用心用嘅小店，终于揾到呢间，有齐鸡煲、烤鱼同各式小炒。入店发觉好多家庭客，唔使煮饭洗碗又多选择，价钱合理，味道好烤鱼（新鲜鲈鱼）：鲈鱼比较少骨，系烤鱼中唔错嘅选择，鱼表面烤到色泽金黄，外皮酥脆，鱼肉鲜嫩，吸收哂汁嘅精华，咬落去外脆内软，汤汁以不同嘅香料，搭配的配料有莲藕、萝卜、大豆芽和福花菜，增添了清脆的口感手切顶级安格斯肥牛：鲜红的牛肉片，肉质细腻，油花分布均匀，手切技术保留了肉的原汁原味，每一片都散发著浓郁的肉香，搭配烤鱼嘅汤汁，更添风味腊味煲仔饭：传统的煲仔饭搭配了腊肠、腊肉、膶肠，米饭吸收了腊味的独特香气，米粒粒分明且香软可口，加上锅底微焦的香脆口感冻柠茶：解辣必备
继续阅读
佐敦及尖沙咀一带有好少美食，系经过恒丰酒店发现到呢间餐厅，主打食镬气小炒同猪扒米线。不过今次想食另一样，就系百川秘制鸡煲二人拣左小辣嘅秘制鸡煲，店员直接系你面前炒，所以都要等大概十五分钟先食得，系店员翻炒期间，逐渐闻到好香既麻香味，而且份量都几多。食落原来小辣都几浓味，愈煲愈浓鸡件已经入味且多肉，配料洋葱食落非常淋同甜我地觉得系佢愈煲愈浓味既期间，就最岩落乌冬既时候，等乌冬挂晒个麻辣酱汁，就系最好味既时候！然后再落安格斯肥牛，去做乌冬嘅主菜。肥牛叫左细份都好多，肥瘦尚算平均，即使汤浓郁都冇盖过牛的味道。除咗肥牛，我地仲叫左墨鱼滑同鲜虾云吞。两者之中，墨鱼滑系比较好食，食到墨鱼粒，而且弹牙。云吞虽然真材实料，可能皮比较厚，食落口感略为逊色。不过整个鸡煲黎讲，系不错的！
继续阅读
初次到访这间佐敦地铁站出口旁的街坊小店，店员服务态度亲切有礼，内里装潢简洁干净，卡座间距比连锁茶餐厅宽敞，主打镬气小炒及猪扒酸辣米线，全日免加一，今次先来品尝一下他们的招牌鸡煲。百川秘制鸡煲(半只) $168 离远已闻到砂锅飘出浓郁酱香，微辣酱汁咸香中带淡淡甜味。鸡件预先焖至刚好熟度，上桌后以小火炉再次加热，鸡件更显嫩滑，鸡胸部位亦不干柴，半只分量足够二人分享；还有大量芫荽及洋葱，洋葱吸满酱汁好好食。手切安格斯肥牛(细) $168食完鸡煲开始加汤打边炉，厚切牛肉油脂分布均匀，于汤底中轻涮五秒即可，入口有浓郁牛肉香。粗薯粉 $20粗薯粉久煮不烂，挂汤功力一流。萝卜清汤牛肋条 $88鸡煲太重口味，所以点了份清汤牛肋条调剂味蕾。汤头清澈，萝卜清甜，牛肋条软嫩入味。
继续阅读