影片
今日同同事lunch hour经过见人少少就谂住入去试吓，叫咗个咖喱鸡饭，但啲鸡系生嘅。本身食第一嚿嘅时候已经觉得质感有啲异样，但冇为意继续食落去，食到第二嚿拆开啲肉嚟睇先发现入面系生嘅，仲系红色透透地。之后叫个职员嚟，佢睇完旧鸡似乎唔想换过碟，叫我睇第二旧系咪生嘅，我话有一旧生已经唔食得啦，之后佢先走去换咗碟通菜牛肉，但啲牛肉系韧嘅，食唔到半碗就走咗。唯一可取系埋单𠮶阵，佢找钱冇一蚊找咗两蚊俾我。
继续阅读
呢间餐厅嘅288晚市套餐实在令人失望!首先,最期待嘅牛仔骨就少得可怜,完全唔值得呢个价钱。除此之外,眼镜阿姐根本无服务意识。成餐饮体验亦因此大打折扣,实在不太值得推荐。整体来说,呢间餐厅嘅餐饮质素同服务水平均未如理想,性价比实在太低。如果你问我,我会建议你另外选择一间更有诚意,更能满足食客需求嘅餐厅。往前行少少，几多两𩠌饭都可以试下，菜品、口味都冇乜分别。希望呢间店能够有所改善,为街坊提供更好嘅用餐体验🫡
继续阅读
过年前行过佐敦，见到新开左一间小菜馆，企企理理，入去同老板马小姐交流了一会，咁啱酒友相约年后聚会，决定一试。今晚一行六人，晚上六点几就到，小馆已经为我们准备好餐桌，而且加大了桌面，方便我们摆放酒杯及餐酒，还提供冰桶，「雪」住白餐酒，值得比个赞。👍👍据老板马小姐话，开张只有两个月，环境舒适，地方整洁，连好多餐厅不重视的洗手间亦非常干净。食物方面，先来个椒盐鲜鱿，粉浆唔厚，入面块鱿鱼好有份量，而且新鲜有咬口。胡椒虾，好入味，唔算好辣，送酒一流。小炒皇，竟然用新鲜虾，唔系一般嘅虾干。豉汁蒸鳝，入味，鱼好滑，冇鱼腥味。盐焗鸡，好味，D鸡好滑，时间刚刚好。鲮鱼球，弹牙。由六点几坐到接近十点，都只系每人二百大元，而且有求必应，值得推介及再次光顾，非常适合三数知己聚会的选择。老板马小姐仲不断试新菜式，推陈出新，精益求精。💪🏻💪🏻
继续阅读