百寶齋廚

之前間中有幫襯，以前啲野係幾好食，唯近年樓面態度差左，野食水準都下降左...尋晚媽咪話好耐冇食依間所以今日陪媽咪去食，諗住叫個廈門炒米，因為我唔食菇菌類，落單時有同侍應講個炒米走哂所有菇菌類，但碟野嚟到仍然係滿滿的菇，最慘係有埋大量金菇幼幼的夾唔走，於是叫佢換，起初佢仲拗話係芽菜嚟咋，又話金菇唔係菇... （吓？！）跟住我話落單時已經講明左要求走菇，最後佢再望吓張單先晦晦氣氣咁嗌入去廚房炒過碟乜菇都走呀！既然係咁... 冇下次囉！…查看更多

每次經過‘’百寶齋廚健康素食”都會間唔中在廚窗買些少小食。每款9蚊件，今次又買3件，2件素蝦腐皮加1件紅棗糕。🎁🎀🎁🎀🎁🎀🎁🎀💮🍀💮🍀💮🍀💮🍀…查看更多

今日突發奇想，衝動地走進太子地鐵站旁邊嘅百寶齋廚，真係驚喜連連。首先，呢間齋係整齊乾淨嘅環境下，就帶住一份愉快心情。我嘗試咗佢哋嘅招牌菜：炸蜜瓜奶同炸芋卷。唔講味道先講外觀，啲菜色金黃誘人，即係一睇就有食慾！而且佢哋嘅炸得恰到好處，唔會太油膩，保持咗食材嘅原汁原味。先講下炸蜜瓜奶啦，真係第一次聽過，令人好奇。啲蜜瓜經過炸之後，居然保留咗啲清甜汁液，而且夾埋濃郁嘅奶香，一啖入口，嘴裡彷彿有一場奇幻旅程。個人感覺就係甜而唔膩，好適合食後甜品。再講炸芋卷，啲芋香四溢，每一口都彷彿飄散住濃濃嘅芋頭香氣。啲芋卷炸得香脆，外層酥脆內裡滑嫩，真係齋中之珍。…查看更多

要食"面色"嘅齋舖食咗呢間齋舖幾年，每次都覺得服務特別差，今晚仲衰到夜晚八點半就熄冷氣，我哋一枱八人，熱到出聲話「開門仲涼啦!」，九點前已經熄咗兩次冷氣， 熄咗仲要唔認， 越食越嬲。 我未去過一間餐廳會收工前早一個鐘熄冷氣囉， 我以為返咗大陸，要咁慳電，提早趕客。侍應覺得我哋食得好慢，不停監視我哋，望實我哋食嘢，超級趕客，咁趕收工就唔好寫營業時間"九點半"啦。 最後我返到屋企都未夠九點半。碟炒飯鹹到根本冇辦法食。明明想食餐家人安樂生日飯，最後不歡而散，一肚氣。…查看更多

今晚七點幾去這間齋舖食齋，食到八點半左右夥記靜靜雞熄咗冷氣，成日喺側邊監視住我哋食嘢，畀面識我哋睇，畀壓力我哋希望我哋快啲走，但係佢營業時間係去到夜晚九點半，專登識咗冷氣希望我哋焗啲想快啲趕我哋走，叫佢開返冷氣，佢哋仲唔肯認熄咗冷氣，開番之後過咗15分鐘又熄返，究竟想點？食咗成個鐘飯個茶壺從來都冇沖過水，啲食物又貴又細碟又唔好食，咁樣做生意真係唔使旨意我再幫襯佢，唔怪知得啲人成日寧願返大陸食，都唔想留喺香港食。…查看更多

好味道午市小菜，百寶齋廚健康素食。今次，選擇小菜分別～💮法輪常轉卷🌼福建飯💮炸蜜瓜奶拼炸芋卷🍵🍥🍵🍥🍵🍥🍵🍥🍵🍵🎈🍵🎈🍵🎈🍵🎈🍵…查看更多

今日心血來潮想去食齋，去咗太子地鐵站一出嘅百寶齋廚，環境乾淨整潔的，店員一睇就知道老員工，有禮貌，亦會推介食品，最搞笑係D服務員會叫你不要點太多美食，我哋2人可以點2個餸再加個點心就已經好夠，想試多啲食品的話下次再過嚟食，免食唔晒浪費，個人覺得這樣的服務態度好好，結果我哋點了羅漢齋炒麵及法輪卷2款美食，最後真的食唔晒要打包，食品份量好足好大碟，好多美食都想食，下次要搵多幾個friend過嚟一齊食先得…查看更多

-自從百寶搬咗嚟呢個地址都未曾再幫襯，以前就成日都去食。-7月21日晚上，同老婆行完深水埗，打算行去太子搵食，途經百寶，由於好幾年前都食開，印象都唔錯，決定再入去試吓。-入到去坐低，就覺得環境空氣有少少「UP」味，由於外面天氣都幾熱，冷氣都算夠涼，所以都唔理照叫嘢食。-當時客人唔多，大約坐咗7成人左右，但侍應們都唔太主動，於是我企起身向一個侍應叔叔 (之後先知，原來係經理) 招手示意落單，佢點個頭，見佢行緊過嚟，所以我就坐返低，但成兩分鐘都仲未行到，跟住睇吓佢係邊啦，點知見到佢行咗入去，真係奇怪，咁嘅情況咪叫咗個阿姐落單，首先叫咗個豉汁生根炒河，跟住再叫個荷葉飯啦，點知個阿姐話：「你做咩唔叫吓餸呀？叫晒啲飽肚嘅嘢！」佢好似唔想我叫荷葉飯咁，我就問返佢：「我想食咩都唔可以叫咩？」於是佢照落單，這是奇怪之二。-上菜速度都算快，豉汁生根炒河味道正常，仲有少少鑊氣味，不過就細碟咗啲，$78。-奇怪之三終於出現，荷葉飯到，打開發現，真係荷葉+白飯，撩吓入面，最多都係有啲素肉粒，汁都冇，冬菇都冇粒，咁樣就$85，係其他素食館都有食過，唔會係咁。（可能已經換咗廚師或者易手）-你哋自己睇，唉，好失望！…查看更多

我同男友2個人去食，服務員服務唔錯，但是頭婆不斷咳唔帶口罩，真係好恐怖，連佢d職員都驚左佢個個都帶口罩。因為得2個人，食唔到太多，只叫左3樣野食：甜酸齋$50 （細）一般野，唔算好好食。芋泥卷加炸奶 $98：本來想叫炸芋魚，但見佢有呢個雙拼，感就叫左呢個，出晒事！個芋泥卷好硬，個甜酸汁唔夠味，好似水感，最大問題係佢個炸奶，係蜜瓜味， 佢d邊位有d酸酸地，真心難食! 牛油果蛋白炒飯 $88：唯一好食係炒飯，但完全見唔到牛油果呢個材料響個飯到，真係連相都唔想影。最後計埋茶錢20蚊2位，共$281，真係所有野都好普通，味道都唔太好食， 我同男友都唔會再幫襯。…查看更多

呢間係我家長輩推介嘅傳統齋舖佢哋幫襯左十幾年之前我試過叫外賣係好好食咁啱今次約朋友新年食飯佢又想食齋就食呢間但係3個女仔去齋舖遇上嘅問題就係佢D份量比較多所以叫餸係有D難今次唯有叫二人餐再加個粟米粥三個人share 呢個二人餐有3様嘢素翅（ 影相時已分左2碗，所以相望落係少D份量）原則上可以分6碗另外仲有，五仙斑塊（即係芋頭魚）好食！ 芋頭夠實在正常地好食另外order 左我最愛的粟米粥D粟米蓉打曬落去有淡淡的粟米甜我哋order左一碗3個人分，每人都食到3小碗最後冇影相 不過佢送左紅豆沙陳皮味好濃埋單三百幾無論係quality and quantity 都十分好😋😋😋…查看更多

新年食得太多肉肉肉，想去齋舖清吓腸胃，太新潮的店多是又貴又得個樣，今晚與友人去傳統齋店諗住食返d傳統嘢。先來一碟雜齋，好食喎唔韌，食得出新鮮食材！天氣仍有點凍，食個粟子豆腐煲，都好ok, 上菜快，10分鐘內就送到餐桌。最後一個炸龍蝦球，都好食，彈口，夠味，椒鹽夠香，腰果爽口食物分數有90分，只是以上都仲係新年餐牌（即係仲收緊新年價），今日初十一黎講….算啦，鬼叫佢真係keep到老店水準咩。門口塊牌寫佢地有二月開始派飯，都好嘅，值得再幫襯…查看更多

同太太二人去飲食，我們好多時會選擇去找好食的素食餐廳。有時會試新的，也有時會去回味一下久違了的味道。這一天，我們在沙田辦完事後準備出旺角，在太子落車的我們，一落車就發現我們在《百寶齋廚》的門口。這可以說是一間我們好耐有幫襯過的素食好店。我們也很懷念這店的錦鹵雲吞啊。於是就不二選了，就入來回味一下吧。一坐底，我們便點了一份素咸水角。在傳統素食店吃到的炸點，好多時都是凍的，但這不代表不美味，素的咸水角是同樣地香甜的，吃入口又不太油膩，算是唔錯的出品。之後來的，就是我倆期待著的錦鹵雲吞了。一碗大大的錦鹵汁料，再加上一大碟的炸雲吞皮，單是賣相已經能令人垂涎三尺。錦鹵汁，其實是錦鹵雲吞的主角，內有麵筋，素腸，雜菇，燈籠椒等等，用料絕對是豐富。再加上錦鹵汁本身，酸度比起一般的咕嚕汁更強，用來沾雲吞皮及撈飯食，那特別的甜酸口味，很是可口，既醒胃又開胃。這兒的錦鹵雲吞是沒有餡的，是完全鬆化酥香的炸雲吞皮。這錦鹵雲吞皮，本身已經是非常之香口香脆，不加汁也是很好吃的東西。把錦鹵汁同錦鹵汁內的配料加上去這一片脆皮上吃，令本身已經酥香的雲吞皮多了一種甜酸味，整個味覺感受是很美妙的。伴錦鹵雲吞，店員建議我們吃生炒糯米飯。香軟可口，唯一不夠好的地方就是個飯唔係幾夠味。但是，當我們加入了錦鹵汁來伴吃，立即感覺到味道的升華。一切都變得更加之可口，令大家都吃不停口。最後說的是例湯。是店方贈送每人一碗的。清清地的湯，味道大部份來至不同的豆類。以素食老火湯來說，這絕對是很好的一碗。老字號的傳統齋舖，水準一直保留著。在我以前未正式陪太太食齋之前，已經覺得這店好好食。事隔超過20年了，這樣的好味道，依舊沒有變。出到街，想食中式素食的話，這《百寶齋廚》是好選擇。…查看更多

現代人開始講求健康，素食成為新興的料理之一，如果喜歡吃東方素食的朋友，不妨試下這間位於旺角的素食店。這是一間傳統的素食店，裝修沒太大講究，以實用行先。我們三人點了五柳鮮班，法輪卷和什菇干燒伊麵，五柳鮮班就是芋頭魚，相比在外面買的更有誠意，外皮酥脆，芋頭味香，喜愛炸的朋友，不能錯過，法輪卷是一款我很喜歡的素食，以腐皮作皮，餡料有髮菜、金菇等，先炸再煮，配以生菜，非常美味。干燒伊麵是比較平常的，但炒起來沒有太多油。如果喜歡傳統素食的朋友，可以一試。…查看更多

今日想食清淡d, 經過太子見到 呢一間懷舊素食館❤️百寶 齋廚 試下佢啦， 從前真係同 長輩先會呢類似嘅餐廳， 懷舊氣氛就十足嘅， 不過價錢 我就覺得比較高， 如果魚香水煮都要82蚊㗎 竹笙面就差唔多要100蚊， 我今次就點咗個紅燒豆腐飯，份量都幾大既 哈哈 味道就正常啦，最緊要食落去感覺健康！有菇有菜有豆腐！ 值得表揚但係佢個香片茶,清新...不太濃烈....Hahaha 單人飲菜 都好似係第一次嘅經驗 午餐食貴咗 唯有 晚餐節儉啲啦…查看更多

百寶齋廚屬於 舊式中式齋舖， 炒小菜為主 。以前在舊舖吃過 ，欣賞佢火喉夠，味道不錯。搬咗之後， 幸好 保持到水準。 因為不太餓，今次點得較少，有 五柳素黃魚 、三菇粥 、栗子腐皮煲。 雖然係素，但味道足夠。…查看更多