百好名宴

营业中

休息中

兩條友仔上去食左兩隻扁皮鴨🤭，每隻有成16片架🙈，居然仲有我最鐘意既高力豆沙做甜品😋，衣度既高力豆沙整得好好食，每人叫左一粒，好似唔係幾夠喉囉！🙈 加錢拎埋隻鴨殼走，真係又食又拎，最終埋單兩百幾，真係好抵又好食👍🏻👍🏻👍🏻

好耐冇去旺角行街,疫情過後真係好多遊客觀光和購物.我都有幫手促進經濟.購買生活用品,約朋友一起食飯。行到攰,朋友話想食中餐,可以慢慢食.慢慢傾.咁啱前面有間「百好名宴」酒樓。入到去,地方乾淨.環境舒服,枱與枱之間有段距離,唔會覺得好迫。坐低睇見餐牌78元有一隻片皮鴨,大約有16至20塊,差不多每張枱都有一隻,再加多10元仲可以外賣攞埋個鴨殼,覺得非常抵食👍。✨蒜蓉蒸帶子✨帶子蒸得啱啱好,唔會韌,粉絲索曬蒜蓉帶子啲汁,大大隻又好鮮甜,正呀！😋✨馬友鹹魚肉碎茄子煲✨馬友鹹魚甘香好味,唔會太鹹,加咗肉碎、茄子煮得淋又惹味。

話說尋晚同同事去食飯，我同另一個同事提前過去問前台問可否訂位，嗰位前台阿姐問我哋幾個人。我哋話4位，佢一聽係4位即刻個態度就好嫌棄講4位冇得訂。ok冇問題，我哋就等到其他同事7點收工先過去食。食物品質好一般，唯一好味就係乾燒伊麵。到咗買單嘅時候。前台阿姐拎單過嚟同我哋講幾錢。我哋就俾錢。因為由一開頭就態度差，我哋買單當然唔會俾小費佢。張單1201蚊。我哋俾咗1502蚊。前台阿姐拎住的錢係度數。話你哋咁樣俾啊。1502蚊。跟住仲發出好嫌棄嘅聲音。找錢返嚟。我哋直接俾50蚊小費幫我哋幫我哋開枱嗰位姐姐。起碼人哋態度好。前台阿姐真心好冇禮貌。做為一個前台。少小禮物都冇。以後唔會再幫襯。

一行8人訂咗食晚餐 ，每一樣菜都係差嘅 ，佢特價片皮鴨， 食落就真係覺得係唔合格， 叫咗炒蜆 ，好多都唔開嘅 ，叫部長嚟問點解甘多唔開 ？部長話 ‘’之前洗過㗎喇， 佢啲肉走曬出嚟㗎啦 ，佢之前開咗嘅，啲肉走曬出嚟嘅， 八個人望住佢都唔知佢講乜， 佢堅持唔肯退返個蜆。除咗個蜆之外其他食物都係劣食， 我哋叫嘅餸其實唔太飽，但己經唔想再叫，因知道無好野，唔想比佢賺我地錢。食物已經唔合格， 部長嘅對答更離譜， 啲茶沖多幾壺已經冇曬味，仲衰過好多小店，唔好比佢位置放便而去食，真係𣎴知所謂。

請朋友食飯由酒樓代選擇長腳蟹,上枱後長腳蟹完全水蟹,與酒樓理論,以龍蝦作賠償,用長腳蟹價錢食龍蝦,相差約400元,龍蝦也不覺好吃,無奈不歡離場,以後亦不再會光顧

之前去過將軍澳壹匯食片皮鴨, 上網查查係太子百好係同集團, 今日係情人節, 一向西方節日食中餐, 所以再去食片皮鴨皇子片皮鴨 - 今次師傅片出來鴨皮大細不一, 外觀上唔太好睇, 隻鴨唔太肥, 膏唔多都幾好, 個醬隻色偏紅...味道正常另個個鴨殼加$10可以帶走自己整二食.醬皇脆皮雞 - 皮夠脆, 雞肉嫰滑又夠熟冇血水咸魚肉碎茄子煲 - 味道夠香夠濃但唔咸...good 茄子淋入晒味! 送飯一流! 清蒸海斑仔 - 剛剛熟肉質滑結實, 唯一個豉油略為咸左DD 高力豆沙 - 一份有兩個, 都係唔太甜剛剛好. 總結 : 片皮鴨真係好抵食, 其實隻雞都好食. 仲有其他野下次會再來食

好耐冇去太子飲茶，今日去開決定去聯合廣場飲返個早茶。菜肉包餡料充足，肉嫩多汁。叉燒包叉燒味道濃郁，飲茶必備。鮮蝦豆苗餃外皮煙靭，蝦口感彈牙，配上鮮嫩豆苗，非常美味。粉果多種配料，皮薄餡靚，藥膳雞腳雞腳藥味濃郁，非常入味。招牌炒飯飯粒分明，非常飽肚。雷沙湯丸煙煙韌韌，甜度適中。

因為貴公司並沒有website可以投訴，我會post落所有分店評論，以便貴公司改善，同時提醒茶客要小心，話說星期日中午飲茶用點心紙落單，有一張單得雙併飯，於是問阿姐可唔可以改雙併米粉，佢話可以同時我睇住佢改，開頭佢係正確有送到雙併米粉，但後來送多一碟炒飯，但我地堅決冇落到，後來頭先幫我地落單阿姐俾張單我睇，話有剔到炒飯，阿姐就話可能上一手剔左，但因為煮左就冇辦法希望我地要左佢，經過一輪憎咬，因為我地趕時間就唯有硬食要左佢，但俾人屈真係好不愉快，希望貴公司新增qr code手機落單，好似稻香集團個種，避免再發生以上情況，因為唔肯定貴公司員工會唔會有不良分子在落單紙張做手腳，去屈人落單，希望貴公司能嚴肅處理

行開旺角 普普通通食餐中菜晚餐可以去聯合廣場百好都幾多套餐選擇仲有個$78片皮鴨就要一個啦同埋揀少少海鮮咁以價錢來講呢個質素我收貨嘅過吓口癮小菜嘅價錢抵吖我見到有好多枱都有叫蒸鮑魚咁我哋都叫下見到佢有落果皮 幾好魚都幾鮮幾好味成餐飯先食咗幾百蚊抵食又滿足

舊居翻新工程出了小問題，約了工程公司、中介談判，過程尚算順利，希望後續工作也進展順利！離開中介公司，已經是下午２點，媽媽想到海港酒家(維景店)吃下午茶，14:20到達，仍有人在等位，但已經停止派號，店員說晚上有婚宴，要提前準備，下午茶時段縮短了。我們就換個地方，聯合廣場的百好名宴，是日下午茶，點了以下的：#普洱茶：茶色很深，但茶味不濃。#八珍豬腳薑：甜醋好味，薑太辣，豬腳夠入味，鹵蛋一般。#蠔皇鮮竹卷：足料，好味！#薑汁雞包仔：不夠熱，味道打了折扣。#叉燒湯米粉：味道一般，叉燒有點硬；湯米粉味道太淡。服務：差！14:30到店，還要等位，但不派號，只叫我們站一邊等，未入座就說記住3:30要離座，我想走，但媽媽說隨便吃吃就算。

今日約朋友飲早茶，為了方便大家居住不同的地區，所以揀了太子聯合廣場的百好名宴。我們10:30到達，不用等位，枱與枱之間有足夠空間，坐得舒適。我們四人叫了3個孖寶餐，皮蛋瘦肉粥配家鄉炒米只需$25.8,炒米很乾爽，不油膩。潮州粉果、煎魚餅、牛肉腸也不錯。咸魚肉片飯的份量少，而且白飯的水份比較多，有點爛。

星期五晚，熱辣辣想食好野。諗到又來百好食晚飯，基本上唔係咩人日子2人都有位。長期都做的片皮鴨78蚊，真係好抵食。今次點了南澳龍蝦三百幾蚊，大約斤半重，比西澳貴百零蚊。可以開邊蒸同上湯焗，上湯焗多數都走油，我都係揀開邊蒸，原汁原味。開邊蒜蓉蒸，配刀叉食，好好食，啖啖肉又厚肉又夠彈，仲好鮮甜。真係冇揀錯。另外叫左個小炒王，今次失準，韮菜花淋左。最後加多個蒸鮑魚，78蚊半打，平過自己係街市買啦。味道都不錯，真心抵食。簡單開心滿足的2人晚餐又完成

四個人嚟食晚餐，叫咗一隻五斤重長腳蟹，兩隻大嘅瀨尿蝦，同埋一個特價片皮鴨。自己揀咗只好生猛嘅長腳蟹，啲肉質好鮮甜，不過啲羔流曬出嚟，佢應該反轉嚟蒸會好啲，浪費曬啲蟹羔，但隻蟹都好多肉，而且非常甜美。瀨尿蝦分兩種，有中同大size，大嘅128一隻，但真係好大隻，好多肉，同埋勁多膏，的肉頂殼，味道亦都甜美，絕對抵過去西貢食。片皮鴨性價比最高，$78一碟，另外加$10可以外賣攞埋個鴨殼走，鴨殼上面都仲有好多肉，攞返屋企可以起肉炒菜或者成隻攞嚟煲粥。四個人去食加支大啤，埋單都係千五蚊。

星期五一家人，有老人有小朋友，諗住出太子食飯，睇食評百好片皮鴨$78/隻，仲要好味，就早啲出去等Walk in（當日電話打去話冇得book)，一群6人18:30左右到現場，酒樓已經坐滿人，拎左5-6人枱飛等位，C3號，諗住等3張6人枱都可以接受啦，之後開始好多人湧入取票等位。全家人一等等左一個鐘，6人枱一張票都未叫過，2-4人已經叫左5十幾張，之前一齊等嘅人已經坐嗮入去食緊好耐，我地問下前枱女職員，佢懶得理你，淨係話6人枱未有。咁我地見都等左一個鐘，可能等多陣有，但一直見佢地不停有人食完走，又安排2-4人入去坐，我地等多半個鐘，就再問可唔可以比張細枱我哋迫少少都無所謂，佢地點都話冇，等左兩個鐘，冇可能一張5-6人嘅飛都冇叫過，我地終於都爆，2-4人枱就可以直入有枱，6人就要等2小時都冇人理，放塊大板又好、坐迫少少又好、拼兩張枱又好，點都應該安排到，除非佢哋唔理吾做嘢姐。拎C1飛嘅人同我地一齊去嘈，終於一嘈又好快安排到枱比我地。唉…要迫先肯做。是但，有位就坐，當時已經8點幾，老人家小朋友好肚餓，片皮鴨又瘦又乾又硬吾好味，$78係平但…，其他小菜味道中下，咕嚕肉又係瘦乾、龍蝦伊麵味道一般麵

之前浏览网上帖子无意中发现的一家宝藏餐厅，是一间很粤式的酒楼。招牌应该是各类海鲜鱼类，但我一开始是冲着片皮鸭去的，78堂食价，加多10蚊就可打包鸭架，太值了！我们两个女生还点了些蔬菜，非常抵食。南瓜饼最好趁热吃，非常香甜！红油抄手个大，但味道麻麻地，不够酸辣有点腻。(打包回家的鸭架肉超多，第二天自己做成手撕鸭，还煲了一碗老鸭汤娃娃菜)而且餐厅服务态度真的好，因为第一次来，本来都已经落座了，才发现赶上父亲节没有片皮鸭，就说下次再来，阿姐都非常热心，没有一丝不满和尴尬的情绪。下次还会来体验其他美食