百好名宴

营业中

休息中

尋日爸爸生日同佢食晚飯,我哋先叫咗個龍蝦餐跟浸菜($399),餐牌上寫明龍蝦會有一斤四両,但龍蝦到來時實在令我驚訝連埋殼應該有一斤! 龍蝦肉只四小塊，經理看完後也很公道連忙幫我們「取消」叫我們轉其他。最後我們決定叫一個帶子餐跟兩個餸，先來一個炸乳鴿很精美有肉汁，再來一個咕嚕肉味道也不錯。帶子餐主角當然是帶子，帶子到來我和爸爸也嚇呆，好明顯帶子是不新鮮！是將已死的帶子加殼上再放粉絲, 我們也在沒有心情再吃下去。我只想講我是很願意留港消費，但香港的餐飲業每每太令人失望⋯ 這只是一個小例子！開開心心吃一頓飯最後被所有的餸菜打沉，其實我唔介意俾多啲錢，只想有一個正常嘅晚餐，但是這樣消費者如何可以留港消費？之前也來過三次在這酒樓情況不差，但為何這樣百思不得其解⋯⋯ 現在市道經營一間酒樓談何容易！但是被這樣的小問題搞垮，令客人不敢再來太可惜。利申：它們其他的小菜也不錯

收工同屋企人三個係太子揾地方食飯，近近地地鐵站就去咗呢間百好名宴，點咗四個菜：- 西蘭花炒蝦球， 蝦球大隻爽口！賣相幾靚，特價$18 超抵食 ！👍- 薑蔥焗台山桶蠔， 蠔都幾肥，味道唔錯👍，特別要讚個蔥真係炒得好香好爽， 全部俾我食曬😂- 菠蘿咕嚕肉， 豚肉夠冧， 新鮮菠蘿好味，唯一係個咕嚕甜酸汁唔夠，扣少少分🤣- 燒腩仔係小食，估唔到份量都幾多， 腩仔皮夠脆 ！😋另外叫咗白飯同啤酒。呢間菜式唔錯，份量足夠，價錢唔貴，見餐牌都做幾多款優惠同套餐，下次再去試其他。環境坐得舒服，服務都幾好，經理同侍應幾nice！👍👍

一家6人被安排4-5人位，非常迫，坐低10多分鐘終於有一位短髮員工遠遠看見我地揮手，便向該短髮女員工提出想換位，順便叫野食，該員工起初無回應，再問時回：「有位咪換俾你囉~」原來現在服務行業回應食客要加個囉～字。跟住被安排旁邊枱，我地自己逐隻杯碗移到新枱。由於換位前既位有柱擋住，且員工都只係中間位走，完全忽略較邊位置，所以換位時也向她反映，她霉氣地說：「有鬼人咩~」你哋酒樓唔肯請人關D客咩事，發客老皮真係食到一肚氣，冇下次

有時餐廳真係唔好怪啲人唔黎食，除左食物質素，員工既服務都真係好大責任。今日諗住打電話查詢晚市訂位，接線女職員已不耐煩，想問多句就叫你walk-in ,仲突然跳制連講3次叫你walk in 呀😅，搞到我想問多句晚餐餐牌都冇機會，真係好想叫佢專心聽下人地問咩再答啦既然係咁唔阻你喇。接線第一印象都咁差，都不難想像坐低食野會有咩服務。或者可能酒樓真係好忙啦，不過既然都接左個電話，何不俾多幾秒聽人講野希望只係我個別體驗差啦

$78片皮鴨好食🤤皮好脆👍而且片得好靚 $88半打蠔蒜蓉蒸都好抵食 啲蠔係即開而且好大粒🤝$42四粒小籠包 大大粒但皮薄餡多 唔會話大粒就皮厚😽上菜速度超快👏啱啱叫完即刻送到😼而且重要熱到出煙依家香港已經好少可咁嘅價錢有咁嘅質素👍好抵食！

今午放lunch約埋幾位同事一齊去位於太子彌敦道聯合廣場的“百好名宴”共聚午飯。這間酒樓地方寬敞，光線充足，坐得都感覺舒服。我們發現了午市時段的“三五知己自選套餐”都幾扺食，分別有A＆B餐。A餐$168，可以選一款粉／麵／飯+一款小食+2款點心。B餐$238，可以選一款粉／麵／飯+一款小食+5款點心。由於我們有4個人，於是就揀了B餐。“三五知己自選套餐”B餐 $238瑞士汁乾炒牛河份量都夠大碟，牛肉醃得夠入味和淋身，河粉炒得色水均勻，再配上洋蔥絲和九王，豐富了這道菜的味道。沙薑雞腳雞腳好有沙薑味，再點上少許沙薑醬汁，提升了雞腳的香味，但可惜雞腳炆得不夠淋，比較硬身。南乳炆豬手熱辣辣的南乳炆豬手端出來香味撲鼻，豬手炆得夠淋身，而且非常入味，食落一陣陣南乳的香味滿佈口腔裏，滋味無窮。豉蒜蒸排骨排骨又淋又滑，食落感覺到有濃郁的豉蒜香味，味道不錯，但可惜略為肥膩。桂林牛肉腸免治牛肉饀料十足，肉裏混入了馬蹄粒和芫茜碎，豐富了我的口感，且粉皮夠滑而不厚，再掛上了豉油汁，提升了這碟點心的香味。川芎百芷蒸滑雞熱辣辣的川芎百芷蒸滑雞端出來香味四散，食落感覺到有濃烈的川芎百止香味，雞肉醃得入味和嫩滑，十分

昨晚家中老人家擺壽宴，請了四圍客人，有澳洲龍蝦、雞燉翅、鵝掌鮑魚等，每圍差不多收一萬，因為小朋友多，食物份量都算大，剩低很多食物。於事請伙計用盒打包，準備讓賓客又食又拎。怎知，走時只有幾盒剩返，那些裝了龍𧎚、鮑魚及雞的打包盒不翼而飛，主人家忙著找數，以為賓客取走了大部分食物，後來，有人見到幾個伙記偷偷將四、五盒餸，趕在客人埋單前運走，趕住收工回家大快朵頤，而我們卻懵然不知，這種伙計偷食方式，我去咁多次飲宴都未見過，永不再幫襯這酒樓。

1st visit: weekend 1:30pm坐在小房間 冷氣大概比大廳低幾度其他體驗okay2nd visit: weekend 1:30pm1：30pm入坐 被要求2:30pm離坐 因為當晚有酒席要擺枱(I wonder when will banquet start?)anyway 我趕時間 接受了此offer3rd visit: weekend around 1pm我二人不搭枱 不介意等位 站在派票等位櫃枱旁卻被嫌阻礙她視線熟客不用取票 可以直接入坐有幾張五至六人枱寧空置也不给客人入坐房內有幾張方枱 不擺餐具擱置在一角不放椅(有很多沒人用的椅)也不安排兩枱在等位客人入坐總结：my 3rd visit experience (if pit into video) could serve as a wonderful negative example on any customer service training. Unbelievable!The staffs there seem to ve no understanding how much a customer wi

I’m new to Hong Kong from America(State of Michigan) and I am familiar with Dim Sum. Most Saturday mornings I escort my mother in law to her Doctor appointments. When we are at the Doctor near this restaurant we attend. The food is always consistent (Dim Sum wise) but I’ve never tried their other meal sets or dishes besides a few of the soups. They have a wide variety of traditional Dim Sum dishes, one menu is in English/Cantonese as well. The other menus offer deals on some of the same items, b

呢間野係片皮鴨關注組都會有人提及過佢，原因只有一個係因為抵食，78蚊片皮鴨(1食)佢無2食，加10蚊可以拎走鴨殼講明先其實我覺得佢批出黎一定唔係比晒成隻你，我眼見佢批我諗用左半隻掛最盡，so far我食幾次未拎走過隻鴨，諗諗下下次試下加10蚊拎走先，不過係咪真係比返批鴨肉果隻比我就應該另一回事🙃味道78蚊無得講架啦絕對合理，唯一覺得可以再好啲既就係個皮，呢塊就咁睇其實好頹，有啲似春卷皮拎去蒸熟佢咁最後，如果純過口癮，78蚊未計加一同茶錢其實都算唔錯架啦，下次再搵下啲經濟片皮鴨食下先😚😚😚

尋日親戚約去呢間酒家飲早茶，去到門口攞位，知客唔耐煩一句：自己入去坐啦！飲飲下茶，明明仲有大把枱，有個女部長埋嚟叫我地換枱，語氣仲差到無倫：你地坐去果張枱啦，快啲行啦！阻住晒！（幫襯緊你都話我阻住）呢種服務態度真係令人目定口呆，做咗幾十年人，幫襯咗咁多間食肆，呢間啲服務真係差到數一數二。老實講，食物質素已經唔係好，份量又細，蝦餃燒賣細細粒，加埋個一成50蚊一籠。仲要食到成肚氣，如果唔係俾面親戚我一早拍枱走。

之前無響度用過餐，本來想訂個盆菜過年食，所以提前打了電話咨詢，電話裏面的人語氣已經唔好，又話要買券先得。跟住收工之後，走去問。門口沒有盆菜價錢，入去問個經理，佢問我要幾張，我話有咩價位的？因為網上查唔到價錢，佢就指一指，門口裏面的牆，響嗰度，你睇完先過來買啦(語氣不好，好欠爭佢幾百萬咁),跟住睇完，想買嗰陣，嗰個經理岩岩行開佐，剩返兩個待應，話已經賣曬啦，岩岩有個人買曬啦，我話一分鐘前你經理問我幾張，依家又話賣曬？真系一間臭名遠播嘅酒樓，好彩無幫襯過，唔怪得個個北上消費啦！

2024年1月13日（星期六早上10點幾）聯合嘅百好，入去同另一位男士係門口等知客，我話2位，肥妹知客就話自己入去搵位，坐底叫完茶點完點心，個知客走過嚟同開茶亞姐講無飛就唔好比人坐，又話我唔攞飛，張枱佢寫左比人，我話妳叫我自己搵，佢話無講過（最🔥）叫我4人枱轉搭枱，我就起身走。真係多港人北上，d人話唔止底消費，最重要係服務態度，香港零售飲食業食🍌唔好問點解。

百好，個澳龍好低食，加埋伊麵都係兩百幾，仲有幾他都好低食，有果皮蒸鮑魚，片皮鴨 ，等等，每個人人均都係大約百五蚊左右，真係平民得黎，好不錯！ 佢個邊仲有糖水送！服務態度又好👍🏻👍🏻

💛鮑魚百好酒家以新鮮且優質的鮑魚聞名。鮑魚飽滿的口感和濃郁的鮑魚風味使得每一口都令人陶醉。無論是清蒸還是紅燒，百好酒家都能將鮑魚的美味完美呈現，讓人難以忘懷。💛魚類百好酒家選用新鮮的魚，以獨特的烹調技巧帶來驚艷的味覺體驗。無論是清蒸還是煎炒，魚的肉質都保持了柔嫩多汁，充滿了鮮美的海鮮風味。每一口都彷彿在口中爆發出豐富的鮮甜，令人回味無窮。💛粉絲扇貝這道菜以鮮嫩的扇貝和滑嫩的粉絲為主要材料。粉絲的口感綿密細軟，吸收了扇貝和其他配料的鮮味。每一口都散發出濃郁的海鮮香氣，讓人愛不釋手。粉絲扇貝的烹調方式恰到好處，使得扇貝保持了彈牙的口感，給予了食客極大的滿足感。除了美味的食物，百好酒家的服務也非常出色。工作人員熱情友善，隨時關注客人的需求，確保用餐體驗順利。他們提供快速而周到的服務，讓我感到宾至如歸。