百喜 (已結業)

鈴鈴…午餐時間又到啦。今日同同事去百喜。由於之前去西灣河太安樓食左個性價比超高的㗎喱牛根腩飯，依家仲回味緊，剛好呢度又有，所以點了個㗎喱牛根腩，呢個㗎喱重椰奶味，香甜，唔辣，加上牛根腩整體變得好'流'，而且㗎喱味唔足夠，比椰奶味完全蓋過了。怕辣但中意㗎喱的朋友可以一試。同事點了個楊州炒飯，味道一般，等了好 段時間。

下午在觀塘完工後, 去了這間店午餐......點知......係我人生中的遺憾事點了黑椒牛扒意粉, 個汁其實係好無味既, 但唔知點解又會咁深黑色, 但其實小小黑椒味都無其次係塊牛扒, 塊扒完全係硬到乾, 唔知係咪煎左好耐, 煎完再翻煎, 完全係熟到硬簡單來說: 難食

今日Wilson哥請tea，個個又獅子開大口=.= 最後秘書小姐話食百喜，佢話係茶餐廳式下午茶，好的，我咁岩想食西多士！我叫左西多士+司華力腸+熱檸水。首先佢比左熱檸茶我！我就係唔想飲茶！算吧，檸檬好苦澀，落左兩包糖都覺得苦，本身檸檬唔靚..我放棄再落糖，成杯無飲西多士超級多油，油浸西多咩宜家？西多只有半份，但食完都好似食左一擔油落口咁，太過份了。外皮幾脆的，但唔知送左幾多轉先送黎比我地，西多士硬掘掘，凍冰冰，成個餐得條腸係正常既

無可否認，百喜係做老街坊平民打工仔生意，中午來尋食既打工仔都係因為一個"平"字。不過隨著佢早前幾年連續在農曆跟西曆新年期間加價，再去食?? 真係免得就免，因為差不多價錢的，附近還有其他選擇!堂食會隨送整頭油煙味，整天不散，服務方面。。除左點餐應該是沒!服務，不過公平說句，以午市$27來說, 服務 ? 又真的不能奢求更多!但以食物質數來說，真係。。。現在我寧願每餐多花十數元，去吃點較健康的食物吧?(至少看上去健康點=.=)點解甘講? 望下條腸就知~話說公司請食下午茶，本來興高采烈，想食但又怕肥，唯有叫了個司華力腸+沙律，送來之後變了司華力腸+薯條，OK~ 見怪不怪，因為數目不少，錯單可以原諒。但看看條司華力腸。。。  是中了輻射嗎??????擺明是番炸了很多次吧!沒有口感可言，外皮炸至全"巢"。只帶餘溫，努力吃了3口，結果還是過不了自己!再說薯條，完全涼，沒有溫度，外皮油膩，非常乾，應該是番炸番炸再番炸，然後凍了=_=不塗茄塗真沒法子吃下去!吃了數條，滿口油，忍受不了。說真的，$20一個下午茶，算超平?! 又未見得。但有必要這樣嗎? 

呢家有兩個退休高層返來公司做， 每個幾兩個星期就輪流請食下午茶，但其中一個一成不變的秘書小姐成日都要叫呢間，但呢間的下午茶一直都唔好食(因早餐同午餐無問題的)。之前啲雞脾、司華力腸炸過龍等，今次呢盒野，可以食的只有幾條薯條。西多係浸滿曬油，睇相都知係油浸到淋曬，加埋糖漿，食左一啖成口都肥曬，放棄左。春卷無食，自己見到唔想食，但一位同事見到唔想浪費而幫手食左。司華力腸今次無炸過燶.同事的豬排包我叫的紅豆涼粉冰. 涼粉份量比平時多, 紅豆亦不硬, 還ok.其實觀塘有咁多地方可以叫下午茶, 希望下次同下下次都唔洗叫呢間啦.

係觀塘想食平DD真係唔易，好彩仲有間抵食既百喜茶餐廳未摺！今日我叫左碟豉椒排骨炒河，個樣一睇就知無得輸！食在口中唔覺油，排骨入味又嫩滑，豉椒唔會太咸，河粉就更是滑口，美味之餘更層次十足，加上仲好大碟，食到好飽又滿足，咁平又好食真係無幾多間茶餐廳做得到！

今時今日係觀塘食個下午茶餐動輒都要成＄40多蚊，想經濟少少，第一時間就會諗起百喜！我一向支持要食得好食之餘，亦要食得抵！所以今日又到左百喜開餐坐低後的叫左男人最愛食既豆腐火腩飯，侍應拎到黎一如既往大大碟！食落豆腐又滑又香，火腩肥瘦適中，醬汁味道濃郁而唔會太咸，白飯亦煮得軟硬適中，確實好味加上夠晒份量，根本就同午餐份量無分別，同埋呢個茶餐價確係勁平，難怪無論幾時去都咁多人喇

今日放假出咗觀塘行街買衫，順便搵埋朋友仔食個tea吹吹水，係好友推介下去咗連招牌都唔覺有既百喜茶餐廳食嘢入到去正好2點鐘，係餐廳下午茶開始時間，好多人，幾乎全滿，好彩剛好有2個位唔使等，於是我同好友就坐低，見到餐牌真係嘩咗一聲平係諗咗一輪後就叫咗焗吉烈豬扒飯嚟到真係再嘩一聲因為好大碟之餘，塊豬扒仲超大塊，咬落好脆口又唔太乾，肉質香濃既同時，仲有啲juice，炸粉份量又唔算多，真係好，而飯底同濃香既蕃茄醬加埋就更係酸酸哋，好開胃，食完一啖就會好有興趣想食落去，呢個質素唔係間間茶餐廳都會有，加埋呢個價錢就更係贏晒，如果我住附近一定會成日幫襯

咸蛋肉餅飯本身咸蛋肉餅同飯係分開兩碟, 因為方便食, 我先將佢地倒埋一碟!講最重要的味道. 因為本身佢無加太多豉油, 食落唔會太咸, 食得出咸蛋的咸香! 另外都有加到蔥花, 食起上黎有口感層次d. 肉餅! 整得夠實, 唔好會好散, 不過唔會太黏口.飯! 軟硬度正常, 沒有太黏的感覺!凍檸茶, 茶膽夠濃!

一個星期來兩次，食物正常茶餐廳水準。最正是杯鴛鴦，不論冷熱，都是水準之作。有茶味，有啡味，又有奶味。讓一向都是凍奶茶走甜的自己，來到這樣都會飲佢。還有是午餐餐牌每星期也更新，算是多些選擇。

今日來到觀塘工業區見工, 來到了這間茶餐廳, 雖然已經過了午飯時間, 但飯堂內仍然人頭湧湧, 好在一個人食飯, 搭檯坐底唔使等位! 望望下午茶餐牌都幾抵食, 炒粉飯麵套餐都只係二十多元的價錢, 於是就叫了日式豬扒炒烏冬 + 凍檸茶! 一會兒烏冬到了, 熱騰騰的都幾夠鑊氣, 夠香又夠熱! 豬扒切件有五、六塊左右, 每塊體積都不小, 合起來應該都有一塊大豬扒, 味道亦不錯, 烏冬不太濕又不太淋, 保持一貫茶記水準, 但這個下午茶餐只是$27, 如果跟餐唔飲野都只係$22, 這個價錢真係十分超值, 怪不得到左下午茶時間都有咁多人啦! 如果之後在這區上班, 一定會再來試試!

唔係來上堂都唔會深入觀塘工業區呢...由地膽同學帶路，經過九曲十三彎，穿過一道平時都應該唔多覺眼（何況是黑媽媽的夜晚）的鐵閘，入內方知別有洞天。乃一般荼記格局，應比工廠食堂企理；可坐上百人，也有電視睇。地膽是熟客，阿姐也很識做地讓我們以下午茶價錢點飯餐。廿來元有飯有飲品，幾抵的。我有點作病所以吃齋-羅漢齋飯是也。基本的冬菇、雲耳、筍片、粟米芯都有，還有一棵小棠菜；汁料一如所料是很濃很鹹，也是沒辦法的事，飯呢也算大碟，起碼夠飽。跟餐的檸茶反而不錯，茶膽夠濃，很對胃。

公司距離百喜有近十分鐘路程,但每當想起要吃SALD一定會來這裡32蚊的一個午餐算貴了一點吧,但勝在份量十足那份厚厚的牛油多士與香滑的奶茶好夾吃完熱的便來吃我最喜歡的德國腸沙律,沙律是用罐頭熱帶沙律多汁,每次都好新鮮又多,吃完總讓人覺得吃不下那碗米線但每次一把充滿蝦乾味道的米線送入口中,又難以抵擋的不住的吃下去米線是最後食所以入哂味又軟滑鮑魚片好有口感而豬頸肉也很爽口,這個餐真的不可以常吃,要不然一定肥定了

尋晚要OT,所以冇煮飯, 諗起"百喜"嘅下午茶好味又抵食 而且知道佢嘅menu一個月會轉一次, 今次有我鍾意嘅"焗吉列厚切豬扒飯"和"咖哩班腩飯"就試晒兩款, 結果果然冇令我失望 佢用咗冇骨嘅吉列豬扒, 比起大x樂好食好多, 而且加埋熱飲都係$25 非常經濟 而"咖哩班腩飯" 咖哩好香, 味道啱啱好, 班腩炸得好好味, 份量十足都係$23 下次就試佢嘅"酸辣米線"

門口沒有什麼招牌﹐如不為意便很容易行過也不知道。 進入其不顯眼的門口後﹐發覺店內環境很大﹐閒閒地能足夠坐過百人。 是日叫了沙薑雞髀飯 – 肉質蠻滑﹐配埋其淋在雞髀上的沙薑汁味道不錯﹐ 白飯份量亦足夠。