百味車仔麵 (已結業)

絕對唔抵食，$28 5個響鈴卷，凍檸茶全部都係冰 ，係成杯啊。車仔麵又難食，貴到痴線，三個餸加5個響鈴同一杯嘢飲$80。未食過咁難食嘅車仔麵，唯一算係入口嘅就係雞翼，早知食附近嗰啲。

本來天氣已經好熱，行左成條街最後揀左車仔麵食，貪多口味自己揀咁啦，早知會咁，真係去返米線鋪食仲冇咁勞氣。。一坐低，個呀姐執枱，用埋千年濕布抹，濕到水浸咁，算，自己解決。叫野食，叫極唔應，舉手舉左成5分鐘都冇人理，因為原來依到大嗌先有人應，算，我等。落單完單，發現漏左杯走甜啡打單，佢打返出黎張單又冇走甜字眼，我提一提，佢話ok嫁啦，咁我就以為會去同水吧講啦，就冇理啦朋友罐汽水唔凍，同佢叫杯冰，話收2蚊，佢話換過罐比我都係咁嫁啦，咁我咪話其實只係杯冰姐，開罐新既咪仲蝕，佢先去叫半杯仔冰出黎。。。我食完碗麵，一飲杯走甜啡，一飲，甜到非起囉，但我已經冇氣再搵呀姐，慳返啖氣算。。。開post係一定要寫低，警剔自己，唔好再比自己選擇百味車仔都麵

琴日去完九龍醫院探訪完外婆，就搭翻van去左太子食晚餐🥣好耐冇食車仔麵，見到呢間餐廳新舊融合，乾淨衛生。入到去，啲座位都好寬闊，茶餐廳格局但都坐得舒服😌我就叫左牛筋油麵！可以揀兩種汁(沙爹同咖哩汁)岩曬選擇困難症嘅我！啲麵好多，好夠飽。而且牛筋都好足料，幾彈牙，吾會太硬，不過就冇乜味。碗麵加翻少少蔬菜會好啲！媽媽就叫豬大腸。吾算好肥膩，而且份量都幾多！兩個人食左$56，飲品比較貴，所以冇叫到。整體都中上，有好多食物配料你揀，啲麵連薯粉都有，有驚喜！可以試下😋😋😋😋

今日晏晝行過見到呢間車仔麵🍜,皆因唔想洗咁多錢💸💸食晏晝嘅關係,所以入咗呢間車仔麵門口好光猛,企理,似啱啱裝修裏面環境都叫闊落,唔會坐得迫迫夾夾食物選擇算多,要有嘅都係齊到,呢間車仔麵同其他車仔麵有啲唔同,所有價錢都係劃一,平時其他車仔麵好貴嗰啲餸,係lee到食都係段餸計,四個餸都只係$49,價錢公道我嗌左芝士腸🐷雞翼🍗牛肚🐂魚腐🐟米線🍜牛腩汁湯底,樣樣餸都average,唔太差,但碗野可以加啲蔥,咁就會再好味d喇男朋友嗌左牛柏葉🐂魷魚🦑魚片頭🐟貢丸🐷米線🍜,佢都話ok要讚👍係lee個冬菜,我諗鍾意食辣嘅人一定好鍾意,我知道好難所以落咗少少試食,又幾正經過附近可以一試呢一間車仔麵

師傅睇返上次寫嘅食評，不經不覺都已經一年了，喺呢一年裡師傅都食咗唔少嘢，但點解冇寫呢? 咪就係因為太忙嘅緣故加上又懶懶地，所以好少寫食評。今日忽然心血來潮，興之所至，決定短期內會分享一系列同車仔麵有關嘅食評，而呢一系列食評，師傅主要會寫幾個餸，分別係豬紅，豬皮，豬腸。何解? 因為師父覺得車仔麵中呢三道菜最難煮得好，單單試呢三個餸足以見真章。而第一篇師傅就揀咗呢一間食店。其實師傅前前後後都嚟過呢間食店四至五次，而呢間食店一向比師傅嘅感覺都唔錯，所以師傅亦都有介紹比黑食會嘅肥鄧。入到去入唔算多，揀啱位坐低後就立即劃野食。是次師傅就揀咗五個餸加米粉，分別係豬紅，豬皮，豬腸，紫菜同埋咖哩魷魚，配上中辣，劃好後即交比店員，等左唔洗好耐，一碗熱辣辣嘅車仔麵就放左喺師傅面前。一如以往，師傅第一啖當然是試下個湯底，湯底味道唔算特別話好出色，味道淡淡的，唔算濃，但味精也不算多，可以啦，原來一匙羹嘅辣醬就等於中辣，師傅將啲辣醬放落湯度撈勻佢，再飲兩啖發覺湯底比之前辣少少，但唔算超辣，絕對食到。之後再試下紫菜，就係一大餅紫菜，又冇乜特別，就係紫菜囉。至於豬紅就滷得好入味，一粒粒四四方方，入口煙煙韌韌，唔會一

今周日得夏總兩公婆蒲頭，人少少，就落太子食車仔麵，其實，每次聚完會落太子食晏，都喺其他人話事多，我就絕少會俾意見，反正我就真喺乜都食。入嚟到「百味車仔麵」，格局猶如茶記，以賣車仔麵而言，裝修算喺高檔，內籠夠光猛整潔，牆上又畫咗少少六、七十年代嘅大排檔光景，而座位以卡位居多，亦算闊落，唔會太高「密質質」。枱邊擺有大餐牌，但就無理到，因為一心都喺嚟食車仔麵。而餸料、麵底、醬汁嘅選擇就印晒晌張點菜紙度，一目了然。由於啲餸料款款額外再加都喺劃一收$7，所以，無乜邊款餸料有亮點，都喺比較大路。而背頁，就喺其他選擇，如飯品、小食及各種飲品。兩餸麵 $35餸料近50款選擇，都要花點點時間揀，由於出街食，盡可能揀啲自己唔識整或好難整嘅喇，所以就揀牛腩及金錢肚，要油麵，配沙嗲汁。啲牛腩炆得好鬆化，但又唔算好香，而金錢肚夠軟腍，但總喺感覺唔及酒樓啲點心咁濃香。麵底份量好足，麵條柔滑；湯底不過不失咁啦，加埋殼沙嗲汁，味道濃香啲，感覺再好啲。枱上嘅菜脯可隨意添加，有助增加啲鹹香度喔！熱奶茶 $7雖然午市食車仔麵無套餐之類，但跟車仔麵，飲品有半價。不過，奶茶就真喺普通啲，茶底有茶味，但唔叫得香，滑度更喺麻麻哋。

老婆放假同佢出街食晏老婆揀食乜佢就揀咗食車仔麵我而家對車仔麵就麻麻地因為真係覺得四五十蚊太貴重要係未必飽不過佢鍾意就食啦 入到去都有飯餐所以我ok環境就幾舒服冷氣足夠最好就係一張紙睇曬所有食物跟住自己點單老婆就食車仔麵我覺得佢個湯香味ok但係鹹度不足， 廚房俗稱嘅味道不能頂上嚟 即係衰啲講句，就好似食杯麵個湯淡咗咁有其香味，但就係都爭少少嘅感覺 餸就ok夠啦 而我嘅咖哩豬扒飯咖哩汁唔錯但係塊豬扒炸到過曬火，有點硬埋單103環境ok，好坐傾計ok冷氣夠，杯凍檸茶幾好飲飯嘅份量一般般 味道幾好係塊豬扒過硬 車仔面都唔錯嘅但係咁嘅價錢實在大把選擇我就未必再嚟

旺角這間百味車仔麵最近換了少許內部裝修卡位變多了~~👀其實我常去這間車仔麵是因為一來夠近二來以食車仔麵的店來說佢的卡座比較多坐得比較舒服少少~~🤭🤭🤭我和同事們通常都是去食lunch的~佢可以自選的在單子上自己剔就可以了~~~😬😬😬餸的款式都算多，有成48款~麵底都有10幾款~仲有幾款湯底可以選~總會選到喜歡的配搭吧~~😎題外話~lunch time選滿3餸1麵 ($42) 就送飲品~不用半價跟飲品了~~🎉🎉🎉如果心大心細一入門口有幅牆貼有“十二大推介”~我都試過佢當中7、8樣推介了~~🤭🤭🤭如果不想吃麵可以選佢的碗飯、焗飯~~🍛🍛🍛🍛仲可以單叫小食添~~其實我和同事叫來叫去都係果幾樣餸~~蘿蔔真係超甜🥕~無渣的~~仲舊舊超大塊~~海鮮卷味道唔錯🦑🐟~好彈牙~~牛丸不會太粉或太實🐮~~大大一粒~中規中矩魚皮餃皮不會太厚🐟~~味道不錯的~~我們每次必叫的是流心蛋~~🥚佢腌得好夠味~~醬汁味入曬味~~🤤🤤🤤流心次次都真係好流架~d個蛋真心推薦~~💕💕💕檸檬茶的茶底超級濃~~有點太濃了有一點澀澀的~~😖😖😖仲有每張枱都有樽菜甫~~菜甫微辣偏甜~~每次我地都會落好多的~~🎉🎉🎉因為配米粉、河粉

喺旺角行行吓街有啲攰，經過見到俾佢吸引左入去，入到去先知原來星期日係冇下午茶。🎈環境🎈店內都幾寛落，有很多卡位。🍊食物🍊因為不是太餓，叫了一個兩餸麵，習慣要清湯及腩汁，味道比較淡，沒有太多味精。很快上枱，份量不是太多，油麵食落比較粉，雞翼尖是我食車仔麵的至愛，這裡的雞翼尖味道不錯，但是感覺肉質比較膠及黏骨。朋友叫的三餸麵，份量感覺多很多，因為加了沙爹汁，賣相比我的較吸引。💁🏻‍♀️服務💁🏻‍♀️一般吧，姐姐們都好像比較忙，服務不是太殷勤。💰價錢💰不算平，性價比一般。

我下午5點幾過到黎食個車仔面，落咗單過咗一陣先醒起有下午茶餐🤦‍♀️如果三餸既話正價係$42，但下午茶餐只需$30，平好多我叫咗咖喱魷魚，芥蘭同埋芝士丸，配粗面，魷魚好韌，味道麻麻地，粗面都好乾身，食落去一d都唔淋，廿芝士丸還可以，不過整體份量比較少🤦‍♀️🤦‍♀️食完都唔係好飽肚，$42真係偏貴

今日係始創後面揾到間『百味車仔麵』門面好光猛，招牌好大好搶眼～入面去好似茶餐廳咁嘅裝修以「車仔麵」舖黎講都算係豪裝！入到去睇下個餐牌，有接近50款餸可選，後面仲有飲品同小食類別，真係要花啲時間揀下😂雖然配搭多、選擇多但點餐紙表達得相當清晰👍🏼👍🏼價錢一目了然！最初係門口見到啲相就巳經決定要食「咖哩魷魚」😍之後揀埋牛筋同紫菜～魷魚超抵食！一份有6～8大舊，而且無舊都有啲厚度，咖哩味帶甜，少辣食落好惹味😋紫菜份量都多，不過味道偏咸。牛筋無魷魚咁多，不過好彈牙，牛味濃👍🏼辣汁無乜特別略嫌唔夠香～

近排日日都好忙，所以如果午餐求其醫下肚就算，經過見到有間車仔麵，見入面全部係卡位都幾好坐，所以又走入去試下，叫左個套餐——4餸➕米粉➕飲品豬軟骨—-味道古靈精怪，又吳係鹵水味，又吳係黑醋味，好似酸味甘怪，一D都吳match白蘿蔔——抆得都夠林，蘿蔔淸甜都ok咖哩魷魚——味道都吳錯😊🐠片頭——-彈牙爽口👌不過個沙爹汁一D都吳好食，食車仔面個汁最更要，個汁絕對吳吸引😅真係平日絕對吳會係呢D地方叫咖啡飲，吳知自己仲乜會叫，好難飲的一杯咖啡（個人口味認為）所以飲左兩啖就無飲😰食物不過不失，普普通通，醫下肚就算😅

平時等人企喺呢間車仔面出面，今日終於有機會一試。我唔太餓，所以只叫了一餸麵- 牛腩紅薯粉，只是$28。平時餸有分唔同價錢，牛腩通常是偏貴的，但呢到的餸無分價錢，總之一餸麵就是$28。紅薯粉出面食通常要加$2-3 蚊的，但呢到唔洗加價。

平時出街食咩好！系太子見到一間百味車仔麵未食過，走入去試下先！我地叫咗三碗麵的餸有牛肚，蘿蔔，釀青椒，豬大腸，豬紅，豬皮，牛腩，雞翼，覺得一般而且小辣腩汁無特別。再加多杯鹹檸檬汽水。

多選擇的車仔麵餐廳，省時方便。枱面有惹味的辣菜莆隨意添加，鹹鹹香香拌面一流。叫了四個菜跟粗麵試試。餐廳說湯底是用大量豬骨黃頭肴製作，喝不去不太感覺重味精，清清甜甜的。粗麵煮得沒過火，量都適中。蘿蔔有三大舊，稔甜沒渣，好入味，十月未到食到咁好嘅蘿蔔，都幾滿意了。鮮豬潤白灼的，有點鞋口。招牌的五花肉有南乳香，肥肉部份有點多。釀青椒有兩塊，中規中距，浸在湯中少了點香口。順帶一提，車仔麵來說，座位坐得算舒服了。