百味章魚

营业中

休息中

旺中掃街勁開心，今日去咗食章魚燒，平日下午都唔算多人排隊，呢間呢又多款口味、又足料，而且又好味蟹子章魚燒$37有六粒：平時食開嘅蟹籽係橙色，綠色其實第一次見，顏色都幾靚又橙又綠，我覺得兩款食落去都係差不多味道！章魚燒食落去外脆內軟，裏面仲要係原隻章魚，都幾彈牙，而且上面再鋪滿勁多蟹籽，加埋木魚絲，夾埋沙律醬和燒汁食超正！即叫即做好新鮮，等大約10分鐘左右！附近有一個公眾企位好方便，食完隔離有垃圾桶可以掉！

今次就去咗旺角人氣熱店 — 百味章魚，聽講係旺中真章魚無雙嘅原班人馬主理，信心保證！今次試咗佢哋三款招牌章魚燒：蟹膏蟹籽同黑松露雙拼、蜜糖芥末同埋芝士章魚燒，真係款款都咁出色！ 🦀 黑松露 x 蟹膏蟹籽：極致奢華享受 ✨首先要讚嘅就係呢個霸氣十足嘅雙拼口味 — 蟹膏蟹籽 x 黑松露！一打開盒，濃郁嘅黑松露香氣撲鼻而來，令人食慾大增！蟹膏蟹籽嗰邊亦都毫不遜色，鋪滿蟹籽嘅金黃色蟹膏，睇見已經流口水！食落去，黑松露味濃郁而不膩，完美咁融入外脆內軟嘅章魚燒之中，口感一流！蟹膏蟹籽嗰邊更加係鮮味十足，啖啖都充滿海洋嘅氣息，蟹籽卜卜脆嘅口感更加係錦上添花！呢個雙拼真係超值之選，一次過滿足兩個願望！ 🍯 蜜糖芥末：甜蜜滋味，令人回味 😋跟住就試吓呢個蜜糖芥末味！金黃色嘅醬汁均勻地淋喺章魚燒上面，賣相非常吸引！食落甜甜哋，帶有少少芥末嘅辛辣味，味道平衡得恰到好處，唔會太膩。呢個口味清新開胃，令人回味無窮！🧀 芝士控福音：拉絲芝味，無法抗拒！😍最後就到芝士章魚燒出場啦！身為芝士控嘅我，對呢款真係毫無抵抗力！一打開盒，就見到拉絲嘅芝士🧀鋪滿晒成盒章魚燒，真係超級邪惡！熱辣辣嘅章魚燒配上半溶狀態嘅芝士，拉絲

好好食嘅章魚燒！同真「章魚無雙」同一班底！今次揀左3款食：-大阪風章魚燒 hkd 29原汁原味🌟醬汁好濃郁 好好食一定一定要襯熱食 想食原汁版嘅必試呢款-蜜糖芥末章魚燒 hkd 31個人最中意最推介呢款～話就話芥末但一啲都唔辣正！👍🏻-沙律蛋章魚燒 hkd 32一個價錢有勁多配料沙律醬加蛋再加章魚燒，真係勁飽😻

👅今日收咗工同朋友去行旺角中心，經過2樓美食區聞到香噴噴，原來係章魚小丸子味道，細看下原來佢地係真•章魚無雙同一班底，唔怪得味道似曾相識，咁高質素🤩🤩⋄呢度有12款口味，雙拼加$2，可以揀6粒或者8粒，而家仲做緊優惠每盒減$3，好抵食😍⋄味道方便，款款都好足料，配料非常多，網絡好豐富，章魚燒熱辣辣，入面仲有原粒章魚，配埋本身揀個口味超正😝 個人比較推薦蟹膏口味，配埋一齊食風味十足😙⋄⋄====—====—====—====—✦ 章魚燒 ✦🧡🦐明太子拼櫻花蝦（優惠後：$35/6粒）—🍄‍🟫🦀黑松露拼蟹膏（優惠後：$38/6粒）—🧈🌽蒜香牛油粟米（優惠後：$32/6粒）====—====—====—====—.📌店名：百味章魚’📍地址：旺角彌敦道688號旺角中心第一座2樓SB02號舖

一講起章魚燒, 第一時間諗起旺中一間專賣章魚燒嘅外賣小店, 今日重返舊地, 發覺店名改咗做「百味章魚」, 但班底依然都係keep住係前店名*真‧章魚無雙*, 保証質素不變, 而且推出限定優惠, 每盒減$3。「百味章魚」主打多款口味章魚燒, 有六粒同八粒選擇。章魚燒即叫即整, 所以order後都要預返少少時間等。每款口味嘅章魚燒都會加上沙律醬同埋木魚碎。而每粒章魚燒入面平均都有兩大粒爽口章魚粒, 口感滿足。芝士章魚燒: 面層芝士經火灸過, 令芝士跟章魚丸熔為一體, 金黃帶點焦濃, 味道有有芝士鹹香, 正!黑松露章魚燒: 每粒章魚燒都被平均淋上了黑松露醬, 再以黑松露點驟, 入口軟滑兼黑松露味道濃郁。蜜糖芥末章魚燒: 甜甜嘅蜜糖芥末, 配上沙律醬, 味道好match。

朋友好鍾意食章魚燒，原先入到去旺中以為小店已經唔做，望真啲發現原來因為加盟約滿所以改咗名做百味章魚，無搬到鋪，原班人馬，味道唔變。章魚燒有六粒有八粒，可以單拼或雙拼，圓碌碌好可愛，因為好多人所以需要等候一段時間，熱辣辣上，外層微微脆身，內裏餡料飽滿，章魚份量合理，帶口感。今次試咗三款口味，分別為芝士、蟹子同黑松露。醬汁滿滿，足以搭配章魚燒。芝士帶鹹香味，蟹子粒粒口感，黑松露味濃且香，下次會試賣其他口味。