百伏棧台灣小吃 (已結業)

去過好多間台灣菜都冇素食，原本都冇乜期望，同事行埋去睇吓個Menu，竟然有三款素食（素菜雜菌煲、麻辣鮮菌素雞麵、紅燒豆腐鮮菌飯），即刻試！由於天氣比較熱，冇試到雜菜煲。紅燒豆腐鮮菌飯幾好味，都算多餸，反而素雞麵就唔係好滿足。飲品方面，胚芽珍珠幾好味，楊桃蜂蜜就一般。60幾蚊一個堂食lunch，幾抵幾好味，下次可以試埋個雜菜煲～

連續上三個鐘堂之前想快快脆脆食個午餐，所以隨意揀咗喺對面大廈嘅一間台灣野，喺其他舖頭都full house嘅情況之下都仍然有位，都估到唔需要太大期望。叫咗一個台灣牛肉麵，麵條都唔算彈牙，但係唔會太軟，牛肉就冇咩太特別，湯底就更加不值一提，冇咩味，好似唔記得落調味料咁。如果唔計牛肉，成碗麵就係一個字，dry...杯奶茶都普普通通啦，至少唔係得個甜字，而且有啲麥芽，不至於太單調。

去開灣仔，諗住食個晏晝飯，誤打誤撞係商場搵到呢間台灣野食物選擇唔算好多，我就揀咗個牛肉麵配珍珠奶茶。牛肉炆得好淋，都幾入味。湯底就一般，冇乜特別味道，啲幼麵就淥得比較淋。飲咗先記得影，份量係滿晒嘅～ 同出面嘅台式珍珠奶茶唔一樣味，佢比較重茶味，同奶味唔係好夾，珍珠都偏淋。朋友叫左雜錦滷味拼盤，有雞翼，豆腐，鴨胸等等。冇乜滷味嘅味道，普通鹹鹹地咁樣，冇特別好食。 肉躁飯都係一般鹹味～總結：不過不失，但去開灣仔可以食下其他野

今日day off黎搵男友食lunch,近近地去大有廣場食台灣野，因為早左去攞位，唔洗等就入得。麻辣鮮菇素雞麵🍜麵上鋪左唔少雜菇同幾片素雞，麵都算滑，咬落就唔係幾有口感，味道適中，有d酸酸辣辣既菜係底，所以食到底會偏咸小小。 紅燒牛肉麵🍜麵底同頭先一樣，有幾片厚切牛𦟌，咬落爽口，特別係筋位部分更加有口感。Lunch set包一杯台式飲品，我地叫左桂圓紅棗茶同埋楊桃蜂蜜茶。值得一讚係桂圓紅棗茶真材實料，有好多桂圓紅棗同杞子，不錯👍🏻

夜晚係灣仔見到有間商場開就入去搵野食見到呢間仲開緊就入去食啦餐單～我就叫左平時好中意食既紅燒牛肉配擔仔麵 $60野飲係芒果多多 $13小食係滷水雞翼 $38擔仔麵唔錯但係紅燒牛肉無想像中好食 好一般本身都好中意芒果但係呢杯芒果多多都好一般無咩特別驚喜滷水雞翼都ok好食環境方面都ok 中小型餐廳服務都ok 職員都友善我就唔會太推薦呢間因為食完就好似填飽左個肚但就唔記得左自己食過d咩不過佢都算開得夜如果夜晚無咩野食都可以黎試下

百伏棧真係無改錯名。。伏。🤦🏼‍♀️🤦🏼‍♀️同同事3個人Lunch time 來到大有，食返上次Miss 左嘅百伏棧，原因係公司同事話幾好食，上次錯過左之後第二日決定再戰大有來食。😜上到2樓，無平時咁多人，我地等左around 10mins 就有位，同事上次來睇餐牌時己經Mark定要食海蜇三絲冷麵，另外一位同事因爲唔舒服，所以佢揀左紫菜雙丸酸菜米線，而我就梗係食肉燥飯+香酥豬啦，配珍奶。咁先係台灣嘢嘛。😂😂😂🤪🤪🤪落單幾分鐘珍奶先上，同事飲左一口幾好飲。。就係呢個時候，後面枱嘅客人突然話飲品係佢地嗰枱的，結果我嗰杯就收走左，但同事因爲己經飲左一口，所以就無辦法啦。。本身都無乜嘢，但估唔到呢刻開始就成就左佢漏單之路。🤦🏼‍♀️🤦🏼‍♀️🤦🏼‍♀️🤦🏼‍♀️同事冷麵先上，同事個comment 係街邊一包包撈撈既大碗版。🤦🏼‍♀️🤦🏼‍♀️🤦🏼‍♀️ 唔係卦。。之係米線，同事表示無Commment，就係米線囉。而我嗰份餐，我等左差唔多30mins 都未有，我同事仲好好咁突登食慢啲等我😏😏😏。。催左佢一下，話就快，但我其實連杯珍奶都未到。後來問另一位姐姐，咁啱佢手頭上有杯珍奶無人認頭，佢就俾左我先。我一飲，無

灣仔大有商場有幾間食店其中有間個名好搞笑 叫百伏棧係賣台灣野食既諗住台灣野都唔伏得去邊既叫左個lunch set 肉燥飯拼蓮藕餅 飲凍珍珠奶茶唉 都真係幾伏個肉燥飯好少肉燥 同埋好油而個蓮藕餅就唔係煎既 係炸既比較乾身同埋好油成件事好dry 即刻叫餐飲呢到餐飲可以叫台式飲品印象中係唔需要另外加錢既 都算係咁杯餐飲珍珠奶茶都算正常既已經少甜左但都超甜 同埋啲珍珠煲得太淋無哂彈牙既口感不過無期望就無失望只能夠話佢同個名一樣咁伏

由於佢叫做百伏，好有中伏 feel，今日終於比勇氣試下。香蔥蓮藕餅配肉燥飯($53)：見到佢有個 thumb up 而揀嘅，不過，可能其望過高了。都 OK 嘅，不過我覺得榮式燒雞扒嘅藕餅比較多汁好食。至於肉燥飯，我比較喜歡度小月嘅香味同肉質，不過百伏比較平，並唔係公平嘅比較。台灣蔭豆豉炒時菜($42)：唔知咩叫蔭豆豉而點，食入口都係豆豉，可能係叫法或者品種或者制法有少少唔到。我自己好鍾意食豆豉麵豉，一定覺得好味。

今日因為左邊膊頭有啲痛，醒起之前買咗嘅B T L package仲有兩次未用，於是就book咗四點半鐘，公司冇乜嘢做，食完午飯我就出咗去啦！預多咗時間，三點半鐘就過到去灣仔，又未夠鐘，於是就喺對面大有廣場搵間食肆坐低飲杯嘢先啦，我行下行下又來返呢間台灣食店，我真係好鍾意呢間野㗎!下午茶時間得一兩台客，佢哋menu多咗一個豆腐肉燥飯，以前冇架，試下先，飲品我揀咗桂圓紅棗茶，真材實料，好多桂圓同杞子，好好味呀！豆腐係新鮮炸嘅，再返啲肉操汁非常之夾，個豆腐外脆內軟，仲好食過臭豆腐啊，果然係性價比高嘅一餐下午茶。

果然同舖頭名一樣，百伏，我真係中伏左，一個六十幾蚊嘅米缐餐，米線份量只有小童size，食兩口已經食完，所謂麻辣半點也沒有，酸菜並非酸菜只有一個鹹字，珍珠奶茶叫佢少甜少冰，佢比左杯走甜走冰，如此餐廳不知能捱好久🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️雖然呢度人流唔多，每一個人上來嘅都係打算喺呢一層樓食午餐，走到門口，好多人過門而不入，出到嚟嘅人大部份都係失望而去，所以奉勸大家都係唔好中伏😓😓😓

其實好耐之前都食過呢一間台式料理覺得都非常麻麻，今次同事話不如咁耐冇食就嚟試下，見到餐牌都係平民化大概50至60左右包一台式飲品。叫咗肉燥雞扒飯，黎到啲肉燥好似嘔吐物咁，豬扒味道一般，可以接受，但係就比較瘦及「鞋」，同食食下都冇乜胃口，覺得唔係太好味。胚芽奶茶奶茶味偏苦，而且唔似台式奶茶，有點失望同事叫左牛肉麵，嚟到個賣相已經非常唔掂，再睇埋啲料真係食少少都嫌多，同事都話非常難食。呢一間嘢真係同個舖名一樣超級伏

同事話好耐無食台灣野，咁就去咗大有廣場度食啦。一上2樓電梯，就即刻見到大大個招牌寫住百伏棧台灣小食，所以好易搵。👍👍我哋大概12點半到，唔算好多人，等左一張枱就到我地啦。但係店內已經沒有位置了，咁我哋唯有坐出邊喇。佢有個午市套餐既，連野飲，大概五六十蚊加一。我就叫左一個紅燒豆腐雜菌飯，包野飲。我就叫咗杯桂圓紅棗水。個飯份量都算多，一個女仔就食唔晒啦。但係唯一美中不足係唔係太多汁，無得撈飯食。午餐來講算係咁，都算坐得舒服嘅。但係午餐時間佢都唔俾你坐得好耐，見你食晒就開始執台啦

同事話好耐無食過呢間台灣野,今日lunch就去食啦.覺得份量就比以前少左啲.香酥豬排,外皮炸到金黃色,既不油膩又無油益味,外皮可口加上肉質鬆軟,咬落去啖啖肉,好味.我最怕喺食到外皮面粉多咬落去皮同肉分開,但這個香酥豬排絕對不會.蓮藕餅,覺得炸到有啲油膩,同無咩蓮藕味.鮑汁雜菌煲,煲內有雪耳, 菇, 小棠菜,西蘭花等.我平時對菇類嘅喜好一般,但這個煲內嘅菇 好林好入味,菇加上香濃嘅鮑汁真喺好好味,令我對菇有另一番嘅看法.

午飯時間嚟食，因為餐廳本身地方唔大有d逼，初時以為要等，最終冇諗過唔洗等位，入去點埋餐好快有得食。京烤排骨麵，麵既質地唔錯，不過排骨就又乾又鞋，唔會再試。豬腳麵既豬腳煮得好諗，不過唔覺得佢入味，食落覺得好一般。飲品係同桂圓紅棗茶同柑桔薑茶，兩杯都係滋補養生既，不過薑茶既感覺似係用沖劑沖出嚟。而桂圓紅棗茶一上既時候係有條頭髮，同職員講咗之後即時換，服務都算係咁。整體嚟講，以60蚊食碗呢d質素既麵真心唔值，日後未必再去。

係灣仔食lunch 雖然有好多餐廳但係一到午餐🥣時段 等位都係一個好大問題咁熱既天氣 如果搵地鋪既餐廳🍴剩係等位都等到出晒汗 於是就果斷上大有商場到搵野食上到黎之後 見到有間台灣野12:30 入面仲有好多位唔諗咁多即刻入去一坐底 間野個名叫百伏棧即刻比佢嚇左下 ↙️唔緊要 就試下佢有冇伏2個人每人叫左一個lunch set 一個係台式豬扒飯 一個係台式腸雞翼飯1. 台式豬扒飯 配 珍珠奶茶☕️豬扒炸得有小小乾 食落去口感有少少銀佢有個台式sauce 俾你點 點左之後會冇咁乾但係個sauce就唔係好夠杯珍珠奶茶唔係太好飲寧願揀其他特飲2. 台式腸雞翼飯配紅棗桂圓茶呢個飯相對來講係比豬扒嗰個好味啲台式腸整得唔錯 好味過雞翼 都係要點左個sauce 先會較好不過唔好咁高要求喇 lunch時間快快搵間ok既就足夠了2個人食左$127