百伏棧台灣小吃

营业中

休息中

本來見到間餐廳名都好似復復地 伏，，一開始對它的名字並沒有太大期待，但是因為同事特別推薦， 我抱著試試看的態度入去了。正值午餐時間，未夠一點鐘座位都係有的，餐廳裡的座位在13:16分坐得滿滿的。我點了一碗紅燒牛肉麵，價格是67蚊，還附送了一杯飲料。當我拿到帳單的時候，卻驚訝地發現還需要額外支付6.5蚊加一服務費，總共73.5蚊。這讓我感到有些不悅。麵條的口感不太好，湯的味道也很淡，紅燒牛肉麵的湯底完全不應該是這樣的。不過，牛肉的味道還可以接受。最令我失望的是珍珠奶茶，我從來沒有喝過這麼難喝的。不過，柑桔薑茶還算可以，還算可以接受。總的來說，這家餐廳讓我感到有些失望。希望他們能改進食物的味道，特別是湯底和珍珠奶茶的口味。我可能不會再次光顧這家餐廳，除非他們做出了一些改變。

本來見到間餐廳名都好似復復地 伏，，一開始對它的名字並沒有太大期待，但是因為同事特別推薦， 我抱著試試看的態度入去了。正值午餐時間，未夠一點鐘座位都係有的，餐廳裡的座位在13:16分坐得滿滿的。我點了一碗紅燒牛肉麵，價格是67蚊，還附送了一杯飲料。當我拿到帳單的時候，卻驚訝地發現還需要額外支付6.5蚊加一服務費，總共73.5蚊。這讓我感到有些不悅。麵條的口感不太好，湯的味道也很淡，紅燒牛肉麵的湯底完全不應該是這樣的。不過，牛肉的味道還可以接受。最令我失望的是珍珠奶茶，我從來沒有喝過這麼難喝的。不過，柑桔薑茶還算可以，還算可以接受。總的來說，這家餐廳讓我感到有些失望。希望他們能改進食物的味道，特別是湯底和珍珠奶茶的口味。我可能不會再次光顧這家餐廳，除非他們做出了一些改變。

諗住試吓新嘢，見到大有商場有依間台灣食店好耐一直未試見佢價錢又比較相宜(比起其他大在有商場的餐廳)最重要係有位晤使等位，咁就試下啦一開始見到個餐廳名叫 “百伏”😳😳🤣🤣🤣，個心真係笑咗出嚟😆😆😆唔通呢間餐廳伏味濃？有100個伏？😳😳😳🤣🤣🤣所以我決定都係試d穩陣嘅食物😅😅😅賣相一般，食物正常，d 肉都算林，樓面中等，晤似其他灣仔餐廳搭上搭🙃整體還算可以，正正常常😌晤係百伏😂😂😂

無改錯名既餐廳！大膽去試伏真係餐廳如其名好伏！成間餐廳午市都無坐滿就知咩料！叫左個lunch set 60蚊京燒排骨麵 同珍珠奶茶個麵一黎嚇親我 個排骨既化學紅色好似未煮熟咁 望到都覺得唔吸引份量少 麵好少 無其他配料 得幾粒蔥食完得6成飽 男人更加唔夠食望到隔離叫既肉燥飯 個餸同飯用頹碗裝 台式小菜咩都無珍珠奶茶隨餐送既 好甜 珍珠少仲原來有收加一 頂咩 咁既份量同質素坐低放低杯茶叫做服務？我不如去對面餐廳食總結 超級伏劣食 街鋪車仔麵好過佢 唔建議食

唔夠人手就請人啦我企喺門口問咗兩次有冇X位有冇枱 d 職員都當我透明有兩個男人問佢有冇兩位 又即刻有反應 我問有冇位 佢竟然派籌俾嗰兩個男人先輪到我 我咁大個人企喺度問咗幾次 都仲要個籌排後過遲過我嚟嘅人 我出聲話我嚟先 職員又變返冇反應上次食過一次食物麻麻哋 但啲職員十問九唔應真係好伏

上次食完越南野,見到對面有間台灣店,終於有時間試下,入到去冇咩客,叫一份豬扒鹵肉飯午餐加一杯珍珠奶茶,豬扒來到看見港式炸豬扒,唔似台灣風味,鹵肉飯,緊加要改進,珍珠奶茶冇茶味,真係麻麻地。

見肚餓就黎食茶餐，塊雞排薄過紙，粉厚夠牆，又有陣味，性價比極低，第一次寫食評，因為真係第一次食過咁伏既餐廳，寫差既食評其實好難，因為其實都驚影響間舖，但真係做餐廳可以做到得過且過？寫差既食評真係想間舖改善，期待下次黎試，再俾一次機會

已有幾年冇嚟呢間「百伏棧台灣小吃」，今次與朋友再嚟，依然冇咩變喎，還多了一些款式選擇 😉👆🏻“四式鹵水配紅米飯”～有鹵水雞翼、豆腐、煙鴨胸、腩肉，叶得夠晒入味，配合紅米飯一齊食，口感👍🏻😋👆🏻“豬手米線”～豬手炆得夠淋又煙韌，米線夠滑 👍🏻😋👆🏻“排骨米線”～排骨肉稍為鞋，麻麻哋啦！🤔👆🏻“炸蝦餅”～炸得夠鬆脆，蝦又夠彈牙 👍🏻😋👆🏻“台式珍珠奶茶”～有冷有熱，各適其適，味道👌🏻😉

佢冇改錯名，真係伏，下午茶餐叫咗椒鹽魷魚鬚加凍胚芽奶茶，魷魚鬚油淋淋，個粉漿好後， 凍胚芽奶茶真正伏，基本上見唔到胚芽咁濟， 但飲落一陣油膱味， 但又淡茂茂，飲咗幾啖真係唔想再飲落去。 唔怪得其他鋪要排長龍，呢間咁多吉枱。

點了四份套餐, 兩份午餐, 兩份下午茶, 但份量完全一樣, 而格價則$7X及$4X, 1. 份量不足! 一小碗飯份量邊個夠食! 午餐, 下午茶都唔夠!2. 最可怕是麵線是糊的完全唔彈牙! 珍珠亦是糊的一點都唔QQ! 3. 肉燥飯無冬菇係普通炆免治豬肉. 白曬曬, 4. 海哲三絲, 無海哲, 小小雞肉絲差不多無, 青爪絲比牙籤, 線條更幼, 麵線好糊好難食, 醬料好鹹, 食完要飲好多水. 5. 肉燥麵線, 應該係肉燥羹, 麵線糊食得成口醬糊得好難食, 湯<傑>度好似糊, 十分難食! 建議不要吃, 若要, 飲品免強可以.   以為係大有商場都好食, 點知有間這麼難食, 食品環境還可以, 食品就好差而且好細好貴!

疫情以黎真係好耐冇見呢個friend，今晚終於約到晚飯！我哋都好鍾意食台灣野，所以就揀咗灣仔呢間台式餐廳試吓！今晚我哋叫咗個二人新竹餐 $228 套餐入邊包左每人一個飯，兩款小食、湯及飲品！涼瓜排骨湯涼瓜夠飲落去有一啲回金嘅感覺，夏天飲呢個湯的確唔錯，麻辣雞絲粉皮食落去唔會好辣.不過感覺唔好加麻醬好啲！香蔥蓮藕肉餅肉餅彈牙..煎到幾香口！招牌滷味拼盤包括有入哂味既雞翼，豆腐，豬腩肉等啦台式肉燥飯 加$4最欣賞呢個肉燥飯有台灣嘅感覺總括二人餐來講呢個價錢都算合理，餐廳環境都坐得幾舒服！

本身都冇乜期望，係見佢唔使等位，一行八人分兩張枱搞掂晒，就嗱嗱臨坐低🤣餐牌都有唔少選擇，見到附近有唔少人都嗌豬扒，或者係雞，最後自己都揀咗酥炸豬扒滷肉飯。座位都隔得開，唔會太逼。雖然係坐咗喺出邊，商場人來人往，但勝在唔會太侷促。不過我哋分開枱，傾偈就難啲。等咗一陣嘢食就到，份量都唔少，雖然一睇就知唔係超好食，但食落都有啲驚喜，豬扒入味，不過感覺唔算新鮮，有少少太林身。加埋個肉燥飯，夠飽肚。嘢飲揀咗薑茶，中規中矩。

灣仔食午餐，搵位特別難，呢度冇得訂枱，要攞籌，經常有10幾20人等位，樓下 cafe長期小貓3-4隻，但點解我仍然願意等呢? 🔸️服務 🌕🌕🌕快及有人情味，雖然等候人多，但流轉快，唔駛等太耐 (正常都要等10-15分鐘)，可能近日有疫情，今日唔駛等…… 仲有，唔會趕人走 侍應大多是40-50多歲中年人，其中有一個比較年長，負責外面座位的特別親切、有禮 🔸️食物 🌕🌕🌕🌗午餐已包一碗飯 (可加$3轉菜飯/滷肉 飯)，一個餸，一杯台式特飲，物超所值 飯餐: 偏向重口味，今日有點過咸，好彩有菜飯平衡返D珍珠奶茶: 味道正常🔸️環境: 🌕🌕🌕尚算舒服，會搭枱的 🔸️價錢: 🌕🌕🌕🌕$60-$80 有找🔸️總括: 🌕🌕🌕🌗

去過好多間台灣菜都冇素食，原本都冇乜期望，同事行埋去睇吓個Menu，竟然有三款素食（素菜雜菌煲、麻辣鮮菌素雞麵、紅燒豆腐鮮菌飯），即刻試！由於天氣比較熱，冇試到雜菜煲。紅燒豆腐鮮菌飯幾好味，都算多餸，反而素雞麵就唔係好滿足。飲品方面，胚芽珍珠幾好味，楊桃蜂蜜就一般。60幾蚊一個堂食lunch，幾抵幾好味，下次可以試埋個雜菜煲～

連續上三個鐘堂之前想快快脆脆食個午餐，所以隨意揀咗喺對面大廈嘅一間台灣野，喺其他舖頭都full house嘅情況之下都仍然有位，都估到唔需要太大期望。叫咗一個台灣牛肉麵，麵條都唔算彈牙，但係唔會太軟，牛肉就冇咩太特別，湯底就更加不值一提，冇咩味，好似唔記得落調味料咁。如果唔計牛肉，成碗麵就係一個字，dry...杯奶茶都普普通通啦，至少唔係得個甜字，而且有啲麥芽，不至於太單調。