百份百餐廳 (長康邨)

营业中

休息中

今日嚟到青衣，見附近餐廳選擇唔多，一search見到呢間就嚟左食了😳唔想食得咁油膩，嗌左個蕃茄湯飯～湯底好開胃，有酸酸甜甜嘅蕃茄，又有唔少木耳、蘑菇同埋雞肉。雞肉夠滑，配埋浸住湯嘅飯食好易入口。整碗飯都好好味，食食下唔覺意飲哂啲湯添🤤另外再嗌左個咖哩牛腩飯。佢地嘅飯加左紅米，比起齋白飯較健康。仲有少量雜菜，放係碟上都幾顏色鮮豔～而睇落平凡嘅咖哩，原來一食落口係辣嘅😳但未至於辣到頂唔順，反而食食下都辣得幾過癮👍🏼牛腩同份量都多，食到最後都可以一路送飯食～佢哋嘅羅宋湯標名低鈉，飲落又真係唔咸，而且裏面有多蔬菜，所以都幾推介大家飲呢碗健康羅宋湯🤩雖然佢地食物嘅價錢喺屋村嚟講算係偏貴，但質素唔差，所以都值得一試🤓

間唔中會黎食，早午晚餐都有試過食，今晚黎食犀飛利銀芽肉絲脆麵，以前嘅肉絲變左大大條嘅豬頸肉😳成碟勁多大蔥同埋大豆芽🌱連熱飲要$51，覺得碟麵用料唔值呢個價錢💸👎🏻最近黎嘅10次8次，服務都好差🙄成日唔行過黎埋邊果邊，一係就唔望人，咁點落單叫嘢食？唔通次次都要d 客大聲叫落單咩！？ 😤 今晚8:30左右落到去，等埋食緊未夠9:00，個女侍應响我面前係咁掃地，之後仲拖地，好唔合衛生，好似趕客咁😒以後都會少d 黎食😝

燶到咁都交比客，d肉碎仲係一舊舊痴實哂，意粉又乾，點食呀！😡已經唔係第一次係咁，好彩上次有個人見到就叫廚房換，今次就當咩都睇唔到照出比客，好過份囉。雖然係老屋村餐廳，更有部份員工既態度好差，點都唔應該咁對客人囉！註:我只針對"焗"既外賣食物品質，其他食物都算ok。

劣劣劣平。平時D服務員態度已經極差，一坐低就係咁問你食乜，到你諗住叫野食時，個個就視而不見。今日叫魚柳薯條，就比豬扒薯條，叫佢換啦。佢攞左去唔夠5分鐘，拎翻同一碟黎。我咪同佢講，係比錯左豬扒，你比翻同一碟我，想點😤😤😤

由一開張幫親到今時今日，初初會早午晚不定時幫親，後期晚飯太失望，現在連早，午餐都越做越差，早餐叫了差不多半小時才送來，品質比早期開張差了很多，就算貪方便也不會再幫親。

第一下入去坐冷氣凍到好似冬天咁左右兩枱新客都異口同聲話凍要改善餐牌: 咁大個連鎖集團竟然冇鐵膽早餐吉烈豬排失敗唯有叫吉魚啦一上餐, 成件事已經宣告失敗中既失敗份量一般吉烈魚柳口感粗糙, 調味都差過人, 一部份冇味, 一部份就鬼死咁鹹成塊魚柳超薄身,又細塊好明顯 為慳盡成本 將一塊本身細塊既魚柳強行錘薄扮大塊炒蛋冇咩蛋味, 油"益"味好重茄汁豆攞貨再賣, 冇特別塊蒜蓉多士 上枱得半塊只有多士中心部份有塗蒜蓉其餘位置只係乾啃冇味多士失敗凍飲: 呢間餐廳唯一值得讚既係茶膽係有質素既完PS 質素以前好好, 依家愈keep 愈差難怪啲客落返哂樓下嗰兩間

原本想吃車仔麵，但華記還在放假，就去了百份百買外賣。我要鮮茄豬扒焗飯，中年戴眼鏡的男店員說要$60，我嚇了一跳，去年應該是$50不到…我問是否加價了，店員不耐煩地問我要哪個飯… 我又不是在百份百打工，怎會知道有多少款蕃茄豬扒焗飯。幸好一起排隊的女士在餐牌上指出「滋味焗鮮茄豬扒飯」，原來那個店員（其他女店員很好的）要按著餐牌上的編號才懂得落單。外賣價錢是$46連熱飲。回家後，發現熱飲的熱檸水比焗飯還要熱，焗飯只是微暖，我估餐廳是預先製作了一堆焗飯，便照吃，味道沒有變。豬扒還是下了很多鬆肉粉，整體不過不失。吃兩飯2小時後，我開始拉肚子，至今已經瀉了三次。這是我今天的第一餐，肯定是焗飯出問題…

晚餐點了乾炒牛河和海鮮炒飯。餐廳內人客不算多，我們被安排坐在冷氣風口處，整頓飯也在寒冷的環境中度過。乾炒牛河其實味道不錯，但因之前食過更有鑊氣的，所以這次吃時覺得不夠鑊氣。海鮮炒飯也是平常在別的地方吃到的味道。整體來說，不過不失，沒有驚喜，如果目的是為了填飽肚，那可以繼續幫襯。

基本上，每次來這間也會叫美式雜扒餐，原因無他，就是覺得這個餐豐富：有豬扒，雞扒，腸仔，太陽蛋，飯，薯菜，仲包一杯飲品! 聽落唔錯，事實上，如果你要求不高，這個餐是 ok 的。吃這個餐都幾講運氣：我們3人叫扒餐，當中只有一個人的扒餐的盤是夠熱和薯條有茄汁。而我呢，不是太幸運，昨天吃的扒餐盤唔夠熱，連隻蛋都煎唔熟 =.= 飲品我叫了杏仁霜，ok 的。有滿滿的杏仁味，好似吃緊杏仁餅咁，喝到中途仲嚐到奶味，沒有偷工減料 ! 基本上，算是 ok 啦。

好多小店汁左粒，變左好多大型的連鎖餐廳，　百分百餐廳是其中一間，有幾間分店。下午茶價格尚算抵食，$30左右一定會有。熱奶茶~幾香幾滑的，不過沒有以前飲的那麼好，差左少少。豬扒煎蛋公仔麵真是不得了，豬扒外油內乾，味道一般到不一般，煎蛋也是油份十足，每口都是油，不是很好...公仔麵的份量也好少，感覺一個都沒有，湯底全無特色，所以真的完全不會飽，價格也是將貨就價！

天氣熱，搵住搵間有冷氣茶餐廳食個舒服lunch，就行左黎百份百。揀左個「魚香肉鬆茄子斑腩飯（$44），配凍檸茶少甜（+$3）」侍應午餐時段落單笠笠亂，幾台都落漏左，等左超過十五分鐘個飯先到，至於個飲品就等左20分鐘明明個飯叫「魚香肉鬆茄子斑腩飯」，但根本就無肉鬆呢樣野得啲啲肉碎，有完全冇魚香未，啲獻汁打得杰得濟茄子同班腩都唔夠熱個班腩成舊都係雪藏味，炸得好差淋晒一路食一路覺得好嗮錢，因為真係難食唔會再有下次

屋企樓下就腳 每逢六日都會去食下而我都等到下午茶時間九成吃花生醬西多今天等了廿分鐘唔對路再吹下佢之前都訴過一次 因為等成45分鐘都未出有個哥仔話正常5-15分出到黎丫姐話整緊 fine 等多5分鐘埋到位 舊西多扁既 見唔到立體感上面仲有見到d溶左既牛油 同埋有d液體唔知係糖漿 打斜黎倒下...唔似係去問佢拎糖漿 成支拎左黎 照落咯（以前一直都係見到塊牛油 糖漿分開上）開始切...,!&^@…#& 上層同下層面包即刻分離入面仲要冇花生醬 我叫經典花生醬西多 唔係叫2塊炸方包喎同場 有位丫姐話個湯面唔夠熱又有一位少姐米粉唔夠淋切左半份 我就投訴 扁左唔緊要點解一切即刻分體 仲要冇花生醬換完返黎 佢夠胆死真係搽返d 花生醬落去我切左果半份冇郁過 繼續切埋加左花生醬果半份 當然分晒體拉 食左8分之一口 都無謂食落去D staff換過好幾輪 係人都知我只係會叫經典今日感覺真係好差同老婆週末必去既地方 唔會再去

今日由於親戚有點東西要給我們，所以就去她們位於青衣的家，順便去探望她，聊兩句。老人家就是這樣，因為天天悶在家，偶爾有人去探望她，難得有一個傾訴的對像，就會拉著你聊天。見今天沒有約人，就多聊兩句。離開時驚覺已經中午，正感肚餓，就在附近找一間茶餐廳午膳。先看看餐牌，對午餐興趣不大。價錢都是合理水平。不想吃飯，最後點了街邊乾炒牛河($45)，粉河用上薄身的河粉，口感不錯。調味適中，不會過咸，牛肉份量不算太少，肉質不韌，整體不錯。所有飯麵均包一杯飲料，凍飲加三元，就點了凍奶茶，茶味和奶味都算濃，起碼喝到後來，味道也不會太淡。總結，味道價錢均合格勝在座位多，容易找位子座位也算舒適除了普通正方形二人桌也有環形梳化位坐得舒周之餘，又方便談天

同老豆落街食飯,見個餐單果蒸肉餅魚咁普通,所以叫左個牛肉炒芥蘭同鐵板豆豉爆雞件,d餸睇落都幾ok,香噴噴,碟雞件仲要"炸炸"聲,牛肉炒芥蘭用左xo醬加少少辣椒,老豆年紀大都話ok唔太辣好夠味,炒得幾香口,個爆雞件都幾正下,可能個鐵板上果陣夠哂熱,d雞真係好好食,不過我嫌d豆豉唔夠味,冇左碟野嘅特色總括而言係好食嘅,自己食過好多次百分百已經知道邊d菜式唔係咁好食,今次難得試到兩味餸都唔差,所以特意係到推介下比黎食晚餐嘅各位

蕃茄湯，以為很濃很鮮，豈料只是普普通通羅宋湯般，加幾粒蕃茄在碗邊。餐肉漢堡扒浸了湯，沒有特別。蒜蓉牛油多士，不太厚，牛油蒜蓉均只有少許，中間位置才有，其餘位置則空白，幸好烤過不致太寡。咖啡又是像宜家那種免費咖啡般，味淡不香，沒趣。閒日星期一獨個兒吃個早餐才上班，絕對是悠閒養生之道。這菠蘿包配熱飲早餐似乎更吸引