影片
以上资料只供参考，请与餐厅确认详情
招牌菜
今日放假，女友难得黎东区，同佢行下，去左蓝湾。女友叫左个胜瓜什锦泡饭，我叫左个上海嫩鸡煨米线。泡饭好快，三分钟上到枱，大大碗，味道正常有味精，胜瓜新鲜，菌类菇类都够味。但我碗米线就等左好耐，约莫20 分钟 （正常7-8分钟有得食是常识吧）。终于，米线上到枱，我已经饿到要食住女友碗野充饥。一望碗米线，心谂咩事。成个红海咁，超多蕃茄。我眉头一皱，马上𥄫一𥄫张单，无错呙，系落左一碗「上海嫩鸡煨米线」，我举手叫侍应，问系咪黎错左，位侍应话去问问。一阵返黎，竟然同我讲「上海嫩鸡煨米线系有蕃茄」嘅。哗我当堂吓一跳！事关佢讲既野系咁超乎常理，但佢又讲得咁理直气壮。咁我好客气咁请佢可否入去厨房问问，佢有啲为难，但都去左。出到黎又有另一套说法，话：「因为最近厨房转左师傅」又加一句：「碗米线你一系食，一系就同你取消左佢。」听到呢到，我一向食完蕃茄先会发作嘅胃痛竟然俾佢引发左，伴随少少怒意，谷左个笑容出黎同佢讲：「咁取消佢啦唔该，因为我唔食得蕃茄架。」讲完，我女友已经食完碗泡饭。渣渣林埋左张单，过隔离麦当劳买个包食好过。
继续阅读
呢间餐厅可以用有限公司形容，食物，饮品，餐巾都有限度供应，个餐牌都唔系多选择，仲要呢样无𠮶样无，想食件奶酱多都话要等下午先有，叫冻饮无冰，饮冻柠茶无茶！食排骨面无排骨。。。等！都不只一次，我想问每日开铺前唔系应该要备好当日嘅货先开工嘅咩？为什么开工几个钟就呢样无𠮶样无，招呼都唔好讲，一定无！厨房人多但唔知点解要等好耐，到等到又唔知佢哋煮咩出嚟，与事实不符，我试过叫碟五香肉丁饭，等咗一轮出到嚟，成碟饭数埋都唔够5粒肉丁！成碟都系饭。。低呀！叫碟干炒牛河成碟都系河粉，牛就唔知系咪碎咗酱油煮到黑蚊蚊 。。等！我未见过一间餐厅班员工成日比客闹，而呢班员工又无改善好似习惯了，个个都行得快好世界，当睇你哋唔到，如果唔系成个邨得呢间餐厅无得拣，有谁会愿意再去！
继续阅读
人生第一次在小西湾吃早餐，选了这餐厅，这也是我第一次光顾这集团，装修有点特别，是将D推介食物名用铁牌挂在墙边，选了一个叫百份百早餐，其实有炒蛋、火腿、包、汉堡扒、豆和一杯饮品，还可加钱多一个通粉，食物全一般，无惊喜亦不难吃，但杯咖啡相当特色，有少少咖啡粉在面，倍加口感。吃吧从商塲推门向海那边已是小西湾公园，亦是海边，行一行，坐一坐，看看对岸风景，超舒服。
继续阅读
《2015 年 1 月》 这日返娘家探妈妈见楼下开了间新餐厅 ... 就约埋妈妈去试新野 一睇个餐牌就比这个 ... 犀飞利 ... 肉丝炒面 ... 吸引住犀飞利 ... 个名好劲 ...其实就是 ... 肉丝炒面 ... 好啱至钟意食的香口野囝囝囡囡可惜这日两只小魔怪都不在 ...就由都是钟意食香口脆卜卜野的儍爸试食完再带佢地嚟食 面条炸得金黄又脆卜卜，肉丝的分量都不少钟意它将肉丝及炸到脆卜卜的面分开碟，食的时候至淋在面上面咁就不会整 "林" D 面 ... 食时仲是脆卜卜 我就点了一份下午茶餐 ... 地道上海粗炒配热咖啡** 以上分享是以我的口味、喜好及情况作出分享及感受，合用 / 一试与否请自行决定
继续阅读